( الحكايه الثانيه ) من حكايات الخطابة ام مشلح

أسمي , الثانيه , الخطابة , الحكايه , حكايات

( الحكايه الثانيه ) من حكايات الخطابة ام مشلح

السلام عليكم ورحمه الله وبركاته شخباركم يا أحلى أعضاء ورجعت لكم من جديد بالسالفة صغيره حلووه انا عارفه تأخرت عليكم بالقصص لكن كان عندي ظروف ورجعنا لكم من جديد نبداء القصة مع ام مشلح صار لى فتره محد عزمني فى زواج وأنا شغلي يعتمد على الزواجات عشان أناظر في هل البنات الظاهر الناس تعقدت مني ماشفت فيه فايده فى يوم من الايام وفى لحظه هدوء فى منزلي مع الاسرة الكريمه جالسين فى الحوش ناكل ترنج اصفر دق جرس الباب وتتدخل بنت ومعها بطاقه دعوة زواج ويافرحتي يوم شفته البطاقه جاء الفرج والخير هل علينا من فرحتي صرت ارقص قبل العرس وجاء موعد الزواج وجهزت نفسي وطلبت من ابو مشلح يوصلني لكن رفض الاخ وسبب انه حالف مايوصلني اي زواج يقول مشاوير وتعب من غير فايده فاضطريت يوصلني مشلح وليدي الحبيب سيارته ددسسن 85 غمارة واحد مافيها مكيف ولا مسجل شاريها 2000 ريال من هندي بيسافر سياره تفشل بس مجبوره اركب فيها ماعندي احد غيره يوصلني العرس وانا ماصدقت على الله احد يعزمني المهم جهزت نفسي وكشخت ولبست وتوكلت على الله ورحت العرس دخلت القاعه ماشاء الله كل شي فخم فيها الكوشه والطقاقه و فرش الطولات والكراسي و البوفيه كل شي جنااان طول العرس وانا عيني على البنات وكان اشوف لى بنت ماشاء الله عليها كانها غزال جمال ودلال ودلع حطيتها فى راسي قلت هل البنت لازم ازوجها ولدي حبيبي مشلح على رغم انه جيكر وشين مايستاهلها بس على الاقل تغيير النسل يجيبون لى احفاد حلوين مثل هل العالم ههههههه وطول العرس وانا وراها اذا قامت قمت وراها اذا رقصت رقصت معها وادعي وترزز لها المشكله هي ماتعطتني وجه وانا لصقة فيها مافي فكه احس البنت زهقت مني لكن انا ماهمني لان فى راسي موال اخر شي جيتها بعد العشاء وعلى طول سلمت عليها تميلحت لها شوي بعدين سالتها انتي بنت مين جاوبت على وهي مالها خلق قالت انا بنت فلان بعد تفكير طويل عرفت امها وعرفت بيتهم وين مكانه سألت واحد من المعازيم قلت لها وش اسمها قالت اسمها نجود انتهى العرس وانا ماحسيت فيه طول الوقت مبققه عيوني فى هاالبنت وناسيه الدنيا جاء ولدي المربوش مشلح وخذني من العرس وعلى طول قلت له عن البنت وطول الطريق وانا مدح فيها وهو مسكين عاش معي جووء قال تروحين تخطبينها لي بكره قلت له ابشر خير البر عاجله واول مره مشلح يتفق معي على شي ويتحمس له جاء ثاني يوم وبتحدد بعد العشاء ولبس عباءة الزيارات وعلى طول عند باب اهل البنت وبصراحه ام البنت استقبلتني احسن استقبال ترحيب وضيافه مرره حلووه قالت لها شوفى يا ام محمد من غير مقدمات انا جايه فى سلامتك ابي اخطب نجود حق ولدي مشلح الام جتها صدمه قالت لى وش قلتى قلت لها ابي نجود انا امس شفتها فى العرس وعجبتي اخلاق وادب وجمال وحضور وكشخه قالت لى تسلمين على كلامك ماقصرتي قلت لها خلاص اعتمد الموافقه قالت لى لحظه بس خليك دقيقه وبرجع لك انا انبسطت الام شكلها موافقه ومبسوطه شوي ودخلت نجود وسلمت على وجلست تسوالف معي واجلس امدح فيها وامدح فى مشلح وفى شغله وفى سيارته والبنت تبتسم بكل هدوء وانا سعيده وواثقه انها موافقه ثواني وتتدخل علينا بنت صغيره عمرها 5 سنوات مثل القمر وتركض عند نجود وتقولها ماما ابي كاكاو قلت لها مين هذي قالت بنتي قلت لها انتي متزوجه البنت ضحكه قالت ايوه متزوجه وعندي 3 عيال وقالت لى امها وش فيك ياام مشلح شكلك نسيتي انتى اللى جبتي العريس لها و حضرتي زوجها من اكثر من 8 سنوات ماعرفت وش اقول انصدمت وانحرجت ودار راسي وصرت افكار يمين وشمال قالت لها طيب عطيني بنتك الثانيه ابتسمت قالت ماعندي غير نجود مخك فيه شي اليوم ياام مشلح فشلت فشله قوويه يا جماعه الخير اعتذرت منهم من غير شعور وطلعت وانا محرجه منهم جاء مشلح قال لى وش سويتى ياالغاليه قلت له المقرود مقرود البنت متزوجه ومالك غير بنت عمك الساحره الشينه مكتوب على احفادي شيون مثل وجهك وجه امك يلا البيت وانتهت القصه بافشل الخطوبه وش رايكم فيها هالله هالله بالردود اللي توسع الصدراذا عجبتكم السالفه

المصدر: منتديات تراتيل شاعر - من قسم: وسع صدرك وخليها وعليها ▪●

---

( hgp;hdi hgehkdi ) lk p;hdhj hgo'hfm hl lagp Hsld hgehkdi hgo'hfm hgp;hdi p;hdhj