عبر عن حالتك النفسيه ببيت شعر...متجدد

توقعتك اذا مر السحاب بصادق الأمطار
يهزك طاري الذكرى وتركب للغلا غيمة
على ارض بها جف الوصال وماتت الأعذار
تجي تسقي مداهير الغرام وتنتثر ديمة
اثاري كل مااخايل بروقك تخطي الأخبار
سحابة صيف لومرت تعدت ماهي مقيمة

بوحي

‏ترا مكانك لا خلا منك ينعاف ..
مثل الليالي لا خلت من قمرها

يازمان فات ماشفت انا زيه
يوم ممشانا على سلم الاجدادي

ياغيمة الحب غطينا باكتانك
ضمي مشاعر قلوب الحب ياغيمة
اسقي عروق الضمى من فيض هتانك
زيحي غبار الجفا تكفين ياديمة
لاجل الغلا ضمي الروحين باحضانك
حبايب بعاد00 ماللحب من قيمة

بوحي

‏لا تقول لي شاللي احبّه فيك
ابك انت شاللي فيك ما احبّه !

يامسوي الشوق سو اشواقنا دله
واسكب لي الحب من مشروبك الكايف
بهر لي الود وان فاح الغلا زله
خلك بزلة جمموح العاطفة رايف
فنجال حبك لذيذ ويطرد العله
يطرب له الكيف يالي بالغلا نايف

بوحي

,



كيف أغنّي و إللي ضيعته " لحن " ؟
كيف أسَيّل نبرةٍ عيّت تسيل !

اللحن ترحال و الكلمه وطن ،
و القلوب أجساد أرهقها الرحيل .

‏حياتنا مثل الشريط المنوّع
تعومسك حاجه وتطربْك حاجه ،!

اقرب من الأنفاس واغلى من الروح
ياقـــلب يانبضـــات ياشـــوق واكــــثر
ياغـــيمة برقــه على الخـــافق يلــوح
ماها عــلى قـــلب الهـــواوي تــنـثــر
عســـاه يروي لاهما ضــامي البــوح
تمشــي عــروقــه بالغــلا ويتـخــثر
علــه يربع بالعــطا يابس الدوح
ربيــع قـــلب لا مـشــابـه تـعــثـر
بوحي

وغرورُ دنياك التي تسعى لها
دارٌ حقيقتها متاعٌ يذهبُ .