عبر عن حالتك النفسيه ببيت شعر...متجدد

من شيمتي شمت واعطيت الموادع امان
ماعيش مع ناس ماني بميت(ن)دونها

ماعود للحب لو انه عطاني حنان
حتى لو ان البقر حجت على قرونها،،

استغفر الله كل ما اصبحت وامسيت
عن كل ذنب في الحياة اقترفته
وابقدرتك ياخالق الحي والميت
تعطيني الي في صلاتي طلبته

بوحي

العمر رحلة وذنب العمر تابوت
والآخره تفصل الطيّب عن اللاش ..

يعيش الانسان ما يدري عن الموت
ويموت فجأه كأنه مابعد عاش..

تعال أقهويك من كيف الغلا دله
‏سويتها فوق نار الشوق لعيونك
‏
‏مادام عرش الغلا فالصدر تحتله
‏لوتكثر الناس حولي لا يهمونك

يالله عسى تفرج لصدري ليا ضاق
وتبعد مراكيب الحزن لا تجينـي..

أضيق وأكتب ما بقى فوق الأوراق
يا ليت ضيقي دين وأسـد دينـي

الصور والرسايل والغلا والجروح
وألف كلمة من شفاهك على مسمعي

ذكرياتك تلاحقني وأنا وين أروح
وين مارحت فالدنيا أحسّك معي

ياللـه ابعدني عــن دروب الخــطا
وعن دروب الشين تبعدني بعيد
واحمــني ياللـه في ســتر وغـطا
عـن عــيون الجن وعيون العبيد
والعطا يامالك الكون العطا
عطني الحكمة مع الراي السديد
خلني وسط الجنان موسطا
في نعيــم ياالــه مــايــبــيـــد

بوحي

ودي اعبر عن شعوري واعلمك
عن كل شي يخصني واستشيرك .
الا بعد ودي اجي لك واسلمك
قلبن تعلق فيك من دون غيرك

‏-

وكل ماظنيت أنك بـ الحنايا،
أفرح بـ الله. ظنك في محلّه

يعيش الانسان ما يدري عن الموت
ويموت فجأه كأنه مابعد عاش..