عبر عن حالتك النفسيه ببيت شعر...متجدد

لمت الزمان الي على الحظ عيا
حظ عنيد ولايم الوقت غلطان
والي بغيت بدنيتي ماتهيا
طال الزمان وقاسي الوقت مالان


بوحي

يجــن شــوقي على شوفـــه .. واناديلــه
...........و أخيــل طيفه وكنــه جالس بـقربـــي
بجـــنون أحـــبه وأنا والله كلــــي لـــه
..............ودي ابــوح بــكلامٍ طال متخـــبي
ابي اكــون الــونيس ان طال به ليــله
............وابيه عــز الخــوي لا طال بي دربــي

ماغـــيره اللي لــذيــذ الحـــب ياتيــله
..........ويجــن شوقي ليا من قال يــاقلبــي )

الليل راح ونور الاصباح لاحي
مايهتني قلب كسير ومغبون
وسط العتيم عيون ترقب صباحي
تسهروليل الهم ماتمرح عيون
عل الصباح يجيب معه انشراحي
عن ليلة طالت بها القلب محزون
لفت عليه الهم مثل الوشاحي
تستدرجه للبوح والسرمدفون
واليوم ضاق الحال والسد باحي
وعبرت عن حالي بغربال ذالنون
بوحي

‏كل الدروب الفارغه تشبهك أنت
‏لا لي وطـن عقبك ولا لي مدينه!

ودي أغني لك جنون القصايد
. . . . . . . . . . . . . . من بحتي ياطاري الشعر وش جاك ..!!
يعيش بي تاريخ سلم وعوايد
. . . . . . . . . . . . . . و يموت بي تاريخ / شوفك وطرياك ..!!

ينام الضيق في حضن الوحيد وتسهر اعيانه
وتبدا للتعب قصة يسولفها ظلام الليل
على جور الزمان الي جفاه وصك بيبانه
تحمل منه مايكفي من حمول تهد الحيل
وقلب كل ماحل الظلام وزادت اشجانه
جلس يكتب من ابياته على جمر الغضى والهيل
يبي نظم القصيد الي نخاه يبدد احزانه
مادام ان الهجوس تسامره ليل الشقى تعليل

بوحي

تقول خذني لك و انا اقول حياك
قلبي وطن و ضلوع صدري / معابر !

انت تعال و اعتق الشوق بـ خطاك
كلي دفى و احساس و احلى مشاعر ..

مابقى في جعبة احلامي كلام
دامك اغتلت المنى واخرستها
كل ماجيت انده بصوت الغرام
شفة اصوات الوصال اسكتها
ماتت اللقيا قبل كف السلام
فرحة العاني بيدك اغتلتها

بوحي

‏ي مآخذ قلبي من بينهم كلهم
انتبه لنفسك و آمان الله عليك

ابي ياورد لو تسمح تذوب براحة يديني
ابا اضمك وابا اشمك وابيك تعانق انفاسي
ابي ريحة شذا عطرك تبات بدافي حضيني
وابسقيك الغلا من صادق الأشواق واحساسي
بوحي