عبر عن حالتك النفسيه ببيت شعر...متجدد

اسمك بقلبي يالغضي صار منقوش
نقشاً مع النبضات بالدم سالي
تقرا حروف اسمك لو الصدر مفتوش
وتشوف لك صوره رسمها خيالي

⠀ أحبه كثر مَ القهوة يروق هيّلها الأعصاب
⠀ كثر مَ عطرها الفايح يقنّد بالمساء رأسي !!

مانيب متكبر ولانيب مغرور
عندي على كتمان بوحي قناعه
من قدر ظروفي على الصمت مشكور
كثر السوالف في المجالس بشاعه
بسكت واخلي حرف الاحساس مقبور
تبقى المشاعر في خفوقي وداعه
خايف ابوح بصادق احساس وشعور
على خفوق مايقدرسماعه
اندم ويصبح خاطر القلب مكسور
وتزيد حسرة خافقي والتياعه

بوحي

ـ أشْواق ، ماقصّرَت فيني ، ولا خلَّت :
ــــــــــــ القلب يبقى مكانه في [ قفص صدري ]

عنّك ، أصِد بْـ سلام .. ورِجلي إنشلَّت
ــــــــــــ وشلون لا كنت تطعن من ورى ظهري

ياهاجس الذكرى على القلب طليت
وش ذا الطواري فيك يالله عسى خير
كم مرة ناداك بالي وصديت
اختل وجودك بين الأفكار وتطير
تدري خيالك كل ما اصبحت وامسيت
يهجم على بالي مع الشوق ويغير
دايم يفاجئني وانا ما استعديت
من قبل لايعطي هل البال تحذير

بوحي

ماغبت عن قلبي ولا هان طاريك
أتابعك بـ اليوم .. ساعه بساعه

من يبيعك لا تسومه لو يساويله عرب
ومن يقفّي لا تناديه لو خفوقك يعشقه

البرد ماهو رجفة إيدين وعظام
البرد برد الروح لاغاب غاليك

لبيه ياعين إبوي و عين جداني
لبيه ي قطعة مني و أنا منه
غلاك عندي دخيل بوجه شيباني
و غلاي عندك مانيب ناشد عنه

ليل بدا والنفس بالحيل ضايقه
والحال تتعب لاكسا الليل ظلام
جتني هموم الليل كوم تبارا
طاحت على قلب بقايها حطام
تجمعت بالقلب من كل نية
ابعدهم الي على القلب حشام
مدري ابري النفس والا الومها
لاصار طبع النفس طبع كرام
هذا جزا من هج للناس قلبه
عليك يانية هل الطيب سلام
بوحي