دفتري والأيآام..

يالحـــبيبة كل مافيني مريض .. من خذاك الوقت وايامي بغيـضه

فيني من الهـم همـاً لو يفيض .. ماتشــيله صـفحة الكون العريضه

السهر حفظني الليل اتحـفيظ .. كن له في دمعتي عيوني فريضه

ليت قلبي من غرامك يستعيض .. كان ماذقت المهونـه والغميضه

ليـه بـدلتي هوانا بالنـقيض .. وين ذاك الحب والروح الغضيضه

عودّي قبل الليـالي تسـتهيض .. لاتخلـّين الجفا يمـتد غيـضه

دام برّاق المحبـّة لـه وميـض .. باقياً لك في رياض الحب فيضه


فهد السطامي ..

صـباح الخيـر على الجميــع ... اعتذر عن عدم اكمال اليومية امس
لظروف المدرسـة


* من تقريباً 13 سنة وانا متابع للكورة وللهلال تحديداً بشكل كبير ومافّوت ولاجريدة ولا اقصوصه ولالقاء ولاشي الا واتابعـه .
لكن حقيقةً من عقب مازاد التعصبّ وصار فيه جمهور فقط
لمشاكل التعصب واثارتها , صار عندي كره للرياضه كلها
وانا من النوع اللي اذا طاحو الناس بالشي اتركه

& والحقيقة الاكبر اني من بعد نهائي سيدني وانا خلاص
ماعاد لي بالكورة ابد .. واتابع مباراة وافوّت عشر

طيـــب خـــاطر ..

قبل شهر تقريباً كنا بمزرعة واحد من الشباب وهو كان
يبي يغيّر المكيف بس ماساعدته المادة وبعد كم يوم
حصل واحد من اخوياه مكيّفه وجابه والحمدلله ركبه
بس ان صاحب المكيّف طلب من صديقي انه يقابلنا جميع
وكان دايم يقوله ودي اقابل اخوياك واجلس معكم ساعه
المهم جلسنا وتقهوينا الشاهي وجربنا المكيّف جميع
يوم جاء يروح لحقته بالفلوس وقلت يافلان خذ حقك
قال لايابوخليل امر الله من سعه وانا ماودي اضغط على محمد
قلت يارجال تراها 500 .. خذها بس
قال لاوالله ماخذها وابد مايضيع شي الشهر الجاي انشالله اخذها منكم وبفوائدها بعد .. طبعاً كان يمزح
الحقيقه كنت اول مره اقابله واعجبني بطيب اخلاقه
مع انه كان محتاج ذاك الوقت وانا عارفه , المهم مر شهر الا 4 ايام واتصلت على زميلي ذكرته .. قال ايه انشالله كلها يومين
واحولهن له ,, وبعد يومين من الكلام صار عليه حادث وتوفّى
صاحب المكيّف ,, سبحان الله كان يواعدنا للشهر الجاي واصّر على كذا ومحد جاء بباله اللي صار , حقيقةً كلنا تفاجأنا بالخبر
وكأننا نعرفه من زمان ,
الشاهد بالموضوع ان طيبة النفس والخاطر تفوق كل خُلق
ومنبع من ينابيع القناعة اللي ماتنضب .

كما اسأل الله الذي منعه المال منّا ان يبدله بجنّات خير منها

الاهــــتمام .. منّي للجميـع اهــداء

مجــبور عليــه ,,, وشي محبّب لي

تعــــودّت ان اقابل به الجميع ,, له بال طويل معي بس اذا راح خلاص ماعاد يرجـع

*كم احـب البسـطاء المكــافحيـن

* كــم اود ان اغمض عليه جفون العّز والفخر

* كـم احـظى بالحديـث معــهم

* كــم وددت تقـبيل رؤوسهم لكل موقفٍ عزيز

* قمة الشرف ان تخـاطب اُناس اجسادهم بالارض وهمتّهم تعلو الثرّيا

# أُجيــد العزف على آلـة النـآي .. بعيداً عن الناس

وتحديداً على بعد 30 كـ .. عن ابراج الاتصالات والهاتف

وخـطوات الناس واصــواتهم .. مكان لم يأتيه احد منذ عقود

ترتـاح فيه الانفـس والخواطر

احـد القصائد التي احفـظها عن ظهر غيب منذ الطفولة ولازلت ارددها لفنّاني المحبوب .
لكي لاأنسـاها .. :


اداري جـرح قـلبي قد ماقـدر .. ولاحدً عـن جروح القلب داري

على هالحـال مر سنين واشهر .. وانا ليـلي مواصل مع نهاري

يقول الحب سرّه صعب يظهر .. واقول العكس يظهر له مواري

ياليت الحب يوضع له معسكر .. على الرغبات مايوضع جباري

لجل اهـل الغلا تفرح وتسـتر .. على وضح النقا ماهي غـداري

اقوله يوم انا حيـل مضـطر .. واحس ان الهوى بالدم جـاري

قفـلت القلب عن ابيـض واسمر .. بعد ماحل به سيد القماري



وأداري جرح قلبي ... قد ماقدر

# انا من النـوع البارد كثيراً يعني بالسيارة امشي بركاده وكل شي بركادهـ عندي .. الحقيقة لاني استمتع بمشاويري لذلك ماقضيهن بسرعه .


اتّذكر مره جيت من المزرعه الفجر ونمت بالطريق من موت الحيل وكان رمضان ولاقدرت اشغّل اغاني او شي , نمت ولفّت السيارة على نخيلات بسيطه
والحمدلله جت سليمة المهم اني عدلت شوي قعدتي ونمت الين جت الساعه 9 قمت من صالي الشمس
واتصلت على اخوي واخذني والعصر رجعت لسيارتي وصلحتها (( امر الله من سعه .. والدنيا مهيب طايره )


هذا شعـاري الامثل .. بالشغل او المشاوير

# نصيـحة اذا جت ببالك فكرة مفاجاة او شي مفاجئ ..
لاتخليه وتنسـاه .. سجلة بالجوال بالدفتر باي شي

لان مثلاُ مقدمة الكلام او اللحن او صيغة العبارة قد تمر ببالك للحظة
وبعدها بخمس دقايق تذهب ..

تصدقون اني سمعت عن شاعر عربي قديم من عصر الاموية
كتب مايقارب الـ 96بيـت شعري .
وبالصدفة دخلت عليه زوجته ودار بينهم حديث .. وانقطع حبل افكار الشاعر وتشتت ملامحها الشعرية وعجز ان يكمل 4 ابيات لمدة سنتين
تخيّلو .:

جاب 96 بيت .. لكن عجز عن 4 عشان تكمل الـ 100 .

هذا هي الافكار وتواردها تأتي حين وتغيب احيان .. استغلوها ياهلي

لاتبـحث عن الحـب بلهـفة العطشان ..

فقــط اجعل قلبـك يسمع النداء .. وهو سيُجيب عنك

* اتمنى ان يكون الجميع مستمتع معنا ..


* واخيراً .. انتهـى يومي ياندّوش ولم يـعد ملكي

الثلاثاء .. 1438-8-6 .. الثالثة ظهراً


واختـار بعدي ... الكاتبة والفذّة : *غيــــم *


نأسف بحيث ان غيم كان لها المشاركة سابقاُ ونختار الاديبة الراقيه : لاشـيئ