دفتري والأيآام..

أنتهى يومي ولم يعد ملكي

واترك الاختياار لصااحبة الموضووع الله يسعدك ندوووش

اقتباس:

المشاركة الأصلية كتبت بواسطة الريم

أنتهى يومي ولم يعد ملكي

واترك الاختياار لصااحبة الموضووع الله يسعدك ندوووش

ريوومه ..كلماتك احرفك
أروتنا حد الإكتفاء
لقلبك بياض لا ينتهي
ويسعدك يارب

يسعد مساكم ال تراتيل
لنا وقفه جميله ويوميات اجمل
مع احرف وكلمات
الاخ (ابو خليل )
حيياك الله اخوي

الله يحيّيك ويـبقيك .. ياندّوش
وكلنّا شرف والله بالتواجد بموضوعك .
وان شاء الله يعجبكم مايُكتب بالدفتر لهذا اليوم .

بسم الله نبدأ ../


يالله حّي كل من تواجـد هنا ..
وشلونـكم عسـاكم بخير وعافية

معــكم اخوكم :
ابـراهيم حمـود ..
الملقّب بـــ ( ابوخليل )
والناس ينادوني ابوخليل من قبل الدراسه
يعني كنية من ايام الطفوله كـ تمليح وطوّلت معي
الحقيقة وصلت مرحلة ادّور اللي يناديني بـ ابراهيم

مُحـب للفن عامة .. متابع للمسلسلات والافلام والمسرحيات العربية القديمة بشغف ,
حقيقةً لاأعتبر مايقّدم في جميع انحاء العالم العربي فن ,, لتغيّر المعاني والمقاصد .

* أُجيد التفاعل مع الحديث ولكن لاأعرف كيف البدأ فيه .

* اعاني كثيراً من مشكلة العمر في المنتديات فـ كل عضو يشكّل لي عمر والمصيبة اني من 2007 الى هالسنه 2017 وانا مثبّتهم على نفس العمر


* فضـولي جداً بحياة من اعرفهم , لدرجة يومني صغير مره كنت اسأل امي عن طاقيّة اخفاء البسها وادخل بيوت حارتنا ,, ودي اشوف وش يسوون الحين


* من كان عمري 7 سنين الى الحين وكل من شافني قال : منين الاخ ؟ ,, شكلك قدييم
لاني طالع على جدّي بكل شي حتى الملامح والحركات لذلك ملامح وجهي غريبه عن عيال هالجيل او جيل السابق


* بُشرى سارّة لاهل المنتدى مافيه غيركم اعرف باللي اكتبه من قصيد وكتابات .. ماغير انتم وثلاثه بس
والا برّا المنتدى اصكّها حوله كني مافهم ولاعرف شي
استمتع اذا سولفو عن الشعر والادب واشوفهم على خطأ بس اسكت احب هالمواقف ذي


* يظن الجميع ان كوني من عشّاق الفنان عزازي ان ذوقي فقط له .,؟ لا ..
انا مطلّع على كافة الفنانين قديمهم وحديثهم والراديو ينقل لي كل جديد وفيه كثير من الجديد يعجبني مره


* يحزّ بخاطري اذا سمعت اي سالفة مضمونها معاناة حرمة سعودية مع سوّاق والا شاب والا شي .
ويضيق صدري واقوم من المجلس , لذلك اخوياي اذا جلست بمكان مايجيبون لهالسوالف طاري . !


* اقدّر السوالف واهلها كثيير , خصوصاً اللي يعطيك من عمره ويسولف ويسولف اهم شي ترتاح له ويرتاح لك , لذلك دايم تحصلوني بقسم الالعاب .

* اهوى الاستماع لحياة الاشخاص ومشاكلهم . وممكن اجلس ساعات متواصلة بس لحل مشكلة وحده

اول مابدى .. بقولكم موقف طريف شوي
حصل قبل كم شهـر .. :

فيه صديق مقرب لي جداً .. واذا جاء يصلي الفجر
اللهم عافنا يصير مره متخدّر من النوم وكل يوم القاه
باخر المسجد نايم مايقوم الا اذا اقام الامام
قررت ذاك اليوم اقعد بسيارته بعد الصلاة واهبله
يوم طلعنا ركضت للسياره وركبت السياره بصوره
من يوم ركب والله العظيم جالس خمس دقايق كامله
يتحلطم على اهله وعلى روحه وشوي كلام مافهمته

اللي اخذته منه يقول : كل يوم تسذا انا اللي اروح اكرف والله ملييت .

يوم انا خلاص عجزت اتحمل روحي وعاض على شماغي واكركر بصمت بعد شوي انفجرت ضحك وهو انهبل ووقف على جنب ويوم فتح اللمبه مات ضحك يوم شافني ,, قال والله اني اسمع نفس بس قلت يمكن ذبّانه والا شي

وبعد الصلاة تقهويت وقعدت ورحت للدوام وانا للحين اضحك عليه مسيكين .

المهم ان الرجّال له كم شهر وهو ماينزل الا وهو مقفّل سيارته ... ههههههههه

# مع مرور الوقـت وكثرة التداخل مع المجتمع ادركت ان الاهتمام وحده هو الذي يجذب الجميع .. هو الشعور الوحيد الذي لايمكن ان لاتبادل من يهتم بك

قد نرفض ونمل من كل الاشياء .. حتى المال

ولكنك لن تمّل الاهتمام وصاحبه

اكـبر المشاكل اللي تواجهني هي حب السـهر
وعدم النوم ليلاً , صراحة الواحد من 12 الى 3 يكون رايق
حتى ولو مانام بالنهار , بس سبحان الله نسناس الليل يرد الروح .

صبـحّكم الله بالخيـر جميعاً ..

نحن نحدّث بعضنا من خلف الشاشات ولاندري اي الظروف التي تمر على من يحدثّنا , ليتنا لانتسرّع بالحكم على الجميع
ونصيحة : دعونا من التذمّر والشكوى و(الشرهه ) , فانها نافذة تنبعث منها رائحة الفراق وعدم الارتياح

حالياً .. صرت ابحـث عن الحسابات قليلة المتابعة لاني مدرك انها جيدّة ولكن ماخدمها المجتـمع , اي نعم الجيد يفرض نفسه
ولكن المجتمع المشاهد اصبح له طقوس معيّنة ماتعجب الكثير من الناس يا تتغّير معهم وتميل لهواهم والا من بكرى ماراح تلقى اسمك بأي مكان .. والمفكريّن الصادقين الوافين قررّو الابتعاد عنها لذلك هم قليلون في المتابعه .

مسـائـــكم رضــا وجنّة من الرحمن ..


حقيقةً اســــتمتع بالكثير والكثير من الاقلام الفذّه في هذا المنتدى
واسعد كثيراً بالنشاط والمشاركات والفعاليات التي اراها ..
ودوماً ادعـو الله دوام هذه النشاط وهذه الالفه والمحبة بيننا