روايةأما غرام يشرح الصدر طاريه ولا صدووود وعمرنا ماعشقنا/14

ناظر باخوهـ اللي جالس قريب منه..
ونقل عيونه بين عياله وعيال أخوهـ..
وحتى أخوانه عيال عمه كان عندهم خبر بالموضوع من الفجر..
يبيهم يكونون عون له ويوقفون معه..
سما بالله العظيم وبصوت واثق وعالي..
أبوعلي\الساعة المباركة يوم أجتمعتوا الليلة عندنا..
وأنا يالوجيه الطيبة جمعتكم ومقابل ربي فيكم..
أنتوا هلي وعزوتي..وأنتوا سندي لا ضربني الزمن..
والرجال من دون قبيلته وناسه ما يسوى..
أطلبكم تسمعوني ولا أحدن يقاطعني..
لكم دين في رقبتي..عمره خمس سنين..
ويشهد الله إن ذا السنين مرت علي جايرة وقاسية..
أنا جيتكم قبل خمس سنين وأنتوا مجتمعين في مجلسي..
وقلت لكم تعرضنا لحادث وبنتي ماتت في الحادث..
ياهلي حن تعرضنا لحادث..وحادثنا كبير ويكسر الظهر..
بس ماهو اللي قلته لكم..
كلكم تذكرون سالفة الدم والقتل اللي صارت بينا وبين الجالي..
وإنهم طالبوا برقاب عيالنا هادي وسلمان وأنحكم عليهم بالقصاص..
رحت أنا وأخوي أبو راكان لبيت غازي بن جالي..وطلبناهـ الصلح وعتق الرقاب..
وقبل الطيب بالصلح وحفظ الدم والأرواح..
الجميع صاروا يرددون\الله يعطيه العافية..
والله إنه كفوو ورجال...جعلها في ميزان حسناته..
مايقصر ابو ذياب..رايته بيضاء..والله إنه نشمي يوم رضا بالصلح..

أبوعلي يكتم قهره\إيه رضا بالصلح ورجعوا لنا العيال بخير وطيبين..
بس أبو ذياب كان له شرط في الصلح..
وطلب مني بنتي زوجة له..

علت الأصوات في المجلس..
اللي يستنكر واللي ما يصدق..واللي يشره على ابوعلي ليش ماتكلم..
وقف علي وتكلم معهم بصوت عالي..
علي بنبرة عالية\صلوا على النبي يالسامعين..
شايبنا طلبكم تسمعونه ولا تقاطعونه..
إدحروا إبليس ولا تخلون له مكان بينكم..
مايدخل بين أحد الا وفرقهم..

بعد ماصلوا على النبي وأستهدوا بالله..
تكلم واحد من شيوخهم يطلب ابو علي يكمل كلامه..

أبوعلي\أدري إن الحق لكم تعرفون باللي صار وبمطلبه مني..
بس أنا كنت أبى ولدي يرجع ولا ابى أخسر بنتي..
والدنيا ما تجي على الكيف..خيرتني دنياي بين ولدي وبنتي..
أما عيني اليمين ولا عيني الشمال..ضاقت علي يا الوجيه الطيبة..
وشفنا إن النسب والقرابة بين القبيلتين احسن من الثار والدم مسفوك..
البنت وافقت على الزواج وسافرت مع زوجها..
بنتي اللي قلت لكم إنها ماتت من خمس سنين حية ماهي بميته..

.......\لا يا ابو علي لا..
كلامك منقووود عليك وعلينا..مانعطي بناتنا من دون حق..
أبوراكان\ياابن الحلال..وش من دون حق..
البنت تزوجت على سنة الله ورسوله..وهو خذاها معه..
2.....\وليه ما اشهرتوا الخبر بين المسلمين...
ليه زوجتوها بالدس والسر..؟؟
علي بقوة\كنا بنشهر الخبر..بس الظروف مارضت..
3.......\والسبب اللي قتل عشانه هادي ولد الجالي...
ماهو بسبب أختك..؟ليه قتله ومابينهم شيء..؟؟
وليه زوجتوها أخو المقتول..؟؟
هادي بغضب\تعقب وتخسي يالردي..
أشرف من شعر لحيتك..
3......\إلا أنت اللي تعقب وتنطم...
دام الزواج تم وعلى سنة الله ورسوله..
ليه قلتوا إن بنتكم ماتت..؟؟ليه تبريتوا منها..؟؟
أبوعلي بقوة\ما تبريت من بنتي..هي تاج راسي بين الرجاجيل..
3..... بقهر\فهمنا ليه قلت إنها ماتت..؟؟ليه دفنتها وهي حية..؟؟

غازي بصوت جهوري\أنا اللي دفنتها ماهو بأبوها...
3....... بغضب\ومن أنت..؟؟
غازي\نسيبكم غازي بن جالي..

تحولت كل أنظار اللي بالمجلس للي واقف عند الباب..
غازي وجنبه أبونايف وراجح..وباقي القبيلة واقفين معهم..
أبونايف\السلام عليكم ورحمة الله وبركاته...
الجميع\وعليكم السلام ورحمة الله...
أبونايف\مساكم الله بالخير...
جيناكم اللية يوم عرفنا بجمعتكم الطيبة..
حن أخوانكم وبني عمكم الجالي..

رحبوا فيهم قبيلة الجاسم وقلطوهم براس المجلس..
كثروا الرجال في المجلس..
فاضطروا اكثر شباب قبيلة الجاسم يطلعون برا المجلس..
ويفسحون المكان لضيوفهم..
ووقفوا بفضول عند النوافذ والباب..

بعد الترحيب واخذ العلوم والأخبار..
تكلم أبو نايف ..
أبونايف\حن ماعدنا باغراب على بعض..
الدم والثار اللي كان بينا راح وطوته السنين..
الليلة حن أنساب وبينا وبينكم ولد..
حن عمامه وأنتوا خواله..
ولدنا خذا بنتكم على سنة الله ورسوله..
طلبها له زوجة وهي وهلها رضوا..

3.........\الزواج إشهار يا ابونايف..ماهو بهرب ودس..؟؟
غازي بحدة\أبوها وأخوانها حالهم من حالكم..
خذيت زوجتي وارسلت خبر لأبو علي ..
إن بنته ماتت مع زوجها في حادث وهم طالعين جدة..
وبعدها ابو علي ماقدر يشهر الزواج واشهر خبر موتها..
لانه ماعاد يهم إشهار الزواج والبنت ميته..

أحد شباب الجاسم\وأنت بكل قلب بارد تموت بنت الرجال..
تقهره وتقهر هلها وأخوانها..
ليه تاخذها وذي نيتك فيها..
غازي بقوة\لأني ماكنت ابى أي صلة بيني وبينكم..
بوقتها كان دم أخوي لازال بثيابي وقلبي ماقد شفى من فقدانه..
خذيتها معي وقلت لها تنسى هلها وهلي هم هلها..
واليوم هدت النفوس وأمنا إن الدنيا فانية ولا يبقى غير وجهه سبحانه..
أرسلت خبر لهلها إن بنتهم حية..
ورجعتها لهم عسى تقر عينهم فيها..

أستمر الجدال بين بعض الشباب من القبيلتين..
والبعض يحكي القصة اللي قالها ابو علي للي ماسمعوها..

أحتدت النظرات بين غازي وعلي..
كانت اول مرة يشوف محمد غازي ويعرفه..
علي وهادي وسلمان عرفوه في إيطاليا..
وراكان يعرفه من ايام ماكانوا يزورونه عشان يقبل الصلح..

أبوعلي حس بنار تشب في قلبه لما شافه..
شاف عذاب سنين من دونها ومن دون خبر يطمنه عنها..
شاف إنكسار زوجته وعياله..شاف دموعه اللي ما جفت..
لو يقوم ويذبحه ويطفي نارهـ..
مرت في باله هديل ضحكاتها معهم وكلامها اللي طمنه عليها..
بس هي ماتبى ترجع له..

واللي تبيه بتلقاهـ ..
أستمع له كيف يبرر ويقنعهم بكلامه..
كيف يدافع عنها وكأنه الولي عليها وعليهم..
يتمنى لو يوقف ويصرخ بعالي صوته..
كذاب يالخسيس..طلبتها جارية وذليتنا..

طال الكلام وعلت الأصوات..
وتكفلوا شيوخ القبيلتين بحل الموضوع..

شيخ الجاسم\حن ومثل ما قال أبونايف..
صار بينا نسب وبينا وبينهم ولد والله يزيدهم..
الكلام في الفايت نقصان عقل..
زعلنا إن بنتنا بحكم الميتة سنين..
لو اشهرتوا الزواج كنا وغياكم إخوان وأهل من زمان..
بس حكمة رب العالمين فوق كل شيء..
مبرووك رجوع بنتك يا ابوعلي..والله يجعلها آخرت الأحزان..
ومبروك علينا النسب الطيب يا ابو ذياب..

بعد كلام شيخ الجاسم أنتهى الإعتراض رغم عدم الرضا من البعض..
قلطوهم على العشاء وحلف أبونايف إن عشاهم عنده من بكرهـ ..
الجاسم والجالي..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

سحبت جدتها يدها من فمها..
ناظرت باظافرها المجروحة من كثر ما عضت عليهم بأسنانها..
أم علي\يابنتي أذكري الله وش صار فيك..
الجدة بعصبية\كليتي لحمك يالخبل..نزلي يدك..
أم راكان\هديل وش مخوفك كذا..؟؟مابيصير عليك شيء..
عزيمتهم الليلة إشهار زواجك..
ماردت عليهم دموعها متحجرة بعيونها..
وكلها ترتجف وماقدرت تسيطر على خوفها..
صابها الرعب من شكل أبوها واخوانها بالسلاح..
وقفت بسرعة وصارت تمشي وتدور في مكانها..

قربت منها سارة ومسكتها بقوة..
سارة بعصبية\بنت إهدي لا يروح عقلك من الخوف..
أنتي خايفة منهم؟؟باذن الله مايصير شيء..
هديل بقهر\وخري عني..إتركيني..
سارة تهزها\إرحمي حالك وحال امك وحالنا..
لاتخافين أنتي عند هلك..
هديل بغصة\عند هلي...!
سارة بحنية\إيوهـ أنتي عند هلك..
ماعليك شر..

جلست جنب سارة وهي تستمع لكلامها اللي طمنها وريحها..
بس مامرت دقايق الا ويسمعون صوت طلق نار رشاشين كاملة..
وقفت هديل بسرعة وهي تصرخ برعب..
خرجت من الصالة تركض..
حاولت تفتح الباب بس كان مقفووول..
هديل بنحيب\يووووووووووبه...قتلوا ابووووي...
هااااادي...يووومه إلحقي علي قتلوا هلــــي..
قتلوا أخواني..لااااااااااااااااا....يوووووووبه تكفى تعال..
لاتموووت يوبه تكفى لا تموووووت...
غادة بخوف\هديل بــــــــــس حرام عليك...
ما أحد مات..تكفين خلاااااص..
هديل تضرب الباب وتصرخ\لااااااا قتلوا هلي...
قتلووووهم بسبتي..أقتلووني أنا..
أنا اللي هربت منكم..انا اللي أختفيت خمس سنين..
أم علي تبكي\بسم الله عليك..هديل يابنتي ما احد ذبح هلك..
إستهدي بالله..
هديل بإنهيار\إفتحي الباب يووومه بأرووح اشوف أبوي وأخواني..
إفتحي الباب..يوووووووووووبه..

قربت منها سارة وغادة وشالوها غصب عنها..
كانت تبكي وتضربهم وتقول إنهم قتلوا أبوها وأخوانها..
مارضت تهدأ ولا تسمع لهم..
طلعت غادة وأتصلت على أبوها..
طلبت منه يجي هو واخوانها داخل البيت بسرعة..

أول ماشافت ابوها دخل عندهم وقفت بسرعة وضمته وهي تبكي..
هديل بنوح\يوووبه لا تموت..
لاتخليني وترووح..لايقتلونك..
أبوعلي بحنية\بسم الله عليك..وليه خايفة كذا..
اللي سمعتيه من زوجك وأخوك..
هديل بغصة\جــ......ـــاء..؟؟
أبوعلي\إيه يابنتي جاء..ومعه شيوخ قبيلتهم..
هديل بحزن\مابأرجع له..
أبوعلي يطمنها\ولالك إلا طيبة الخاطر..
هديل بتاكيد\مابأرجع له..
أبوعلي يهز راسه لها\مابترجعين له..

علي يبتسم لها\عاجبك شكلنا..
الضيوف في مجالسنا وحن جالسين معك..
هديل بألم\لاتموتون..ما ابى افقدكم..
يوبه تكفى لا تقهروني فيكم..

ضمها ابوها وهو يهمس لها بكلمات..
يطمنها فيها إنه مابيصير عليهم شيء..

عبدالله بعجل\يوبه الشيخ أبونايف يبيك..
أبوعلي\يالله جايكم..
خرجوا العيال وهي مسكت يد ابوها..
هديل\يوبه من ابو نايف..؟؟
أبوعلي\من كبار قبيلة الجالي..
هديل بأمل\عنده ولد اسمه تركي ومسفر..؟؟
أبوعلي عقد حواجبه\من وين تعرفينهم..؟؟
هديل\يعني هو اللي يبيك..؟؟
أبوعلي\إيوهـ هو..بس من وين تعرفينه..؟؟
هديل برجاء\يوبه تكفى ابى اشوفه..
ابوعلي باستنكار\تبين تشوفينه..؟؟
هديل بغصة\يوبه انا اعرفه من إيطاليا..
هو كان لي مثل الأب..طيب وحنون..
أهتم فيني وعاملني مثل بنته..
تكفى يوبه دخله عندنا ابي اشوفه واسلم عليه..
ابوعلي\الله يجزاه كل خير..
بس يابنتي منقود وعيب تدخلين عندهـ..
هديل برجاء\بس أنا عشت معه ومع هله هناك..
بس أبى أشكرهـ واتسامح منه..تكفى طلبتك..
أبوعلي\يابنتي بتحرجيني مع الرجال..
هديل\تكفى يوبه..بألبس عباتي وطرحتي..
أبوعلي\طيب بأدخله المجلس الداخلي وباكون معه..
وانتي تعالي وجيبي معك القهوة..
هديل بفرح\إن شاء الله..

سحبت عباية سهى بنت عمها ولبستها بشكل سريع..
لفت الطرحة على راسها وتلثمت فيها..
مسكتها سارة ومسحت الكحل اللي سال من عيونها بعد مابكت..
أخذت القهوة من غادة وتوجهت لــ الضيافات الداخلية..
وقفت لحتى ينادي عليها ابوها..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

قرب من ابونايف بعد ماشاف أبوعلي يرجع لبيته..
غازي\خير ياعم..وش فيه ابو علي..؟؟
أبونايف بحيرة\يقول بنته طالبتني وتبى تشوفني..
غازي\زوجتــــي..؟؟!
أبونايف\إيه زوجتك..الله العالم وش في خاطرها..
يمكن تبى الطلاق منك..
غازي بتصميم\ماتدخل إلا وانا معك..
أبونايف بغضب\معصـــي..بأشوف أول وش تبي..
غازي\والله ثم والله ماتدخل إلا وأنامعك..
وإذا قال أبوعلي شيء فحلها معه..اناداخل داخل..
أبونايف\ياولدي خلني أعرف البنت وش تبي.؟؟
غازي\مابه مشكلة نعرف سوا..
أنا زوجها ولاني بغريب عنها..
أبونايف بتسليم\يالله ما اقدر أمنعك ..

مشى مع ابونايف وأنتبه لنظرات مسفر الغاضبة..
تمنى لو ماكانوا بين القبايل..
كان فضى باقي رشاشه في صدرهـ..


مشى مسفر في حديقة البيت بقهر..
وسمع شباب من قبيلة الجاسم يتكلمون عن بنت ابوعلي..
وباين إنهم ماأقتنعوا بكلام الشيبان في المجلس..
مسفر بصوت عالي\ماهي بمرجلة هتك الأعراض والكلام في بنات الناس بالباطل..
إن كنك رجال وقد كلمتك..قلها في وجه أخوانها وزوجها..
ولا إبلع لسانك وكل تبن..
تقدم واحد منهم ودف مسفر بقوة يبي يرميه على الارض..
تدخل هادي وراجح وأبعدوه عن مسفر..
مسفر\عد كلامك على أخوها..
..........\لاني خايف منك ولا من أخوها..
وبأقولها بصوت عالي..الثوب يشين شكله لا ترقع..
بدم حار مسكه هادي وتضارب معه بقهر..
تدخل مسفر وبدل لا يفكهم من بعض..
ضرب الثاني اللي كان يسب مع خويه...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

دخلوا الضيافة الداخلية وكان أبوعلي ينتظرهم ..
أنصدم لماشاف غازي بس ماقدر يمنعه أو يطردهـ بوجود أبونايف..
جلسوا في المجلس وبعد دقايق دخلت هديل والقهوة معها..
أخذها منها ابوها وهي جلست جنبه ورفعت راسها لأبونايف..
لماشافت اللي معه شهقت بصدمة..
وشهقتها خلقت الندم في قلب ابونايف اللي تمنى لو منع غازي مايدخل معه..
وابوها تمنى لو يقوم ويطلعها من المجلس ويخبيها عن عيونه..
أما هو فكانت عيونه تأكلها من أول مادخلت المجلس..
بعبايتها ولثمتها..
سحرته عيونها المكحلة والمرسومة..
يتمنى لو يختفي أبوها وابونايف..ومايبقى احد معهم..
مشتاق لها من قبل لا يعرفها او يتزوجها..
يحسها تنتمي له من زماااان..
آخر مابينهم كان همس منه لها ومنها له..
وبعدها خذوها منه..
شهقتها كانت مثل السمفونية العذبة لأذنه..
ونظراتها المرتبكة المصدومة زادت شوقه لها..

أبونايف يقطع الصمت\أمري يابنتي وش اللي في خاطرك وأنا حاضر..
طلعها صوت ابونايف من قوقعتها مع غازي..
تمنت لو توقف وتقول لأبونايف إنها ماتبيه..
وتبي فراقه والطلاق منه..
تبي تقوله هذا اللي كنت هاربة منه ومتخبية عندك بسببه..
تبي تعلمهم بكل اللي سواه فيها..
تبيهم يحكمون بينها وبينه بالفراق المؤبد..
او إعدام روحه وسلبه كل شيء..
مثل ماسلبها اهلها دراستها أنوثتها وكيانها كله..

لاحظت بعيونه إنه يعرف وش الي تحاول تسويه بس مانعة نفسها منه..
صدت عنه وناظرت بوجه أبو نايف..
الوجه الطيب المتسامح..
كيف أهتم فيها من ألو ماشافها في السفارة..
عاملها مثل بنته وسماها باسم بنته..
هربت منه ماودعته بكلمة..
تبي تعتذر منه وقوله إنها وصلت لاهلها بالسلامة..

هديل بصوت مبحوح\ماعرفتني يوبـــه..؟؟
رفع راسه يناظرها بتسؤل..
هز راسه بالنفي من دون كلام..
هديل بغصة\انا قمــر بنتك اللي لقيتها في السفارة..

بلحظات تغيرت ملامح أبونايف من الحيرة إلى البهجة..
أبونايف\انتي قمر..؟؟
هديل\إيه أنا..الحمدلله رجعت لهلي ورجعت لــ السعودية..
سامحني يوبه يوم رحت ولا وادعتك..
والله مانسيت خيرك معي ولا وقفتك الطيبة..
أبونايف بفرح\الحمدلله على السلامة يابنتي..
سبحان الله ما اصغر الدنيا..شوفي وين لقيتك أول مرة..
واليوم جيت أرجعك لزوجك..

نزلت راسها وأختنقت من كلمته..أرجعك لزوجك..
لو يموت مارجعت له..
قطع ابوها السالفة قبل يبداها ابونايف..
أبوعلي\مشكور يا أبونايف على إهتمامك في بنتي ورعايتك لها..
مع إني ما اعرف كيف تقابلتوا وش كانت أحوالها هناك معكم بس الحمدلله..
طمنتنا إنها كانت بخير ومرتاحة..وابوذياب رغم اللي كان في قلبي عليه ..
سامحته بعد ماعرفت إنه كان مراعيها ومعوضها عنا وعن هلها..

تبي تصرخ بصوت عالي..
يوبه إسكت..لا تخليه يعرف..لاتخليه يضحك علي ويشمت فيني..
خله يحس إن جرحي موجعكم مثل ماهو موجعني..
لاتريحه بقبولك فيه..
ماكانت هذي غايتي يالغالي..
كنت ابيك ترتاح من همي ومن الزعل على حالي..
أنا كذبت عليك سامحني..
قوم أقتله وامسح نظرات الحب والنفاق من على وجهه..
أكرهـــــه يوبه..أكـــــــــرهه...


بعد ماعرفت إنه كان مراعيها ومعوضها عنا وعن هلها..
ترددت الكلمة في باله مرة بعد مرة..
كيف كنت مراعيها..؟؟كيف عوضتها عنكم ..؟؟
الكسيـــــرة وش قايلة لكم..؟؟
رفع عيونه لها وهي تمد له فنجال القهوة..
هديل بحقد\ســـــــــــم ..
غازي بحنين\
بشـرب مـنْ الدلّـه لـوؤ كـآن بهـآ سـمّ

مـآ اهـزّ فنجآلـي و لآ أقـوؤل كآفـي . .

مـآ دآمـه بيمنـآك و تقـوؤل لـي : سـمّ

بسـم الله أشـرب و كـل سـمّ عوآفـي...



إلى الملتقى بإذن الله تعالى فجر الثلاثاء ..


كونوا بخيــــــــــــــــر ..


صدووود’’’


ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ

لا احلل مسح اسمي من على الرواية ..
تجميعي : ♫ معزوفة حنين ♫..

ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ



السلام عليكم ورحمة الله وبركاته ..


صبــــــــــــاح \\
لمسات حـــانية..
من يدين باركها الرحمن..
صبــــاحكم ضمـــة أم ..

مســــــــــاء \\
طفلة المغيــــب ..
صبراً جميل ..
والله المستعان...

كيـــــفكم الــ ليلاااااس..؟؟
أحبتــــــــي في كل مكان ..؟؟

لا اريد أن اقول إلا كلمة واحدة ...

شـــــــــــــــكراً بحجم السماء ..
لقلوبكم الطيبة ولوجودكم بالقرب مني..


البارت أهـــــــداء لكم أحبتــــي ...

البارت التــاسع والستون ..


هو الفراقُ! فماذا تامرين إذنْ؟
أنوحُ؟ أصمتُ؟ أجري عنك؟ أتّئدُ؟

أقول"شكراً"؟ .. أكانت ليلةً هِبةً؟!
يا للكريمة .. إذ تسخو .. وتقتصدُ!

هل التقينا؟؟! أم الأوهام تعبثُ بي؟
أين التقينا؟ متى؟ ألسبتُ؟ ألأحدُ؟

وهل مشينا معاً؟ في أيّ أمسيةٍ؟
في أي ثانيةٍ أودى بها الأبدُ؟

وهل همستِ "حبيبي!" أم سَمعتُ صدى
من عالم الجنِّ .. لم يهمس به أحدُ؟


المرحوم بإذن الله تعالى..غازي القصيبي...


رفع عيونه لها وهي تمد له فنجال القهوة..
هديل بحقد\ســـــــــــم ..
غازي بحنين\
بشـرب مـنْ الدلّـه لـوؤ كـآن بهـآ سـمّ

مـآ اهـزّ فنجآلـي و لآ أقـوؤل كآفـي . .

مـآ دآمـه بيمنـآك و تقـوؤل لـي : سـمّ

بسـم الله أشـرب و كـل سـمّ عوآفـي...

عضت على شفايفها تكتم شهقتها..بعد ماغمز لها بوقاحة..
أرتجفت أصابعها الماسكة الفنجال..
وهي متأكدة إن ابوها وابو نايف سمعوا كلامه..
تبي تشرب السم..ياليتني حطيت سم واسقيتك إيـــاهـ..
واخذ بثاري منك..
واجهته بنظرات جامدة..
تتحداهـ يسوي أكثر من الكلام..

ردت بجرئة\
الله هو اللي جابك اليوم واشقاك
بايديني الذربات سيرتك سيرهـ..

ذيبه انا يا ذيب لو تزعج اعواك
تبطي ولاتاصل وتشرب غديرهـ..

صيدك جزل لكن صيدك تعداك
منك خطفته يا عسى الامر خيرهـ..

حرهـ انا ياحر والرب ياقاك
بنت الشيوخ اللي لهم كل ديرهـ..

ياطير ياللي شاقك الطلع وأغواك
مانــي بصيدك والعزاوي خطييرهـ..


رغم التحدي بكلامها وردها القوي..
إلا إنه ماملك الا يبتسم لها ويشجعها..
نزل عيونه من عيونها وراقب يدها بتسلية..
وهو يشوفها ترتجف ويمكن تكب القهوة عليه..
ركز عيونه على اظافرها وأنتبه علىيها مجروحة..
رفع عيونه بعيونها بحدة..

بلحظات تغيرت نظراته من الغرام لــ العصبية والغضـــب..
وهي تعرف نظراته أكثر من غيرها..
نزلت الفنجال على الطاولة وتجاهلت يمينه الممدودة لها..
خافت منه..غصب عنها خافت..
وبوجود أبوها واخوانها وقبيلتها كلهم خافت منه..
حست بنار في ظهرها..وكأنه يجلدها بقسوة..
وصداع طاغي براسها..
جلست جنب أبوها ولصقت فيه..
وحاولت قد ماتقدر تخفي نفسها عن عيونه ورى ابوها..

وباين من شكل أبوها وابونايف إنهم سمعوا كلامهم لبعض..
بس ما علقوا على شيء منعاً لإحراجهم وإحراج نفسهم..

شرب القهوة وهو يتمنى لو يقوم ويهزها ويهاوشها..
هذا أنتي عند أبوك..
عند حسين اللي ياما ناديتيه وأنتظرتيه..
وهادي حبيبك وأمك وهلك كلهم محاوطينك..
حتى ولدك هو لك ما خذيته..

وش اللي تبينه اكثر وتريحين نفسك..
ليـــه تأكلين اظافرك وتجرحين اصابعك..
مابقى عليك خوف مني..
بعيد عنك تحاوطك أسوار بيتك واسوار هم أبوك واخوانك وصــــدك..
أنا صرت بعيــــد ..
أنبســـطي..تهني قبل أخذك من جديد..
أبييييك تفرحين تضحكين...
أبيك تنسين غصب أو طيب تنسين..
الخوف ما ابيه يسكنك وأنتي بينهم..
يعز علي أكون مصدر خوفك..
بس عشانك أرضى باللي تبين..
كوابيسك وجرحك لأصابعك رجفتك..
كلها لازالت تسيطر عليك..

نزل الفنجال على الطاولة..
وقف ورمى السلام عليهم..
وطلع من المجلس..
وكانت مصدوومة إنه أكتفى بــفنجال قهوة..
تعرفه..تحلف إنها تعرفه وتصرفه ماهو طبيعي..
ماهو من عادته يتركها بسلام..

ألتفتت على ابو نايف اللي كان يكلمها..
أبونايف بعتب\أثرنا طلعنا اهل يا هديل..
هديل بإرتباك\أعذرني يا عمي..
بس الظروف كانت صعبة علينا..
أبونايف بحيرة\حتى ماودعتينا...

كانت خايفة يكمل كلامه ويدري أبوها إنها كانت متخبية عندهم..
وكيف لقوها وضفوها من الشوارع..
ماتبيه يدري..ماتبيه ينقهر ويزعل..
وبنفس الوقت ماتبي تبين لأبو نايف إن أبوها مايدري عنها..
أو إنها تخبي عليه شيء..
هذا ابوها مستحيل تجرحه ولو من وراهـ..
رفعت راسها لـ ابونايف ..

هديل بهدوء\غصب عني يا عمي..
أتصلت بغازي وكان لازم نسافر..
طلعت من بدري وماقدرت اقابلك لأنك كنت نايم..
نايف\إيه قال مسفر إنه وصلك لزوجك..
وسافرتي معه..

شكرت مسفر في قلبها ودعت له بالخير..
وهي واثقة إن أبونايف عنده أساله كثير..
بس ماله حق يسأل ويستفسر..

وقف ابوها وابونايف وطلعوا من المجلس وهي معهم..
وكان ابونايف يوعدها يجيب مرام وولدها يزورونها ويسلمون عليها..
قفلت الباب الرئيسي وراهم..وهم طلعوا لـ الضيافة الخارجية..

تسندت على الباب وهي تفكر في مرام..
صح ما أذتها بس كانت تخوفها كثير..
بإهتمامها فيها ومحاولتها لـ السيطرة عليها..
شيء داخلها يرفض كل اللي عرفتهم في إيطاليا..
غازي وهله..
أبونايف وعائلته..حتى صوفي وماكس..
وجودهم حولها بيظل يذكرها بمعاناة وذل كانت عايشته..

نزلت طرحتها والعباية..
كانت بتشيل القهوة من المجلس..
بس تعاجزت وقالت بترسل الخادمة تشيلها..
تحس عظامها لازالت ترجف من بعد ماشافته قدامها..
تعدت المجلس وقبل تطلع من باب الضيافة الداخلية ..
حست بيدين تسحبها بسرعة وتدخلها بصالة صغيرة في الضيافة..
ثبتها على الجدار وهو يقفل الباب...
شهقت بقوووة لما شافت وجهه قريب من وجها..
أرتجفت رعب..وصدمة..
ماضربته ولا بعدته عنها..
ثبتت عيونها في عيونه..
أنفاسها تختلط بأنفاسه..

يدينها على صدره ويدينه على خصرها..

كانت تظنه طلع وتركها في خير..
بس هو ينتظرها هنا..
كان لازم تعرف إنه ماينهزم بسهولة..
ومستحيل يتركها بهدوء..
نظراته تتأملها..
شعرها وجها..
فستانها وشكلها..

غازي بإعجاب\أجــل ذيبة يا أم ذياب..؟؟
هديل\أنت طلعت ..
غازي بهمس\تعرفيني أكثر من كذا..
وتعرفين إني مستحيل أضيعك..
كنت افكر كيف بانزل العباية من عليك..
بس أنتي أرضيتيني..

صدت بوجهها عنه قبل يقبلها..
ونزلت شفايفه على نحرها..
الغضب اللي كان في عيونه وهو في المجلس غاب..
كانت نظراته تحكي شيء ثاني..
شافت فيها شوق وإعجاب..
وأنقهرت لما لاحظت شفقة بصوته..
غازي بهمس\طمنيني عنك..؟؟قرت عينك؟؟
أنجبر قلبك؟؟هدت روحك..وجفت دموعك.؟؟
ماتت كوابيسك..؟؟أندملت جروحك..؟؟

هديل بهمس\لا..
غازي بحنية\ليــــه..؟؟
زادوك جروح..زعلوك..صدووك..؟؟
ردت بآسى\لا..لا..

لصق فيها اكثر..
رفع كفها اليمين بين عينه وعينها..
ناظر باظافرها وناظر بعيونها..
قبل أصابعها بحسرة عليها..
وصلها السؤال من نظراته..
وجاهـ الجواب من نظراتها..

نظرات حيرة وقلق..
نظرة ضياع وخوف..
فهم إنه لازال خوفها منه يتملكها..

غازي بعتب\كنت أظن أول مابيشوفني أبوك..بيثور فيني..
بيجلدني وبيكويني..توقعت يطردني ويهيني..
الكرهـ والحقران اللي كنت أظن بأشوفه مالقيته..
الحقد اللي زرعته في قلبه سنين ماجنيته..
تسألت معقولة يقدر يخفي كرهه وحقده علي..
كيف يشوفني قدامه ولا يذبحني..
وأنا اللي قهرت بنته..عذبتها..ضربتها وجرحتها..
واسمعه يخونك ويوقف معي..يمدحني بوجودك ويطعنك بكلامه..
سامحني وأنا كلي عيوب..
يقول إني صنتك وإني عوضتك..إني رعيتك..

هزها بقهر\وش اللي أنتي سويتيه..؟؟
متى عوضتك..متـــى؟؟ أنا رعيتك..! أنا صنتك..؟؟
ليــــه ما شكيتي..؟؟ليـــــــه..؟؟

خنقتها العبرة..
ودموعها بينت له عجزها عن الرد..
رفعت كتوفها ونزلتها بألم..
دليل على إنها ماتملك جواب لسؤاله..
ولا تدري بأي جواب تواجهه..

أنقبض قلبه على شكلها..
يبيها تأخذ بحقها منه..يبيها تعذبه وتقهرهـ..
تسبه وتشكي منه لهلها..تطلب حقها منه..
ينصفونها وينتقمون لها..
عشانها يتحمل وينقهر..
يصبر ولا له قوة صبرها..

ضمها بقووووة..
وحط فمه على جبينها وتكلم..
غازي يتنهد\بسنـــــي هزايم يا هديل..

بكت بصوت مخنوق..
وكتمت شهقاتها على صدرهـ..
غرزت اظافرها في ظهرهـ..
وهي تصرخ بآآآآآهـ مقهووورة..
صار يعرف إنها ماتقدر تشكيه لاحد..
ما تتجرأ تسترجع الماضي بذاكرتها..
فكيف تحكي اللي صار لأحبابها..
مالها غيرهـ تشكي له من قلبه..
تطلب منه ينتقم لها من حاله..

الـ آآآآهـ اللي طلعت منها جرحت روووحه..
طعنتــــه بقسووووة..
لأنه أدرك إنها ما بتتعالج وتنسى إلا بحياة جديدة..
ولا بتتجاوز الماضي إلا إذا انتقمت لحالها..
لازم تنتصر عليه وتعذبه لحتى ترضى..
وهـــي تدري وش أقسى عذاب له..
حـــرمانه منـــها ..

رفع راسها له وقبلها على عيونها الدامعة..
أبتعدت عنه وأستندت على الجدار..
شال يدينه عنها وتراجع خطوة..

غازي بهدوء\أوصيك على نفسك..
مدري متى تحنين..بس لا تطولين بهجرك..
انا ما اقوى فراقك..

حست بقوة اساسها ضعف..
من إعترافه إنه مايقوى بعدها عنه..
رفعت راسها وردت بجمود..

هديل\أحــــن..؟؟
لاتعشم روحك..

غازي بتحذير\إن زادت علي خذيتك..

وقبل لا ترد عليه..
قرب منها خطوة وهي تراجعت..
أشر لها بيده على الخاتم اللي في إصبعه..
غازي بهدوء\عطيني يدك..عندي لك أمانة..ماتبينها..؟؟
صدت بتحدي\لامنك لمست سهيل تعال وصافح يديا..

أعلنتها تحدي..
مابيطلقها إلا إذا لمست سهيل..
ولا بيعرفها إلا إذا لمس سهيل..
طلعت من المكان..
وما ألتفتت عليه..

أسرها وهو يهمس لها بحب..
غازي بهمس\إن كانت الكلمة الأخيرة لك..
فــ القرار الأخير لي..

قبلها بحب رغم قهره من كلامها..
بس ماقدر يتركها تبتعد عنه من دون وداع..
يكفيه غيابها سنين بحكم الميتة..
ويكفيه لما خذوها منه ورجعوها السعودية..
وهذي ثالث مرة بتبتعد برضاها التام..
ورفضه القاطع..
وعشانها بيصبر..
ومثل ماوعد نفسه هي ومن بعدها الطوفان..

أبتعد عنها ومسك يدها قبل لا تضرب خده..
ولم يدها على رقبته..مبسوط على إحراجه لها..
هز راسه بعدم رضا..
قبلها مرة ثانية وتركها بسرعة..

أبتعد عنها وقف عند مرايه بالممر..
نسف شماغه وعدله..
أبتسم بخبث وهو يشوف أثر روجها على وجهه..
وقرر يزيد بإحراجها..
غازي بنبرة خاصة\أنا طالع من هنا وبأروح لأبوك..
عاد إذا شاف اللي في وجهي بيشره عليك..
وأخوانك بعد..انا ماعلي منهم..
بس انتي حرام بتنحرجين..
لأنهم بيعرفون من وين هذا..

كانت صادة عنه ولما سمعت كلامه رفعت عيونها له..
لاحظت اللي يتكلم عنه..وعرفت وش يبي منها..
تقرب منه وتمسح اللي بوجهه..
أحترق وجها من الفشلة لو أبوها واخوانها يشوفونه..
بس مستحيل يروح لهم كذا..
الدنيا برا كلها رجال..واكيد بيشوفونه..
وادركت إنه يلعب بأعصابها..
طنشته وشالت عبايتها وطرحتها من على الأرض..
مسكها قبل تطلع ولفت عليه بقهر..
دفته عنها بسرعة..

غازي يبتسم\أبى منديل..

كانت بتقول إستخدم شماغك وتسفهه..
مدت له طرحتها بنظرات ساخرة..
رفع حواجبه برفض لطرحتها..
وهي رفعت حواجبها بمعنى تبيها أو مالك غيرها..