رواية ورود الامل برائحه الالم روايه كامله/5

واصل لباب الإستراحه عواد وقف وقال:والله طق وأغاني ومحد حولك وبدا يقلد الشباب وهو يصدر أصوات وتعليقات مضحكه الشباب تسدحوا من الضحك ورفع مهند الطبل وبدا يطبل ويغني والشباب يرقصون ،، الوليد وقف بيرقص وارتفعت أصوات الشباب التشجيعيه ،، مهند غير الأغنيه:وقولوا باسم الله على غزال طب قولوا باسم الله ......الخ عواد ضحك:كثر منها غزال الوليد رجفه برجله على خفيف وعواد طاح بتعمد وقال بدلع:وي شوي شوي تراني خف الريشه الوليد طنشه وبدا يتمايل قدامه ويتميع وعواد يناظره باحتقار مصطنع ،، لكنه بعد فتره قام وبدا يستهبل ويرقص ويحرك ايديه بدلع والوليد يجاريه بالرقص بمهاره وظلوا يسولفون ويضحكون ويستهبلون إلى الفجر وبعدها كلهم رجعوا لبيوتهم وهم مايشوفون غير السرير من التعب الساعــــــــــه3:00 الليل السعوديــــــــــه عصام فتح الباب والعنود دخلت بسرعه ورمت نفسها على الكنب ونامت من التعب ، عصام هزها:عنودي قومي نامي فوق العنود بصوت تعباااان:اتركني أنام عصام ناظرها وكيف نايمه بعمق تنهد ورفعها وطلعها للغرفه ومددها على السرير وبدل وناااااام يــــــــــوم جديــــــــــد الوليد نازل من غرفته يركض وراه رحله للصين ، فارس كان جالس في الصاله وأوله ماشافه وقف:الوليد الوليد التفت له:سم!! فارس ناظره:طالع؟؟ الوليد:إيه وراي رحله فارس باحباط:لاااا الوليد:ليه؟؟شتبي؟؟ فارس:مايصلح أقوله لك وأنت مستعجل الوليد جلس:ياعمي لامستعجل ولا شي والطياره تحت أمري لو آآجلها عادي فارس جلس بجنبه:اممم بصراحه أنا أنا_بسرعه_أنا أبغى أتزوج الوليد انصدم مومصدق:.... فارس:شفيك؟؟ الوليد:لا بس مصدوم فارس:عادي كلنا بنتزوج الوليد:حاط في بالك وحده؟؟ فارس:بصراحه إيه الوليد ابتسم:من هي؟؟ فارس:ساره بنت عمك عبدالعزيز الوليد:ماشا الله وش عرفك فيها؟؟ فارس:آآآآ بصراحه أنا شفتها بالغلط أيام أبوي في المستشفى الله يرحمه الوليد تضايق لكن مابين ، دف ايده وغمز:من ورانا؟؟ فارس استحى:لا والله مابيني وبينها شي بس أنا شفتها بالغلط وعجبتني وسألت أمي وقالت ساره وألحين أنا قلت لأمي وعمي نروح نخطبها ولازم تكون معنا الوليد (ليش تتزوج أصلآ؟؟):.... فارس أشر قدامه:ياهو وين سرحت؟؟ الوليد عدل جلسته:إيييييه يالدنيا فارس اللي أكفخه وأخذ ألعابه بيتزوج فارس ضحك:ههههههه كبرنا وبنشوف حياتنا الوليد وقف ووقف معه فارس:هاه شقلت بتجي معي!! الوليد:والله أنا وراي رحله لكن بأجلها عشانك_ناظره وابتسم_مبروك مقدمآ فارس ابتسم:الله يبارك فيك :خيااااااااااااانه الوليد وفارس مفزوعين التفتوا لعبير اللي صرخت وقال الوليد بشوية عصبيه:أنا أبي أفهم شي واحد ليش الصراخ؟؟متى تتـ.... عبير قاطعته وهي توقف قدامه وتكمل جملته:متى تتركين طبعك الخايب؟؟ماني تاركته دامكم ماتعلموني أسرار البيت_ناظرت فارس وقالت بدلع_أجل فارس بيتزوج وماقلتوا لي!! الوليد:أولآ أنا توي دريت ثانيا هذاك دريتي وش بتسوين؟؟ عبير طنشته وقالت لفارس:من بتتزوج؟؟ فارس قال برومانسيه:ساره بنت عمك عبدالعزيز عبير صرخت:سوووير والله عرفت تختار وأنا أختك فارس:أنا سألت أمي عنها ومـ.... عبير قاطعته:عارفه سمعت

الوليد:ههههههه_رفع حواجبه_أجل ليش تسألين؟؟ عبير أشرت على راسها:بس كذا الوليد سأل فارس:متى قال عمك بتروحون تخطبوها؟؟ فارس:الأربعاء الوليد وقف:على خير عبير:بأروح معكم فارس:لا راح تكون خطوبه صغيره الوقت مو مناسب للفشخره بعد حكيه ساد على المكان صمت حزين وكل واحد يفكر في أبوه وشكثر افتقده الوليد تنهد وطلع ولحقته عبير ، فارس جلس على الكنب وسند راسه وناظر فوق وتذكر قبل ثلاث اسابيع ((فارس كان يمشي في ممر المستشفى وحاط ايديه في جيبه ومنزل راسه ،، دخل جناح والده وسمع صوت ضحكات أكيد فيه أحد تأفف وجلس في صالة الإستقبال وحط ايديه ورا راسه وسند راسه عليه وبدا يفكر ويهوجس ، انفتح باب غرفة أبوه وطلعت بنت لابسه سكيني أسود وقميص كروهات أسود وعنابي ودخلت دورات المياه ،، فارس تنح وكأنه نازله عليه من السما نفس المواصفات اللي يبغاها شعرها طويل وأسود ونحيفه وطويله وبشرتها خمريه ،، ابتسم هذي اللي يبغاها ،، البنت أو ساره بالأصح طلعت ووقفت قدام المغاسل وغسلت ايديها وقربت وجهها من المرايه تناظر شكلها بعدها فكت شعرها وبدت تحركه يمين ويسار وتخلله بأصابعها النحيفه وتتمايل بجسمها وتغني بصوت واطي ،، بعدها رفعت شعرها باهمال وطاحت خصل على وجهها من نعومته ولفت بتدخل لكنها وقفت أول ماشافت فارس جالس ويناظرها وهو كاتم ضحكته ،، جلست دقايق تناظره بصدمه بعدها دخلت تركض ،، فارس ابتسم وطلع وشغل سيارته وحرك(ياسلام نحيفه وبشرتها خمريه وشعرها طويل وعيونها كبار هذي اللي أبغاها لازم اسأل أمي عنها) )) ابتسم وقام يروح لشغله وهو يفكر ويخطط في نفس هالوقت وشخصيه جديده ســــــــــاره كانت جالسه على سريرها وتذكر موقف فارس كانت تذكره ملامحه زين وهو جالس على الكنب بالقميص الزيتي والبنطلون البيج الواسع ومليان جيوب والكاب زيتي وشعره الطويل الكثيف باين من تحت الكاب وفاتح أول أزاريره ،، ابتسمت بحالميه:... أختها شيخه(حتى هي على جدتها)ناظرتها ورجعت تناظر المجله اللي بايدها وحركت راسها:لا حالتك صعبه ساره تنهدت:يهبل ياشيخه يهبل شيخه ناظرتها وعقدت حواجبها:مين؟؟ ساره:مادري شيخه:ههههههه الحمدلله الشكر ساره ناظرتها:لا جد شفته ولا عرف مين!! شيخه شهقت وخبطت صدرها:شفتيه!!_لفت جهتها وقالت بحماس_قولي كل شي ساره قالت لها السالفه كلها وعلقت شيخه:ههههههه الله يفشلك رقصتي قدامه ساره باحراج:مارقصت بس هزيت على خفيف وتمايلت شيخه:ههههههههه ماقصرتي ساره:ياالله ياشيخه تخيلي ماراح عن بالي من يوم شفته هذاك اليوم شيخه:ههههههه ياعيني عالحب ساره:لا والله ماأحبه بس أحس بشعور غريب تجاهه أحس اني أعرفه من زمااااان وقد شفته وأحس انه حلالي شيخه انفجرت ضحك:ههههههههه ملكت الرجال!! ساره تمددت على السرير وشبكت ايديها ورا راسها وناظرت فوق:شيخه أنا أحكي جد صورته مو راضيه تروح عن بالي شيخه جلست بجنبها:سوير أخاف حبيته ساره ناظرتها ورجعت ناظرت قدام:لا لا ماأحس بشي تجاهه لكن أحس انه يخصني_ناظرتها_وأنتي تعرفين حاستي السادسه شيخه وقفت:أنا أقول أكيد حب وتراك عورتي راسي من الصباح وأنتي تقولين هالحكي وطلعت ساره ناظرت ظهرها وهي تطلع زفرت:أحسن لي أنام_تمددت وتغطت بتنام فجأه قامت وصرخت_أوووف

اطلع من راسي_حركت راسها_اطلع من راسي شيخه صرخت من تحت:سويره وصمخه نامي وبطلي هالصراخ كانك مجنونه ساره:ياااااااااااارب ورمت نفسها على السرير بقوه تحاول تنام الـبـــــارت الـثانــي عشـــــر يـوم جـديــــــــد عواد رجع من دوامه تعبااااان دخل غرفته وهو مايناظر غير السرير فصخ ثوبه ولبس بيجامته ورمى نفسه على السرير وتغطى ،، تو النوم بدا يداعب عيونه لكن رؤى قطعته وهي تفتح الباب وتدخل:أووووه حبيبي جيت!! عواد بطفش وهو مغمض عيونه:شوفة عينك رؤى جلست بجنبه على طرف السرير:كويس جيت عشان تشوف أهلك وش مسوين؟؟ عواد جلس على السرير وقال باهتمام:خير!! رؤى مدت له علبه صغيره:شوف ،، شوف عمتك لولوه وش معطيتني هديه؟؟ عواد أخذ العلبه وفتحها وكان بداخلها حلق أذان ذهب أصفر ،، ناظرها:طيب!!! رؤى:تستهبل أحد يلبس هذا ألحين يعني عجزانه تنزل السوق وتشتري على الأقل ذهب أبيض ماعاد أحد يلبس أصفر عواد بغى يصطرها كف لكنه مسك نفسه ،، تمدد وتغطى:كل انسان وماديته رؤى رفعت الغطا:أنا أحاكيك عواد ناظرها:رؤى ياحبيبتي ياحياتي أنا ألحين تعبان وبأنام وجايه تحاكيني عن سخافات حريم رؤى بعصبيه:لا موسخافه أحد يهدي عروس_أشرت بالعلبه_هذا الشي عواد رجع يتغطى:ماتبغينه بعييه رؤى وقفت:ماراح أبيعه ولا شي هذا حده الزباله وجت بترميه في الزباله لكن عواد صرخ:لا مجنونه انتي ترمين ذهب بالزباله!! رؤى رمت العلبه عليه:أنا مابغاه تصرف فيه وطلعت وهي تتأفف عواد(مصحيتني من نومي عشان هالسخافه_ناظر العلبه_انهبلت هذي ترمي ذهب في الزباله!!)تنهد:عيال الفلوس رجع العلبه في الدرج ونام على طول من التعب العنود صحت من نوم وهي تحس بألم فضيع في ظهرها ،، ناظرت البيت المتواضع بأثاثه وعقدت حواجبها(أنا وين!!)ماامداها تفكر لأن عصام طلع من المطبخ وبايده تفاحه ولابس بيجاما:صح النوم العنود ناظرته ورجعت تناظر البيت والدموع مجمعه في عيونها(يعني هذا بيتي!!هذا هو عش الزوجيه مع ..مع عصام)عند هالنقطه ماقدرت تمسك نفسها نزلت دموعها كانت تتمنى يكون زواجها من عصام حلم أو كابوس وتصحى منه وتحصل نفسها عند الوليد وفي حضنه:.... عصام قرب منها وجلس جنبها وحط ايده على ظهرها:حبي شفيك؟؟ليه الدموع؟؟ العنود مسحت دموعها:سلامتك مافيني شي بس ظهري يألمني شوي لأن طريقة نومي غلط_ناظرته وابتسمت غصب_ومشتاقه لماما عصام مسح على شعرها وناظر في عيونها مباشره:ولا يهمك هذا إنا في السعوديه وان شا الله نزورهم اليوم العنود(حنون بس مو مثل الوليد)وقفت:أوكي أنا بأروح أخذ شور وأجهز نفسي عصام بابتسامه:أوكي راحت العنود وهي تناظر البيت وتنقل نظرها بين أثاثه وتحفه اللي ماتقارن بفلتها مع الوليد ،، دخلت غرفتها وناظرتها بحزن ،، جهزت ملابسها ودخلت الحمام وهي تفكر في حياتها مع عصام ألحين بس بدت حياتها الحقيقيه مع عصام عبير صحت العصر من نومها ناظرت جوالها وكان فيه مسج جديد فتحته ((من توأم روحي أنا وصلت السعوديه من أمس الليل)) ابتسمت بفرح

فيه مسج جديد فتحته ((من توأم روحي أنا وصلت السعوديه من أمس الليل)) ابتسمت بفرح اشتااااااقت للعنود اسبوعين ماشافتها وهذي أول مره في حياتها تحصل العاده كل يوم تشوفها ،، فكرت تتصل عليها لكنها قالت أكيد مشغوله قامت تروشت ونزلت تحت وشافت فارس جالس قدام لابتوبه ويشتغل عليه ،، قالت بمرح:أووووه معرسنا قاعد يغازل فارس ناظرها:ههههههههه حرام عليك والله قاعد أشتغل عبير جلست جنبه وناظرت في اللاب:أشوف أتآكد!! فارس لف اللاب جهتها:هاه ناظري عبير ناظرت الشاشه وكان مفتوح على برنامج الإكسل ومليان جداول وكلمات وأرقام انجليزيه ،، دفت اللاب:خلاص عورني راسي فارس:ههههههه هذا أخر أساليب المغازل ورجع يكمل شغله وعبير تناظر البلازما عبير طفشت ، ناظرته وجمعت ايديها:ماقلتنا يامعرس وش خططك بعد الزواج؟؟ فارس:هههههههه خططي بعد الزواج وأنا توني ماخطبت عبير:عادي حلو تفكر في بعدين فارس سند ظهره وزفر:مادري ياعبور خايف ترفضني عبير على طول جا في بالها خطوبتها من نايف لكنها على طول مستحها من بالها وقالت بتوتر:وليه ترفضك!!أنت رجال ونعم<<سبحان الله نفس رد مهند لنايف لما شكى له فارس:مادري بس أنا خايف_ناظرها_يعني ممكن تكون تبغى واحد بعينه أومرتبطه عاطفيآ بشخص ثاني عبير بلعت ريقها وارتبكت لكنها قالت تخبي ارتباكها:هههههههههه الحمدلله والشكر الدراسه بفرنسا خلتك تخرف_ناظرته_ياحبيبي ترانا بالسعوديه مو بفرنسا فارس:حتى لو بالسعوديه يعني ما يحصل حب قبل الزواج!! عبير قوست شفايفها وحركت راسها:اممم ممكن لكن نادر وأغلبه يكون حب بين القرايب وساره ماعمري حسيت بأنها تميل لأحد من قرايبها فارس:ماتدرين عن اللي في القلوب عبير لفت بجسمها جهته وقالت بعقلانيه:لا أنا بنت وأعرف البنات ،، البنت ماتقدر تتحكم بنظراتها وتعابير وجهها وخجلها وارتباكها اذا ذكروا اسم اللي تحبه عشان كذا تكون مفضوحه خاصه قدام البنات لأنهم هم اللي يفهمون لغة عيون البنات الثانين فارس باعجاب:ما شا الله شكلك مجربه عبير ابتسمت بتوتر وقالت بمزح:ياليت فارس:ههههههههه عبير بتردد:فارس لو دريت اني أحب واحد وش بيكون شعورك؟؟ فارس قرب منها وفتح عيونه لأخر حد وقال بهدوء مرعب:أقطع رقبتك ورقبة اللي تحبينه عبير خافت ودفته:وجع خرعنتني فارس رجع مكانه:هههههههههه عبير وتعرف تفكير فارس المتزن:لاجد فروس وش يكون شعورك؟؟ فارس سند ظهره وزفر:والله شوفي هذا يعتمد على طريقة حبك له ،، يعني مثلا إذا كنتي متعرفه عليه في شات أو في ترقيم فهنا أقطع رقبتك ورقبته وأركزها على الكوبري الملك فهد أما إذا كان حبك له عادي يعني مثلا شفتيه بالغلط أو أعجبتي فيه من حكي أحد عنه وكتمتي هذا الشي بداخلك وماتميعتي معه فهذا عادي وبالعكس يعجبني هذا الحب عبير:ما شا الله عليك تعجبني فارس ناظرها بخبث:أسئلتك أكيد لها هدف!! عبير نفسها تحكي له بس فيه شي يمنعها ،، قالت:لا والله من الفضاوه فارس:والله مادري عنك ورجع يكمل شغله وعبير بدت تفكر وتهوجس في حكي فارس المغـــــــــرب العنود وعصام طلعوا لبيتهم وتوجهوا لبيت أهل عصام وسلموا عليهم وتقهوا معاهم ،، بعدها توجهوا لبيت أهل العنود ،، العنود كانت في السياره تسولف ومبسوطه انها بتروح لأهلها ،، عصام لاحظ تغيرها وانبسط يمكن قربها من أهلها يغير من سكوتها وسرحانها المتكرر في شهر العسل ،، وصلوا لبيت أهل العنود ونزلت العنود بسرعه ودقت الجرس ،، زيد طلع يسحب رجليه وفتح الباب ،، العنود صرخت:زيووود_رمت نفسها في

حضنه_وحشتني زيد انصدم من هذي اللي رمت نفسها في حضنه وتدلعه لكنه تذكر العنود لف ايده على خصرها وضمها:الحمدلله على السلامه العنود وهي على صدره وتسمع صوته الهادي بنبرته الحنونه حست بشعور حلو حست بأمان الأخوه حست بأن لها سند وعضد في هالدنيا تعتمد عليه بعد ربها ثم أبوها ،، ألحين بس ذاقت طعم الأخوه وعرفت حلاوتها ،، قالت بصوت مرتجف:الله يسلمك زيد ابعدها عنه وناظرها:ادخلي أمي مشتاقتلك حيييييل العنود ابتسمت:وربي حتى أنا بأموت من الشوق دخلت تركض وزيد مد ايده لعصام:الحمدلله على السلامه عصام ابتسم وسلم عليه:الله يسلمك سمعوا صوت صرخة العنود:مـــــــــامـــــــــااااا زيد ضحك وقال لعصام:تفضل عصام دخل وراه وهو مبهور بذوق البيت ومااستغرب لأنه شاف أناقة العنود واهتمامها بمظهرها ،، طاحت عينه على العنود وهي في حضن أمها ،، زيد قال بمزحه:بس خنقتوا بعض أم العنود ضمت العنود أكثر:خلني أعوض اشتقت لها العنود ناظرته وهي في حضن أمها وخدها على صدرها:خليه يغار زيد قرب منها:إيه أغار ابعدي عنها وسحبها العنود ضحكت وجلست وبدت تسولف وتحكي وتضحك مبسوطه ،، عصام كان بين فتره وفتره يناظر العنود ،، بعدها جا أبو العنود وسلموا عليه العنود وعصام واستئذنوا ،، ركبوا السياره وقال عصام:وين نروح ألحين؟؟ العنود بتردد:امم أنا نفسي أروح لصديقتي مشتاقتلها عصام:صديقتك مين؟؟ العنود:عبير السجيدي عصام سكت يفكر يوصلها لبيت طليقها ولا لا!! بعد فتره قال:السجيدي بيت طليقك؟؟ العنود ناظرته وصرخت بعصبيه مالها مبرر:إيه بيت طليقي وأنا اللي طلبت منه الطلاق وأنا رايحه أزور أخته صديقتي مو رايحه أزوره هو ورجعت تناظر قدام وصدرها يرتفع وينزل من العصبيه عصام انصدم من عصبيتها اللي مالها مبرر وكان أول مره يشوفها وهي معصبه:... العنود انتبهت على نفسها ،، حطت ايدها على راسها وايدها ترجف بشكل واضح وقالت:سوري مادري وش فيني!!بس أنا أتنرفز من هالطاري عصام سحب نفس:حصل خير العنود ناظرته وكان واضح من صوتها إنها ماسكه بكيها:بليز عصام لا تحاكيني في هالموضوع عصام تنهد:أوكي ، أوكي العنود ناظرت قدام وهي ماسكه دموعها بالقوه:... عصام شغل السياره:أوكي أوصلك ألحين لبيت صديقتك وأنا بأروح للإستراحه أسلم على أخوياي من زمان عنهم وأرجع لك العنود:.... عصام حرك لقصر السجيدي قصــــر السجيــــــدي الوليد دخل وشاف فارس جالس على اللاب عاقد حواجبه بتركيز ،، وعبير جالسه وضامه الخداديه لحضنها وتناظر البلازما وبالها مو مع البرنامج صرخ:السلاااااام عليكم عبير وفارس نقزوا من الروعه:بسم الله الوليد ضحك على أشكالهم وجلس:وينكم فيه؟؟ فارس طفى اللاب:أنا راسي عورني من الشغل وبأروح أخذ شور بارد وأنااااام

ولا أحد يصحيني الوليد:لا تنام ألحين بيأذن العشا فارس بطفش:أوكي بانتظر وطلع الوليد ناظر عبير:وأنتي؟؟ عبير:أنا جـ..._قطع حكيها مسج_لحظه فتحته وكان من رقم غريب ((عبور اطلعي عند باب القصر بسررعه)) عبير خافت من اللي بيعرف اسمها ويطلب منها تطلع عند الباب ،، الوليد لاحظ لونها اللي انخطف قال بشك:عبور شفيك؟؟ عبير ناظرته:مادري رقم غريب مرسلي اطلعي عند باب القصر بسرعه!! الوليد:يمكن غلطان عبير:لا عارف اسمي الوليد:يمكن وحده من صديقاتك بتسوي لك مفاجأه عبير سكتت تفكر بعدها صرخت:عنوووووودي وطلعت تركض الوليد دق قلبها بمجرد سماعه اسمها وقف عند الشباك وبدا يناظر ،، عبير كانت واقفه عند الباب تناظر السياره المكسيما السودا اللي دخلت القصر ،، عصام دخل القصر وهو يناظره بانبهار واعجاب من جوا أحلى وأفخم بكثيييير ،، دار على النافوره الكبيره ووقف ونزلت العنود ،، عصام قال:إذا جيت بأتصل عليك وأطلعي العنود مشتاقه لعبير ومو جوه بس قالت تسكته:أوكي ، أوكي سكرت الباب وحرك عصام وطلع ،، العنود وقفت تناظر القصر بشوق اشتاقت للقصر واشتاقت لأهله ،، الوليد حس بدمه يغلي وأعصابه انشدت وهو يشوف العنود راكبه مع عصام وتحاكيه وتودعه ،، عبير أول ماشافت عصام طلع وتسكرت البوابه طلعت تركض وهي تصرخ:عنووووود العنود ناظرتها وابتسمت:... عبير ارتمت في حضنها بقووووه لدرجة ان العنود كانت بتطيح لكن ثبتت نفسها ،، عبير قالت:اشتقت لك مووووت يا****ه العنود ضمتها:ههههه وأنا أكثر الوليد كان يراقبهم من الشباك ويسمع أصواتهم المرتفعه من كثر الشوق ،، حس بدقات قلبه طبول ونفسه ارتفع ،، اشتاااااااااااااااق لها موووووت ونفسه يكون مكان عبير ،، ناظرهم وعبير تلف ايدها على خصرها(حركته اللي يحبها) ويدخلون داخل ،، سحب نفس وطلع وهو طالع شافهم يدخلون مجلس الحريم ،، العنود لفت بتدخل وطاحت عينها بعينه ،، اختفت ابتسامتها وانمغص بطنها ورجلها قامت ترجف ،، الوليد ناظرها بعتاب حـزيــن .. ومامعـي غيـر " التعـب " ومسـآمر دمـوعي .. ، وتطيـح من التـع ـب .. ( تنهيـدتي ) محـد ٍ شعـر فيهـآ ..!! [ كتمـت الهـم ] في صـدر السكـوت وصـآحت ضلـوعي كـأن الروح يـآ .. / روحـي .. تبينـي بس مـآ ابيهـآ .! على شـآرع " أمـل عـــُمـري " وقفـت و ملنـي لـوعي .. اليـن ( استوطنـت ضيقــه ) .. وبـدت ْ أول ليـــآليهـآ .. خـذ الصـوت ْ .. بطرف رآس الـورق واستجمـع جمـوعي .. جمـوعي سـآلفـة " ونــّـه ! " سأمـت لميـن أوديهـــآ ..!! انـا يـدّي على خـدي .. وعلـى رجلـي ظهـر كوعــي !! وعلى وجهـي [ مـلآمح غيبتــك ] وشلـون أخبيهـآ ... ؟ اذا غيــم الهـوى قصـّر .. فـ أنـــآ ( مـآ جـف ينبـوعي ) ! على غصـون الهيـآم اللي .. من إحسـآسي مسقيـّهــآ .! .. { " آحبـــگ " .. لو طغـى جـور الزمـآن .. ولا غـدا طـوعي .. " أحبـــگ " لـ .. / آخــر حدودي معك ( وان طـآل تـآليهـآ )! آحبــگ .. لكـن " الـبعــد " يجبـرني اكتـب دمـوعـي ... ! وجيتـك .. مـآ أبـي غيــرك .. يحـس بـ .. / ( حـرْ مـآ فيهآ ) .!! العنود ماقدرت تستحمل أكثر لفت ودخلت ،،

الوليد سحب نفس طويييييل وطلع لغرفته ،، عبير:خوفتيني برسالتك من وين لك هالرقم؟؟ العنود وهي تفصخ عبايتها:هههههه هذا المطلوب ،، هذا جوال عصام عبير:زين خبرتيني عشان أغازله وغمزت العنود بدون اهتمام:حلالك عبير تغير الموضوع:شهالكشخه؟؟شهالحركات؟؟ العنود كانت لابسه فستان ناااااعم أزرق حريري وقصير لحد ركبتها وعند الصدر حركه معينه بكريستالات فضيه ومن ورا فتحه صغيره من عند الظهر ،، وعامله (بف) بشعرها من قدام واللي ورا رافعته ببنس كريستاليه ناعمه بطريقه حلوه ،، وحاطه مكياج خفيف وناعم ،، وصندل فضي عالي ،، دارت على نفسها:شرايك؟؟ عبير:رووووعه_قالت بغرور_كل هالكشخه عشاني العنود جلست وقالت باستهزاء:مره شايله همك ،، ياحبيبتي هذا عشان أهله رحت لهم قبل عبير جلست وقالت بحماس:عنده خوات؟؟ العنود:إيه ،، أربعه أتوقع عبير:حلوات؟؟ العنود:يووووه لاحقه عالسوالف بس روحي جيبي لي شي أشربه ترا بأموت من العطش عبير وقفت:من عيوني بس ترا ماجهزت شي لأنك ماخبرتيني العنود:أحسن أنا ماابغى تكلفين على نفسك عبير أشرت بايدها:دقايقز العنود ضحكت وراحت عبير دقايق ورجعت وبدوا يسولفون وينكتون والعنود تقولها عن ماليزيا ووين راحت؟؟ووين جت؟؟وهم مبسوطين عنـــد عـــــواد كان قاعد مع أهله وضام الخداديه وحاط ايده على خده ويهوجس صحاه من هواجيسه صرخه من أفنان من لسانها الطويل وهي داخله في وجهه:عوادووووووووووه عواد نقز ورمى الخداديه ولاارادي ووجه لها كف قوي:طرااااااااااااخ أفنان مال وجهها من قوة الكف وبدت تكح من قوة الصرخه وعيونها تدمع:كح كح كح كح عواد خذ الكاس وشربها بسرعه ،، أفنان شربت المويه وناظرت عواد بدون تعابير ،، عواد ناظرها بخوف:فنو أفنان من قال هالكلمه انفجرت بكي ،، الكل انفجر ضحك على شكلها:هههههههههههههههههه أفنان ضربت عواد:وجع شهالكف!! عواد ميت ضحك:ههههههههه والله هههههههه والله آسف بس هههههههههه انتي خرعتيني هههههههههههه أفنان تذكرت شكلها وانفجرت ضحك:ههههههههههههه نواف ماتمر السالفه كذا لازم يتشمت بأفنان:وانتي دمعتك جاهزه كخ كخ كخ أفنان رفعت ايدها:جعلك تجربها قل آمين عواد مسك دقن أفنان وناظر خدها وقال بخوف حنون:يألمك؟؟ أفنان تجمعت الدموع في عيونها وارتجف دقنها من نبرة الحنان اللي في صوته طول عمره حنون معها ويعاملها أفضل من معاملة أبوها الجافه:..... عواد قال لنواف:بسرعه نواف جب ثلج نواف راح يركض وجاب ثلج ومده له ،، عواد أخذه وجا بيحطه على خد أفنان لكن أفنان دفت الثلجه بايدها وارتمت بحضنه وانفجرت بكي ،، عواد خاف ماتوقع انه يألمها لهدرجه بعدها وابعد خصلات متمرده طاحت على وجهها البريئ:فنو فيك شي؟؟آلمك الكف!! أفنان ناظرته وقالت بصوت باكي:عسل عسل على قلبي دامه منك_ارتمت في حضنه ودخلت وجهها في صدره_أحبك ياعواد أحبك يايبه وبدت تبكي وتشهق ،، الكل تأثر بالموقف وتجمعت الدموع في عيونهم على كلمة أفنان (يبه) صحيح كانت كلمه لكن كان لها وقع كبييييير في قلوب خوات عواد اللي كانوا يحبون عواد أكثر من مما يحبون أبوهم ،، نواف قام من المجلس وطلع برا ،، عواد دمعته صعبه وماتنزل بسرعه لكنه تأثر بكلمة أفنان صــــــــــــــــــــــمــــــــــــــــــــــت حزين ساد الجو مايربكه إلا شهقات أفنان اللي على صدر عواد وشهقات خواته وعبراتهم ،، رؤى كانت واقفه فوق وتناظرهم حست بدمها يغلي من القهر والغيره أول ماارتمت أفنان في حضن عواد لكن أول ماسمعت كلماتها وناظرت المشهد الحزين تجمعت الدموع في عيونها ،، فعلاآ المشهد كان مؤثر ويقطع قلب اليهودي .... أطياف جت تركض ورمت نفسها في حضن عواد وهي تبكي وتطبق المثل المشهور (((مع الخيل ياشقرا ))) ،، عواد أبعد أفنان وأطياف عن حضنه ومسح دموعهم وابتسم بحنان:حتى أنا أحبكم ،، واذا تحبوني جد لاتبكون دموعكم غاليه أفنان تشهق من البكي:.... عواد بمزح دفها على خفيف:فنو خلاص عاد مصختيها مو لهدرجه الكف يألم أفنان ضحكت والدموع مغطيه وجهها:هههههههه والله يألم عواد مسك دقنها:فرجيني_ناظر خدها وكان أخضر وأطرافه بنفسجي_أووووه صار أخضر حطي الثلج ويخف أفنان ابتسمت:ان شا الله عواد وقف وقال بصوت أنوثي يقلد أمه:بأروح أشوف نواف الله يعيني على هالعيال وطلع وهو يردد كلمات أمه

المعتاده ،، خواته انفجروا ضحك على تقليده:ههههههههه عواد طلع للحوش وشاف نواف جالس على الدرج ومنزل راسه وجامع ايديه وحاطها على جبينه ،، جلس بجنبه وحاط ايده على ظهره وقال:نواف نواف غطى وجهه وانفجر بكي ،، عواد قال:ليه الدموع؟؟لاتقول تحبني بعد!! نواف هز راسه بالنفي:... عواد:ههههههههه وفي وجهي ياال**** نواف ناظره وابتسم من بين دموعه:لا مو قصدي كذا بس أنا ماأبكي عشان كذا عواد:أجل ليه؟؟ نواف:بكره مجلس أباء عندنا في المدرسه_غطى وجهه وقال بصوت مخنوق_وأنا ماعندي أب صحيح أبوي كان جاف معي لكن أبغى أب لازم يكون عندي أب أسولف عنه وعن تمشياته معي لو بالكذب بس أنا ماعندي أب خلاص حتى لو بأكذب ماقدر عواد:ليش تكذب؟؟قل الصراحه نواف ناظره:أقول أبوي مايجلس معنا ومايمشينا تبغاني أقول كذا!! عواد(الله يسامحك يايبه بس ،، هذي فايدة تفكيرك الخاطئ):خلاص يانواف هذي صفحه وانتهت وادعي لأبوك بالرحمه مهما كان هذا أبوك ويحبك نواف:وأنا بعد أحبه بس ليه يعاملنا كذا؟؟ عواد:خلاص عاد أنت جالس تقلب صفحات قديمه وانطوت إنا عيال اليوم ،، افرح وانبسط ولا تبين حزنك لأمي ترا اللي فيها كافيها نواف مسح دموعه:حاضر عواد وقفه ودخل معه ،، وقال:يلا أجل تصبحون على خير الكل:وأنت من أهله عواد طلع ورؤى لماشافته راحت تركض ،، عواد فتح الباب ودخل بدون أي تعابير:السلام عليكم رؤى جالسه:وعليكم السلام عواد جلس على السرير وفصخ جزمته:.... رؤى جلست بجنبه:أدري زعلان علي عشاني ماجلست معكم ،، أنا كنت بأنزل بس احراج لأن الجلسه كانت عائليه<<تكذب طبعآ عواد لف لها:رؤى وشهالحكي!!مو أنا قلتلك انتي مثل أختهم رؤى نزلت راسها وقالت بتمثيل:بس أحس اني داخله غلط عواد:لا غلط ولا شي ،، انتي مرة ولدهم وحسبة بنتهم رؤى:ولا يهمك من بكره بأجلس معاهم عواد(ياكثر ماقلتيها)تنهد:أوكي رؤى ابتسمت:... نرجع لقصر السجيدي من بين السوالف اللي راحت وجت قالت عبير:فارس بيخطب العنود بابتسامه:والله مبروك ،، من بيتزوج؟؟ عبير بضيق:الله يبارك فيك ،، بيتزوج ساره بنت عمي عبدالعزيز العنود:وليه متضايقه؟؟ عبير:اليوم لما جلست مع فارس قال لي انه خايف انها ترفضه وأنا على طول تذكرت خطبتي من نايف وخفت ان يصير رد دين وترفضه ساره لأن رفضت نايف بدون سبب العنود:بس انتي مارفضتيه من دون سبب،انتي قلبك معلق بواحد_ارتجف صوتها_وصعبه تتزوجين وقلبك متعلق بواحد غير زوجك عبير:مادري خايفه العنود:لاتخافين ولاشي وخلك عادي انتي ماغلطتي عبير ناظرتها:وانتي؟؟ العنود ناظرت قدام ابتسمت باستهزاء:أنا!!_ناظرتها وزفرت_قلتلك

حالي ادعيلي بس عبير توها بتنطق لكن جوال العنود سبقها ،، العنود ناظرت الشاشه عصام يتصل بك ردت:هلا عصام:هلا حبي يلا أنا انتظرك العنود:أوكي_سكرت ووقفت_يلا استئذن عبير وقفت معها:وين بدري؟؟ العنود وهي تلبس عبايتها:بدري من عمرك بس شوفة عينك أنا مو مثل أول أروح وأجي متى ماأبغى صرت تحت حكم رجال_باست خدها_أشوفك على خير مع السلامه عبير حضنتها على خفيف:مع السلامه ولا تقطعين العنود:إن شا الله طلعت العنود وعبير تراقبها إلى ان اختفت ،، بعدها تنهدت وقالت:الله يهون عليك وطلعت لغرفتها العنود ركبت السياره وحرك عصام وطلع الوليد كان واقف في شرفة غرفته وبايده عصير بارد ،، ناظر تحت شاف العنود تطلع وعليها عبايتها وتركب مع عصام ،، ناظر السياره بحزن سحب نفس(اييييييه ياالعنود بعد ماكنتي في حضني وتدلعين علي صرتي محرمه علي وأنا مابعد تزوجتك ،، خلاص صرتي حرم عصام وصار عصام سند والجدار اللي تكتبين عليه همومك وهواجسك)مرت نسمة هوا واقشعر جسمه رفع راسه الجو بدا يبرد والشتا قرب وقرب يكمل السنه وهو بعيد عن العنود وحضنها الدافي ،، دخل غرفته وسكر باب الشرفه وتمدد على السرير وتغطى وناااام يــوم الأربعـــــاء خطوبـــة فــــــارس فارس جالس في صالة القصر بالثوب والشماغ من زماااااان عن الشماغ أربع سنين مالبسه لكن الثوب يلبسه كل جمعه حتى في فرنسا ،، كان جالس ويفرك ايديه في بعض بتوتر وكل شوي يعدل شماغه ،، الوليد نزل كاشخ:يلا فروس فارس ناظره:هاه إيه يلا ووقف طلعوا وفارس توجه لباب السواق ،، الوليد قال:أقول انهبلت أنت تبغى تخم لك أول جدار أنا بأسوق فارس ركب قدام وشغل السياره الوليد وحرك:شكلك متوتر!! فارس:مررره الوليد:هههههه أجل ليلة الزواج وش بتسوي؟؟ فارس:عاد أنت مجرب الوليد تذكر ليلة زواجه من غيداء وتنهد:أي زواج يارجال اللي تحكي عنه أشوا اني ماشفتها ولا قبلت جهتها فارس ناظره بصدمه:أوما ماقبلت جهتها!! الوليد:والله فارس ناظر قدام وحرك راسه:انسان غريب الوليد:لا غريب ولا شي ،، إذا كنت حاط في بالك وحده وساحرتك وماتفكر إلا فيها_أشر على صدرها_خذها مني مستحيل تناظر غيرها مهما كانت فارس بخبث:أفهم من كلامك ان ماقد جا يوم وخريت!! الوليد:ههههههه والله أكذب عليك إذا قلت لا ،، أكيد جت أيام وحسيت بشهوتي وغريزتي تحركت ومافيه رجال في الدنيا ماتتحرك شهوته إلا إذا كان مريض لكني ذاك اليوم طلعت ودخلت غرفه ثانيه وعقبها صرت أصوم فارس انفجر

ضحك:هههههههههههههههههه تصوم عن زوجتك ماقلتلك غريب!! الوليد:يارجال ما الغريب إلا الشيطان_وقف السياره وطفاها_يلا انزل شف عمانك وصلوا فارس ناظر سيارات عمانه وهي توقف وينزلون عمانه ،، قال بتوتر:الله يستر نزلوا وسلموا على بعض وعمان فارس بيحرقون الوليد بنظراتهم خلاص صار المليادير الوليد السجيدي ،، شيخه جت تركض وطفت النور ووقفت عند الشباك ،، ساره قالت:وجع ماتشوفيني أقرأ شيخه:أووش تعالي شوفي الوليد ساره بحماس:الوليد وجت تركض دخل الوليد بجنب فارس وعمان فارس واستقبلهم عبدالكريم أخو ساره وبدوا يسلم عليهم ويرحب فيهم ،، شيخه حطت ايدها على خدها وقالت بخقه:يهبلللللللللللللل ساره كانت مصدومه وتناظر فارس:هذا هو ياشيخه ،، والله هو شيخه ناظرتها ورجعت تناظرهم:مين؟؟ ساره:هذا اللي شفته في المستشفى شيخه ناظرت فارس:والله دخلوا وجلست ساره على السرير وهي تنفض:شيبي؟؟ شيخه:هذا ولد خالتهم اللي كان يدرس بفرنسا ساره ناظرتها:شدراك؟؟ شيخه:ماما تقول الوليد وفارس ورجال ثانين والرجال اللي شفتيه هو الشاب الوحيد والباقي شياب والوليد نعرفه أكيد فارس ساره همست:فارس!! شيخه:والله مو شين ساره:..... شيخه جلست:ياترا شيبون!! ساره تنفض:خايفه شيخه:الحمدلله والشكر ليه؟؟ ساره:مادري بس اللي أعرفه اني كرهت فارس هذا شيخه تمددت على السرير:نفسي أعرف شيبغون؟؟ عنـــد الرجـــــال بعد السلام والحفاوه والسؤال عن الأحوال قال عم فارس الكبير:والله يابو عبدالكريم انا جاين نطلب القرب منكم أبو عبدالكريم:حياكم الله عم فارس:وجاين نطلب ايد بنتكم ساره_أشر على فارس_لولدنا فارس على سنة الله ورسوله هنا فارس قام ينفض ومسك الوليد يهدي نفضته:.... أبوعبدالكريم كان حاس ان فيه خطوبه:حياكم الله ولنا الشرف وانا موافقين لكن الرأي الأول والأخير للبنت عم فارس:حق وماراح نمنعها من حقها_وقف_يلا أجل نستأذن أبو عبدالكريم وقف:وين تعشوا معنا؟؟ عم فارس:تعشى معكم العافيه والله مستعجلين أبو عبدالكريم:علي الطـ.... عم فارس قاطعه بسرعه:استغفر يارجال المره وش دخلها؟؟ أبو عبدالكريم:استغفر الله عم فارس:مره ثانيه ان شا الله أبو عبدالكريم:براحتكم كان ودنا بس مره ثانيه ان شا الله عم فارس:الله يكرمك أبوعبدالكريم:حياكم الله طلعوا أعمام فارس وفارس والوليد مع عبد الكريم ،، الوليد قال لعبدالكريم قبل مايطلع:والله وكبرت ياالبزر عبدالكريم:ههههه ماعاد إلا العرس الوليد انفجر ضحك:ههههههههههه مستعجل خلص دراستك أول عبدالكريم:لا ان شا الله في هالصيفيه من بعد التخرج يجيك كرت زواجي الوليد:الله يوفقك ،، مع السلامه عبدالكريم:في أمان الله سكر الباب ودخل للصاله وشاف أبوه واقف في الصاله قال بمزح:يبه خليني أنا أخبرها أبو عبدالكريم:يلا عبد الكريم:لا امزح أبو عبدالكريم:جرب هالمره عبدالكريم تحمس للفكره:أوكي_صرخ_ســــــاره فــــــوق ساره بخوف:ياويلي ، ياويلي عبدالكريم يناديني شيخه:ليه التوتر والخوف؟؟روحي شوفي شيبغى!! ساره:حسبي الله عالهالفارس كرهته شيخه:هههههههه ساره نزلت لعبدالكريم:هلا عبدالكريم:تعالي أبغاك ساره بلعت ريقها وناظرت والدها اللي ابتسم يطمنها ، ابتسمت له بتوتر ودخلت ورا عبدالكريم:هلا عبدالكريم جلس:اجلسي ساره جلست:.... عبدالكريم بجديه:شوفي ياساره انتي كبرتي ووصلتي لسن الزواج ساره انتفضت أطرافها:... عبدالكريم:واليوم تقدم لك واحد وهو فارس ولد خالة الوليد ساره ناظرته بصدمه:... عبدالكريم:الرجال ونعم فيه لكن الراي رايك فكري زين وردي لنا ساره هزت راسها وطلعت لفوق تركض دخلت الغرفه وسكرت الباب وتسندت عليه ،، شيخه ركضت لها:هاه شفيك؟؟ ساره تناظر قدام في اللامكان:خطبني شيخه صرخت بحماس:واااااااااو حركتات طلع الرجال عاشقك_ناظرتها_شقلتي؟؟ ساره جلست على السرير:مادري ياشيخه مادري_ناظرتها وابتسمت_بس تصدقين حبيته شيخه:ههههههه الله يخسك توك تحسبين عليه وتقولين أكرهه ساره تنهدت:قلب الزوجه شيخه:ههههه يعني موافقه ساره:مبديئآ ايه لأن الرجال كامل لكن لازم استخير شيخه:أكيد التجئي لربك عشان يوفقك ترا هذا زواج وعشره وتكمله عمر يعني مو لعبه ساره:ياالله مو مصدقه شيخه دفتها:ياحركات شافك وعشقك مثل الروايات_جمعت ايديها ورفعت راسها_يارب عقبالي ساره:على