أحاسيس مقتبسة

على عيني وراسي خياط
سعدت باطلالتك
وننتظر مشاركتك

عدّى عمر .. ياليت الأعمار تنعاد
وأرجع بلا شيب وبليا تجاعيد

أرجع وأضم أبوي وأقول: لا عاد
تموت وتتركني مثل ليلة العيد

يوم اسألوا عنك الصبايا والأولاد
وقلت:أمي تقول انه مسافر بعيد

بكيت ليلتها وناديت..ما فاد
وظليت أصوت لك .. وأناديك وأعيد

عوّد يا بوي وجب لي ثياب جداد
يا كثر ما تنسى يا بوي المواعيد

بكيتك لحالي وأنا كنت معتاد
تكف دمعي بإيد وتضمني بإيد

كم كنت محتاجك تجي كنّك رقاد
تمطر من كفوفك صلاة وعناقيد

احتجت لك طفلٍ كسر قلب الأعياد
واحتجت لك طيش وشباب وتناهيد

واحتجت لك شاعر له أحباب وأضداد
واحتجت لك رجال يخشى المناقيد

احتجت لك .. واحتاج لك ظل وسناد
العمر ينقص واحتياجي لك يزيد
.
.

تمهل قبل لا ترحل .. و خذ معك السهر يآ صآح
و نوحٍ مآ طوى ياسي.. وقصيدٍ ملَّه الدفتر

عسآي ليا ابتعد زولك أطيب وخآطري يرتآح
و أقول : ان الزمن وفىَّ..و لو ان الزمن قصَّر

تعبت أضحك على نفسي وأقول : الهم عني زاح
و تعبت ابحث عن الحلم الكبير اللي بك تكسر

و تعبت أداري احسآسك و ظلمك دآخلي يجتآح
سلب ابسط طموحاتي و أقول تهون.. وأتصبر

ولكن ما نفع صبري .. وحظي لو رفعته طاح
و عرفت انك نهآية حب .. ودرب للشقى أغبر

و عرفت انك ليا منك خطيت تطري المروآح
وخطاي اني ليا منك خطيت اجيك واتعذر

افآ والله حبيبي ما هقيتك تنكر اللي راح
ولا ظنيت في لحظه يجي لك يوم و تتنكر

حسبتك ليا ارتطم موج الفراق و ضيَّع الملاح
تكون بعينه المرسى .. ولكن كنت تتكبر

حسافه يا السنين اللي قضيناها حزن و أفراح
ابد ما مرت ببالك ولا حبيت تتذكر

واذا هذي نهايتنا ابشعل للجفآ مصبآح
و ببقى الشآمخ اللي ما نكر ذاته ولا تغير

و لكن .. قبل لا ترحل اخذ معك السهر يآ صآح
و نوحٍ مآ طوى ياسي.. وقصيدٍ ملَّه الدفتر

>:
الشاعر : فيصل العدواني

!!








و جت .. تبـي رأيي
تطلب الشور منـي
تحب واحد أعرفه و يعـــــــرفنـي
و يا دوب كلمة أحبك على .. لساني !!


فاجأتنـي !!
واعذابي هي تحب غيري
أحرجتنــي


الله الله وش .. كثـــــــر حبيتها
الله الله و دمعتــي أخفيــتـها
واحـــــــر قلبـي أحرجتنــي
بحبـــــها لغيري أحرقتـنـــي

الله الله يوم واجهتنـــي
و بعيونها كل الفرح
مادريـــــت .. أنا .. ما دريــــــت
وشــــــــهو حصل لي
تاهت الخطوة .. بمحلـي
و الأمل بالخوف فــي قلبــي انجرح
ما دريت أنا ما دريت
أخفيت عنها باالحشا جرحي و عناي
من أجل يبقى فرحها .. بانســـى هواي



مدام صـــارحتنــي
لا أدلـها و أســكت
و أداري .. دمعـــتــي

مدام .. صــــارحتنــي
لا بـــد .. أســـــاعدها
و أدفــن .. لــهفتــي
هـــــــــي قلبهـــــا أختار
لا بد أنا ما .. أحـتـــــار
و أرضى بقسـمتــــي







...

الكرز

الكرز واحد وعشرين حبه
رفرف الغصن واورق عندليبه

افتحوا للشبابيك المحبه
واصدحوا بالهلاهيل الرطيبه

غافل الشمع في عيده تنبه
راح ياخذ من الظلما نصيبه

طفل من عادته يكسر العبه
وش عليه ان كسر خاطر حبيبه

سنة من سننه المستحبه
يترك قلوب عشاقه عطيبه

ضاع من قال انا ضايع بحبه
والله ان الدلاله ضيعتي به

قبلة الله عليه شلون ربه
خالق مبيسمه يوم يحكي به

لو مكنته تغافلته بحبه
مير هو شايف فالامر ريبه

مااحسن الظن في ريح تهبه
يحسن الظن في مثلي مصيبه

المسبه بها الطرف المسبه
ما سوى طرفه الساهي يعيبه

عجزت مرايته فيه اتشبه
حاولت فيه ماقدرت تجيبه

ضامر مثل رجل براس قبه
ينفح بغيمتين الصدر طيبه

بعد هذا وش اللي ينكتب به
قبل هذا وش اللي ينقري به

منبع النهر والنهر ومصبه
مشرق النور والنور ومغيبه

ان بغى يسلب الرمان لبه
وان بغى صابت النعناع خيبه

وان حلى اللعب والميدان طبه
مالك الا تقول الله حسيبه

والله ان القلوب المستتبه
تستطفق تقل ناهبها نهيبه

يااهل العرف ما قبله يجبه
كيف اجل بالحشا مركي صليبه

الكرز واحد ومليون احبه
من هنا لين سكره وحليبه



فهد عافت

آشدُ " الآلَم"
جُرحْ لآ تسَتطِيع آلإفصَآح عَن أسبَآبِه
وَ تكتَفيْ بـ قوّل :
أشعُر بـ الضِيقْ وَ لآ أعَلمُ لِمآ !

رُغْم أنَك تعَلمُ يقَينَآ مَآ السَببْ ..
وَ لكنّه لآيُحكى وَ لآيُبكى

!!








لو تركت الحزن من للحزن .. غيري
من يشيل .. الهم في الدنيا سواي


العذاب أصبح بهالدنيا .. مصيري
والألم من مولدي عايش معاي


كل ماشديت للفرحة .. مسيري
ردت جروحي .. تدور عن خطاي


تصرخ الآمال .. في رجوى أثيري
لكن الأيام ماتسمع .. نداي


أبذل الأشواق .. لجل أرضي ضميري
وابتدي بالحب وأنهي به .. عطاي


كنها الأفراح مكتوبة .. لغيري
وانكتب في صفحة أيامي شقاي









...

قلت بعد اذنك بتابع موجز النشرة ..كوكب الأرض بخطر والغافلين كثار
المدى من كل صوب حروب مستعرة والمشاعر صاخبة بين الغضب والثار
امنحيني نصف ساعة صمت ياالمُهرة نصف ساعة أو أقل ، أباسمع الأخبار !
بي وجع ماهو طبيعي بي تعب ، خدرّة منتهي مانيب يمّ الطار والمزمار
قالت إنسى قلت لا ، أنا ولد حُرّة ماخلقني خالق الكون العظيم (****)
ولو نسيت يفور دم محمّد الدُرّة في وريدي ، وأشتعل وآصير له تذكار
صعب أصم اذني وأغض البال والنظره النبي وصّى على الأقصى وسابع جار
قالت إقسى ، قلت كم حاولت من مرّة وكل مرّة كنت ألين أكثر وأصير أشعار!
وش أسوي ولا بكفي غير هالزفرة أنغبن، وآصير زفرة شجب وإستنكار
يوووه لو تدرين كم فيني من الحسرة العيون تشوف ، لكن اليدين قصار !
كل ما كبر منادي طاحت العبرة وكل ماكبر ضميرى قلت ياستار
إستشاطت بنت قلبي وغصّت النبرة ..وانطفت ، وأدرى تغار ولو عليْ غبار!!
قالت اختر بين قربي وبين هالنشرة. قلت ودي بالخبر .. اما البنات كثاار !!



صالح الشادي

!!











قصري .. بعد المسافة لا تطول
وارحمي قلبٍ .. معذبه الحنين
تعرف عيوني عيونك وش .. تقول
اصدق .. الاقوال مصدرها العيون

وما تبينه من عيوني
بس قولي وش .. تبين
كل غالي تطلبينه
في .. موازيني يهون


اعرف انك .. تستحين
وادري .. انك تخجلين
وما .. فتني غير هذا
ولا .. همني و اجدين




ايه يا نجمة سما .. وضحت درب الغريب
ايه يا شفة ضما .. بردت لفح اللهيب
اسمعي صوتي وردي .. لا تضيعنا السنين






كلمات : الشريف منصور









...

" تعالي "






أحس بقربك أنى التفت
وأحمل حبك . . . صبح مساء
وأعشق فيك جمال الوجود
وأعشق فيك جميع النساء
ففيك الحنان وفيك التحدي
وفيك التواضع والكبرياء
وأدرك أني عبد ضعيف
أؤدي التحية . . . والإنحناء
تعالي نسافر عبر الليالي
للنسى مرارة هذا العذاب
برحلة عشق تجن ائتلافا
حبيبان والليل والاغتراب
تعالي نحلق حتى كأنـــا نحس
بأنا نلامس برد السحاب
تعالي تفتح ورود الخزامى
بعطر يرف بكل الشعاب
تعالي نفسر معنى وجودي
وأنت السؤال وأنت الجواب

للشاعر " عمر الفرّا "