رواية الزمن طبعه كذا روايه جديدة الجزء الرابع 2017

(ناويلك علــى نيــه ):
اقــول جنـوه اللحيــن ابتهال صارت اهـم منــي بس هيـن اذا ماوريتك ...

على كف الغلآ شلتك وخليتك وسط عينــي أداري خاطـرك وأكســر خواطـر ناس تغلينـي ):
سالي والله مشغــوله ...
سالي كانت بترد عليهـا بس انشلغت مع عبير اللي دخلت عليهــا ..
عبيــر الورد :
ازيك ياقميــل ...
(ناويلك علــى نيــه ):
تمــام بـس من شفتك أنقلب المــود ...
عبيــر الورد :
من اللي ناويــه عليــه ...
(ناويلك علــى نيــه ):
بس اشوفك اليــوم بتعـرفيــن ...
وأخــذتهـم السوالف مأنتبهــت الا على الساعـه8:30
(ناويلك علــى نيــه ):
يــوووه عبور شوفي الساعه كم بروح اتجهــز ...
عبيــر الورد :
لااوين تـو الناس ...(ناويلك علــى نيــه ):
وش تــو الناس أخاف أم ناصــر تقوم اللحيــن وتشـوفنـي تعطيني محاظـره بعـدين كلها ساعـه واشـوف كشتك ايه صح امشطي شعـرك لاتنسيـن
...
عبيــر الورد :
وأنا اقـول وش مستعجله عليــه أكيــد الكشـه تبيلهـا ساعه على ماتستشـورينهـا ...
(ناويلك علــى نيــه ):
أيــه صح روحـي زين الغيره تسـوي أكثــر من كذا .. باااي حبـي اشوفك بالجامـعه ...
عبيــر الورد :
لحظــه سالي ذاكــرتي للأمتحــان النفس ...
(ناويلك علــى نيــه ):
أي امتحــان تستهبليــن انتــي ...
عبيــر الورد :
والله الدكـتــوره قايلتــه يوم السبت اللي طاف ....
(ناويلك علــى نيــه ):
صح تذكـرت يالله باااااااااي ..
وقبــل ماتطلــع أنتبهت على المـوجودين وشافت جنــى احسن بعـد مو بس هي المواصلــه ...
طلعــت فوق ركــض سبحــت وجففت شعــرها ولبست بدلـه رسميــه سودء ولبس بوتهــا...
وطلعـت لها عبـاه عاديــه وبرقع بعـد اللثــام ....
واخذت شنطتهــا وقبـل ماتنزل صحــت وهج ...ومرت علـى غرفة جنــى اللي كانت للحيـن جالسه على الكمبيــوتر ..
سالي :هي انتــي ياحلــوه يالله لبــسي شوفي الوقت ...
جنــى :الوقت تسع ونص بس احب اقولك انا ماني مداومــه الليــوم ...
سالي بالصـدمه :طيب وش تســوين ..
جنــى وعيونها على الكمبيــوتر: لاخلصت اللي بيدي بروح أنام ...
سالي طلعت من عنـدها مقهــوره يعنــي هي بس اللي بتداوم وهي مواصلــه نزلت تحت ماشفت أحــد كلهم بيغيبـون أول يــوم بس هي وهج اللي بيدامـون وين ناصــر عنهــم ....
لقت وهج تنتظـرها تحت ..
سالي :اتصلت عليــه ..
وهج :ايه واقف من زمان برى ...طلعن وركبــن السياره سالي فتحت الدريشــه جلست تذاكــر وانقهــرت ان وهج ماعنـده هالمـاده دارستها العـام صدق قهــر ...
وهم عنــد الاشاره ...
سمعت وهج تقـول بضحــكه :ماشاءالله تدينـا بعــد الزقاره مســواك ...
سالي ماردت عليهـا لأنهـا مافهمـت قصدها ..
وهج :سالي أرحميــه من الصبح وعيـونه عليك الحقي ناظـريه قبل ماتفتح الاشاره ...
سالي :وهج وش فيك مصخنــه وش قاعـده تقــوليـن ...
وهـج لفت راسهـا وشافت ياســر بس اللي صدمهـا أنه اشر عليهـا تغطي عيـونها ...
وهــج ماتت ضحك :اللحيــن من الصبح عيونه مانزلها وأخـرتها غطـي عيونك ..
سالي :شفتي كله منك لو طنشتــه وحرقت دمــه ...
وهــج :وش درانــي حسبتــه مشتاق وده يكحـل عيونه بشوفتك طلع أبو الشباب يغـار..
سالي نزلت عيـونها بالكتاب وقالت :اللهــم أني صائم مأبي أفطــر عليك ....
داخــل المحـاضره الاولــى كانوا عبيـروهج وسالي مع بعــض ...
وهج وعبيـر يسلفـون وسالي تذاكــر للمحـاظـره اللي بعـدها .. الدكتــوره أنتبهـت عليهــا :سالي تعملــي ايه ..
سالي :اكتب معــاك دكتــوره..
الدكتـوره :أوكي يابنتــي افهمـي بعدين أكتبــي ...
وهـج وعبيــر أنصـدمـوا بسالي اللي مارتبكــت بالعكـس كذبت بكــل برود ...
عبيــر بقهـر :الكذب حــرااام حنــا بالنهـار رمضـان ...
سالي ويدها علـى فمهـا :كذبه بيضاء مأحد متضرر منهــا ..
وهج بأنفعال :الكـذب كذب مافيــه كذبه بيضاء وكذبه حمـراء ...
الدكتـوره اللي كانت منتبـهه من البدايـه على سوالف وهج وعبيــر وكانت ساكتـه عليهم بس اللحيـن زودوها فطـردتهـم ...
سالي ضحكــت عليهم من قلب بينهـا وبين نفسها بس قدرت تسيطـر على ضحكتهــا ...
كملت الدكتـوره المحاظره وكملـت سالي مذاكرتهـا ...
-----------------------
ياســر ومأدراكــم ماياســر الرجــال جالس يخطط وبدأ ينفــذ وسالي ياغافلين لكــم الله بس للأسف اللحيــن ماراح تعـرفون شي من خططــه الا بعــد الزواج ...
اللحيــن هو بالمكتــب ولأول مــره من زمان يشتغــل ويحس له نفـس لشغــل
وليلــة أمــس قضاها كلهـا نوم يعنــي أخــر راحــه بس تكــدر اليوم يوم شاف سالي عنـد الاشاره حتــى رمضان مأحتـرمتـه متى بتــوب هــذي ..؟!!
ياسـر بصوت مسمــوع :اللهــم انـي صائــم ورجع للشغلــه ,,, على الساعــه اربـع خلص شغلــه ...
جلس يحك راســه يحـاول يتذكـر الفطـور اليــوم عنـد مين وقتـه مره ضيق والزياده زحمــت السيــر كان بالسيـاره يوم اتصــل عليــه نايف وقال له يروح لبيتهــم يستقبـل الرياجيــل لأنه بعيد وماراح يوصـل الابعــد الاذان ....
عكــس ياسـر طريقه لبيت عمتــه ....والحمــدالله وصـل قبل مايجـي أحــد الاأبـوه وأخوانــه وبعـد شــوي بـدو الرياجيــل يجــون ... بس استغـرب الضيـوف كثير مــره مأقتصـرعلى الاقـراب بس زي مأبــوه مقتــرح ..يوم سأل أبــوه قاله لأن اغلبيــة الضيوف من معارف عمتــه ...
اللي كان جالس جنبــه أخــوه ريان اللي كل دقيقه وعيـونه مغمظـه ويتأفف ويناظـر الساعه ...
ياســر :هي وش فيك أنت فضحتنــا اجلس زيــن ...
ريان :اوووف متـى بيأذن ..؟!!
ياســرصد للجـهه الثانيــه :ولاورع أول مره يصــوم ..0
وأول مأذن أول من وقف ريان بس ياســر مسكـه لين صـار أخـر واحــد وبعــد ماطلعــوا الرياجيــل طلع هو ورمـاه علـى الكرسي بقــوه ...
ريان اللي طاح على يده:وجعععععععع اخ يدي ...
--------------------
أول ماجـت جنــى وسلمت علـى المـوجـوديــن طلعت لغرفــة أبتهـال زي ماتفقـوا اليــوم على المسن وجلسـوا يسالفــون حتــى أذن ونزلــوا تحــت بس لما جـوا بيدخلــوا غرفـة الطعــام سمعــوا اصـوات كثيره وشكل أمـة محمـد كلها معزومــه ... وتفشلــوا يدخلــون ...
ابتهـال :امشــي نفطـر بالمطبــخ ..
جنــى :لاعادي خل ندخــل ..
ابتهــال :لا مستحيـل استحــي والناس ذولا ماتساعدك تطالعك كأنك سلعـه معروضـه للبيــع ..
جنــى :خلاص ولايهمــك نفطـر بالمطبــخ ...
دخلــوا وطلبــوا من وحـده من الخدمات تحط لهم فطــور .. وجلسوا علـى الطاولـه يفطـرون وبدون كــلام ....
نايف اللي كان متأخــر ويـوم جاء الرجال جلسـوا على الفطـور ماحــب يقاطعهــم دخـل المطبــخ شاف خواتــه تاركـات الحـريم ويفطـرن بالمطبــخ صدق مايعرفـن السنـع مو وقت التربيــه,,,, جلس معهــن على نفس الطاولــه وأفطــر ...
نايف كان لابس ثوب اسـود ومصفط أكمــامه لين نص يده وشمـاغه فاصخــه وحاطـه على كتفه لا و نص شعـره جاي على وجـهه وفيـه ماااي ...
بعــد خمــس دقايق ..حست جنــى اللي كانت سارحــه بخيـالها بعيــد بريحـة عطــر غريبــه بالجو وشخص جالس قدامهــا وأبتهـال اللي أنتبهــت على نايف وبما أنه أخــوها عادي عنـدها ونست البطــه اللي جالسـه جنبهــا ...
نايف رفع راســه بيقـول شي ,,, بس تلاقت العيــون نسى كــل شي مرت دقيقتيــن (احسبــوا دقيقتيـن صدقيـات ) وكـل واحد منهــم يطالـع بالثانــي ...
وأبتهــال خبــرخيــر البنــت ولاحســت ...
--------------------
بغرفـة الطعـام سالي وهــج جالسات بجنب بعــض وهات يالتعليق لاوالمصيبــه اللي جالسه على يسار سالي فطــوم ...
سالي بهمـس بأذن وهــج :طالعي عجــوز بليس كيف تطالعك ...
وهج :أي وحــده الزرقاء ولا الحمـراء ...
سالي وعلى صوتهـا شوي :وش زرقاء وحمــراء ...؟!!
وهج :قصري صوتك قصدي اللي لابسـه أزرق او اللي لابسـه احمــر ...
سالي :أهاا ..اللي لابســه أحمــر ... شوفيهـا أيه اللحيــن شوفيها كيف تناظـرك اللحيــن ...
فطــوم :كل الناس درت من تقصـدين ..
سالي :وأنتي معنا على الخـط ...
فطــوم ملت من ملاسنــها فحتــرمت نفسهـا وسكتت وهي تخطط أول مايتزوجهـا ياســر بتبدأ تزن علـى راسـه يأخذ وحــده من بنـات خواتهــا
...ابتسمــت بخبث وكملــت فطــورها ...
وعنــد شيخـــه ...

أم مطلق :أي وحـده فيهــن الصفــراء ...
شيخــه بقهــر من غباء ام مطلق :لا اللي لابســه بنــي (تقصد سالي اللي كانت لابســه بنطلـون بنــي مع قميص أبيض مقلم بخطــوط عريضـه بنـي وبينهـا خطـوط ناعمـه بالذهبي وفوقهـا بلــوزه سنــاره بنيــه ,,, ووهــج كانت لابســه تنوره قصيـره ميدي بيضـاء وبلـوزه صفـراء لهـا ياقـه مرتفـعه وسحاب من قدام وعلى طـول اليـد خطين بالابيض وبوت اصفـر طويـل ,,,)
الصفــراء بنت أخــوي مأبيك تضريـنــها ...
أم مطلق :وهـذي وش تصيــر لك ...
شيخــه بملل :اللهــم طولك يالروح أن الله وين بلاني فيك مليـون مره قلت لك تصيــر مرة ولـد أخــوي ..ياســر ولـد فاطمــه ...
أم مطلق :أخـو الصفــراء ..
شيخــه :لاوش اخــو الصفراء أخــو اللي لابســه بنــي ... وأشرت على بسمــه ...
أم مطلق اللي مافرقت بين الثنتيــن لأنهـم كلهم لابسيــن بني بس يختلف :وهـو كيف يتزوج اختــه ...
شيخــه :ياويلي ويلاه مو هذي زوجتــه الثانيــه الثانيــه ,,, شكلك ماعنـدك سالفــه بس العتب علــى مضـاوي اللي دلتنـي عليك ..
أم مطلق :لاوش هالكــلام ان شاءالله بس متــى تبينــي أنفذ المطلــوب ...
شيخــه :للمـره المليون تسأليني بعرسهــم ...
أم مطلق :كيف توس تقـولين مرته واللحيــن بعرسهـم والله انتــي اللي ماعنـدس سالفــه ...
شيخــه :مرته ملك عليهـا بس باقي العرس ...
أم مطلق :أيــه بس لازم تأشـري عليهــا بالعرس أخاف اضـر أحــد ثانــي ...
شيخــه :اشرك عليهــا أقولك بعـرسهم يعنـي هي العـروس فيـه اشاره أكبــر من كـذا ....
أم مطلق : أيـه خلاص بــس أعزمينــي ..
شيخــه :وش أعزمك أنتــي بعـد لازم بطـاقه بس مأدري من ويـن باجيبهـالك لأن البطاقات محــدوده بس خمسيـن بطاقــه ....
أم مطلق :وش هواله بطاقات بس زيادة مصـاريف عزمـوا الناس بتلفــون وافتكــوا ...شيخــه :اللحين أنتــي بتدفعيــن شي من جيبك .. والله الشغلــه ...
أم مطلق :وش رايس أجــرب فيهـا هاللحيــن عشـان تصدقيـن بس ترى علـى هذي أبي 2000 غيـر العشـر المتفقيـن عليها ...
شيخــه :احسن بعــد عشــان اشوف بعيــوني بس مافيـه الالفيــن لين اشـوف صدق ..
أم مطلق :تبين اللحيــن ...
شيخــه :لاماهـو هنا أخاف يشكــون أنا اقولك أذا كان الوقت منــاسب ...
وهــج :سالي ياويلي شوفي كيف تطالع شوي وتأكلنــا بعيونهــا ..
سالي بخـوف :اتصــدقين أول مره أخاف مأتصــور نفسي معها بمكــان واحـد لحالنــا ...
وهـج صرخــة بصوت قصيــر :الله لايقــوله سالي بيغمــى علي من نظراتهـا صكــي زرار بلــوزتك قطعتــك من النظرات وكأنك مو لابســه شي ...
سالي وهي تصك زرارهـا :اتصدقين أخاف يحتـرق جلــدي بعـد هالنظرات بس عمتك وش عنــدها مع الاشكـال هذي اقص يدي لوكانت من صديقاتهــا ...
------------------
نرجــع لجنــى ونايف فالمطبــخ صح ونسيت أبتهــال الخبلــه بس من حقـي أنســى صدق بارده !!! ...
بعــد الدقيقتيــن ******** ذبحتكـم بالدقيقتيــن هذي صح هههههههههه...
نايف وقف وعيـونه بالارض :أسف مأنتبهــت ...
أبتهــال اللحيـن بس أنتبهت علــى الوضــع فصـرخت بالنايف :ناااااايف برررررررررررى .... اصلاً نايف كان بيطلــع من قبل وكان وده يرجــع يناظــر بالزيــن اللي افطــرمعــه بس خاف ربــه وطلــع ...
وبرى رجــع وطالــع شال جنــى اللي كان مربوط علـى يده تحــت ساعتــه ونزلــه ونادى علــى أبتهــال ومــده لهـا ..
أبتهـال طالعت بالشال ورجعت تطالع فيـه:وش اســوي فيــه ...
نايف :عطيــه لهـا ..
أبتهـال فهمت قصده بس مأستوعبتــه :وش اســوي .؟!
نايف :عطيــه جنــى بسرعه بطلــع اصلي ... ورجع شمــه للمـره الاخيـره وعطاه أبتهــال ...
أبتهــال رددت بعــد ماراح نايف :اعطيــه جنــى .. وبالشطانه كملـت :لاذي خيـانه وش بينهــم .؟؟!!

دخلـت على جنــى اللي سرحانـه وعيونهـا على كرسي نايف ...
أبتهـال وهي تجلس على الكرسي :خلاص ياحـلوه روميـو راح ...
جنــى بعـدم تصديق:يعنــي هو صدق كان هنـــا ...
أبتهــال بأستهبال :مين روميـو ولانايف ...
جنــى رفعت كأس العصيـر :والله لسبحك فيــه ,,تكلمــي زيـن ...
أبتهـال :طيب يمــه متوحشـه أيـه كان هنـا وقالي أعطيــك هذا .. واشرت لهـا بالشـال ..
جنــى اللي كانت شايفتــه علـى يد نايف بس ماصدقت عيونهــا,, وش قصــده من الحــركه هذي وش معنــى نظراتــه اللي كان يناظـرها فيهـا لأنه تفاجـيء بس لو تفاجيء فيهــا ماجلس كل هالمـده يناظـر فيهـا,, معقــوله يكن لي أي مشـاعر معقــوله يحبهـا زي ماتحبــه ,,ولا أي بنت يشوفهـا يجلس يناظـر فيها بهالطريقــه أنقهــرت يوم وصلت هالفكــره بس هذي موأول مره يشوفها فيــه ثالث مـره ,,, مـره عنــد المسبـح يوم ورفعـت يدها تحسس خدهـا ,,, ولفت علـى الجهه الثانيـه ومره فبيتهــم وكان يناظــرها بالنفس النظرات هـذي
معقــوله تكــون أعجبتــه ومـدت يدها تزيــن شعـرها وكانه للحيـن جالس قدامهــا ههههههههههه .
أبتهــال :هيييييييي بنت جنــى ..
جنــى :هاه ..
أبتهـال :ويــن وصلتــي مره تزينين الشعــر ومـره تحطيـن يدك علــى خدك ... وكملـت وهي تغمزلها :لاتكــونين تصـورتيــه يبوسك ...
جنـى بصـرخه :وجججججججججججججججججججججع قليلة أدب ...
أبتهــال :طيب قليلة أدب شوفي من بيعطيــك هـذا .. واشرت بالشال بوجهــا ...
جنــى :هاتيــه أبتهـالوه هاتيــه ولا أفضحــك قدام القاريء وأقولهـم عن حبيب القلــب ..
ابتهــال وهي شوي وتصيـح :لاحــرام عليك أنا بعرضك ...
جنــى :طيب هاتيــه ...
أبتهــال :طيب احلفــي قبـل ...
جنــى :والله ..
ابتهــال :اخاف تخونين فينــي ...
جنــى :استغفرالله العظيــم وش حركات العيلين دي دحنــا بالشهـر رمضــان ...وتـونا مفطـرين وأفطـــرمعنـا أخــوك أبو خشم منعــوج ...
أبتهــال :وشوووووو والله اعلمــه أصلاً هــو متعقــد منــه تجين أنتــي تعلقيـن عليــه ...
جنــى :لو فيك خيــر علميــه ..
أبتهــال :لاتحــدين ...
جنــى :طيب عطيني الشال ...
أبتهـال وهي تمــده لهــا :تراك حلفتــي ..
جنــى اخطفتــه منها وربطتــه على يدهـا وحطـت الساعه فوقـه :أبتهـال تحـب بنــدر ..
-------------------
بعــد الفطــور
وهــج :سالي امشــي نطلــع والله مانـي متحملــه أجلس دقيقــه زياده ..
سالي :طيب كلمــي أمك شكلــهم مطوليــن ...
وهــج :ايه فيــه عشــاء بعــد صلاة التراويــح ..
سالي :لا مستحيــل مأقدر استحمــل للي 31 ساعــه مانمــت مأقدر أحس راسي بينفجــر ...بجرب اتصــل على سعــود يرجعنـا للبيـت ..
دقت علــى سعــود اللي رد عليهـا بسرعــه ...
سالي :احلى حركات العـاده تطقنـا ساعه على بال ماترد ...
سعــود بضحكــه :وش تبيــن ...
سالي :نبيك ترجعنـا البيت أنا وهــج ..
سعــود :لاوش فاضي لكـــم ..
سالي :أنت وين اللحيــن ...
سعــود :فالشارع ...
سالي :يعنـي مو عنــد الرجال .. اجل خلاص بنطلـع لك أنا ووهج ... وصكت الخط قبل مايرد عليهــا ...
قامــت سالي وجلست جنب أم ناصــر عشـان تكـلم مع أم ناصر ..
شيخــه :شوفي شكلـها بتطلــع اذا طلعت هذي فرصتــك الحقيهـا بس لاتوضحيــن ...
أم مطلق :أجل بطلــع من اللحيــن .. ووقفت وتعذرت من الموجـوديـن بصــوت عالي وطلعـت ..اصلاً أغلبيـة الموجـودين يبـون الفكه منهــا ...
بعــد ماقامت أم مطلق جلست فطــوم مكـانها ...
فطــوم :وش عنــدك مع ام السحـور هذي ...
شيـوخ بابتسـامه خبيثــه :هذي هي اللي بتفكك من مرة ولــدك الخايســه ..
فطــوم بالصدمــه:وش قصـدك ...
شيخــه :قريب بتعرفيــن ...
طلـعن سالي ووهــج واستأذنــوا من الموجــدين وسالي تكلــم بمصخـره ...
طلعــن من المجلس ولبـسن عباياتهــن
وسالي رجـعت تتصــل بسعــود ...
سالي: وينك ...
سعــود بعصبيــه :برى يالله بسـرعه من ساعه نحتريكــم ...
سالي :ليه من معــك ..
سعــود :أخاف أقـولك وماتطلعيــن ..
سالي بأستخفاف :ياســر ..
سعــود :احلــى يالساحره وش دراك ...
سالي :وش يســوي معــك ..
سعــود :نلعب بالوت ,, اللحيــن انتي ماتبيــن انرجعك للبيــت أطلعــي ...
سالي صكت الخط بوجهه وطلعت كان ودها تكسحــه وترجع تدخــل بس الصـداع بيذبحهــا ...
وهــج :هاه وش قال ..
سالي :امشـي نطلــع .. وهج امسكيــن لاطحـت احس الدنيـاتدور فينــي ...
وهج :ياعمــري سالي لاتخافيــن أنا معك ...
سالي بأستهبــال :قهر مأقدر اسكــت لازم ارد على بعـض ناس ...
وهج :اصلاً هو ماراح يكلمك بيستحي على وجهه اخوك موجــود ...
سالي :طيب يالله نطلــع ..


فيــه عيون من بعيــد تراقبهــم وتمتــم بكلمــات وعينهـا على سالي ..

.اطلــعن سالي ووهــج مع الباب وشافــن سعــود واقف قـدام السياره ويوم شافهــن جايات يمشــن ركـب جنب الســواق ... قربن من السياره وقــدامــها صرخــة سالي صـرخه من اعماقهــا صرخه توقف شعــر الراس ....
وطاحت على ارض الشارع بانهيــار وهي تتلــوى على نفسها وتصــرخ صـرخة عذاب صـرخة ألم صـرخة اللي تنتزع روحــه منـــه ...

نهاية الجــزء السابــع عشــر ...

الجــزاء الثامــن عشـر

الفصــل الاول

(..وحشتنـــي وشتقــت لك حيـــل ,, وأشـواق قلبــي عذبنــي ,,من جـور بعــدك ذايق الـويــل ,, وأوهـام فكــري يتعبنــي ,,دمعـات عينــي لجلـك تسيـل ,, وأنت عيـونك مابكنــي ,,, جنـه بجأشك دافق النيــل ,, وأنا اللواظـي يلهبنـي ,,منك الغــلط يأتـي وأنا أشيـل ,, وأنت بغلطـه محاسبنــي ,, أغليك وادللك تدليــل ,, واردود فعلــك عذبنــي ,,صوابك عواطف قلبــي تميـل ,, لكــن أحاسيسك غبنــي ..)

دخـل ياسـر مكتبــه توه بيجلــس دخـل عليـه معتز سكرتيـره ..
ياســر :فيه شــي ..!!
معتـز :ايه طال عمـرك الوالـد بدو ياك ...
ياســر :طيب أنا طالع له ارجع القى أي ملف يحتاج توقيعـي على المكـتب ...
دخـل ياسـر مكتب أبوه ...
ياســر :يبه بغيتنــي
أبراهيــم وعينـه على الورق اللي بين يديـه :ايه اجلــس ,, ورفع راســه عن الورق وهـويقول :كنت بتكلـم معك فيـه بالبيت بس انت طلعت بسرعــه ,, ونظـر لسـاعتـه :الاويـن كنت كل هالمــده من طلعت الساعه تسع واللحيـن عشر ونص ..
ياســربعـدم اهتمــام :يبـه وش اللي كنت بتكلمنـي فيـه ...شي بالشغـل ..
ابـراهيــم :لا الشغــل ممتـاز والبركـه فيك بـس كنت بتكــلم عـن عمتــك ...
ياسـر بأنفعـال :وش تبــي بعــد مايكفـى اللي جانا منهــا ...
ابراهيــم :ليه وش اللي جاك منهــا ...
ياســر :انت تدري انه ماجاني منهـا بس جاء لزوجتـي وأنا وهـي واحــد ...
وبوقاحـه كمــل :واللي ماتنسمـى تبـريت منهــا وماعاد عنـدي الاعمــه وحــده ...
أبراهيـم :ترى اللي سوته عمتك مايجــي شي قدام اللي تسـويه أنت ناظر الموضوع بحكــمه ...
ياســر :اللي اسويه بمباركتــك تلميـذك طال عمــرك ...
ابراهيـم بتجاوز عــن وقاحـة ولـده :من صدقك أنت كل هـذا عشـان موضوع تافه بتخـرب علاقتنـا مع عمتــك ..بعــدين هذي حيــا الله زوجتك ....
أجــل لو أنت اللي صايبك اللي صار وش بتســوي ...؟!!
ياســر :انا اللي بسألك لوأنــه أناوش بتســوي ..؟!!
ابوياســر بعصبيــه :ياسـر لاتفاول علــى عمـرك وأنتــي تدري أني مستحيــل اسمح لحــد يضرك لاقريب ولابعيــد واذبح اللي يرفع يده عليك ...
ياســر :وأنا جاوبي علــى سؤالك :لو أنــه فينــي أرحــم ,, تدري ليـه لأنــي أحب سالي أكثــر من حبك لــي وأكثـر من حب الام لولدهــا ...
واستئذن بأنكسـار وطلــع ...
دخـل مكتبــه والهــم راكبــه وماهــو قادر يركــز وقع كل الاوراق بدون مايطالع وش فيهـا ماصــدق معتـز اخذها وطلــع ,,,نزل راســه على مكتبــه ورجــع بذاكــرته لليوم المشئـوم ...
كان هـو وسعــود جالسين بالشـارع هـو يدخــن وسعــود يسـولف عليــه ..
لين دق جــوال سعــود وكانت سالي اللي طلبـت منه يرجعهـا للبيت ..
سعــود طلب منـه يوصلهـم بس هـو قاله يأخذ سيارته ويوصلهـم بس سعـود رفض :لامستحيــل خبل أنت تعرفنـي غشيم أخاف اجنــي عليهـم فذيك الحـزه من بيفكــن منك ومن سلطــان ...
ضحكــوا جميـع وجلسـوا ينتظـرونهـن بالسياره ..لين جاء السعـود اتصالهـا الثانــي توقع لو علمهـا سعــود انها بترفض بس ادهشتــه يوم وافقــت وحلف ساعتــها أنه مستحيــل يضايقهــا اليــوم مهما استفزتــه وحتــى لوطاح من عيـن الجميـع اهــم شي هي تنبسط حتـى لوعلى حسـابه ...
شافهـا وهي تطلــع وتمشــي لسياره كان غصباً عنـه يبتســـم .... وسعــود يضحك عليــه ,,مسك راسـه بقــوه مايبغـى يتذكــر اللي صار بعــدها مايبغــى يتذكــر منظـرها وهي تنهـار على الشارع مايبغى يتذكــرصوت صراخهــا اللي يعـذبه كل ليلــه فمنــامه مايبغـى يتذكــر تقلبهـا على ارض الشــارع وسعـود يحــاول يمسكـها كــل هذا مايبغى يتذكــره بس غصبأ عنــه المشــهد ينعاد قدام عينــه :سالي فأحضــان سعــود وصراخــها مالي الدنيــا سعـود موقادر يسيطــر عليهـا وهو للحيــن جالس فالسياره وكأن المـوضوع مايعنيــه ..!!!
الشي الايجـابي اللي سواه سواقــته للسيـاره مايذكـر كيف شغلهــا وتحــرك بس يذكــر صرخات سالي من ورى وصوت سعــود وهـو يقرأ عليهـا المعـوذات وينفث على راسهــا ...
وصوت انات وهــج اللي راكبــه معه قدام وكلمــه وحده على لسانهـا :لا سالي مـوو مرره ثانيــه ...
وقبــل ماياصلون المستشفــى انقطــع صوت سالي واجمــدت حركتهــا ..
ياســر بصوت مايدري كيف طلع منــه :سعـود وش صار ...
سعــود بصوت مرتجف:مأدري ياســر الله يخليك اســرع زياده ...
ياســر بداخلــه :يالتنــي اقدر ياسعــود بس هذي اقصى ســرعه ياليتني اطير ياليت ...
ووصـلوا المستشــفى بعــد عذاب صراخ سالي وبعــدها عذاب هدوأها المفاجـيء كل اللي صار من دخــلوا المستشــفى نساه مايذكــر الايوم يطلـع عليهـم الدكـتور ورأســه بالارض ...
ماقدر يتحمــل صرخ بالدكـتور :تكلــم قول وش صــار..؟!!!
الدكتــور :أنتو اللي قولوا وش صــار أبي تفسيــر ..؟!!
سعــود بأنهيــار :مانــدري مافيـه سبب مباشــر هي فجأه كذا طاحــت علينـا
دكتــورالله يخليك طمنــا ...
الدكتــور لسعـود وياســر :وش تصير لكــم ..
سعــود :أختي ...
ياســر :زوجتـي ...
الدكتــور :يعنــي هي كانت طبيعيــه ماتعرضت لأي صدمــه ...
سعـود :لا بس هي كانت من مده طويلــه مانامـت...
الدكتــور :ماهمـا كانت الفتـره اللي مانمت فيهــا ماتسبب شلل ...
شاف الذهـول الصدمــه الاعتراض علـى وجيهــم بس وش يعتـرضون عليــه قدرالمـولى ...
الدكتــور :أنا آسف شلل رباعـي ...
كان ياســر أول مانطق بعدم تصديق :شل للل ...كيف وشلــون مستحيــل
لاسالي مستحيـــل ...
مسك راســه بيديــه يحـاول يصرخ يبكــي بس ماكان قادر كل اللي طلــع منــه سؤال :وش بيصيـر عليها يعنــي كيف نتركهـا مشلولــه كـذا ...!!!
الدكتــور:مابيدينـا شي حنـا حتى ماندري وش السبب .... بس بكـره بيزورنا دكتـور أمـريكــي وأن شاءالله بنعـرضهـا عليــه ... اللحيـن بنتركها فالعنـايه المـركزه ..
جاء ياســر بيتكلــم بس قاطعـه الدكتــور :أنا آسف بنمنــع عنهـا الزياره ....
وراح ...
نزل ياســر راســه بالارض وضغط راســـه على الطـاوله بقــوه وهــو يتذكــر اللي صار بعــد كــذا ...
كان جالس علــى الارض بجنب واحــد من الكــرسي ويشوف أهــل ناصــر وهــم يبكــون بحرقه وسعــود يهــديهـم وناصــر يصـرخ علــى خواته يسكتــن للحيــن صوت ناصـر يرن بارســه ..
ناصــر :خلاص اسكتــن أجـل لو ميتــه وش بتســوون ..
أجـل لو ميتــه وش بتســوون.[/color].. أجـل لو ميتــه وش بتســوون... أجـل لو ميتــه وش بتســوون... أجـل لو ميتــه وش بتســوون .....بذيك اللحظــه كان ياســر وده يقــوم ويضربه لين يمــوت بيــن يديه ...
وهــج بصرخــه :لاااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ا ....
كانت تصرخ بدون توقف وناصــر يهزها عشــان توقف ...
وبعــد ماهدت رجعت تقول :لاااا مو مره ثانيــه لاا سالي ...مو مره ثانيــه ..لا مو مره ثانيه سالي ...
تذكــر المــوقف اللي رد الحيـاه فيــه ...
أم ناصــر وقفت فجأه وقالت كلمات متفرقـه :صح مو أول مره سالي انشلت صح عيــن عيــن ..
ناصــر :يمه وش اللي مو أول مره ..
أم ناصــر جلست فتــره قبل ماتقــول :سالي أنشلت من قبل وجلسنـا أسبـوع نقلهـا بين المستشفيــات لين قالنا شيخ جبنـاه يقـرأ عليهـا أن اللي صابتهـا عيــن ,,الكــلام هذا قبل خمس سنيــن يوم كانت بالقصيــم ...
ياســر كان يتصـل على شيخ يعـرفه من نص حوارهــم ويوم خلصت أم ناصـر كلامهـا ... كان مخلص ...
بعــد ساعــه رجع سعــود اللي أنتظـره على بوابة المستشفـى ومعــه الشيخ ....
قــرأ عليهــا بعــد ماعـرف من الدكتـور أنه فعــلاً مافيـه سبب واضح للشل اللي صابهــا ... وبعــد قرأته عليهـا شك بين العيـن والسحــر بس بمأنهم شاكيــن من البدايـه فالعيــن أقترح عليهــم يفكــرون باللي نضلهـا وأكيــد من محيطهــم ماهــو بعيــد ...
فالسيب اللي قدام الغرفه اللي هي فيهــا..
سعــود بيأس:بس ياشيــخ وش درانا مــن يكــون هي فالجامعـه وتقابـل ملايين الناس كــل يوم ...
الشيخ :حاولوا والله كـريم وأبدوا بالقريبيــن منها ...يعنــي وين كانت أخــرمره وبالتدريج واذا الله اراد أنكــم تعرفـون بتعرفون بمثــل السرعه اللي شكيتــم فيهـا بالامــر واتصلتــو في ...وجلس يدعــي لها ...
بعــد يوميــن من الانتظــار وحرقة الاعصــاب ياســر كان فيهـا مايحــب يوضــح اهتمــامه أو بالأحــرى حبــه بس الالـم بعيــونه فضــاح ...
كان فالوقت اللي مافيــه أحــد مثل الصبح والظهــرلين قبل الفطــور يكــون موجــود هـو والسعــود اللي مايطلــع من المستشفــى وبعــد ماينتهــي وقت الزياره رغــم ان الزياره ممنــوعه بس يجـون يشوفونهـا من خلف الزجاج ....
مــره سأل سعــود :أبوهـا يدري ..!!
سعــود :لاا ماحبينـا نخـوفهــم خل الامـور تستقــر والله يشافيهـا ... ساعتهـا قال آآآميــن وحسهـا طالعـه من قلبــه ياما دعاء بالرحمــه لناس والشفاء لثانيــن بس أول مــره يحس بصدق الكلمــه وقوتهــا شي تطلبــه بقـوه ودك يصيــر,, ليش .؟!! ...لأنك ماتقدر تكمــل حياتك اذا ماصار الشي هــذا ...
لأنــه فاليــوم ذاك عـرف عمق حبــه لسالي فعــلاً حــد المــوت ... هذا معنــاة أن الشخـص يحب الثانــي لدرجـة المــووت لدرجـة أنه يتمنــى هو اللي يمــوت فالسبيل هــي ترجع للحيــاه لأن حياتــه بدونهــا المـــوووت الحقيــقي .... كل شي يهــون بس هــي ترجــع تأقف تحــرك وتسبــه مثل قبل بس تعيــش حتـى لو طلبت يطلقهــا بس ترتاح يطلقهــا كل شــي تبيــه بيسـويه ...!!!... عاش ياســر حياه لامعنــى لهـا الوقت يمــر وهو مايحــس فيـه,,, النـاس تكلمــه مايدري وش يقولــون لأن بأذنـه صدى ضكـات سالي مرات وسخريتهـا منه مرات ثانيــه كل شي صار بينهــم يتذكــره حتــى اخــر مره بغـرفتــه أخـر لمحـه لها شافهـا وهي واقفــه بذهــول وانتهــى كل شي ...انقطـع الارســال,, مالكــم خلق على اعصـابكـم وأنا اتمصخـرهههههههههههههههههههه ...
ليــن جاء أسعــد يوم فحيــاته كان جالس وهو سعــود جلس معهــم ناصـر وبعيــونه كلام بيقــوله وبعــد تردد قال لياســر :حنا شاكيــن بأحــد وهج من يوميــن بحاله مايعلمهـا الا رب العالميــن بس اليــوم ضغطـت عليهـا لين فاقت وقالت لي أنهـا شاكــه الاتجــزم بوحـده شافتهـا بعزيمــة عمتــي وكانت معهــا ...
فذاك اليوم مأقدر يسكـت لين ناصــر يكمــل صرخ عليــه :من هي تكــلم انطق ...
ناصــر :بس يمكــن أنا شاكيــن ...
ياســر :أقولك من يعنــي وقفت على شاكيـن ماراح نخسـر شي ...
سعــود :وش نتهم المـره من الباب لطـاقه ...
ياســر بصراخ :بمليــون طقاااااااااق بتقــول أنت ولا أخليك تنطق بالقــوه ..
سعــود :ياســر هد شــوي ...
ياســر :ماني مهــدي وأنت بتقــول ولاأيش ...
ناصــر :افففففففف أنت ماتفهــم يمكــن غلطــانين ...
ضحــك ياســر طبعـاً اللحيـن وهو يتذكـــر خخخخخخخخخ ...لأنه ساعتهـا قام على ناصر بس سعــود مسكــه ..

ناصـر :أم مطلق أمـي تقول أسمهـا كذا ....
مانتظــر ناصـر يكلــم كلامــه لأنه طلــع من المستشفــى ويسمــعهم ينادونــه بس مارد عليهــم بعــدها انفضــح بحبــه لأن نظـرات سعــود وناصـر الضاحكــه اللي يناظـرونه فيهـا طوال الايـام اللي بعـدها كافيــه عن أي تعليق .....
طلع من المستشفى علــى بيت شيخــه عمتــه عسى ماعمــه انعمـت عيونهــا ...
صب جام غضبـه على نايف اللي حاول يهــديه ساعتهــا ماكان يشــوف شي صراخــه سمعه القاصي والداني شيخــه انكــرت أن لها صلـه بهالانسـانه بس هـوعارف أن كل شي من تحت راسهـا مابقى سبــه ولا شتيمــه مارماها عليهــا كل شي فقامــوسه قاله ,,, أذا انتوا عنــدكـم شي تسـاعدونه فيــه ترى ماتقصــرون ...
وقالت أنهـا بتعزمهــا وتأخذغســولها ذيك الساعــه قالهـا :أن شاءالله أتعزمينهـا على جهنــم الحمــرا ... قسم باللي ماتنــام عينــه اذا ماجبتــي الغســول الليلــه لهــد هالبيت على راس اللي فيــه ...
وفعــلاً جــرى كل شي علــى ماخطط له .. بس سالي ماستجابت بسرعــه جلست بعــدها ثلاث أيام ليــن حركت يديهـا وبعـدها بساعات رجــولهـا واليوم اللي بعــده وقفوهــا ومشت بس بتعــب ...
وسمحــوا بزيارتهــا بس هـو مايدخــل عليهـا لين تنــام ...
وقبل ماتطلــع من المستشفـى بيوميـن طبعاً تحت اصرارهــا,,, دخـل بعد مانامــت جلس كعـادتـه على الكـرسي اللي جنبهـا مد يده يمســح على شعـرها ,,, وارتدت يده يوم سمـع صوتهـا :سعــود ...
قام بيطـلع وهي مدت يدهـا بتفتح النــور بس هو مسك يدهـا وقال بهمــس :نامــي نامــي ,, وارتـاحي وريحـي قلوب تعبانــه ..وطلــع بسرعه ومادرى أنهـا فعلاً نامـت وصوته يهمـس بأذنهـا نامــي ... نامــي ... الــى مالانهــايه ...
وياســر بعــد نام علــى مكتبــه على أخــر ذكــرى حزينــه بحياتــه .. صحيح هـذي أخــر احزانك يـ ياســرولا كـل هذا ماسدد ديونــك ...؟!!!
_________
..نايف وش كان ردة فعلــه على اللي صار ..
مأنصــدم بأمــه لأنه كان عارفهـا على حقيقتهـا بس أول مــره يحـس بقباحـة افعــالها يوم شاف عــذاب ناصــر وأهلــه بسببهـا هي كانت قاصده شخص معيــن بس اللي تعذب جمـاعه ,, وأكيــد غيرهــم كثير تضرروا مــن تصرفات أمــه ويأخوفه يكــون وهـو اختــه منهـــم لأن ناصــر بعــد اللي صار مافيـه امــل لو بسيط أنه يكمـل اللي بدأفيــه يوم كلم أبوه والحمـدالله انه هــو ماتكلــم مــع أختــه ولاصدق بتنجــرح والسبب أمهــا ,, وناصــر معقـوله يرضى يزوجــه جنــى بعــد اللي صـار ..!!..واللي كسر ظهــره حيــاة وهج اللي على حافة التحطــم,, فارس رجــع على الساحــه ويهدد ويتــوعــد .... أتصـل فيه وساومــه بس فارس مايبغــى فلوس يبغــى ينتقــم خلاص أنتهــى أدمان وصارمــدمـن على حافة الهــلاك ومايبغــى احـد بعــده يسعـد بحيـاته بيحطــم الجميــع وأي شي يقــدر يسويه فحيـاته فسبيل تعاسة شخص أخــر ماراح يقصـر بس أنتــوا اطلبو منــه ,, عشــان كذا ماتردد باللي طلبتــه منه رحــاب وبيخــدم أختــه اللي ياما طلبت منــه ومالبى بــس المـره ذي وللأسف فالخــراب وافق .. سؤال فارس بماأنك على حافة الحيــاه مثل ماتردد عنــدك اللي يشفع لك لوقابلت ربك ...؟!!
_________
في بيــت أبوناصــر بعـد مرور عشــرة أيـام علــى حادثـة سالي وفغـرفة وهج وسالي ...
سالــي تجهــز بتروح الجـامعــه وهج حاولت تثنيهــا عـن رايهـا بس سالي مصــره ...
وهــج :الله يخليك سالي لاتعـانديـن المـوضوع مايستــاهل تعبــك ...
سالي :وش اللي مايستاهـل أنابروح للجـامعه يعني بروح ...
وهــج :كل هـذا عشـان ياســر قال وقفـي هالتــرم هو قالهـا عشـان مصلحتـك ....
سالي :وأنا بروح الجـامعه عشـان مصلحتــي ... واللحيـن ممكـن تطلعيــن بلبــس ...
وهــج هزت راسهـا بأستســلام وطلعــت ...
بالصـاله تحــت وهج تطلب من أمهـا تكلــم سالي بس أمهـا استسلمـت بدون ماتحـاول وجنـى تلعـب دور المتفـرج بدون تدخــل ..
وهج بترجـي :يمه الله يخليك حاولي هـي للحيـن تعبـانه ماتشـوفينهـا موقادره تسنــد طولهـا ...
أم ناصـر :يايمــه أنا مأقدر أفتــح فمـي معهـا بكلمــه خليهـا على راحتهــا ...
وأذا صار شــي لاسمـح الله أنتـي معهـا ...
وهج بألم :لايمــه أنا مأقدر مأتحمــل أشوفهـا منهـاره مره ثانيــه ...
أم ناصـر :لا ان شاءالله ماراح تنهـار مره ثانيــه لأن السبب أنتهــى ...
وهـج :بس أعصـابهـا للحيـن تعبـانه مالهـا يوميـن من طلعت من المستشفـى واليوم بتـداوم ...
أم ناصـر :لاحـول ولاقـوة الا بالله ,,الله يجـازي اللي كان السبب ...
وهج بنشـوه :يعنـي صدقتـي أنها قاصده ..
ام ناصـر:لامـاني مصـدقه وش ناويــه ,,, وش هالافكـار الخبيثــه اللي براسك بعدين وش بينهـا وبين سالي تضـرها ,,, خالتك هي اللي جنت على نفسهـا تدري أنهـا حلـوه وعيـون الناس ماتـرحم ومع كـل هذا ماتخلـي فرصـه الا وتبـاها فيهـا بجمالهـا ماحافظت علـى نفسهـا وهذي ماهـي أول مره ...
وهــج بالدهشــه :اللحيـن طلعتـي سالي هي اللي غلطــانه ...
جنــى :لاياوهج لاتغلطــين سالي ضحيــة ناس ما تخـاف ربهــا ,, يمــه لاتطـالعينــي بهالنظــره وكملــت باصرار :عمتــي ماتخاف ربهــا ,,, لدرجـة أن بنتهـا تقول هالكــلام عنهــا أبتهـال قالت بلسانهـا :أمــي اذا كرهــت أحـد تسـوي أي شـي عشـان تضره ولو يدخلـها بالحــرام ...
أم ناصــر :وأبتهــال كيف تقـول هالكـلام عـن أمهـا ...
جنــى :لأنهـا ماهـي مثلهــا وتقــول الحق ولوعلـى أمهــا ...
أم ناصــر :خلاص جنـى الكــلام هـذا ماعاد ابغى اسمعـه فبيتــي ...
وعمتكــم بتضـل عمتكــم ...
جنـى بقهـر :لا بنتكلــم وساكـت عن الحق شيطـان أخــرس أنا مأدري كيف للحيــن ماقلت لسالي حقيقة مرضهـا ....
أم ناصــر :جنــى وأخرتهــا معــك أنتـي تبغيــن تخربيـن العلاقــه بين عمـتك وخالتك ...
جنــى :يمــه هذي وهـي ماتصيـر قلتي هالكــلام ليش حنا نسكــت وياســر يتبرأ منهـا وقدام الكــل يعنــي سالي أهـم من عمتــه اللي من صحى على الدنيـا وهي بوجهـه وعشـان مين عشـان سالي اللي ماعرفهـا الا مــن كم شهــر وحنـا نضحــى بسالي اللي عاشت معنـا نص عمـرها وعشـان مين عشـان عمتــى اللي ماطلعـت بحيـاتنا الا من كــم شهـر وليتنـا ماعرفنـاها ...
أم ناصــر بعصبيـه:خلاص جنــى ماله داعـي وأنتـي تدريـن أن اخــوك بيأخذ بنت عمتــك ليش انخـرب عليــه ...
جنــى بذهــول :وش نخـرب عليــه يعنـي قضت الدنيــا من البنات مالقى الا بنت شيـوخ وبعــدين ماهو مجبـور يأخذها...
ناصــر اللي كان سامـع الحــوار والله أعلــم من متـى :الا مجبــور مو عشـان شي بس عشـان كلمتــي ... جنــى خافت ناصــر يضربها بس الحمـدالله رمضـان ههههههه علـى الاقل يعصب عليهـا بس صدمهـا بهدوءه ,, كمــل :عرفتــي ليش مجبـور بعـدين أنتي قلتي بلسانك البنت ماهـي مثل أمهــا ليش اظلمهــا بذنب ماسوتــه ...
جنـى بتردد :بس اذا تزوجتهـا كيف عمتـي وخالتــي ...
قطعهـا :لاتخـافيــن حتـى لو تزوجت بنتهـا بيتنــا ماراح تطبـها سالي موجـوده اولا وبنتهـا اذا بغت تزورهـا تروح لهــا ...
أم ناصـر :ناصـر وش هالكـلام هذي عمتــك ...
ناصــر :وسالي خالتــي وارجـوك يمـه مأبغى تكلــم بهالمـوضوع اللي سابق للأوانــه ...
جنــى :بس عمـتي ماراح توافق ...
ناصــر :بأخذها غصبً عنهـا ولاماتثقيـن بأخــوك شوفي أنا وثقت بكلمتــك يوم قلتــي البنت زينــه .. وأبتســم ...
سالي من على السلم :يالله وهــج جاهــزه ...
أم ناصــر يوم شافت مكيـاج سالي اللي مبالغ فيـه عشـان تخفـي اثار المـرض هــزت راسهـا بأسف وهي تقـول :لاحـول ولاقوة الا بالله ...
الكــل فهـم القصـد بس محـد تجرأ يعلق ..!!!
وهـج :جبتــي عبـاتي ..
سالي :مع جولانــي .. أنا بسبقك لسياره خليهـا تجيب الاغراض اللي معها لسياره ...
ناصـر :لحظه بوصلـكم يالله جنــى ...
وطلعــوا جميــع للسيـاره ...
وعنــد اشارة (المحبـــه ) التفت ناصــر للمـره العشرين يتأكــد أن السياره اللي تلحقهــم من الصبح هي فعلاً سيارة ياســر ..!!!
بس وش السالفه على حسب علمــه هذا موطريق شركـة عمـه ... البنات كانـوا ساكتيــن بس اللحين سمع وهج تهمس لكن سالي عصبت منها وقالت بصوت عالي : وهج حلي عني لاسوي شيء مايعجبك...
وهج بصوت هادي:خلاص انسي اللي قلت لك بس لاتعصبين تر مو زين لك...
سالي بنرفزه:طيب لا تجيبين لي طاري،،وقطعت كلامها وفتحت الدريشه
ورمت على ياسر نظرة طـويلــه مليــانه كــره وسكـرتهـا...
بس سـوت هالحـركه ناصـر وجنـى أنفجـروا ضحــك لأنهــم من الصبـح ودهــم يعرفـون رد سالي على ملاحقــة ياســر لهــم ...
ناصــر بضحـكه لوهــج :دايــم يصير معكـم هالمـوقف

وهج ترددت تخاف تقــول وسالي ماودهـا أحـد يعرف ...
سالي بعـد اهتمـام :عادي قولي اللي تبيــن ..
وهج بحمـاس ونســت الحياء اللي يصيبها لاتكلـمت مع ناصـر :كثيرررررررر,,, ياما وياماوبعـض للاحيـان لين نوصـل باب الجامعــه ..
ناصـر بمكـر :وانتم فراحنيــن ..
وهج :لا من قال أصلاً سالي دايم تفشلــه ...
ناصــر يبغــى يحرج وهج :ياخوفي بكــره القى موكــب ورى سيارتكــم ياسـر وسلطــان و ......وبتــر جملتـه بابتسـامه رماها على جنــى له الف معنـى ومعنــى..
جنـى بجرأه مو غريبه عليهـا وخصوصاً أن مزاج ناصـر يساعــد :لايكــون بس ناوي تزوجني واحد من اصدقائك الشيبان ...
ناصــر :أنتي قلتيهـا شيبان مايصلحـون لك يالنونو بس لاتخافيـن بندور لك شاب حليـوه يكســر هالغرور اللي فيك ...
جنــى :ماني مغروره بس لاتحسب بتقـدر تجبـرني على احــد مأبيــه ..
ناصـر بسخـريه :أنا اجبــر الاميـره جنـى على شي ماتبيــه الله لايجيب ذيك الساعــه ,,بس أنتي قولي مواصفات فارس أحــلامك وأنا من بكـره ادور لك واحـد بمواصفاته وأخطبـــه لك ...مانــي أول واحــد يخطب لأختــه ,,,
ناصـر انتبـه على كلمتــه وعض لسـانه مو بكــره تخرها وتفضح البنــت ...
جنــى باحــراج :أنا ماكنـت اقصد كـذا ..
ناصـر :حتـى لو ماتقصـدين تبقيـن قوية عيــن ولا اصدقائي شيبــان هاه ..!!!
سالي :وهي الصادقــه شيبـان ولاسليطيـن من أي فئه نصنفــه ... والتفتت الى وهــج :هي انتي ياخبلـه لاتقـرصين درينـا أنك ماترضين عليــه ..
ناصــر بأبتسامــه :هذي سالي اللي اعرفــها ,, يالله ماودكــم تنزلــون ولاتنســون اذا فيـه أمر طاريء دقــو علـي ..
سالي وهي تنزل :ليه صرت تشتغـل بالاسعاف ولا المطـافي ...
ـــــــــــــــــــــــــــــــــــــــــــــعلــى الساعــه وحـده رجعــت سالي للبيــت وهج اصـرت تطلـع معهـا ...
وهج :ودي أفهــم دامك انتـي تعبـانه ليش طالعــه ..
سالي :بنـام احـس بتعـب خفيف أبي لاصحيـت يختفـي كل هالتعــب ...
وهج بأبتســامـه :تصدقيـن البنات كلهــم يوم شافـوك أنصدمـوا ماتوقعو تكــونين بهالشكــل الكـل حسبك خلاص أنتهيتــي ...
سالي :وأنتي بعــد ..
وهج :أنا حاشانـي أجـل من وين استمــد القـوه ...
سالي :بتحضرين الفطــور اليوم ...
وهج :واخليك مستحيـل ..
سالي بعدم اهتمــام :أنا بعـد بروح ...
وهج :سالي عاد عن تصـرفات الاطفــال مانتي رايحـه ..
سالي بعنـاد :الا بروح وأشوف مــن بيمنعنــي ....
وهج :أنتــي تبغينهـم يشوفونك وتبينـي لهم أنك قويه خلاص اصبري كلهـا يوميــن والفطــور عنـدنا واطلعي لهــم ...
سالي :هذا أخــر فطـور أحضره ولاتبينــي أجلس بالبيت وشويخ بتجــي ...
وهج بالصدمــه :هاه وش دخــل شيخــه ..
سالي :تحسبينــي مغفله ياوهــج للحيــن ماعرفتينــي ...
وهج :طيب وش بتســوين ...
سالي :يوم الاربعـاء بعــد مارجـع من الجـامعه بروح القصيــم ..
وهج :والجامـعه ..؟!
سالي :برجــع السبت وأول مانخلص برجـع للقصيــم ...
وهج :بس انتي تعبـانه ..
سالي :لاتعبــانه ولاشـي ,,وشيــوخ حسابهــا معي طــويل ...
وهج :سالي وش تقــولين ...
سالي :أنســي ياوهج كل اللي سمعتيـه انسيــه ....
وهج :أنتي تدريــن أن ناصــر بيخطب أبتهـال ...
سالي :قلت لك ياوهج ماني بغافله عــن اللي يصير...
وهج :يعنـي ماقلتـي وش رايك ...
سالي :محد طلب رايي ...
وهج :انا اللحيــن اسألك...
سالي :فات وقت السؤال ياوهــج فات وشيــوخ بتأخذ أخوكــم منكـم وبتقــولين سالي قالت ..
وهج :لامستحيــل ناصــر مايتغيــر علينـا وش ماصار ...
سالي :قلتها قبلك سعــود مايتغيـر علي وش ماصار وبالاخيــر باعنـي مثل ماغيره باعنــي ,, بس لاتخـافين أنتي بتزوجيــن وجنـى قويه مابتقــدر عليهـا وأخـوانك عيــال اللي الخوف عليهــم أمك وهـديل بس أنا مستحيـل أتخلى عنهــم ...
وهج بخـوف :سالي لاتخـوفينـي ناصـر مستحيـل يتغيـر علينـا وعشان ميــن عشـان حــرمه ...
سالي بصوت بارد :بتسحــره شيوخ وبيصير مثل الخـاتم بيــد بنتهــا ...
وانقطـع كلامهــم يوم وصـلوا البيت وانزلـوا وتفـرقوا ...
وهج دخلت على أمهــا بغرفتهــا وسالي راحـت تنام ...
شافت أمهـا تقرأ قـرآن جلست عنــدها ...
خلصت أم ناصــر وشافت وهج للحيـن عليها عبـاتها وتعض اصابعهـا بحركه تسويهـا من كانت صغيره لحسـت بالخـوف ..
أم ناصــر :وهج وش فيك ...
وهج والدمـوع بعينهـا :يمه أنا خايفه سالي قالت كــلام يخــوف ..
أم ناصــر اللي ماتمشي عليهـا سوالف سالي :وش قالت ..
وهج :تقـول أن ناصــر لاتزوج أبتهـال عمتـي بتسحــره ..
أم ناصــر :ايش الخرابيط هذي خالتك هذ ماهي صاحيــه بعـدين ليش راجعيــن بدري ...
وهج :سالي رجعتنـا بدري تصدقيـن تقول بتحضر الفطــور ..
أم ناصــر :خليهـا تحضر والله يهـدي النفوس ...
وهج :بس أخاف تمشكــل مع عمتــي شيخـه مايكفي جنى اللي ماتعطيهـا وجه ولاتسلم عليهـا ...
أم ناصـر :الله يهديهـا وش اسوي فيهـا خالتك سارقه عقلهـم حتى هــدول النتفـه تطيعهـا وماتطيعنـي ...
وهج :يمه أخاف كلام سالي صدق ...
أم ناصــر :لاحول ولاقوة الابالله أنتي ماتعرفين حركات خالتك تقــول هالكــلام عشـان تخافين وتكلميــن ناصــر ...
وهج :طيب بكلمــه ..
أم ناصــر بعصبيـه :وش تكلمينــه أنخبلتي أنتــي تبغيـن تخربين على أخوك أنا ماصدقت يقول بتزوج تخـرب علينا خالتك بألاعيبهـا ...
طلعت وهج من عنــد أمهـا والافكــار المـرعبه عــن اللي يصير بعــد زواج ناصــر من أبتهــال محاصرتهـا ...
دخلـت غرفة عادل اللي كانت اقرب غرفـه صادفتهـا ورفعة جوالهـا بدون تردد ودقت على رقـم ناصــر ...
سلطـان بعصبيـه مصطنعـه:ماتعلمت انت تصك جوالك بالأجتماعات المهمـه...
ناصر وهو يناظـر بالرقم :اللحيــن اجتمـاعي معك صار مهــم ,, أووف لو تعـرف من اللي متصــل ...
ووراه الرقــم .. سلطان ارتفع عنــده الضغط لأنه من عطى ناصــر الجوال كل مادق لقاه مقفل ولامايرد ولاقال لناصـر قال أختــي تستحــي ...
ناصــر :الووو .. هــلا وهج .. وش فيك .. وهج اهدي ماني قادر افهـم شي .. خالتي فيهـا شي ... اوووووف .. وبعصبيــه :وهج اهدي قولي وش عنــدك ...
عمتــي وش فيهــا ... لا ألـه الا الله .. وهج ولي يرحــم والديك اهــدي وقولي وش عنــدك ...ايه عفيه اهدي كـذا وتكلمــي حبـه حبـه أيــه انا طيب ..لا أيــش .. طيب مأتزوج طيب <<ناصر كان يهـز راسـه مع كل كلمــة طيب >> ... طيب مارح أتزوج بــس ليش .. يوووووه لاتبكيــن أنا اسمعك قولـي ليـش .؟؟!!.. ايه سالي وش قالت ... انا بتسحــرني ايه ترى انا خبــل ماني رجــال ..
وهج من بين دموعها:لا ماكنت اقصــد .. ايه هي تقـوله وتقــول بعــد بتصير زي الخاتم بأصبعهــا ...وبتغير علينـا ...ايه والله هي تقــوله .. وجلست تبكــي ...
ناصــر بتفهــم :طيب فهمــت عليك,,, خلاص أنتي أهــدي وأنسي كل اللي قالتـه خالتك ماراح أتزوج الا لاقلتــي أنتي اتزوج تبغيــن شي ثانــي ... مع السلامــه ..
ناصـر لسلطــان اللي يطالعــه وبعيــونه سؤال :تدري يالسلطــان لاتزوجت وهــج وجتنــي يوم تشتكــي منك أو نزلت دمعتهــا وأنت السبب ,,بذبحك وادفنك بدون ماينصــلى عليك ...

نهاية الفصــل الأول

الجــزء الثامــن عشـر
الفصــل الثانــي


كانت سالي تحط أخــر لمســاتها علــى الميك آب يــوم حســت بدوخــه قويــه
بس تمـاسكـت وماحسست وهــج على اللي صابهــا ...
وهج وهي تلبس عبـاتها :يالله سالي خلصتــي ...
سالي :ايه خلصت وش رايك ...
وهــج : تجننيــن مو واضــح عليك أي اثــر للأرهـاق ولاتعــب ..
سالي :أكيــد ولا مأكــون سالي ...
تحاملــت سالي على نفسهــا قد ماتقــدر بس ماوصلت الى باب الشارع الا وانهـارت كل دفاعتهــا وبصرخـة ألم مكبوتـــه ارتطمت بأرض الشارع الصلبـــه ...
كانت بدوامــه قويــه تعصف فيهـــا وظــلام يلتهمهــا وأصوات جايــه من بعيـــد حاولت تسمــع تفهـم تركــز بس الألــم أقوى منهــا صحت بعــد مــده ماتدري كــم كانت على سريرهـا والظــلام الدامــس يغطــي الغـرفه ...
حست بريقهـا ناشف حاولت تكلــم تنادي وبعــد صراع طــويل همـست بالضعف :وهججج ...
بس قالت هل كلمـــه أنفتح نور الغــرفه ...
وهج بحـب:سالي ياعمــري صحيتــي .. وجت تجلس عنــدها على السرير ...
جنــى صبت لهـا ماء وجابتــه لها ...
سالي بعد ماشربت المـاء:وش جالسين تســون بالظلام ..؟!!
وهج وهي تقرص خدها :نحتريك تصحيــن يالدلوعـه حتى مأفطــرنا ولاطب فمنـا غير المـاء ..
سالي :وأحد قالك تجـوعين نفسك عشــاني ..
هديل :شفتــو قايلــه لكم نفطـر أحسن من مقابل وجها وهي نايمــه ..
سالي :هي أنتي هنا .. وبعــدين من هذي اللي تكلميـن عنهـا ..
هديل:لاهنــاك ... هـذي خالتوو الغبيــه سالي ...
سالي :طيب طيب ياهــدول ..
جنــى :والله فاضيــن يالله أمشــوا نفطــر ولا بتصومـونا يوم كـامل ...
وهج :وانتي ماعنــدك الى الأكــل ...
جنــى :وش فيك انتي خليك فطينــه أحاول افض النزاع بطــرق سلميــه ...
سالي :أحلــى الصراحــه تصلحيــن رئيس لجامعة الدول العـربيه ...
جنــى :لاتكفين فكينـا لاتدخلينـا بالسياســه ...
هـديل :يعنــي مطـولين ابي فطــور ..
سالي :جتنا الأخت صايمــه ..
هديـل :مولازم أصـوم عشـان أجــوع ..
سالي بأستهبـال :طيب يمه لا تأكلينــي وترى لحمــي مرررر ..
علــى الفطــور أصدمتهـم وهج يوم قالت بفرحـه :خلاص ناصر ماراح يتزوج...
جنــى بأسئله متفرقه :ايش .. كيف .. وأنتي من قالك ...؟!!
وهج بفرحــه :هو قالي ...
سالي بأبتسـامة رضى:صدق وهج ... كـذا تعجبينــي بس هذا مو كـل شي لأن أمك ماراح تسكــت وأنتو كلكــوا لازم تاقفــون فوجــه الزواجـه هذي ...
جنــى :الصراحـه أنا صح ماطيق عمتــي شيوخ بس بعــد أبتهــال مالهـا ذنب ..
سالي بقهــر :وأنا اللحيــن قلت شي عــن البنت اصلاًهي على نيـاتها وأمها بتدخـل بكــل شئونها لو كانت قوية شخصيـه ماقلنا شــي بس ضعف شخصيتهــا بيوصـل أمهــا للبيتكــم هنـا وبتأخــذ منكــم ناصــر ... وكملــت بعــد ماشفت نظرات الخـوف والذعـر وخاصــه بعيــون هديل ووهـج :وأنتي ياجنــى المفروض تفهميـنها هالكــلام ولو بطـريقه غيــر مباشــره ...
جنــى :وش افهمهـا اصلاً وش اقــولها ...
سالي :مايبغالهـا ذكاء لمحي لها ان وجودها بهالبيت غيــر مرحب فيـــه وأن ناصــر كان بيخطــب بنت خاله وماخطبهـا الا تحـت اصرار أمــه ..
جنى بتردد :اصلاًهي تحـب واحد ثاني ..
سالي بأشمئزاز :ياعينــي ياعينــي ايه وايش كمــان ..
جنى :سالي ياويلك أن طلعتـي هالكــلام ..
سالي :ياويلي من ميــن ان شاءالله ...
جنـى بالترجـي :سالي بليز فرقي بيــن ابتهـال وأمهــا لاتظلميــن البنت الظلــم ظلمـات يوم القيامــه ..
سالي بملل :طيب خلاص فهمــت بس لاتستفزينــي ولاترى مأضمــن لك لسـاني ...
هــديل بفرحــه :نسيتــووووووووو حره أنا اللي بقـولها ..
جنــى بغباء: وش نسينــا ..
هـديل :مالك دخــل .. خالتوووووو شفتــي خااااااالي سعــودد وش يقـووول...
سالي بنفس طريقتهــا:ووووووش يـقوووووووول ..؟!!!
هــديل :خلاص ماراح تزوجيـــن ...
سالي بالصدمــه :وشوووووو ..
وهج :لاااا مو كــذا هـوقال بيكلــم ياســر عشان يجـلون العــرس ..
سالي بعصبيــه :ياســلاااام علــى كيفــه هووو ..العـرس بيتــم بوقتــه المحـدد ولاهمنــي لاسعــود ولاوياســروووه ...
وهج باستغــراب :توقعتك تنبسطــين ..
جنــى :حتــى أنا ..
هديــل :حتــى أنا ..
سالي :وأنا مانبسطت تبغــون تبسطـوني قولو طلقك مـو اجل العـرس ..
وهــج :اووووف منك وش طلقك بعــد فال الله ولافالك ...
سالي :ايه صح وش رايكـم تجـون معي كلـكم للقصيــم ..
هـديل :انا ماعنـدي مانــع ..
سالي :انا ماكنت اقصدك بكلمــة كلكــم ..
جنــى :والله فكـره مش بطاله زمان عـن القصيــم وبالمـره نشوف جهازك ...

سالي :وععععع لاتذكـريني ...
___________
وعنـد ياسـر وسـعود ..
سعــود :والله شكلك تضـايقت ...
ياســر :أكيــد بتضـايق أجـل تبغاني أرقــص وأغنــي ...
سعــود :شلـون يعنـي تبغى نســوي عـرس والعــروس كل شوي طايحــه علينــا ...
ياســر بقهـر :تصدق لو كنا فمكـان ثانــي كان عرفت أرد عليك ...
سعــود :ليش وش قلت أنا ...
ياســر :اللحيـن أنت وجهـك تحسب أني متضايق عشـان تأجيـل العرس ...
سعــود اللي فهم عليـه قال بخبث:أجــل ليش ...
ياســر:مـو لازم تعـــرف ...
سعــود :طيب طيب مو لازم أعــرف ... بس ماتلاحظ شــي على ناصــر ..؟!
ياســر :لاأنت ملاحظ شــي ...
سعــود :أيه ماتشــوف نايف بس لازق فيــه ..
ياســر بعـدم أهتمــام:وأنت وش حارك لاتكـون تغار على ولد أختك ...
سعــود اللي قهـره تطنيش ياســر:أصلاً أنا الغلطــان اللي بعطيك خبــر الساعـه..
ياســر :ماشاءالله وش هالخبــر ...
سعــود :السالفــه فيها زواج بس تطبــخ على نار هاديــه ..
ياســر :ماشاءالله مبـروك مابغيت تلحلح وتفرحنـا ...
سعــود :ياسخفك يالرجـال سوهـا أنت قبلي عشـان اتشجـع ...
ياســر :خلاص ولايهمــك بكــره أخذ الثانيــه ..
سعــود :سوهـا شف وش يصيــر والله لتذبحك سالي أنت وياهـا ...
ياســر :يعنــي أختك ماترحــم ولاتخلــي رحمـة ربي تنزل ...
سعــود :قـويه بــس واصلــه ..
ياســر بالدهشــه :سعــود عن حركـات الاطفـال وش واصله بعــد هذي ...
سعــود :حركات أطفـال بعـد أجل يبيلهـا بهـارات ...
ياســر بقهــر :سعـووووود ...
سعــود بضحكـه قويـه لفتت الانظـار عليــه :خلاااص امزح يأخــي ...
وأنتبــه على الانظـار المصـوبه عليــه وأبتســامه رجعتــه طفــل رجع كـلاً للي كـان يسويــه ...
ياسـر بحقد :زين كذا فرجت الناس علينـا ..
سعــود :وأنت شكــو أنا اللي فرجـت الناس علــي ....
ياســر :الله يسامحك الناس وش تقــول عنـي كل هالرزه والهيبــه وأمشــي مع مطفوق ...
سعــود اللي غيـر الموضـوع :الا ويـن بتودينـا الليلــه ..
ياســر :مأدري اذا تبـي تجي معي للمـزرعـه ..
سعــود :أنا وأنت بـس مأنت عازم أحــد ..
ياســر :لا وشلنــا بالشقى أنا عنـدي كم شغلـه هناك تجـي معي نتمشـى نغير جـو ونبيت هناك ...
سعــود :أيه بس لازم ارجــع من بدري أنا وسالي بنطلــع للقصيـم ...
ياســر بضيق :مو تقــول تعبـانه وش هولـه السفر وشحططــه ...
سعــود :هذي رغبتهـا و.....

*,


سلمت الآكف ومَاجلبت
إبداع دآئم وتميز مُستمر
لا عدمنَآك ::

تسلم الأيادي
ويعطيك ألف عافية ع الطرح القيم
والأكثر من رائع
بانتظار جديدك بشوق
أرق التحايا لروحك
وودي ووردي ♥

متميز
يسعدك ربي

طرح رآئـع
يحمل في طياته الابداع
ذائقه رآئعه .. مميزه ..
أعجبتني القصه ورآقت لي