عبر عن حالتك النفسيه ببيت شعر...متجدد

ماني لأحد يالي بتشريني انا ماني لأحد
انا الذي حريتي ترفض سجونك والقيود
لا تحسبني في الهوى اركض ورا الي يبتعد
ماني من الي خافقه سلعه ويطلب من يزود
لكن انا ياجاهلي مملوك للفرد الصمد
الخالق الي في يده حكم البشر بيض وسود
بوحي

مشتاقلك شوق له الشوق يشتاق
شوق يشيب الشيب من حر شوقه
مشتاقلك فيني من الجمـر حـراق
ومع زود نار الجمر شوقي يفوقـه

العين تبكي والغلاصارمفضوح
والروح راحت من عناك مغبونه
والحال ناحل واعذب الصوت مبحوح
عزي لمن صارت عظامه تخونه

بوحي

لاجاك من يعترف لك بانه المخطي
طبيعي انك تبي تغفر له (ذنوبه)

وشلون رب العباد المكرم المعطي
لا جاه الانسان يطلب منه (التوبه)

قليلة إن قلت لك : متشتت وضايق
‏وأكذب ليا قلت مافي خاطري حاجه
‏ما بين دمع الحزين ، وبسمة الرايق
‏أدوّر لشيء ينقصني ومحتاجه

صبرت واجد لكن الحين يا جعل
تفهم بأن ماني على ما انت خابر
بَـ قلدك بالفعل .. و بَردة الفعل
تسامح / اسامح ؛ تكابر / اكابر

تخيل تمطر الغيمة وحنا بحضنها غافين
يمازحنا رذاذ الما ولا نستغرب امزاحه
تخيلنا مع النسمة على كف الندى لاهين
نغني للغرام اللي ملكنا عالم افراحه

خيال عذب

‏صندوق صدري فيه مليون حاجه
واللي خلقني .. محد شاف وشفيه

اشعل على كيفي.... فتيلة سراجه
واقرأ لوحدي ... واتأمل خوافيه !

.عامَـل جميع الخلـق من طيب نيـه
ومزحك عن خطوط الادب لا يعدي

ما علمك صوت المطر كيف أحتريك
وإلا المطر ما جاب لي طاري أبد ؟
كم قلت لك في غيبتك وش كثر أبيك
إشتقت لك .. إتقول لي وأنا بعد ..