مليون بيت شعر••√

عسى دوم على شفاياك البسمه ترتسم
يارقيقة الاحساس ياعذبة المشاعر

الله على خدك واعيونك والمبسم
واخصرك المياس واردفك الفاخر

رحال

تختبر الأيام صبري .. و أتقاوى
‏لو رضيت الدمع ما أرضى بالهزيمة

‏عادي الأشياء مع الفارق تساوى
‏و اه يا حزني على : نفسي القديمة

‏إبكني .. لو جرح قلبي ما تداوى
‏بس لا تبكي على أحلامي العظيمة.

تلفت له قلوب مدري عيون
‏يرحم ابوه الذي جابه
‏.
‏مالت على شاعر المليون
الي مايدري عن حسابه

شعري اليوم ما هو تماديح وهموم ...
شعري (أنا) لي ضاقت الوسيع فيني ..
شفت القلب لي كثّر عليك باللوم...
تباريني حروفي وبعذبها ترويني

أنـا على غـيابك تـعوّدت و أدمـنـت
وأسرق من اللحظات بَسمات وأفرح

لا عـاد تسألني عن الشوق لا هـنت
مـا ودّي آجـامل ولا ودّي " أجرح "

ياظاميه
يبّس شفايفك العطش
غيّر ملامحك الوله
ونتي ونا شمس وقمر
مانلتقي لو نحتظر
ياظاميه

تمر المكان وتنحني لك قلوب الناس
‏هذا قلبه يسلم وذا قلبه .. يحاتي

‏يقول حمد البريدي :
جابك الله .. تملك البال ومزاجه
كل ما هوجست جابك كل طاري
مثل ما اختار الجمال بكل حاجه
انت اجمل شي خذته باختياري

هآت يدك بيدي خلنا وحدنــا

خلها حب وانسى من تكوون واكوون

كل قصة محبــه تبتدي بآسمنـــآ

يبتدوون بمحبتنــــآ ولآ ينتهـــــوون

اثر الزمن دوار و أيامنا طيش ..
‏و مصادم الأيام يحتاج صمّله
‏.
‏الطير يأكل نمله الأرض و يعيش
‏وان مات لحم الطير تأكله نمله