قصه وقصيدة

حبيت اشاركم في القصه ان شاءالله تعجبكم


كان هناك ثلاثة ابناء عمومة , احدهما كريم و الثاني فارس و الثالث عقيد قومه , فتواجدوا في مجلس واحد لا رابع معهم و عندما جهزت القهوه قام صانعها لصبها للحاضرين .
فاحتار لمن يقدمها اولا فصب الفنجال ووقف متحريا اشاره احد الثلاثة بايهما يبدا .
فلم يتكلم أي واحد منهم باي كلمة او اشارة , فصب الفنجال بالدلة واعادها الى مكانها وجلس , ومرة اخرى قام فصب الفنجال ووقف متحريا أي اشاره او تنبيه من الحضور بايهم يبدا , وايضا لم يتلقى أي كلام او اشاره او تنبيه فارجع الدلة الى مكانها و جلس .

ثم قام فى المرة الثالثة فصب الفنجال ووقف ينظر اليهم بايهما يبدا فاشار اليه العقيد( عقيد قومه ) فقال هذه الابيات :-

يا مسوي الفنجال حوفه وذوقـه * خص الرجال وبد ناس على ناس
صبه على اللي وافي ٍ في حقوقه * يملا الصحن ويطمن النفس للناس
وسقها على اللي تلاعج بروقـه * فكاك ربعه يوم الاريـاق يبـاس
وسقها على اللي كل عد ٍ يذوقـه * تلقى اخباره مثل عطات الامراس

فقام صباب القهوة فصب القهوة على الاول ( الكريم ) , ثم ساق الفنجال على الثاني ( الفارس ) ثم ساق الفجال على الثالث ( عقيد القوم

الكرم يرفع مقام صاحبة
انا اول مرة اسمعها استفدت منها وان شاء الله احفظها
هيا مرورك عذب وحضورك مميز
لاتبخلي علينا أيتها الأنيقة

احترامي

تسلم
اكيد الكرم عز وفخر

وانا والله ماعرفت ان للقهوة مقامات وانصدمت من هالقصه يوم قريتها

جنون الحرف موضوع رااااائع ولاهنت
وهذي مني لكم قصه وقصيده

قصه حدثت في الكويت بين اشخاص ذاهبين الى زميل لهم في البر عنده حلال ويروحون يستانسنون عنده سوالف وضحك ويوم وصلوه رحب فيهم وجلسو عنده وقهواهم وفلو من السوالف والمزح اللي تعرفونه والشباب فيهم واحد شاعر ويوم صلو العشاء وحطو عشاهم وتعشو جلسو يسولفون وكان عندهم تلفزيون وكان الوقت صيف حااار جدا وتعرفون الكويت الجو فيها بالصيف حار
وبعد العشا شافو التلفزيون وطلع حق الارصاد الجويه ويقول اوروبا مطر والديره اللي هنا مطر
وتهيض شاعرهم وقال


يالله بنو(ن)مادرت عنه الارصاد
يعلم اللي عالمن بالسريره

والى لمع برقه يجي معه رعاد
يملا الفياض كبارها والصغيره

ويفرح به اللي قال سعر العلف زاد
وراعي الشعير يبور عنده شعيره

تقبل من القصه يالامير



ولاهنت

بالامـس شاهـدت لــي بنـتـاً سعـوديـه
سبحان من صـورة ميه على ميه

قـالـت لــي الـزيـن كـلــه فالسـعـوديـه
مـانــي غـريـبـه أنـــا بـنـتـاً سـنـافـيـه

وشلـون لونرفـع البـرقـع مــع الفيه
تشـوف زيــن الـعـرب متجمـعـاً فـيـه

الشمـس مـن خـدي الايـمـن شروقـيـه
والبدر في خـدي الايـسـر سواسـيـه

مـا شافـت العيـن مثلـه فالعـرب زيــه
لطيـف جسمـه علـى روحـه بـلا نـيـه

سالتـهـا الـحـي قـالــت حـــي بـدريــه
ربـــي خلـقـنـي وهـــو متـكـفـلاً بـيــه

يا أهل الهوى عشت أنا عيشه شقاويه
مـرحـوم يــا عا شـقـاً زيــن السعوديه

بالله لاصـــدرت حـكـمـك بالـعـدامـيـه
تحـسـب لـيـوم اللـقـاء يــوم القيـامـيـه

أعتز بارض الفخـر وأهـل السعوديـه
أهـل الكـرم والشجاعـه والشـهـا مـيـه

السكب 12
ولكي اتجنب النقد من بعض الخوات من بنات العرب اقول ماينطق على السعوديه ينطبق على جميع بنات العرب
اذكر نزلتها في موقع ونطة وحده بحلقي تقول ليه بس السعوديه وبنات العرب الباقيات بلشه ونطة الثانيه وردت قالت ياسبحان الله كنك تطالع فيه وتكتب عني مدري صادقه والا ماكلت مقلب مشقلب في نفسها
و المعذره لم ترق الي المستوى الشعري بسبب انها ثاني نص لي اكتبه بعد الأولى التي كانت هجاء وبعد تعدي بعض اخواننا العرب على سب وشتم وتعدوا الخطوط الحمراء السعوديه واعتذر بعدم عرضها في المنتدى وتركت الكتابه فتره طويله وعدت لها قبل فتره قصيره فعلا رب ضاتنا نافعه

اقتباس:

ياسبحان الله كنك تطالع فيه وتكتب عني

لالا اكيد انك شايفها هههه
القلب خضر يالسكب
لاهنت
تحيااتي

جنونالحرف
جميل منك إحياء الموروث الشعبي بهذي البساطة والجمال

نبدا قصة وقصيدة!

اللي يبينا عيت النفس تبغيه
واللي نبيه عيا البخت لايجيبه)
كثيرا ما نسمع هذا البيت ونردده دائما لروعته وجماله وجزالته، له قصة حزينة وهي
للشاعرة نورة الحوشان التي كانت تعيش في قرية عين قنور الواقعة بين القصيم والدوادمي مع زوجها عبود بن سويلم إلى ان وقع بينهما خلاف أدى إلى طلاقها طلاقا لا رجعة فيه، وبعد الطلاق تقدم لها كثيرون طالبين الزواج لجمالها ولكونها من عائلة معروفة ومحافظة، وقد رفضت الزواج بعد زوجها الذي كانت تحبه، وذات يوم كانت تسير على طريق يمر بمزرعته وبصحبتها أولادها منه، وعندما مرت بالمزرعة رأته فوقفت ناحية المزرعة وانطلق الأولاد للسلام على ابيهم وبقيت تنتظرهم إلى أن رجعوا إليها فأخذتهم وأكملت سيرها، وقد تذكرت أيامها معه وتذكرت من تقدم لخطبتها بعد الطلاق ورفضها لهم، فقالت قصيدتها المشهورة التي يتداول الناس منها البيت الأخير الذي أصبح مثلاً دارجاً بين الناس الذين لا يدركون قصة هذا البيت الذائع الصيت في منطقة الخليج كلها،
واليكم قصيدتها:

يا عين هلي صافي الدمع هليه
وإليا انتهى صافيه هاتي سريبه

يا عين شوفي زرع خلك وراعيه
شوفي معاويده وشوفي قليبه

من أول دايم لرايه نماليه
واليوم جيتهم علينا صعيبه

وإن مرني بالدرب ما أقدر أحاكيه
مصيبة ياكبرها من مصيبه

إللي يبينا عيت النفس تبغيه
وإللي نبيه عيا البخت لا يجيبه

راشد
اول مرة اعرف قصة الابيات
لك مني جزيل الشكر

احترامي

السكب

مبدع

اوكسجين
هذا البيت الان مضرب الأمثال
القصة جميلة جدا ومؤثرة
لاتغيبي

احترامي