رواية الزمن طبعه كذا روايه جديدة الجزء الثاني 2017

دخـل على أبوه اللي كان جالس بالمجلس وحالته سيئـه وشكـل الضغط مرتفع عنـده ..
حمـد :يبه الله يطولنا بعمـرك هد بالك ومايصيـر الا اللي يرضيك ...
ابوسعــد :وشلون ياحمــد ..
حمـد :إن اتصلت على شيخ ثاني واللحين هو جاي بالطريق ..
سعـد :والشيخ الثاني وش بيسوي مثل مافضحتنا بالاول بتفضحنـا بالثاني ,,بعدين كيف بنفسـر لارياجيل اللي بالمجلس اللي قاعد يصيـر ...
حمــد بهدواء:اول شي ماراح يصيـر شي قادمهم نجيب ياســر هنـا ونملك ..
سعـد :والحيوانه اللي مقفله على عمرها كيف بنطلعهـا ..
حمـد بحقد :عمـرها ماطلعت خلها تخيس بالحمـأم ,,الشيخ اللي اتصلت عليه يملك بدون مايسأل العروس يعني مجرب لمثل هالحالات ,,والتوقيع أي وحده من البنات ولاأمـي توقع بدالهـا ...

ياســر وبعــد ماملكـوا وعلى العشــاء جالسه بينه وبين نفسـه :الصـراحـه أنا مانصـدمت باللي صـار بالعكــس كنت متوقع منهـا أي شـي كنت بنصدم صدق لو استسلمت وماحاولات تفركش هالزواجـه ,,بس شكل أخوانهـا صدق معصبيــن ومتفاجئين وكأنهـا غريبـه عليهـم ومايعرفونهـازيـن ,,وأن الغريب احس نفسي اعرفهـا أكثر منهم ,,بس شكلهـا الليـله بتأخذ علقــه محتـرمـه ...

ياســر وهو طالع من العشـاء وراجـع للخيمـه انتبــه على ناصــر اللي كان يكلم ورى الخيمــه مايدري ليـه راح له ,,
ناصـر يوم شاف ياسـر جاي لمـه قفـل من اللي كان يكلمـه أوبالاحرى اللي كان يكلمهـا لأنـه كان يكلم سالي ويعلمهـا باللي صار :انبسطت بعـد ماسويت اللي براسك ,,مو قلت لك البنت ماتبيـك ,,ليه تحط نفسك بموقف زي هـذا ...
ياســر وهو يشغـل سيجارتـه:مو وقت الحساب اللحين خالتك وصارت زوجتـي ...
ناصـر طنشـه وجلس يلعب بجواله ...
كمـل ياسـر يوم شاف ناصـر ساكت :افضل لك ولهـا ترجـعها اللحين الرياض قبل مايفضون لهـا خوالك لأنـي ماتوقع يمررون اللي صار على خيــر...
ناصــر:قلت لهـا ,,وتقول أن محد يهمهـا ...
ياســر وهو يطفي برجله السيجاره بعد مارماها على الارض:وانت بتسمع كلامهــا ,,سعـد شكلـه موناوي على خيـر ينتظـر الرياجيل اللي عنده يطلعون ويلتفت لها,, عن اذنك واتمنـى تسوي اللي قلت لك عليه ,,ودخل الخيمــه ...


نهــــايـة الفصــل الاول
من الجـــزء الثامــن ...


--------------------------------------------------------------------------------

الجـــزاء الثامــن
الفصــل الثانـــي ...


رجعــت تغسـل وجهـا للمره العشـرين لعـل وعسـى تصحــى من هالكابــوس اللي عايشتـــه ,,, ناظرت صورتهـا بالمرايــه كان وجهـا أحمــر من كثــر ماغسلتــه وعيونهـا تدمــع من المـاء اللي داخلها
وشعــرها القصيـر لاصـق على جبينهـا ,,,سالي تكلم نفسهـا:معقوله اللي قاعـد يصيـر قبـل دقايق بس كانت جالسه مبسوطه اتفنن بالمكياج وسعــد برا يحتـرق ,,,كيف انقلبت المعادله وصرت أن اللي قاعده احترق ,,,اشعــر بالقهــر وقلت الحيلــه احس إن حبـل التف حول رقبتــي يخنقنـي وأنا مو قادره ابعده عنــي أول مره احس اني ضعيـفه مابيدي شــي ,,,كيف يزوجونـي غصب عنـي ..ياربي ليش اللحين بس غصبوني يامانخطبت ماعمرهـم فكروا يغصبوني ليه هالانســإن بذات يجبروني على الزواج منــه ,,ياليتهم غصبوني على أي أحـد الاهــذا ,,يالناس ياعالــم تاريخي معــه غيــر مشـرف هــذ اماتزوجنــي عشـإن شـي واحد بس إنـه ينتقـم منــي ..أنا,,أنا,, صـرت متزوجـه كيف مايصيــر أنا اللي أكـره مأشــوف الرجال كيف اتزوج ,,للحيـن ماني مستوعبــه أن اني طحت بالفـخ اللي رسمـت لأهلـي ,,أكـرهم ...أكــرهم ,,,عمــري ماكرهتم كثـر ماكرهتم اللحيــن ,,هـم سبب كل العذاب اللي عشتـه من يوم فتحــت على الدنيـا الا هاليــوم هم سبب شقاي بهالحيــاه ويقولون ليـه طالعــه قليلة أدب وقحــه ماحتـرم أحد ماهـو انا لقية أحد يربينـي ويعلمنـي الخطـأ ,,
ياسبحـان الله :يـرمون الخزف علـى الارض يقولوا ليه يتكســر..
يلومـوا الجرح بقدامـي وطريقـي ممتلـي اشـواك ...
لا ياربــي أنا ليش حظـي كذا ,,يعنـي الا متـى بعيش بعذاب ....

وبنبرة حقد طالعـه من جواة قلبهـا :حـرام ليـش أنا بـس اتعـذب لازم كل اللي حوالـي يتعـذبون مثلي ويشـربون من نفس الكأس ,,,بتشوفون كلكم أن ماقلبت حياتكم نكــد كل اللي ساهـم فهذا الزواجـه راح ينوله من الطيب نصيــب ,,وأولهـم أنت يازوجـي العزيـز ياســر !!!
طلعت من الحمـام وفكرت الانتقـام ورد الاعتـبار مسيطـره على تفكيـرهـا فتحت دولابهـا وسحبت عباتهـا وشنطتهـا ,,وطلعت جوالهـا واتصلت على ناصــر ...

طلع ناصـر من المجلس بعـد ماشاف رقم سالي لأنه استنتج وش تبي فيـه ماعارض رغبتهـا بالرجعـه للرياض ,,طلع بسـرعه للمواقف منغيـر مايودع جـده وخوالـه حتـى مايعطيهـم فرصـه يفكـروا بايذاء سالي أو منعـها من الرجعـه معـه ...


من يوم دق جوال ناصـر وطلـع عرفت من المتصـل فطلعت وراه بدقايق وبعـد ماودعتهم ,,وهذاني اشوفهـا قدامــي تمخطـر بمشيتهـا وكأنهـا تقول يارض هتزي ماحدا قدي ...وكالعـاده العبـاه ولاكلفت نفسهـا تصكهـا والطرحـه على أكتافهـا ولا كأنهـا جالسـه تمشـي بقسـم الرجال وممكـن بأي وقت يطلع أحد ويشوفهـا ,,,شكلهـا ماكنت منتبهه لي لأنهـا الواضح عليهـا سرحـانه ,,

:خالتي سالي ,,خالتو سالي ...
سالي بنرفزه :تخلخلت عظامك من متـى صرت خالتك ..
بسـام:اوووه خالتـي ,,عمتـي كلـه واحد المهم غطـي وجهـك ..
سالي: وش قلت ياولد أبوك ؟! ,,تأمـر على خواتك مو علي ...
بسـام :اقولك غطي وجهك غبيه انتي يمكن يطلع رجال ويشوفك ..
سالي بعصبيـه :بساموه حل عني لأطلـع سوايا ابوك فيك ,,ومره ثانيه حتى لو شفتني طالعه بدون عبايه ماتكلمني فاهم ,,ولفت على الجهه الثانيه ورجعت طرحتهـا على وجها وشافتـه واقف يناظرها ويبتسـم بأنتصـار ,,,حست أنها بتنفجـر من الغيض اذا ماطلعت حـرتهـا فيـه ,,وبحركـه غيـر اراديـه حملت حصاه متوسطه الحجم من الحوش الترابي وراحت تلحق ياسـر اللي طلـع للمواقـف طلعت وكان المكـان مظلم شافت ناصـر موقف سيارتـه بعيـد واقف عنـدها يكلم ومعطي الباب ظهره يعنـي مايشوفهـا دارت بعيونهـا على السيارات الموجـوده وفجاه اشتغلت وحده من سيارات واشتغـل نورهـا عرفت أنهـا سيارته وبكـل قـوه تمتلكه رمت فيـها الحصـاه على شباك المقعد اللي جنب السائق ,,وكملت طريقهـا لسيارة ناصـر وركبت ورى بدون ماتكلـم ..
ياســر :الحيـوانه بغت تكسـر زجاج الشباك حسبـي الله عليك ,,ولاتدرين ليته كسرتيه عشان أطلع بعديـن من عيـونك وعشـان يرتفع الثمـن اللي راح تدفعينــه ...

ناصـــر:الوو,, هلايمـه ,,ايه ,,طيب حنا ننتظـرك برى اطلعــي ,,يمـه واللي يخليك اطلعي مالي خلق انزل اسلم علــى أحـد ..وبعد ماقفـل ..
ناصـر:سالي انزلي معي سلمي على جدتك وخالاتك ...
سالي سافهتـه ..
ناصــر:سالي يالله عن الدلع كلها عشر دقايق انزلي سلمي على جدتك وخالاتك ...
سالي بأنفعـال:ناصـر بتنزل أنزل أنا رجلي ماراح تمشي شبـر برا السياره ..
ناصــر نزل وصك باب السياره بقـوه ...



طلعت سالي جوالها من الشنطـه وهي تحس أنها مخنوقـه ودقت الرقم ...
وهج :الو هلا سوسو ..
سالي بيأس:وهج خلاص زوجني له ...
وهج بصدمه:كيف مستحيــل ,,حسبي الله عليهــم ذولا مايحســون ,,,
سالي بألم:من زمان توك تدرين ,,وهج ماني قادره اصدق اللي صارلي ...
وهج بحقد:اكرهم ليه يسوون فيك كذا ذولي مو أهل ذولا أعداء ...
سالي :حتى أنا اكرهم والله لخليهم يندمـون ,,وهج احس بختنق وش اسوي ..
وهج وهي تبكـي : خلاص مابيدك شي تسوينـه ...
سالي وهي تشوف ناصر وامـه جايين :خلاص وهج بعدين اكلمك ...

أم ناصـر اللي ركبت قدام :السلام عليكم ..
طبعـاً محد رد ..
أم ناصــر :ليش مانزلتي تسلمين على جدتي وخالاتـي هو جاين من حايل عشانك وآخــر شي تسوين فيهم كذا ..
سالي معطيتهـا أكبــر طاف ..
أم ناصــر:ليه ماتردين القطو أكل لسانك ..
سالي تأففت بقهـــر ..
أم ناصــر:الله يهـديـــك,,ويعيــن المسكيــن اللي ابتلى فيــك ..
سالي :ناصـــر شغل الـfm ...
أم ناصـــر:وأنتي هـذا اللي فالحــه فيـه سمـع الاغانــي ..
ناصـر اللي مل :خلاص يمـه هــدي ,,هي اللحين متضايقه لاتزيدين عليهــا ..وشغل لهـا الـfm

ياســر اللي نشـوة الانتصـار مسيطـره عليـه اتصــل بالسعـود اللي يحســـه أقـرب انســإن لـه أقـرب له حتـى مـن أخــوانـه بـس حـس أنه اخـدعه ياربـي وش بتكون ردة فعلـه لو درى أحسن شي مأقوله اللحيـن ..
سعــود :ياســر وصمخ وش فيك ماتصـل عشان تسكت ..
ياســـر :هاه ,,وش قاعد تقــول .؟؟
سعــود:لا والله شكلك أبد مو صاحـي ,,,حبيبــي روح كمل نومك واذا صح صحت ارجـع كلمنــي ..وقفـل ..
ياســر وهو يناظر بجواله :حسبي الله على بليسك مدري وش فيـه ذا استخف مستحليها هاليومين كل شوي صاك بوجهــي بس عادي يمون النسيب...وجلس يضحك بقوه ..

جنــى بخوف: وهج وجع وش فيـك تبكــن ...
وهج تبكـي ....
جنـى :وهج قولي طيحتـي قلبــي ,,امي ناصـر وسالي صار فيهم شـي لايكون صارلهم حادث ..!!
وهج بانفعـال:فال الله ولا فالك ,,بس ...ورجعت تبكـــي ..
جنــى :اوووووف الله ياخذ ابليسك تكلمـي ,,قسم بالله أنك تقهــرين ..
وهج وهي تكلم وتشهق :سالي خلاص تزوجت ياســر..
جنـــى بصـدمـه :سالي ,,ياســر ..انتي وش قاعد تقولين ..
وهج :حرام عليهم ليش يسون فيهـا كـذا,, ليش يغصبونهـا على شـي ماتبيــه ..
جنــى :وهج ياســر وش دخله بالسـالي أنا مو فاهمـه شـي من اللي قاعده تقولينـه ..
وهج باستغــراب :أنتي ماتدرين أن ياسـر خطب خالتـي سالي ..؟
جنــى بصـرخه :مين خطب سالي ..
وهح :ياســر ياســر ,,واللحيــن خلاص صارت زرجتــه ..
جنــى:وهج تكلمي معـــي بوضوح ماني قادره استوعب ..
تنهدت وهج وجلست تقولها السالفه ...
جنـى وهي ماسك راسهـا:مستحيـل مو قادره اصـدق اللي قاعده تقولينــه ...
وهج :لا صدقـــي ,,خالتــــي باعـــوها وبأبخـــس الاثمـــان ...

فاطمـــه اللي داخلــه البيت والابتســامه شاقـه الحلق :خوش ملكــه الصــراحـه ماقصــروا أهــل المعـــرس بـس شيخــه اللي يشوفهــا يقــول هـذا عزى بنتهـا مو ملكتهــا ..
بسمــه :حتـى فاتــن ماكانت فـرحـانه وبـس تبكــي ,,لدرجــة أن خوات سالـم انتبهوا لهــا وجلسو يسألون ليش تبكــي ..
فاطمــه بطنازه:مسكيـن أمهــا اللي خلتهـا تعلق بالوهــم ,,بــس حامض على بوزهـا تأخذ ولـدي ..
بسمـه :اقـول يمــه أنتي من تبغين ياخـذ ياســر ..؟
فاطمــه اللي انبسطت على السـالفه :أخـوانك كلهـم أبغـاهـم ياخـذون من بنات خواتــي وأخـوانـي ,,حتـى أنتي لو بيدي زوجتك لواحد من عيالهم ..
بسمـــه بداخلهـا:لاتكفين يمـه,,الا أنا طلعيني من مخططاتك أنا ماراح أخذ الا نايـف ولو على جثتـي ..
فاطمــه :وش فيك سكتـي ياحليلك يابسوم تستحيــن ..


ريان :بسوم تستحــي كثرولي منهـا ..
فاطمـه :ماشاءالله من ويـن لافـي يالهـايت ..
ريان عشان يغيــر الموضوع :اوش اوش ,,وش هالكشخـه والله منتي هينـه يأم ريان ..
فاطمـه :اسمـي أم ياســر لوكنت ناســي ...
ريان :والنعم فيك والخيبــه بياســر ..
فاطمـه بعصبيــه :ريان ومـرض لاتقـول عن أخوك كـذا والله لوأنه عدوك ..
ريان وهو يحرك يديه :طيب هـدي ,,لو هـو اللي متكلم عنـي كـذا ماقلتــي شـي ..
فاطمــه:هـو أخـوك الكبيــر ويقول اللي يبـي ..
ريان :يمــه بليز مللتينـي بهالجملــه أخوك الكبير,, أخوك الكبيـر ,,مـدري وش مسـوي لكم هالياســر أنتي وأبوي ياخوفـي يكون ساحـركم ..
بسمــه :كل هالحقـد على ياسـر عشان ماخلى أبوي يشتري لك سياره جديده ..
ريان :ايه مو على كيفـه ..هو كل شهــرين مغيــر سيـارتـه وأنا لــي سنـه ماغيرت سيارتـي ..
فاطمـه :أنت ليش ماتفهــم السيارات اللي يشتريهـا أخوك من حر ماله ماشحدهـا من أبوك مثلك ,,بعـدين سيارتك جديده ليه تغيـرها مالها ست شهور من اشتريتهـا ..
ريان بحسـد :ايه ماهو ولدك المدلل ماترضين عليه ,,ليه ماتصيرين مثل عمتي شيخه لو يطلع عيونهـا نايف تعطيهن له ..
فاطمـه بكره :وقطيعـه مالقيت الا الثـور المدلل ولد عمتك تبغـى تصيـر مثله ,,أنا مدري وش محصله من وراه أمــه هذا كبـره وللحيـن ياخذ مصروفه منهـا بنـدر اللي اصغـر منـه تخـرج وتوظف وهو للحيـن يـدرس..
ريان :وهـذا اللي هامكـم الشغـل ,,اصلاً ليش يتعـب نفسـه ويشتغـل وفلـوس أبـوه ماتحـرقهـا النيران وعمتي ماهي مقصـره عليـه ..


بنـدر اللي توه جاي :السلام عليكـم ..
الكل :وعليكم السلام ..
بندر:وأنت مالك سيـره الا عمتك ولدهـا ,,وبعـدين من الصبح ادق عليك ليش ماترد ؟!
ريان:جوالي مافيـه شحـن مقفـل ..
بنـدر:على العمـوم أبوي متحلف فيك وده بس يشوفك عشان يقصبك ...
ريان :ياليل الزفت ,,وأبوك ماعنـده غيـري يطلـع ضيقه فيـه ..
فاطمـه :وأبوك وينـه ماجاء ..
بنـدر:الشيبان كلهم بعـد العشاء راحو ديوانية أبو سالم ...
ريان :ماقلت لي وش فيـه الشايب علي ..
بندر اللي فصخ شماغه وعقاله ورماه على بسمـه :صفطيـها ,,برايك وش يبي فيك يعني بيصور معك..
ريان :بدون تريقـه ..
بندر: يبغاك تروح معنـا للملكه ,,,هو من يوم درى أن ياسـر مسـافر عصب ...
فاطمـه :اللي يسمعك يقـول مسـافر يلعـب ماكأنـه مسافـر شغــل ..
ريان بغيـره :أكيـد ماترضـى عليـه حبيب القلـب ..
بنـدر :يووه أنت للحين على هالغيـره ,,عيب عليك رجال وش كبرك وتغـار ..
ريان :ايه أنت خلك طيب كـذا لين يسـرق حلالنـا ..
فاطمـه :حسبي الله عليك من ولد استح على وجهك اللي تكلم عنه هـذا أخوك .!
بنـدر:الغيـره اللي تكلـم مـو هو ..
ريان :واللي يسلمكم غيـروا الموضـوع ,,هـذ مركـب قرون استشعـار لـوكان بأخــر الدنيـا يسمعكم ويجـي ...
ياســر اللي واقف على الباب :من هـذا !!..السـلام عليكـم ..
الكـل :وعليكـم السـلام ..
فاطمـه وهي تغايض ريان :هـلا والله بولدي نـور عـيني ..
بنـدر وبسمـه :ههههههههههههههههههههههههههههههههههههههههههههه هههه ههههه.
ياسـر بأستغـراب وهو ينزل جواله ومفاتيحـه على الطاوله اللي بينـه وبين بسمـه : وش فيكـم تضحكـون ؟!
بنـدر وهو يطـالع ياسـر بأعجـاب:ياخطيــر من ويـن جاي على هالكشخــه ,,الثوب اسـود والغتـره اللي يشـوفك يقـول معـرس ,,بس ليـه شلت السكسوكـه,بس تبقـى حلـو ..
ياسـر اللي ارتبك يوم سمع كلمـة معـرس :ماقلت شي جديد ادري أني حلو وسيـم ,,وماحتـاج شهـادة أحـد ..
ريان بصوت واطـي بس سمعـه ياسـر :انتبـه لاتطيـر ..
فاطمـه :هاه يمـه اشوفك رجعـت بدري من القصيـم ..خلصت شغلـك ؟
ياسـر :ايه الحمـدالله خلصت ,,وعشان يجـس نبضهـا :توقعـي يمـه من شفـت هنـاك ؟!
فاطمـه :والله ماعـرف أحـد بالقصيـم ..من شفت ؟!
ياسـر بنبـره غريبـه :ناصـر ولد عمــي .!
فاطمـه بنرفـزه :وين شفتـه اللي ماينسمـى ..
ياســر:بيت جـده ..
فاطمــه :وأنت وش موديك عنـدهم ..
ياســر:شغـل والشغـل ماله دخـل بالخلافات العائليـه ,,وبعـدين أنا مفكــر أخذ منهـم ..
فاطمـه اللي تحسبـه يمـزح :ليه لاقي عنـدهم اللي تليق بياسـر ولد أبـراهيم الـ.......
بسمــه بنبره لها معنــى :يمكــن عاجبتــه سالي المتمــرده ..
فاطمـه بعصبيـه وصراخ :أنتـي كيف تسمحين لنفسك تكلميــن أخوك بهالطـريقـه ..
بسمــه :لوكان ماهو معجب فيهـا محط صورتهــا خلفيـة شاشتـــه ...

ياســر بهالحضـــه حس أن الهـواء اللي بالصاله تبخـــر ,,كل اللي بالصـاله سكتـوا ينتظـرون رد ياســر على اللي قالتـه بسمـــه !!
بسمـه بتريقــه :وش فيك ساكت ليه ماتــرد ,,الا ماقلت مـن متــى تعــرف بنت الـ............
كف علــى وجهـا سكتهــا ,,بسمــه :تظربني عشان ......
ياســر وهو يتنفس بسرعه :واقص لسانك اذا سمعتك تكلمين عنهــا بالشينــه,,,سـالي .....وسكت ثوانـي مرت كنهـا ساعات على الموجودين :زوجتــي واللي يمسهـا يمسنــي وبصـرخه ارعبت بسمــه: فاهمـــه !!!
فاطمـــه :أنت وش قاعـد تقـول استخفيـت ..كيـف زوجتـك .؟
ياســـر :زوجتـي يعنــي زوجتـي تزوجتهـــا ,,ماتفهمونهـا ذي بعــد رحت لأهلهـا وخطبتهـا وافقـوا واليوم ملكنـا فهمتـي وش يعنـي زوجتـي يمــه ..
فاطمــه بذهـــول وصدمــه :تتزوجت من ورانـا هـذ آخــر تربيتــي فيك ...
ياســـر :يمــه أنا ماسـويت شــي حــرام تزوجـت واعتقـد الزواج حــلال,,وبليـز يمــه لاتكبريـن الموضــوع انا توني اليوم مالك يعنـي ماخبيت عليكم شـي ..
فاطمــه :ليه تبغـي لين تزوج ويجيك عيــال بعــدين تخبــرنا ...
ياســـر:اعتقـد أنا كبيـر بما يكفي عشـان أخـذ قرارتـي بنفســي ..
فاطمــه :طيب تبـي تزوج قولي وانا ازوجـك اللي تبيهــا ..
ياســر:طيب ماصار شـي أنا تزوجت اللي ابيـهـا,, واعتقـد سعادتـي هي اللي تهمك ...
فاطمه وهي تمسك راسهـا:سعـادتك مع سالي ,,عاد مالقيت الا سالي اللي سيرتهـا على كـل اللسـإن ..
ياســر:يمـه ارجوك لاتغلطيـن,, وبعـدين لوكانت سيرتها على كل اللسان زي ماتقولين ماكان كل هالعـالم اخطبـوها..
فاطمـه :ذولا ناس فارغيــن يدورون على الجمــال ,,,ماتهمهم الاخـلاق والتـربيــه هـذي وحـده متمـرده مايملى عينهــا أحــد ,,وحـده مالقت أحد يربيهـا ,,أهلهـا تاركينـه على كيفهــا,,والله لو كانت متربيـه بملجأ ماكانت هـذي أخلاقهـا ...
ياســر:يمـه ارجوك كفايــه ,,,خـلاص سالي صارت زوجتـي وكل الكــلام اللي قاعـده تقولين ماعاد ينفــع ,,فلو سمحتـي ريحيني وريحي نفسك وصكي هالموضوع ...
فاطمــه :بكل برود جاي تقولي صكي على الموضوع ولا كأنك مسوي شـي ..
ياســر وهو يطلع الدرج :أنا تعبان بروح أنام بكره نتفاهم ...وأختفــى ..
فاطمــه اللي جلست على الكنب بتعب :الله يجازي اللي كان السبب ,,عين وماصلـت على النبــي ,,أكيـد هـذي حوبـة شيخـه وبنتهـا ,ولاولدي العاقل ياســر يرتكـب غلطـه زي كـذا ..
بنـدر :يمـه هــدي بالك ,,اللي صار مايسوى كـل للي تسوينـه بنفســك ..
بسمــه بحقـد :لاتقـول مايســوى اصلاً أنت وش فهمـك أخوك بيسوينا مصخـره قدام الناس على آخـر الزمـن ..
بنـدر:أنتـي تستكيـن مو أنتي سبب كل هذا ,,وبدال ماتهدين أمك جالسه تزيدينهـا..
ريان اللي جالس ولاهمـه بس ماحب يفوت فرصـه قال يتشمت :ايه مو هـذا ولدك المثالـي ,,شوفي وش سوى تزوج بدون شوركــم ..
بندر بصـرخه :ريان ,وهي مو ناقصتك أنت بعــد ..
ريان اللي ماسك باب الصـاله :ايه مو كلمة الحق صايره ماتعجبكـم ..مع السلامـه وطلـع ..
فاطمــه :خلاص أنتم اطلعوا لغرفكم اتروكني لحـالي ..
بندر بأعتراض :بس يمـه ...
فاطمـه :بندر خلاص قلت لك اطلع غرفتك ...
نزل بندر راسـه وطلع فوق ..

ياســر اللي نايم على سريـره :انبسطـي ياسـالي هـذاني من بعـد ملكتنـا بثلاث ساعات بـس تهاوشت مـع أمــي
,,اووف والبـركه بسوســه بسمــه حطتنـي بموقف محـرج تستـاهل الكف اللي جاها تحسبنــي ضربتهـا عشان الكــلام اللي قالتـه عن سالي أن ضربتهـا لأن ماتوقعت أختـي يطلع منهـا كلام زي كـذا !!
ورفع جوالـه واتصــل عليهــا بــس للأسـف كان مغلـق .!
طالع باسمهـا على الشاشه :لا المرجـوجه ماتناسبهــا ,,شكل بنت أختهـا خريش عشان كذا مسميتهـا المرجوجـه
,,بـس هـي ابد مولايق عليهـا الرجـه .!
هـي اللي يليق عليهــا وكتب (الملسـونـه ) ..
وطالع بجوالهـا اللي كان على الكرسي :أنت وجودك خطــر ماجبتلي غيـر المشـاكـل ,,ولف بنظره على الغـرفه
لين انتبــه على شنطـه فوق الدولاب نزلهـا وحطـه فيهـا بعـد ماغلقـه

سالي :ماتفهمين مابي اروح جامعـه,, ماني رايحه لها ...
وهج بحزن :سالي ويعدين معك لك اسبوع اللحين مارحتي الجامعه ترا ماليت وأنا احظرك ...
سالي :وليش تحظريني انا طلبت منك,, بعدين خلاص جامعه ماني مكلمله ..
وهج :سالي يالله قومي لاتشمتين العذال فيك ..
سالي : وهج بليز اطلعي سببتيلي صداع بحنتك ,,اطلعي مابي اسمع شي من نصايحك ..
اخذت وهج عباتها وشنطتها وقفت على الباب كانت بتكلم بـس غيرت رايهـا وطلعت ...


ناظرت الساعه اللي على الجدار كانت 9 ونص يعنــي داوم اتصلت على الشركـه اللي اخـذت رقمهـا من الاستعلامات لاكن قالوا لهـا أنه سافــر من يوميـن ..
ظربت الجوال بالجدار وصرخت بقهــر :جعلك ماتـرجع ,,الله يأخذك لازم تسـافر بهالوقت ..
أم ناصر اللي سمعت صوت الكسـروجت بتشوف مصدر الصوت:وش سوى لك الجوال عشان تكسرينـه ..
سالي :اصلاً كل اللي صارلي وقاعد يصير لي أنتو السبب فيـه يعنـي لو فقدت عقلي أنتو السبب ..
أم ناصــر:ياكافي وش هالكلام ,, كل هذا عشان زوجناك بالغصب ,,طيب حنا نبي مصلحتك اللي ماعرفتيها ولاراح تعرفينهـا بيوم ..
سالي :ومصلحتي ماتكون الا مـع ال**** هذا من كثر الي خطبوني ماجبروني الا على هذا,,كله عشان مصلحتهم مو عشان مصلحتـي زي ماتقولين,,واوعدك اذا ماخليته يطلقني ماكون سالي ..
أم ناصـر بخوف من تحدي سالي :سالي خلي الخبال عنك وش يطلقك أنتي خبلــه تبغين تفظحينــا ...
سالي :وأنتم وش دخلك تنفظحين أنا اللي بطلق مو انتي ..
أم ناصـر بتهديد :سالي والله أن ماعقلتي لعلم أبوي وسعـد عليك ...
سالي وهي تضحك بسخـريه :ومن قال أني اخاف من هم لو أخاف ماسويت اللي سويته يوم الخميس ,,بس لأني عارفـه أن ماوراي رياجيــل الا طرطنقيــه يمشون على كلام الحـريم ..
أم ناصــر بعصبيه :أن خلاص ماعاد تحمـل قلة أدبك ,,قسم بالله يالسالي أن ماعقلتي وخليتي عنك قلة الادب هذي مالك جلسه فبيتـي ...
سالي بعدم مبالاه:عادي مو أول مره انطــرد ,,انطـردت قبل من بيتـي أبـوي ,,وطردتنـي بعـدها أمـي ,,يعنـي أنت بتطلعين افضل منـهم ...
أم ناصـر بالندم :سالي حبيبتـي أنا ماقصـد ,,انتي تدرين أني مستحيـل اطردك ,,خلاص سوي اللي تبنه أنا مالي دخـل ...
سالي بداخلهـا :لو كان عنـدي ملجأ ثاني غير بيتك كان ماسكت بس وش اسوي مالي غيـرك ,,أنا لازم يكون عندي مكان اروح له لاتسكرت الابواب بوجهـي وعشان يكون عنـدي هالمكـان لازم يكون معـي فلوس ..
أم ناصـر :وش فيك ساكته ,,يالله أنزلي معـي نفطـر ..




نزلت سالي وهم يمشون مع الدرج قالت سالي :الا صدق ماعطيتوني نصيبـي من الصفقـه ..
أم ناصـر بأستغراب:وش صفقته ؟!
سالي :لاتسوين نفسك مو فاهمـه ,,الصفقـه اللي بعتوني فيها بالرخيص .!
أم ناصــر :اووهوو علينا أنتي متى بتفكينا من هالسالفـه ..وجلست على الطاوله .
سالي اللي جلست قدامها :ابي مهــري .!!
أم ناصـر اللي ماطرى على بالهاهالموضوع :طيب بكلم سعــد واسأله ..وجلست تأكـل ..
سالي :كلميه اللحين ..
أم ناصـر :لا العصـر أحســن ..
سالي باصرار :وأنا اقولك اللحين ..
رفعـت الجوال واتصلت ...
أم ناصـر :مايرد ..
سالي :حاولي مره ثانيـه ..
أم ناصـر :مايحتاج أحاول أكيـد مشغول خليه العصـر ارجع اتصـل عليـه ..
اخذت سالي الجوال منهـا وجلست تتصل عليه لين رد ..
سعـد :الوو.
سالي سوت مالت على الجوال وعطته أختهـا :خوذي رد ..

أم ناصـر:الو ,,هلا سعد ,,وش اخبارك واخبار العيال ,,,ايه الحمدالله حنا كلنا بخيـر ,,ناصـر ايه ايه اسمعك ,,من ..ايه انشاءالله ..وبعد مانتبهت لسالي اللي من الصبح تأشر عليها تدخـل بالموضـوع ,,أقول سعـد ياســر ماعطاكم مهــر لسالي ,,وشو ..كيف..طيب وانتم ليه ماقلتو له ,,طيب طيب المهم لاتنسـى تقوله ,,سالي اللي فهمت الموضوع أخذت منها الجوال ..
سالي:اسمـع هي كلمه ورد غطاها ابي نصف مليون ريال تكون بحسابي قبل الاربعــاء ..
سعــد :وليه انتي من وين طلعت يلي ..
سالي:طلعت من بطن أمـي..
سعـد :من يون اجيب لك نصف مليون ,,الرجال ماعطانا لك مهـر ,,,وهو اللحين مسافر ..
سالي :والله زي مابعتني ادفع الثمــني ,,ولاشاطر بس بتوقيع الصفقات ..
سعـد: لاتخافين ماني بسارقك بـس اصبري لين الرجال يرجع ويعطينا مهرك ..
سالي بعصبيـه :أنت غبـي ماتفهم اقولك ابي الفلوس اللحين تقول بعـد مايرجع انشاءالله يرجع بكفنه,,والله لوجاء يوم الاربعـاء ومالقيت المبلغ بحسابي لسويلكم فضحيه تكلم فيها الناس السنين ,,وصكت السماعه بوجـهه ..
نهـــــايـة الجــزء الثــامـــــن ......

******************************************

الجــزء التـاسـع
الفصـل الاول ...







جمعت كتبهـا ودفاتـرهـا بسـرعه وحطتهـا بالشنطــه طالعت بساعة يدهـا كانت السـاعه 1:45 ..
جنـى وهي تلف بنظـرها على الفصـل الفاضي :يوه تأخــرت وأنـا انقــل اللي على السبوره ,,اووف يخوفنــي الهدواء ..اخذت شنطتهـا وعبـاتهــا توهـا بتنـزل تحت ماحسـت اللي يسحبهــامن ورى وبدون أي مقدمـات بد وا يضربونهـا اختـل توازنهـا وكـانت بتطيح مع السلم بس امسكوها واللي طاحت شنطتهـا التفت بتشوف وش السالفه كانوا اربـع بنات لابسـات عبايتهم ومتلثمـات ,,,وحده كتفتهـا وثانيـات اللي تظربهـا واللي تشدهـا مع شعــرهـا ,,جنـى من صـدمة المفاجئه ماقدرت تنطق الا بالصـرخه قويه اول ماشافتهـم وبعـدين ماعطوهـا فرصه ربطوا فمهـا ,,كانت تحــس بأن شعـرهـا تمزع من جذوره من كثر ماكانوا يشدونه ,,
رفعت وحده منهم يدهـا المليانه من شعـر جنــى وقالت بمصخـره :تصدقين من زمـان عاجبنــي شعــرك ماتمنيت تكون هذي نهايتـه ...وطلعت من جيبهـا مقص توهـا رافعتــه بتقص شعـر جنـى ..


بس سمعت صـرخت وحده من البنات :مراقبـه جت ..
مسكتهـا مع قميصهـا وضربتهـا على الجدار كررت الحركه لين فقدت جنـى الوعــي..
وحد من البنات :يامجنونه اتركي البنت بتذبحينهـا ..
البنت وهي ماسكه جنـى:واذا ماتت وش بيصيــر يعنـي .!
جرتهـا البنت وهي تصـرخ :اتركيهـا الله يلعنك ,,المراقبـه جت ..
البنت فكت جنـى وخلتهـا تطيح على الارض ورفستها برجلهـا ...
وبثواني اختفـوا من المكـان ...

الأولـى:غبيــه أنتـي بغيتـي تذبحيـن البنت.
الثانيـه:أنا قايله لكم من البدايه الانسـانه ذي مابغاها تجي معنـا ..
تكلمت فاديه بغرور:اللي يسمعك يقول ميته على الجيه معكم أنا بـس جايـه عشـان خاطر حبيبة قلبـى أموول مو عشان سواد عيونك أنتي وياها,, وبعــدين جنوووه هــذي قدنا يوم تروح تبلغ علينا الاداره خليهـا عشان تكون عظه وعبـره لغيـرها ..
الأولى بسخـريه:اقول اذا أنتي كـذا وش خليتي لأخوانك ..
فاديه وهي تزفهاعن طريق عشان تطلع :مالك دخـل بأخواني ,,واتصلوا بأمل بشروهـا أن الخطـه انجحت قبـل ماتنـام ,,باااي..
الثانيه :الله يقلعك يالحيوانه بغت تفضحنـا ..
الثالثه اللي كانت ساكتـه :توقعون اللي يسوناه بيمر مرور الكـرام ...
الاولى بعدم مبالاه:عادي مو أول مـره نسوي هالحركه ..
الثـالثه :بس المره هذي أحس بخوف ,,جنـى مو سهله وأهلهـا مو سهلين ,,مو زي المشرشحات اللي دايم ..
الاولى بتوتر:يووه خلي عنك هالتشـائم اللي بيوديك بالداهيــه ..
الثـانيه بخوف:أنا من يوم قالت لي أمل أن البنت المقصوده جنـى رفضت لولا أنها هددتني ماكنت بوافق ...


سالي بتملل:اووووف وش فيهـا أختك الغبيــه تأخـرت حنـا ناقصينهـا بعـد ...
وهج :يعنـي ماتعـرفينهـا لازم تطقنا ساعه على بال ماتطلع ,,ياربي السـاعه بتصيـر اثنين وهي لحد اللحين ماطلعت ...
راجو :ايش هدا ,,جنى فيه تأخر كثير ,,كيف أنا رجع أنت بيت بعدين روح جيب عادل سامي ..
سالي :اسكت أنت الثاني مو ناقصينك بتقص لنا قصـة حياتك ...
وهج :سالي شوفي البواب بيصك الباب بعد ماطلعت ذي شكلهـا المناوبه ..
سالي :وشلون جنـى ماطلعت ,,وفتحت الباب ونزلت ..
سالي للبواب :لو سمحت أخـتي داخل للحين ماطلعت ..
البواب اللي كبير بالسن :كيف ماطلعت خلاص المعلمه اللي عليهـا المناوبه وطلعت ,,أكيـد طالعه مع أحد ثاني ..
سالي :مستحيــل اصلاً مافيـه أحد ثاني يجي يأخذها ,,أنا متأكده أنها داخــل ...
البواب :لاحول ولاقوة الا بالله يابنت الناس اقولك المدرسـه فاضيـه مافيه أحد يعنـي لوهي داخـل بصك عليهـا ..
سالي اللي تسلل الشك لها:طيب بتصل بالبيت اشوف اذا هي جاتهم أولا بس أنت لاتروح ..
وراحت سالي للسيـاره واتصلت بالبيت ردت عليهـا هديل وقالت أنها ماجت ...
سالي و وهج صابهـم رعب والافكـار تلعب بروسهـم وطلبوا من البواب يفتح لهم الباب بيدورونها داخـل ..

دخلـوا وكـانت معهم الفـراشـه زوجـة البواب ,,وهم يمشـون بيطلعـون الدور الثانـي صـرخـة وهج بعـد مانتبهت على شنطة جنــى المرميـه تحت السلـم ..
وهج وهي تمسك شنطتهـا:هذي شنطتهـا ...
سالي حطت يدهـا على فمهـا تمنع صـرختهـا ...
الفـراشـه بالدهشـه :ياربي ستـرك وش تسوي شنطتهـا هنـا ..
سالي بصـوت عالي :جنـى ,جنــى جنــى ..
وهج :امشـي نطلع فوق يمكن نلقـاها ...
الفراشـه :هي باي صـف عشان نشوفهـا فيـه...
وهج :بالثالث ...
الفراشـه :فصول ثالث بالدور الثانـي ...
طلعوا فوق أول ماحطت سالي رجلهـا بدور الثاني صـرخة برعب يوم شافت جنــى اللي ممده على الارض وجهـا مو واضـح من الدم اللي مغطي وجهـا وشعـرها متناثر جنبهـا على الارض ...
ناصـر :جنـى حبيبتـي تذكـري عمرك تخانقتـي مع أحد ,,فكـري من اللي ممكـن يسوي حـركه زي هذي فيك ...
أم ناصـر وهي تمسح على شعـر جنـى اللي نايمه على السرير:خلاص ياناصـر مو وقتـه هالكــلام أهم شي سلامتهـا..
ناصــر بقهـر:لامو خلاص ,,ماصارت مدرسـة بنات اللي يصيـر فيهـا زي كـذا ,,وبعـدين كيف البواب كان بيسكـر الباب وهي داخـل يعنـي لو ماكانوا البنات هنـاك بذاك الوقت كان صارت مصيبـه ,,ويـن المعلمـه المناوبـه كيف ماتأكـدت أذا كان فيـه أحد داخـل هذا يسمـى اهمـال ,,والله ماخليها تمــرلهم بسهــوله ...
أم ناصـر :جنـى حبيبتـي تبغين تأكلين شـي ..
جنـى بصوتها المبحوح من الصياح:مابغـى أكل ابغـى أنام ...
أم ناصر :طيب يالله نطلع نخليهـا تنـام ...
وبعـد ماطلعـوا ...


غطـت جنـى وجهـا بمخـده ودخلـت بنوبة بكـاء شديده ,,تحـس بقهــر مالـه حدود هـي تعـرف من اللي سوى فيهـا كـذا وهذا اللي قاهـرها زياده ,,كانت تحسب نفسهـا قويه محد يقـدرلهـا ماتوقعت بيوم أنهـا بتعـرض لموقف زي كـذا تكون فيـه ضعيفــه ...


وخـارج حدود الـوطــن )وتحـديداً فـي أمـريكـا( ...
سعـود اللي يعـزف على البيانو :مو كنك من يوميـن مخلص شغـلك الي جاي عشـانه ...
ياســر :افهمها على أنهـا طرده ,,بعدين تراك ازعجتنـا وقف عزف ...
سعـود اللي جاء وجلس جنبه:لاطرده ولاشـي بس بشوف متى بترجـع عشـإن برجـع معك ..
ياسـر :والله بترجـع ومتـى أتخذت هالقـرار التـاريخـي ..
سعـود :من يوم عرفت أن حضـرت جنابك خطبت أختنـا المصـون ..
ياســر بملل:يوووه أنت الا اللحين على هالسالفـه يأخـى اعتذرنـامنك ميـة مره ,,بعـدبن أنت اللي قلت لـي أنك ماتبغـى تسمـع شـي عن أهلك ..
سعـود :مابغـى أسمع شي عن أهلي شي ,,,وأنك تخطب أختـي وتزوجهـا وأنا ياغافلين لكم الله شي ثانـي ,,بعدين أنت تدري أن سالي تعنيلي الكثيـر ..
ياسـر :سعود الله يخليك غيـر الموضـوع ,,بعـدين لاتكـون معارض لزواجـي من أختك ...
سعـود بتكبـر:صح النوم توك تفهم خبري فيك فطين...
ياســر :اصلاً لك الشـرف ...
سعـود:ايه هين حتـى كنت برقـص من الفـرحـه ..
ياســر وهو يضحك:أيـه ادري بك مخفوف من يـومك ..
سعـود اللي وقف بقهـر:أنا طالع اجيب عشـاء لأنـي بتنفقع مرارتي لو جلست معك دقيقه زياده..
ياســر وهو يضحك :صك الباب وأنت طالع ...
سعــود مارد عليه وطلـع ...

ياســر :ياحليلك ياسعـود والله أنك حبيب مادري على ميـن طالعه أختك قشرى يمكن على سعـد ,,ههههههههههههههههههههههههههههههههههههههههههههه ههه ...
وبعد فترة سكوت قليله رفع ياسـر التلفون واتصـل على البيت بس محد رد :احسـن مو ناقص ترد أمـي وتبدأ موالهـا ,,أنا ماصـدقت أقنـع أبـوي بعـد ماشوشته علـي اروح اتصـل فيهـا صدق أني رايق ... ورمـى التلفـون على الكنبـه وطلع بالبلكـونـه يدخـن ...
ياســر اللي تراءت له صورة سالي :الصـراحـه اشتقت لصـوتهـا ,,بعـد المكالمـه اللي كانت بتوديني بشربة مويـه ماعاد سمعت صوتهــا,,والله انك فاضـي اللحيـن أنت متزوجهـا عشان تنتقـم منهـا ولاعشـان شـي ثانـي ,,ضرب راسـه بالجدار وقال:اوووووف أنا وش قاعد افكــر فيـه مو وقتـه خلنـي اتزوجهـا اللحيـن بعـدين لكل حادث حديث ,,
وبيأس:بس بعــد مشتـاق لهـا حسبي الله على أبليسهـا ماخلت شـي حلو اتذكـره فيهـا,, كل ماشافتنـي تفننت بتجـريح عليهـا اللسـان ماشفت مثلـه على بنت ,,,بصوت ملتـاع:وعليهـا جمـال بعـد ماشفتـه على بنت سبحـان من خلقهـا...



سعــود اللي جـاء مـن مده وحاط العشـاء على طاوله :ياســر تعـال ماخلصت من قول الشعـربأختـي ..
ياســر اللي ماحس فيه يوم دخـل حط يده على قلبه وقال :الله ياخذ شيطانك روعتنـي ..
سعــود بصـوت ناعــم مثل البنات:ماعليه ياقلبي آخـر مره اسوي فيكِ كـذا.. وبصوته العـادي:تعال ذبحنـي الجوع وأنا انتظرك تخلص معلقتك بأختـي ..
ياسـر اللي جلس معه على الطـاوله :مصدق عمـرك مره أنت وأختك ..
سعـود :اقول أكـل ابرك لك ,,واحلق الشنبي هـذا أذا ماكنت قبل اشوي تفكـر فيهـا ..
ياسـر بسخـريه:والله مأنت هين ياسعـود وصاير تقرأ الافكـاربعـد ..

وهج :سالي وبعـدين معك اركـدي دار راسـي من حركتك ...
سالي اللي تدور بالغرفـه :ماني مستوعبـه اللي صار ,,ليه جنـى بالذات صار لها كـذا ..
وهج :يعنـي ليش أكيـد متهاوشه مع وحده خـايسـه حقدت عليهـا وحبت تنتقم ...
سالي اللي جلست على السرير بقوه :ليه الدنيـا سايبه تضـرب وتمشي وين عايش حنا ..
وهج :سالي بليـز مالك دخـل بهالموضوع ,,انا اعرفك زين تموتين بالمشـاكل ..
سالي :ليه حبيبتـي تبغين أشوف بنت أختـي تأخذ علقه زي هذي واسكـت ,,خليني بـس اعـرف السالفه من جنـى وتشوفيـن وش بســوي .!
وهج :ياربيـه ياحبك لشـر عمـري ماشفت أحد يعشق المشـاكل مثلك ,,يابنتي ليش ماتطبقين المثل اللي يقول ابعـد عن الشر وغنيله ..
سالي وهي توقف وتجـر وهج عشان توقف معهـا:اللحين امشي نشوف جنـى ...
وهج وهي تفك يدها منهـا: اقضبي ارضك جنـى نايمــه ..
سالي :كيف يعنـي بنتظـر زياده على ماعرف السالفه مافيني صبـر ...
وهج :ماهي مشكلتي ..
سالي بقهـر: يابرودك,, ثلج,, جليـد ..
وهج وهي طلع لهـالسـانهـا:كله من ذوقك ....

بسمــه لأمهــا اللي تقـرأ مجلــه :يمـه تدرين من شفت اليوم بالكليـه ..
فاطمـه بدون ماتناظر فيهـا:لامـن فاتـن ..
بسمـه :لاوش فاتن ذي كل يوم اشوفهــا ..
فاطمـه:أجـل مين .؟
بسمـه بنبره ساخـره :سالي مـرة ولدك ...
فاطمـه رمت المجلـه بقهـر :وأنتي مالقيتـي أتكلمين الاعـن هـذي ..
بسمـه :وش فيك عصبتـي علي أنا قاعده اقولك أني شفتهـا ...
فاطمــه :من الحـره اللي بقلبـي ولا ولـدي اللي طول عمـره يدور رضاي يعصينـي عشـانها حسبي الله عليهـا مدري وش مسويتله مايرضى عليهـا حتـى بالكلام ,,واللي قاهـرني أبوه اللي مخليه على كيفـه قال ايش قال رجـال وشوره براسـه ..
بسمـه :أمـوت واعـرف كيف عـرف عنهــا ...
فاطمـه :مو المهم كيف عـرف عنهـا المهم اللحيـن كيف يتخلص منهـا..
بسمـه :وانتي مفكـره أنه بيتخلـى عنهـا مستحيـل ذا شكلـه غرقان ..
فاطمــه بدهشـه:بسمـه وقص اللسـان وش قاعـده تخـرفين ..
بسمـه بجديه:انتي تدرين إن اللي اقوله هو الحقيقه ..
فاطمـه :حقيقة ايش.؟
بسمـه :حقيقة ولدك اللي مسوي فيهـا عاشق زمـانه ومتزوج عن قصـ...
فاطمـه قاطعتهـا بصرخه :بسسسسسس,,ولا كلمـه زياده انقلعي من قدامي وياويلك أن سمعت منك هالكـلام مـره ثانيـــه ...
بسمــه هزت راسهـا بأسف وهي تطلع الدرج:كنت اتوقع ريان يبالغ بس طلع معــه حق حبك لياســر مخليك ماتشوفين عيوبـه وتكلميـن عنـه وكانه مــلاك ...
سلطـان بالدهشـه:احلـف أنهم مسوين كـل هـذا فيهـا .؟.
ناصـر:وش قصدك أبالغ ,,والله أني قلت لك كـل اللي صـار..
سلطـان بأسف:معقـوله بنـاتنـا وصلوا لهـدرجـه من العدوانيــه ,,اذكـر البنات ناعمـات رقيقات ماتوقعتهم بهالدفاشـه ..
ناصــر بتريقـه: اخص ياللي متعود على النعومــه والرقـه شكلك اتابع مسلسات كثيـر..
سلطـان طنشـه وجلس يفتش بادراج السياره ..
ناصــر ضربه على يده :وخـر لاتفتش فيهـا ملفات مهمـه لشغــل ..
سلطان :افا والله وطلعت مهمــل مخلــي ملفات الشغـل بالسياره أي احد يمكن تطيح بيده ...
ناصــر:وش فيك صدقت أمزح عليك بس مابغاك تفتش بالدرج هـذا فيـه كرت العائله ...
سلطـان بخبث :والله زين قلت لــي ,,وبجديه :اللي يسمعك يقول فيـه الصور مو كأنه اسمـاء بـس...
ناصـر:طيب يأخـي مابغاك تعـرف اسماء خواتـي وأمــي ...
سلطـان برود:ومـن قال ماعرف اسمائهـم ..
ناصــر مسكـه مع ثوبه وجره له بيد وباليد الثانيـه يسوق وبعصبيه مصطنعـه :أحلف انك تعـرف اسمائهـن..
سلطان بخـوف :ناصـر تكفـى فكني وركـز على الطـريق مو وقت استهبالك مابي اموت ..
ناصــر للحين ماسكه :مو قبل ماتحلــ ...
سلطـــان بالصـرخـه:لاااااااااااااااااااااااااااااااااا ااااا ااااااااااااااا...


كل واحـد منــهم نايم على كنبـــه واحد يتـابع التلفـزيون وذابحــه الملل والثانــي من يوم صحـى من ثلاث ساعات وهو طايح مغازل يتنقـل من وحده إلى الثانيــه ..
نايف بقهــر:اووووووووووووووووووووووف ..
فارس وفيـه ضحكه: طيب يالله مـع السلامـه حبيبتـي ..
نايف اللي يتـابع التلفـزيون :اخيـراً مابغيت تخلص ..
فارس وهو يعـدل جلستـه:وش عندك أزعجتنــي تأشـر عشان اقفــل ..
نايف :ماعندي شي بس قاهـرني من يوم دخلت وأنت من مكالمه الا الثانيـه ماتمــل ..
فارس وهو يضحك:غيـران يعنـي ,,حتـى أنت مو مقصـر من يوم دخلت والجوال ماوقف دق ...
نايف :طيب شفتني كلمت احد...
فارس :لاوهذا اللي مستغـرب منه .!!وش عندك لايكون الولد تطوع ..
نايف:ماتضحك ,,بس مالي خلقهن مافيـه شـي جديد نفس الكلام بكـل مره ..
فارس :ههههههههههههههههههههههههههههههههههههههههههههه هههه هههه
ههههههههههههههههههههههههههههههههههههههههههههه ههههه ههههههههههههههههههه
والله أن فيك شي لايكــون الولد عاشـق ..
نايف بتوتر :هاه وش قاعد تقول أنت ,,ليش استخفيت عشان أحب مثـل بعـض ناس قلي ياقيس زمانك وش اخذت من الحب ...
فارس بعصبيـه :أنا كم مره قلت لك لاتكلم معـي بهالموضوع ..
نايف اللي حس إن فارس تضايق من الموضوع:ماكان قصـدي اضايقك ,, بس أنت لاتنغـز بالكلام ..
فارس وهو ماسك راس بين يـده ومنزله وبصوت حـزين :آآآآه يانايف لوتدري قد ايش ذكـراها تعذبنــي
أحبهـا يانايف أحبهـا بس ماقدرت لهــا ,,,لعبت علــي يانايف أنا فارس اللي العـب بالبنات زي مابي ألعبت فيينـي..
نايف :أنت اللي نزلت نفسك لهـا ..
فارس :أحبهـا تفهم وش يعنـي أحبهــا...
نايف :تحبهـا طيب ليش مافكـرت تزوجهـا ,,بدال ماتفكـر بنواياك الشينـه ..
فارس بصـدمـه:اتزوجهـا وش قاعد تهذي فيـه أنت آخـر شي افكر فيه الزواج,,ليه تبغاني كل ماعجبتني بنت أروح اتزوجهـا ...
نايف :وبعدين معك أنت وهالتناقض مأنت تقول أتحبهـا ..
فارس :أحبهـا وامـووت فيهـا,,,وبخبث: بس ماراح أتزوجهـا وبتشـوف وش بسـوي فيهـا بخليهـا تجي لحد عندي بنفسهـا ...
نايف :وشلون ياحكيـم زمـانك .؟
فارس اللي ضحك وبمكـر قال :تعـال افهمك كيف .؟؟



نايف :بتسـوي كـل هذا عشـان وحده لاراحت ولاجت..
فارس بحمـاس :هالي لاراحت ولاجت على قولتك تحـدي ولازم اكسبـه ,,بس ماقلت لي وش رايك بالخطـه..
نايف :ماتحتـاج رايي ,, طول عمرك داهيــه ,,بس خبـرني بالمستجدات وغمزله : ولاتنسانا من الكعكه ...
فارس :يالخبيث مايفوتك شـي ,ولو ماتغلى عليك بـس بعـد ماخذ قطعتــي .!
وجلسـوا يضحكـون ....


جميـل :وش عندكم تضحكون ضحكونـا معكم !!
نايف برعب:بسم الله من وين دخلت يالشيطان ...
جميـل وهو يجلس:من وين بدخـل بعد من الباب ...
نايف :أي باب الباب أنا مقفلـه ..
جميـل :وانا فتحـته ودخلت ..
نايف التفت على فارس بأستغـراب :معطيـه المفتاح ..
جميـل :ايه عندك مانع ..
نايف :أكيـد عنـدي مانع فيه أحد يستأمـن واحد مثلك ويعطيه مفتاح شقته ...
فارس :نايف روق يأخوي وش فيك مشعلل ..
نايف : ايه خلك كذا تكلم برود ليـن تطب بكـره عليك الهيئه ولامكافحـة المخدرات,,
جميـل:لا هالدرجـه خايف منــي ..
نايف اللي وقف بعصبيـه :انا ماخاف منك ولامن عشـرين من امثالك,,بـس حنا ناس سمعتنـا نظيفـه
مانبغـى تشوه بسبة واحد مشبوه مثلك ..
جميــل الي وقف وراه وحط يده على كتفه بسخـريه:ابعـد يالنظيف والله اللي منظفتك فلوس ابوك ,,ولأنت بدونهـا اوسخ من كــلاب الشـوارع ...
نايف التف عليه بغضب :أنا يالخاسيس أنا تقول عنـي كـذا بس الشرهه موعليك علي أنا اللي سامحلك تلفظ علي ..وطلع من جيب بنطلونه سكين وغرزها بطن جميــل ..

نهـــاية الفصــل الأول من الجـزء التـاسـع ...


الجـــزء التـاســع
الفصــل الثانـــــــــي..



فارس وهو يهـز نايف اللي واقف بمكـانه بجمـود:نايف وش سويت ,,ذبحت الرجال..
نايف اللي يتنفس بالصعـوبه وكانه طالع من الحرب ويمسح عرق جبينه بكم قميصـه :اللي لازم اسـويه من البدايـه ولاكلـب زي هـذا يتلكم علي..
فارس :طيب تكلم رد عليه بالكلام مو تقتله ..
نايف اللي راح لباب الشقـه بيطلع :لاتخاف عليه الأشكـال ذي ماتموت زي القطواه باسبـع ارواح ..
فارس :تعال وين رايح تعمل عملتك وتورطني فيها..
نايف وهو ماسك الباب :دبر نفسك ,,ارمه عند المستشفى ارمـه عنـد استراحتـه,,ولاتبي رايي ارمـه بالزباله ترى هـذا قدره ..وطلع وصك الباب...

ناصـر وهو كاتم ضحكتـه :الحمـدالله جت سليمــه ..
سلطان بنقمـه :ليش وش تبغـى يصيـر فينا أكثـر من كـذا ,,وهو يضغط على الشاشه اللي على راسـه :آآآى ياراســي ...
ناصـر اللي حاس بالذنب:يعورك ..
سلطـان بعصبيـه :أكيـد بيعورنـي ماتشوف كيف لافينه لي ,,آآآآآى..
ناصــر: عاد تراك مصختهـا تأسفت منك مية مره ..
سلطـان :لو كنت ميت وش بينفعنـي فيه اسفك ..
ناصـر: بس أنت مامت يعنـي ماله داعـي هالكــلام ..
سلطـان :يعنـي تبغاني لين أموت عشان اقولك هالكلام اصلاً لو مت كيف بقولك ...
ناصـر:يووه عاد لاتصيـر لي ورع وتكلم كلام ورعـان ..
سلطـان :أنا ورع يالئيـم بس هيـن اتشوف هـذا وجهـي لو ركبت معك مره ثانيـه..
ناصـر:افااااا أبو ناصـر زعــل ..
سلطـان :تحلم اسمـي ولدي علـى اسمك ,,وهويضحك:وماراح ازوجك بنتي ريــم ..
ناصــر وهو يسوي نفسـه متورط :هاه ,,لاكلش ولا الريم من دونهـا حياتي مالهـا طعم تكفـى طلبتك لاتفرقنـا..
سلطان وهو ضابط الدور:حب راسـي عشان اوافق ..
ناصر وهو يدز راسـه بدفاشـه:بتبطــي ..
سلطـان وهو ماسك راسـه :اخخخخخ عورتنـي ,, ماتعرف اتعـامل مع المصابين بالرقه ,,بس من وين بتجيب الرقـه يالدب ..
ناصـر وهو يفتح الباب بينزل :خل عنك الهرج الفاضي وانـزل ..
سلطان باستغـراب :هييي أنت وين جايبني ,,يالحبيب وصلني بيتنـا ..
ناصـر اللي نزل من السياره:اقول انزل بـس عازمك على العشـاء ..
سلطـان: وش عشاه اللحيـن الساعـه 11 ونص أكيـد اهلك نايميـن ..
ناصـر: لاوش قالو لك دجـاج ينامون هالوقت لاتنسـى اليوم الاربعـاء اجازاه ..

ناصـر وهو يفتح الباب سمـع اصـوات صـراخ وضحك :شفت للحيـن مارقدوا ,,اعرفهم شياطين مهم حذرتهم مايتوبون ...
سلطـان اللي حاس بالأحـراج خصوصاً أن الاصـوات اصوات بنـات:هم اللي شياطيـن والا أنت اللي متسلط ..

اول مادخلـوا شافـوا أنوار الحديقه الخلفيـه مشغلـه والأصـوات تجـي منهـا ...
ناصـر وهويسحب نفس بقوه :تشم اللي اشمـه .!!
سلطـان باستغـراب :لا وش اشم شكلك مأنت صاحــي ...
ناصـر :صدق أنك تشتغـل بالمباحث على طول تفكيرك راح بعيـد ,,اقصد تشم ريحـة الشوي شكل الأهـل يشوون بالحـديقـه...
سلطان توه يستوعب:ايه معك حق فيه ريحـة شوي...
ناصـر وهو يدزه على خفيف: طيب تفضل للمجلس مايحتاج ادلك تعرفه ثواني وأجيك ...
لف ناصــر من ورى الفلـه عشـان يروح للحـديقه ,,وسلطـان راح للمجلس كان مظلم شغـل انواره والمكيـف وجلس ينتظـر ناصــر...
كل ماتقـرب من مكـانهم يسمـع اصـواتهم تعلــى حب يسوي فيهم مقلب تلطم بالشمـاغـه شافهم يلعبـون وأمـه والشغاله يشوون استغـل انشغالـه وراح لبقعـه بعيـده فالحديقــه مظلمــه ورفـع ثوبه وربطـه على خصـره واحداث صوت كأنه قفـز من فوق الجـدار ...
هديـل بخوف :فيـه صوت ..
سامــي :يووه جت الخوافــه ..
هديل :والله سمعت صـوت..
سالي :هديل هذي عادتك سمعت صوت شفت شـي ...
هديل: إنا مانـي لاعبــه ..ورحت تركض عند أمهــا ..
سامـي وهو يضحك عليهـا:خوافه خوافـه ..
عادل :خلك منهـا والعب الكوره ...
ناصـر يكلم نفسـه :ايا الخسيس ياسامي دايم يوم تشتكي منك مسوي نفسك بريء بس هين بنشوف وش بتسوي اللحيـن يالبطـل..
شات سامـي الكوره بقوه وطارت للمكـان المظلـم ...
عادل :حول أنت ماتشوفنـي قدامك لازم تطيرها بعيــد ..
سامي اللي راح بيجيب الكوره :لاتصارخ بروح اجيبهـا ...
سالي اللي جلست على الأرض بتعب:اوووووف وبعدين معكم كل دقيقه وقفتوا ألعـب والله أنكم مملين ...
عادل :متحمـسه مره أنتـي وخشتك ..
سالي :احتـرم نفسك تراني للحين خالتك لاتطيح الميـانه مـره ..
سامـي كان يتخبط بالظلام ويتحس برجله يدرو الكوره وفجاء ماحس الا بالشي يمسك رجلــه صرخ بقـوه :يمممممممممممممممممممممممممممممممممممممممممممم مممم مممممممممممممممممممممممممممممه..
كلهم صرخوا بخوف يوم سمعـوا صرختـه ,,وعادل راح يركض بيشوف وش فيــه ..
وقبل مايوصل طلع لهم ناصـر وهو شايل سامـي على كتفــه ويضحك ..
عادل بذهـول :ناصـر ..
ناصـر باستهبال:لاخياله ,,وش تشوف قدامـك ...
ونزل سامي على الأرض بهـدوء :انزل يالدب ,,تعيب على هـديل خوافه هاه ..
سامـي ماتكلـم لأنـه الا اللحيـن مرعـوب ..
سالي اللي حاطه يدها على صدرهـا :يمه سكنـي وش تسوي فالظلام ...
ناصـر :العب مع اصاحبي السكن ,,ماشاء الله ماتجمعيـن وينهـاجنـى ...
أم ناصـر بحزن :ماتبـي تنزل بس جالسـه بغرفتهـا ,,كلمهـا ياناصـر أنت اخوها الكبير وتسمع منك ..
ناصر وهو يهز راسـه بتفهـم :انشاءالله يصيـر خيـر ,,والتفت على وهج :وهوجه روحـي سوي قهـوه ...
سالي :وش قهوته هالوقت بعـدين وهج وش عرفهـا بتسويت القهـوه ..
ناصـر:كيف ماتعرف تسوي قهـوه ,,صدق وهج ماتعرفين ...
هزت وهج راسهـا بالنفـي ..
ناصـر:شاطـره لاتعـرفين وبنشـوف من بيتزوجك بكـره ...
هـديـل بلقـافتهـا المعهوده :مو شرط خالتـي سالي ماتعرف تحشـي حتى الساندويش وهذاهي تزوجت ...
ناصـر:لاياشيخــه وأنتي وش لك بهالسوالف ,,عادل روح اجلس مع سلطـان بالمجلـس ..
عادل :سلطـان هنـا...
ناصـر:ايه رح اجلس معه لين اصفي احسـابي مع هـذي ,,وهو يأشـرعلى هـديل ...
هديل ضربت ناصـر مع بطنه بخفه وراحت تركض ...
ناصـر :آآآآى يالسوسه تعالي وراح يلحقهـا ...
..................................... تكملة الجزء الثالث ..........................

تسلم الأيادي
ويعطيك ألف عافية ع الطرح القيم
والأكثر من رائع
بانتظار جديدك بشوق
أرق التحايا لروحك
وودي ووردي ♥

متميز
يسعدك ربي

تسلم ايدك ع الطرح

*,


سلمت الآكف ومَاجلبت
إبداع دآئم وتميز مُستمر
لا عدمنَآك ::

طرح يستحق المتابعه

طرح رآئـع
يحمل في طياته الابداع
ذائقه رآئعه .. مميزه ..
أعجبتني القصه ورآقت لي