عبر عن حالتك النفسيه ببيت شعر...متجدد

مثل ارتعاشةغصن من نفح نسمه
يفز قلبي كل ماجيت في البال
مدري هوأسمه حب وإلا وش أسمه
أصعب شعور اللي من الصعب ينقال

لمعة عيونك بعد ضحكة ... تخلّيني
أبغى أتعرّف على عيونك وأصادقها

الدنيا ما دامت لحد لا تغرك
اذا اضحكت لك يوم تبكيك في يوم
إسنينها مثل الثواني تمرك
تقول كنك تو صاحي من النوم ..!!

يا قرب صدري من الكتمه بوقت الغروب
لو كل أموري بـ خير و حالتي طـيّـبـه !

مثلك مثل شرهتي ما تقرب أصحابي ،
للي : خذا شيء أحتاجه … ولا ردّه !

َترى ليا قلت هاك … وقلت لك : مابي ،
هذا هو ( الاحتياج ) اللي وصل حدّه

مجبور نضحك يازمن العجايب ....
دام البشر صار بوجه وجهين

غالـي ولوتخطـي علـى القلـب عـاذرك
سو الذي يرضيـك واللـي فـي بالـك

ذوق الهجـر لأجـل تعـرف طيبـة أخلاقـي
واصبر على الصد حتى تعرف الضيقه .

.
.
أفـسـح طريـق الـموادع لا تعنيني
خلاص خيّـل جفـاك ولاحت الفرقا

يـوّن قلبي علـيك ولا بكت عيني
تـعـلّـق الـدمع لا يــنـزل ولا يرقا

الهرجه اللي مالها قيد وعقال
هي تعقب واللي وراها يعقبون

لاصار مصدرها من افواه جهال
رفع القلم عن كل جاهل ومجنون