صورة وابيات .. للصورة بوح تكشفه ابيات الشعر!!؟

المناديل
تمسح كل دمعٍ يطيح ،



بس لا طاح قلبك

من يمسح عليـه ..؟

.. قمت أحبس الدمعـ ه وأكف الملح وأقرض شفّتي
مدّيت يدي للكلام .. وقلت يا سرع السنين !
..... وأرخيت جفني للسما .... والغيم رجّح كفـّتي

إلى منه جفاك اللي توده
ولا تدري وش الّلي عنك صدّه .."

تجرّع مالح العبرات واصبر

ترى كثر الشكاوى ما تردّه .!

وإلى من الّليالي عوّدت به

تغانم كل فايت واستردّه ~

حذار تنشغل بعتاب خلّك

ترى كثر العتب يمحي المودّه

...

ليتنيّ " طْفلَه" بْدنيَآگ
ٱشُوفگ [ و ٱگلمَگ ] و ٱلعَبْ مَعآگ شش: ~ :’
لٱ ٱحَدِ يقُوليّ : عِيّبَ
و لٱ حَدِ يْقِولُ؛هَذِيك » وشْ تسَويَ هْنـَآگ

إنتبه . . تطوي شرآعك - قبل توصل للأمآن -
لآخذَلك الوَقت ؛ قل له : الأَمَل ب الله / كبير

إبتسم - رغم الظروف و رغم عن أنف الزمآن -
مآ خلَق [ رَبِّي ] عسير | إلآ خلَق - بَعده - يسير

الكتوم اللي وسط صدره حكي

داخلــه مبـــدأ يبيــه وما يبيه

وده يفضفـــض ووده يشتكي

بس يخاف الناس لا تشره عليه

لآشفت ( لمع الدمع ) بعيون رجآل

آعرف ترآ غير القهر !! مآيذله ../

...

أناالجـــنون بحد ذاته وصلته٠
أصل الجـــنون هيام عاشق بمعشوق٠٠
إحساس لك في داخلي لووصفته٠
يعجز لساني مايعــبر بمنطوق٠٠
وتبي الحقيــقه آخر الحب خفته٠
خـوفي من الله لاأعبدك وأنت مخلوق

يالله اجعـل "وفاتي "في صـلاة
بين [ سجدة و تسبيح و ركوع ]

و اجعل آخر كلامي في " الحياة "
لفظ قول الشهـادة .. في ( خشوع )








...

يا صغير ما يكبرني لقب

وما يصغرني إذا انكرني صغير



ماخذينا الصيت من جمع الذهب

ولا نسابة شيخ أو قربة وزير



كاسبينه من هل السيف الحدب

الجنايز كان ما جاك النذير



صيتهم نجم على راسه لهب

سمعوا الصقهان به وأجهر ضرير



بالوفا تاريخ أبيض ينتصب

لاحكوا بالحق حيين الضمير



ضيغمي للسناعيس أنتسب

لابة طلنا بها عرش كبير



عند حدك يا كثير الهرج تب

لاتمر النار وثيابك حرير



كان لك عز بذلي فتعقب

والله الا تبطي وحبلك قصير



أحسب أنك من صناديد العرب

وأثر ساترتك عباتك يا غرير



ما حسب للسوس زراع القصب

والقرادة ما درى عنها البعير



ولو حسبنا للحسايف والتعب

ما بذرنا يالعصافير الشعير



عن هلك أبرا إلى الله وأحتسب

الرجال اللي مجاراهم عسير



من قريش المصطفى وأبو لهب

والدغالب ما غشت عذب الغدير



للرجال من الرجاجيل العتب

والزكاة تحل في حال الفقير



لعن ابو وقت غدينا به حطب

تحرقه نار يثورها أجير



ما ألومك والزمن سوى العجب

هو بقى غير الكرامة بالجفير؟



ما أذل و راسي يشم المهب

لو بقى من شمر طفل غرير



وما أهاب ولا يزلزلني غضب

الشجاعة ورث والعاقل غزير



يا صغير ما يكبر باللقب

غير من هو كان من دونه صغير