روايةأما غرام يشرح الصدر طاريه ولا صدووود وعمرنا ماعشقنا/10

مرام بغصة\تركي...
راح لها بسرعة ووقف مفجووووع من اللي شافه معها..
كانت ماسكة مسدسه بيدها وتناظرهـ بقوة...
مرام بحزن\إختـــار يا تركي...تطلقني أو أرملك ..؟؟!


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


خرجت الطبيبة وطمنت صوفي بأن المريضة ولدت...
الطفل بخير..لكن المريضة تعرضت لصدمة ودخلت بغيبوبة..
شهقت صوفي بخوف وجلست وهي لامة يدينها حوالين نفسها..
غيبوبة...؟؟
إذن كانت تشعر بانها لن تعود بعد ولادتها..
ليتني طلبت منه المجيء اليها...
يالهي أنقذها..
أعدها الى طفلها ...

مسفر\مرحباً...هل هي بخير..؟؟
صوفي بهدوء\أنجبت صبياً..وهي بغيبوبة الآن..

تركها مسفر وتوجه لــ طبيبة هديل..
قدمت له شرح كامل عن اللي صار لها..
تفهم حالتها وأستئذن منها..

مسفر\ستكون بخير..أنا متأكد من ذلك..
صوفي\..............
مسفر\هل أخبرتك ماذا تود أن تسمي طفلها..؟؟
صوفي تبتسم\لا اعرف قالت شيئاً كالذئب ..
مسفر ابتسم لانه عرف الاسم...
فهم ينادون غازي أبوذياب...
أصيلة يا بنت الناس..
رغم كل شيء عطيتيه الحق اللي مايستاهله..

طلب من الطبيبة تسمح له برؤية الطفل..
رفضت وبشدة..لكن كان مسفر يملك أسلوب إقناع مبهر..
أقنعها بانه راح يكون معقم وخالي من الجراثيم..ضحكت الطبيبة على تعليقه..
وسمحت له بالدخول لـ الحضانة..
تمنى لو يقدر يخرجه من الزجاجة ويأذن في أذنه..
يحس بشعووور قوي يجذبه لهذا الطفل...
غير انهم كلاهما ينتمون لنفس القبيلة الــ جالي..
الا إن هناك شيء أخر قوي يجذبه لــ الطفل..

طلع من الحضانة بعد ماقرأ عليه وحصنه..

وراح يكمل أوراق الطفل الصغير..
ويسجله باسم أبوهــ

ذيـــــاب غازي الــ جالي...



وكانت هذي هي الشخصية اللي نبهتكم بحضورها في الرواية..
شخصية مهمة جداً لن يكون مجرد طفل...


الى الملتقى بإذن الله تعالى فجر السبت...

كونوا بخيـــــــــــــــــــــــــر ..

السلام عليكم ورحمة الله وبركاته ...

يسعد صباحكم \\ مسائكم
بكل محبة ورضا من رب العالمين...

كيــفكم الـــ ليلااااااااااااااااااس ..؟؟
أحبتــــــــي في كل مكان..؟؟

عن عائشة رضي الله عنها قالت إن رسول الله صلى الله عليه وسلم كان إذا رأى المطر قال:
( اللهم صيباً نافعاً )

اللهم أسقنا سقيا رحمة ولا سقيا عذاب..

&&&&&&&&&&&&&&&&&&&&&

أولاً حابة أشكــــــــــر المنتديات المجاورة...
لتمييز روايتي وتثبيتها ..
اللتي هي ملك لكم ..
وماكانت لتكون لولا تواجدكم الطيب..


منتداي الغالي ليـــلاس ...
نقطة البداية...سراجي المُنيـــــــــــــــر ...
نافذتي نحو الأفق أنت يــــــــــاليلاس..
فلولا الله ثم أنت..
لما أستمرت صدووود...

عزيزتي نوف بنت نايـــف..
أعجز فعلاً عن الشـــكر لوجودك قربي..

&&&&&&&&&&&&&&&&&&&&&&&&&

غالياتي عامر لا تربطه بعالية علاقة أخوهـ ولا دم ..
فهد يكون أخ لعالية من امها واخ لعامر من أبوهـ..

أمر أخير يتعلق بغازي الصغير...
سألتني عسوولة من الغاليات عن معنى كلمته اللي يرددها..
سعدون أنا؟؟
أكثر ألفاظ غازي الصغير أقتبستها من أميرتي جوجو أم ثلاث سنين ..
وأولها سعدون انا.. اللي بتعرفون معناها في بارت اليوم ان شاء الله..


البارت إهداء...
لـــ جميـــــــــــع المنتديات الحاضنة لروايتي..


البارت الرابع والخمســــــــــون ...


و حين أغيب

وراء المغيب..

يقولون: كان عنيدا

و كان يقول: القصيدا

و كان يحاول شيئا جديدا

و راح و خلف هذا الوجودا

كما كان قبل غبيا بليدا

ففيم العناء؟

ففيم العناء؟

المرحوم باذن الله تعالى...غازي القصيبي...



بعدت عنه ومشت باتجاه السرير..
جلست من دون ماتتكلم معه..
غمض عيونه مستصعب الحال اللي وصلوا لها..
فز واقف وهو مبسوط لانها نادته باسمه...
مرام بغصة\تركي...
راح لها بسرعة ووقف مفجووووع من اللي شافه معها..
كانت ماسكة مسدسه بيدها وتناظرهـ بقوة...
مرام بحزن\إختـــار يا تركي...تطلقني أو أرملك ..؟؟!
تركي وقف قدامها مفجووووع..
يدينه معلقة في الهواء..
لسانه خانه ومو قادر ينطق..
يبي يصرخ فيها ينهيها عن اللي تبي تسويه..
يبيها تحب حياتها معه وتنسى الماضي والله بيعوضها..
بس شاف في عيونها النهاية..
وإن أي كلمة ممكن يقولها بتزيدها إكتئاب وتصميم على الموت..
قرر ينهي معاناتها معه..يمكن تلقى من يواسيها وينسيها اللي سواه فيها..
يمكن اذا غاب عنها ترجع تحب حياتها..
تركي بهمس\أحبك يامرام...وأنتي طالق..
رمت المسدس من يدها وأرتمت بجسمها ع الارض وسجدت شكر لــ الله تعالى..
بكت وهي ساجدة بصوت مخنووووق..

مرام بهمس\روح الله لا يردك...
مالك حق تقرر عني..ولا تحرمني من ولدي..
مريض أنا أبيه مريض..بيموت خله يموت بين يديني مالك دخل..
معاق مجنون هذا عطا ربي يا قاتل...هذا نصيبنا وقدرنا..
ما بانسى أنك ذبحته..وما بانسى انك اننننت ياتركي اللي قتلتني..
ليه أبوك ماقتلك لما عرف انك مريض..ليه أنا ماقتلتك وارتحت منك..
اكرهك يا **** اكرهك..الله لا يردك..

قرب منها شال المسدس واخذ جوازه وبعض أغراضه وخرج من الغرفة..

سلم على أبوهـ وأستودع منه..
أبونايف بعدم إهتمام\وين رايح؟؟
تركي بهدوء\بأرجع السعودية..
ابونايف\وزوجتك..؟؟
تركي\بترجع من مسفر ومعك...انا لازم ارجع..
ابونايف\روح باللي مايحفظك...
تركي وقف وبقهر\إلى متى بتظل حاقد وقلبك مايلين؟؟
انت ناسي إني ولدك..يوبه ماحدن يضمن عمرهـ..
بكرهـ أموت وانت حاقد علي..
ابونايف بحسرة\مت ما أنت اغلى من اللي غدرتوها وماتت وحيدة..
تركي بقهر\ياعزة الله يا ابوي..
ماعدت انفعك حي ولا ميت..ترى قمر ماحدن حضنها غيري..
ولا هربها من عمامي الا انا..لأني أعرفها..اختي وتربيتي..
ماقلت لك وينها راحمك من حالها وراحمها من شوفتك منهار عندها..
تحملت كل كلامك ولومك وعتابك عشانك انت يا ابونايف..
عشان تلقى من تحمله مرض قمر وموتها..عشان يبقى قدامك من ترمي عليه غضبك وحزنك عليها..
مابقى شيء له طعم ولا لون في حياتي..
من وين مارحت ووجهت وجهي لقيت صدوودكم ورفضكم..
أنت ونايف وأدهاكم مرام..
وداعة الله يوبه ...

خرج من البيت بسرعة وقفل الباب منهي وجوده بحياتهم ...
توجه لأحد الفنادق..
اتصل بالخطوط وحجز رحلة إلى.....................


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛

جالسة بالمقعد الخلفي وراهـ وبجنبها امها..
وغازي الصغير بحضنها..
يدينها ترتجف ومخبيتهم بقميص غازي عشان لا أحد يلاحظها..
معقولة صارت زوجته..
انا صرت زوجته وعلى ذمته...
امي بتطير من فرحتها..فهد ماهي سايعته الدنيا مبسوط ومن قدهـ..
بس صاحب الشأن وش إحساسه..
يبيها وراضي فيها..
ولا مجبور بحمايتها ونفذ مافرضه عليه واجبه..
عالية يا مهبولة لاتوسوسين ألحين..
ولاتحكمين عليه بأفكارج التعبانة..
مصيرج تعرفين اذا يبيج أو لا...
ومثلاً مايبيني..بحريقة باللي مايحفظه ولا يحفظج..
فهد\علوووووووي..؟؟
غازي\ألوووي..
عالية بحب\لبييه قالت ألوووي..
غازي يسحب نظاراتها ويلعب فيهم..
فهد\من ساع أناديج ماتردين..اقول احد زعلج في بيت عمج؟؟
عالية بهدوء\لا ماصار شيء..
رفعت عيونها تناظر قدام وتعلقت عيونها بالمرايه نزلت بسرعة وهي ماتدري عيونه ناظرتها أو لا..
لأنه لابس نظاراته الشمسية...
تحايلت على غازي وسحبت نظاراتها منه تخفي عيونها...وثبتت لثمتها و

تحايلت على غازي وسحبت نظاراتها منه تخفي عيونها...وثبتت لثمتها ولازالت يدها ترجف..
وصلوا البيت نزلت ولصقت بأمها خجلانة تمشي قدامه أو يشوفها..
هاوشتها امها بس مافكت عنها..
لاحظ عامر شكلها ابتسم لها ومشى قدامهم لداخل البيت خلاهم على راحتهم..
ام فهد\عنبو ابليس مضيعة شيء بعباتي..؟؟
عالية\يووومه لا تهاوشيني قدامه ترى ماعدت بزر وش كبري..
فهد\هههههههههههه صج يومه لاتهاوشينها قدامه تطيح شخصيتها..
ام فهد\أقول أمشي أنتي معه وخلي عنج الهبال ترى صرتي حرمه متزوجة..
عالية\لاباقي ماني متزوجة بس مخطوبة..
ام فهد\فهيدان خذ غازي...أنا واختك بندخل من المطبخ..
سحبت عالية وراها ودخلوا من باب المطبخ..
ام فهد\انجبي ولا كلمة اذبحج..
عالية مصدومة\يومه وش فيج؟؟
ام فهد\قدامي فوق أشوف...يالله..
مشت مع امها متضايقة من عصبيتها عليها ومو فاهمة ليش تهاوشها..
دخلت لغرفتها وفسخت عبايتها..
أم فهد\اسمعي يابنتي..عامر من اليوم صار زوجج..طاعته واجبة عليج..
أنتي مو ياهل وفاهمة قصدي زين..
عالية بهدوء\لا يومه مو فاهمة..
ام فهد\ابيج تنتقلين لغرفة ريلج..
عالية بصدمة\كيــــف..؟؟يومه أنتي وش تقولين؟؟
وليه اروح لغرفته؟؟؟
ام فهد\قلت اللي سمعتيه..تنتقلين لغرفته..
عالية\يومه صلي على النبي..لا تسوين فيني جذي..
اهون عليج تقطيني بغرفته بهذا الشكل..
ام فهد بعصبية\عنبو ابليس ساعلووي هذا ريلج..
عالية\يووومه أدري انه ريلي مالت على ويهي..
بس مايصير أروح أرتز بغرفته الحين..
انا وش ناقصني ما افرح بعمري يومه..
لازم كل الناس يدرون أني صرت زوجة لعامر..
خوالي عمامي رفيجاتي..جماعتنا كلهم..
ام فهد\تبين عرس ياعلووي؟؟
عالية\فاهمة وش مخوفج يومه أعيش انا واياه في بيت..
وان سوينا عرس يقولون الناس هذول يلعبون علينا..
متزوجين وعايشين وايا بعض وتوهم يتذكرون يسوون عرس..
ام فهد\ما ابي احرمج من شيء هذا انتي فاهمة وضعنا..
عالية\مايحق لي اجهز روحي يومه..؟؟
واصير عروس بمسمى عروس..
ولا تبين اللي صار في لين يصير وإياي..؟؟
ام فهد بغصة\الله يرحمها..يومه أنتي حالج غير حال لين..
عالية بغيض\لان زوجج ظلمها وزوجها سعود عشان يقهرها..
ام فهد\لا مابيصير فيج مثل لين..
وبعدين لا تظلمين حظج..عامر وسعود من خيرة الرياييل..
ولين مالقت الا كل خير بعد ماتزوجت سعود..
عالية بحسرة\بس ماتركها أبوها تتهنىء بحياتها..
جبرها عليه ويوم شافها مبسوطة معه قهرها..
ام فهد بعيون دامعة\مع أني اشتقت لها لما اخذها السعودية..
بس تمنيته مارجعها ولا سمح لابوها يشوفها..
يهون علي فراقها وتكون بخير ومبسوطة..
ولا تكون قريبة ومقهورة..
عالية تضم امها\الله يرحمها ويحفظ غازي الدوب..
ابو خدود منفوخة..

ابو خدود منفوخة..
ام فهد\خلاص يومه ولا يهمج ان تبين عرس والله ما اخليه بخاطرج..
عالية بسرعة\لا يومه ما ابي عرس..
يعني حفلة صغيرة وهنا في البيت اذا تحبين..
ألبس نفنوف أبيض ومسكتي غزوي الدوب..
ام فهد\هههههههههههه لا فديتج بكره ننزل السوق ونبداء نجهزج..
بس اول اتكلم مع عامر وأشوف رايه عاد الكلمة له مو بلي ولا لج..
عالية حمقت\يعني لو يقول لا مافيه حفلة ولا جهاز..
بيقول عقاب لج الكل يحضر الحفلة وأنتي ظلي بغرفتج..
ترى يسويها مستبد بقوة..
ام فهد تقوم\جب قليلة حيا..ام لسانين..
عادي بتنفذين كلامه كلنا نحضر حفلة زواجج وانتي ماتحضرين...
عالية تضحك\هههههههههههههههههه يومه ترى ما استبعد عنكم انتي واياهـ تسوونها..
عرس من دون عرووس..ياحليلكم..

خرجت ام فهد ناوية تكلم عامر وتقوله اللي بخاطر عالية..
وعالية شالت صورة اختها لين وناظرتها بشوق..
عالية بغصة\لين تزوجت عامروهـ ...
تذكرين يوم طقيتج بسبته وطقج بسبتي..
فديتج كنتي ضايعة بينا في النص..كنتي مرسول الحرب..
الله يسامح أبوج..ظلمني يبي يزوجني سعود..
بس عامر أظهر برائتي له ولأمي ولفهد..
وطاحت براسج ياقلبي أنتي...
وانتي مهبولة حبيتي ريلج من اسبوع..
نقولج انسيه مارضيتي..أمي تقول مايصير أسب الأموات..
يعني مايصير أسب أبوج الدوب..الله يسامحه ويرحمج أنتي وسعود..


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛

طلعت من الغرفة وردت على جوالها..
صوفي بهدوء\اهلاً ماكس...
ماكس بقلة صبر\أين أنتي..؟؟لم تعودي الى البيت منذ أسبوعين ألم تنتهي سفرتك المجهولة بعد؟؟
صوفي\ماكسي سأشرح لك الأمر فيما بعد أرجوك الآن ليس الوقت مناسب..
ماكس\لا ايتها السيدة ستخبريني الآن أين تكونين..
صوفي بعناد\لن أفعل هو سر أخاف ان تعرفه الصحافة..
ماكس\وهل سأشي بك انا الى الصحافة؟؟
صوفي\هههههههههههه ربما تفعلها..ثم لا تنسى بأننا مفترقان..
ماكس\ألازلتي تحملينني موت رسل..؟؟
صوفي بقهر\اسمها ليس رسل هو اسم أطلقها عليها ذاك المجنون..
ونعم انا احملك سبب موتها مع صديقك القاسي..وماريا أيضاً..
فان كانت هربت منه يوماً فخالتي أعادتها إليه بقلب بارد...
ماكس\إذاً لماذا تنازلتي عن القضية؟؟ولم ترمي بنا في السجن..؟؟
صوفي بخبث\لدي مخطط أخر لأنتقم منكم..
ماكس يتنهد\حسناً مارأيك أن نلتقي الليلة وتخبريني بمخططك..؟؟
صوفي\آسفة ماكسي هناك شخص جديد بحياتي وهو جميل جداً..
وأعتقد باني بدات أقع بحبه..
ماكس\صوفي لاتكوني وقحة..
صوفي\هههههههههههههه لم لا تصدقني ماكسي..
ماكس بغضب\لانك تحبينني أنا ..!
صوفي\لاتكن واثقاً عزيزي..الشخص الجديد احببته أكثر منك..وداعاً..
قفلت الخط وقفلت جوالها بالمرة..
ودخلت مرة ثانية عند هديل..
مسكت على يدها بخفة وهمست لها.
صوفي بحنية\يارثت الثياب إنهضي فأنا بدات احب صغيرك بجنون..
وقد أختطفه من هنا وأهرب دون عودة..
انتظرت ردت فعل من هديل لكن كانت النتيجة غير مرضية..

فتحت الرسالة اللي عطتها هديل وعفست وجها ماقدرت تقرأ كلمة وحدة منها..
رجعتها بحقيبتها..ورجعت تتكلم مع هديل..
صوفي\ما اللذي يمنعك من العودة..؟؟هل انتي خائفة..أم جبانة؟؟
ألا تريدين رؤية طفلك الصغير..؟؟ديل عودي أو سأتصل بغازي..
لربما إن أتى تستيقظين...هل تريدين لذاك الرجل ان يعود لحياتك؟؟

ركزت عيونها على وجه هديل اللي تغيرت ملامحه بتألم..
صوفي بفرح\عزيزتي أنتي تسمعينني..
أجل عودي أرجوك..لاتخافي لن أتصل به فانا أكرهه بقدر حبي لك..
سأنادي الطبيب الآن..

خرجت من الغرفة بسرعة وانصدمت بوجهه قدامها..
تذكرت شيء ورجعت للغرفة مرة ثانية..
غطت راس هديل بوشاح خاص فيها..
وخرجت من الغرفة...
طنشت وجوده ونادت الدكتور...
فحصها وتلقى الاستجابة اللي برهنت انها ماعادت بغيبوبة..
ويمكن تصحى باي وقت..
طلبت من الدكتور ما يعطي أحد معلومات عن هديل..
واذا احد ساله يقول انها بغيبوبة وماراح تصحى بوقت قريب..

خرج الدكتور وهي تذكرت وجود مسفر ينتظر برا..
صوفي بهدوء\نعم أيها السيد..هل أستطيع مساعدتك؟؟
مسفر\كيف حالها الآن؟؟
صوفي\لازالت بغيبوبة لم يتغير شيء منذ الأمس..
مسفر\هل يمكنني رؤيتها؟؟
صوفي باستغراب\تستئذنني إذاً..أنا أسفة لاتستطيع ذلك..
عندما تستيقظ هي بامكانك رؤيتها ان وافقت هي على مقابلتك..
مسفر\أنتي تعلمين دون شك باني أستطيع الدخول رغماً عنك..أليس كذلك؟؟
صوفي بفشلة\بالتاكيد لا تستطيع ذلك..
مسفر يبتسم\حسناً يسعدني بانك تعلمين ذلك..
هذه أوراق خاصة بالطفل..إن إستيقظت قبل رجوعي لايطاليا أعطيها لها..
ستفرح بها كثيراً..
صوفي بسخرية\إذاً أنت ستغادر..؟؟
مسفر بسخرية\حقاً من أخبرك؟؟
صوفي خذت الاوراق\سافعل..هي اوراق تخص وولفي..
مسفر\اسمه ذياب وليس وولفي..
صوفي\مارايك بمقاضاتي..والان اذهب بعيداً ولاتعد الى هنا..
هي لاتريد اي صلة بكم هل هذا واضح..
مسفر بالعربي\عنبو ابليسك من مرهـ لا لا ضبعة أنتي مو بمرهـ ..
ويقولون مصممة أزياء أجل لو عارضة وش تكون أخلاقك..
صوفي بقهر\ماذا تقول؟؟
انتظر ساتصل بمترجم..
مسفر\ههههههههههه قلت بانك سيدة قوية وجميلة..
صوفي بغرور\شكراً انا اعرف هذا..والآن وداعا ولا تعد أرجوك..

دخلت الغرفة وسكرت الباب..
وهي مستغربة من إحترامه لهديل..
كان بامكانه الدخول دون إستئذاني..
هل حقاً هذه أخلاقهم أم انه يمثل الاحترام أمامي..
وأنتي صوفي لماذا تغطين شعرها قبل دخول الطبيب..
أفعل هذا لانها دائما تتحجب من الرجال..
ولو كانت واعية لفعلت مافعلته انا..

دخلت الغرفة وسكرت الباب..
وهي مستغربة من إحترامه لهديل..
كان بامكانه الدخول دون إستئذاني..
هل حقاً هذه أخلاقهم أم انه يمثل الاحترام أمامي..
وأنتي صوفي لماذا تغطين شعرها قبل دخول الطبيب..
أفعل هذا لانها دائما تتحجب من الرجال..
ولو كانت واعية لفعلت مافعلته انا..
والفخر اللذي أشعرني به إحترامه لها..
بأي حق شعرت بفخر كبير..
فهو لم يحترمني أنا ولم يهتم لي..
ما اللذي يجري لي..؟؟!

أنتبهت على هديل مفتحة عيونها وتناظرها بتعب..
صوفي بابتسامة\الأميرة النائمة أخيراً فتحتي عينيك..
هديل بصوت مخنوق\وو ....... ويـ.....ــــ..............
صوفي\ماذا تريدين..هل تريدين الماء؟؟
هديل هزت راسها بنفي\بـــ........ــيبي..
صوفي\الطفل انه بخير عزيزتي لاتخافي عليه..
صغير جداً عيناهـ تشبهان عيناي بشكل كبير..
انفه لا يمت لك بصلة..شفتيه كشفتي تماماً..
ما أجمله عزيزتي ديل إنه رائع..
هديل تبكي\اريـــ....ـدهـ أرجــ....ـوك
صوفي\هو في الحضانة الآن...يقومون برعايته كما يجب..
سأخذك إليه عزيزتي ولكن يجب ان يراك الطبيب أولاً..

حاولت تتحرك بس ماقدرت كل أعضائها لازالت بسبات..
بعد خمولها لاكثر من إسبوعين..

طمنها الطبيب أنها بخير بس لازم تظل عنده كم يوم لحتى يستعيد جسمها طاقة بعد الغيبوبة..
سووا لها تدليك وساعدوها على تحريك يدينها وارجولها..
كانت تحس بألام قوية من بعد الولدة..
بس صبرت عليها..وأشتكت لصوفي من الألم في صدرها..
زارتها الطبيبة وفهمت منها غن هذي كانت أول مرة تنجب فيها طفل..
وشرحت لها عن الألم اللي تحس فيه..
رفضت تسمح لها بإرضاع الطفل من صدرها..
لان طفلها لازال في الحضانة يمكن يطلع بعد إسبوع..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛


رشا بخوف\راجح شوفه كيف يناظر يمكن يقطع يدي وياخذها..
شكله سراق وحرامي..
راجح يضحك\هههههههههه..يالخبلة حطي يدك بوسط كمك ولا بيقطعها..
رشا برعب\راجح والله العظيم نظراته تخوف..
خلاص بافك ساعتي وارميها عليه بس لايقرب..
راجح\وطلعي بوكك بعد وعطيه مسكين..
رشا بشهقة\جججــ...ـجاء يووومــه جاء..
قربت من راجح ولصقت فيه وخبت يدها داخل جاكيته...
قرب منهم رجل ضخم البنية الوشم مغطي رقبته وصدره..
وقف عند طاولتهم وركز عيونه على ساعة رشا..
الغريب\لق لق لق لق لق لق لق.....
راجح يهز راسه\بالزبط معك حق..
الغريب يبتسم ويبتعد عنهم ...
رشا مصدومة\وش قالك..؟؟
راجح\مدري عنه..
رشا بصدمة اكبر\اجل وش هذي بالزبط ومدري وشهو..؟؟
راجح بضحكة\هههههههه أشوف نفسي عليك يعنني أعرف إسباني..
رشا\مثلاً الحين قال بنذبح حرمتك وناخذ ساعتها وانت وافقت مع هزت راسك؟؟
راجح\افا يالعلم يذبحونك وياخذون ساعتك يخسووون..
رشا بخوف\تكفى راجح قم نروح الفندق يمكن يرجع مع عصابته ويقطعون يد

رشا بخوف\تكفى راجح قم نروح الفندق يمكن يرجع مع عصابته ويقطعون يدي..
ولا تدري اصبر شوي..
فسخت ساعتها بسرعة وحطتها بشنطتها وراجح يضحك عليها..
رشا بقهر\وش عليك اضحك ماهو انت اللي بتنقطع يدهـ..
خلهم اذا هاجمونا يبون الساعة ياخذونها من الشنطة مو من يدي..
راجح\هههههههههههههههه كنت ادري انك خوافة بس بهالشكل لا توني اعرف..
رشا\طيب اضحك براحتك بس ماني خوافة الا من الشديد القوي..

طلعوا من المقهى ويدينها متمسكة فيه بقوووة..
وهو كاتم ضحكته عليها..
رشا بقهر\لاتضحك لوفيك خير بطيت عينه وهو جالس يناظرني..
راجح\هههههههههههههه ابط عين الرجال مرة وحدهـ..
وبعدين هو ماسوى شيء أنتي الموسوسة..
رشا\وانا ادري عنه جالس يناظر بساعتي من اول ماجلسنا..
راجح يقلدها\يومه راجح بافسخ ساعتي واعطيه اياها..
شوفه كيف يناظرها ياويلي بيقطع يدي ويسرقها....
رشا تضربه\والله شكله يخوف..
راجح\صح شكله ضخم بس المفروض ماتبينين خوفك له..
رشا\ما اقدر الخوف يظهر على ملامحنا دون ارادة منا..
راجح\ويظهر على تصرفاتنا من غير وعي منا..؟؟
رشا بخجل\راجح والله نسيت واعتذرت منك..ماكنت اقصد شيء..
راجح\أدري إنك ماتقصدين..لاني مو انا سبب تقفيلك لـ الباب قبل لا تنامين..
لانه وحتى وانا نايم معك بنفس الغرفة تقفلين الباب..
رشا تضيع السالفة\الا ماقلت لي من اللي اتصل عليك..؟؟
راجح\يعني ماتبين تقولين سالفة تقفيلك لـ الباب دائماً..؟؟
بس زين ذكرتيني..خلينا نرجع الفندق واتصل بعامر..

دخلوا جناحهم وكلم عامر ورشا لاصقة فيه..بعدها عنه شوي بس ضربت يده
ولصقت راسها براسه..
سحبها من شعرها بخفة ونزل راسها على أرجوله..
حاولت تضربه وترفع راسها بس ماقدرت..

راجح\على البركة ان شاء الله..بالمبارك يا أخوك...........لا لا توصي ان شاء الله نحضر زواجك.............
ههههههههههههههه ...............ايه وهلي ان شاء الله باجيبهم معي..........هههههههه يابعد جدهـ اتاريه فاضحنا عندكم........
أنت عطه فرصة ويطلع باقي المسبات..................اي كلمة........سعدون انا........
هههههههههههه ماتعرف وش يقصد بكلمته هذي......لا ماباعلمك اعرفها من نفسك.............
ان شاء الله مانتأخر على نهاية هذا الإسبوع وحن عندكم.............الله يزيد فضلك مشكور وماتقصر......
محمد رسول الله..........فمان الكريم...

قفل جواله ورفع راسها وقربها منه..
راجح\ونعم الزوجة تتجسسين قدام عيني اجل من وراي وش تسوين؟؟

رشا بخوف\ليه يتصل فيك.؟؟غازي فيه شيء..؟؟
صارله شيء..بس هو بخير ..
راجح\وكيف عرفتي انه بخير وانا ما اقولك عنه شيء..؟؟
رشا بارتباك\لان لو فيه شيء كنت بتقولي..
راجح\أنتي خايفة احرمك منه او اجبرك فيه..
ليه ماتقولين انك تكلمين جدته وهي توصل لك علومه..
رشا بعدم اهتمام\انا ما ابيه..خله لهم او انت خذه لك..
انا مالي شغل فيه..وجدته كلمتها وقلت لها ترى الولد عندكم امانة..
حطوا بالكم عليه ولاتظلمونه تراه يتيم..هذا شيء كان لازم اسويه وبس ماقلت شيء ثاني..
وما ابي شيء منهم ..خله لهم مو هم اولى مني فيه..
مو هم بيهتمون فيه ويرعونه احسن مني أنا مو كفوا له..

ضمها لما لاحظ رجفتها تزيد..
راجح\هشششش خلاص اهدي..
رشا بهمس\خذوهـ لهم..نساني اكيد..نساني ياراجح..
راجح بحب\مابه طفل ينسى أمه..
رفعت راسها\يعني مانساني..؟؟
راجح\الشايب اللي قدامك ماقدر ينساك..
وهو لا ضمك ولا عرف حضنك وريحتك..
فمابالك بالطفل الي تربى بحضنك ونام على صدرك..
تلحف بريحتك وحنانك معقولة ينساك؟؟
لمت يدينها حول رقبته وضمته لها بقوووة..
همست\أحبك...
راجح\وأنا أموت فيك...وزعلك والله مايطول..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛


ماهي قادرة تصبر..تتمنى لو تقوم من مكانها وتطلع من الغرفة..
ماسمحوا لها تطلع من غرفتها..
ولا سمحوا لولدها يخرج من الحضانة...
كانت تبكي بقهر وتحلف انها مستحيل تخلي اليوم يعدي من دون ماتشوف ولدها..
هذولاء مايفهمون إحساسي..
هذا ولدي قطعة من قلبي..
هو أبوي وأمي..
هو هلي وعزوتي وأغلى من عيوني..
ماصدقت صوفي لما قالت أني طلبت غازي يجي..
مستحيل أنا اسويها..
أموت وحيدة ولا أشوفه جنبي...
الحمدلله ما خلتني أكلمه ال****ة..
كان المفروض تضربني بالمغذي ولا بالطاولة مو تتصل عليه وتقول خذي كلميه..
مدري كيف يشتغل عقلها هذي المنمشة..
لا وتقول قال انه يحبني...
رح عساك ماتلقى من يحبك ويغليك..
عساك تنحرم من أمك مثل ماحرمتني من أمي وهلي كلهم..
بدت تبكي ويدها على بطنها..
المفروض لما أولد أمي تنفسني..
بس هذاني مثل الخبلة ماني عارفة شيء..
حتى ولدي مايعطوني اياهـ..
حرمتني منها من رعايتها وحنانها...

شهقت بفرح لما شافت صوفي داخلة عليها والممرضة جايبة ولدها بسريرهـ..
صوفي تصرخ مبسوطة لإلتقاء الأم بولدها...
فتحت كاميرتها وبدأت تصور هديل الكاتمة أنفاسها تنتظر الممرضة تعطيها ولدها..
مدت يدينها برجفة وهي تشوف الكائن الصغير بلحاف أبيض ممدود لها..
أول مانحط على يدينها وقربته منها انصدمت من ردت فعله..
صار يشهق ويحرك يدينه ...
خافت عليه لايكون عورته او يتألم..
ضمته لها وهي تبكي...
هديل بحب\نورت دنيتي يا أبوي...
هدات حركته وغمض عيونه مرة ثانية ورجع ينام..
هديل\ههههههههه لا لا حبيبي لا تنام الحين فتح عيونك..
ياماما تونا نتقابل تنام وتخليني...
فديتك وفديت ريحتك..
ضمته لها اكثر وهي تشم ريحته...
هديل بحنية\وهـ ياقلبي عساني ما افقد هالريحة وراعيها..
ورعي نايم يا ناس مايبي يسلم على أمه..
الممرضة\سيصحوا بعد دقائق حاولي إرضاعه من صدرك..
هديل خافت ولا ردت عليها..
وطنشت صوفي اللي ضحكت على حالها وهي منحرجة وخايفة..
هديل\قم فديتك شف هذي المنمشة تضحك علي..
قم شوتها تصور امك القليلة الأدب..
صوفي\ديل حبيبتي تكلمي بكلام أفهمه أرجوكي...
هديل\أطفىء كاميرتك وكفي عن الضحك..
صوفي\ههههههههههه أنا سعيدة لأجلك..هيا قومي بارضاع طفلك..
هديل بعصبية\صوفي...حسناً سأفعل ولكن اولاً أريدك أن تخرجي من هنا..
صوفي مصدومة\ماذا؟؟
هديل\هششش ابني نائم..اخرجي من هنا كي أقوم باطعام طفلي..
صوفي بتعجب\هل تخجلين مني أيتها القزمة..؟؟
هديل\أجل وش شايفتني فاصخة الحيا مثلك يا منمشة...
صوفي\اللغة أرجوكي..
هديل\أخرجي وخذي كاميرتك معك..لا أتركيها لقد صورتني بها..
صوفي بقهر\حسناً سأخرج ولكني سأحاسبك على هذا..
هديل\عنبوا ابليسك أخرجي ابى اجلس مع ولدي حشاشة جوفي هههههههههههههه
وهـ فديتك صرت أقلد المسلسلات..
خرجت صوفي بعد ماركزت الكاميرا على هديل وتركتها تشتغل من دون ماتدري هديل.

هديل بحنية\خلاص خرجت الدوبة..فتح عيونك يا قلبي..
ذياب ياروح أمك..بدت حياتي من جديد بقدومك..
صار عندي ام واب وعزوة يا ابوي..
سميتك ذياب..لانه من حقك انت البكر وانت الكبير وانت ذياب..
ولازم تنتسب لأبوك وهلك..
أنت ولد حلال ولد ابوك النذل..
ما بادفن حقوقك تحت خوفي وهروبي..
تنتمي له غصبن عليه...مع ان هذا لا يشرفك ولا يشرفني..
صوفي قالت انسبك لي ولهلي...
بس الدين له كلمته يا ابوي وانت تنتسب لابوك...
ما نعصي ربي عشان نهرب من ابوك...

انا هديل أمك...
وابيك اليوم والحين توعدني ماتروح وتخليني..
ولاتفكر تنتمي لاحد غيري..
وتكفى يا ابوي لا تترك الدنيا من دوني...

مسحت دموعها وهي تضحك لما شافته فتح عيونه..
هديل بصوت مخنوق\فديت اللي مايشبع نوم..توك صاحي وتتثاوب..لازم تشرب حليب..
احممم ذيبو يا ابوي غمض عيونك زين..تراني ما اعرف..
اذا عورتك ارفسني زين ؟؟..حبيبي انت...


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛

تمسكت بيدين راجح وهي ترتجف..
رشا بخوف\أنا كيف طاوعتك وجيت معك..
المفروض رجعت السعودية مو أجي هنا..
راجح\رشا لا تعيدين بالكلام..
تفاهمنا وحطينا النقط على الحروف..
بنسلم عليهم ونبارك لهم ونرجع الفندق..
رشا بسرعة\وغازي مابتاخذهـ..؟؟
راجح\مو الليلة..حرام نزعل خالته وخاله وهلهم..
خليهم ينبسطون الليلة وبكره يصير خير..
رشا\طيب واذا شافني..ما ابي اشوفه..
راجح بخبث\عادي خلي عباتك وطرحتك عليك..
واذا شفتيه تغطي عشان مايعرفك..

لما شافها ناوية تفتح موضوع ثاني نزل من السيارة ونزلها بلطف..
وصلها لــ الباب واشر لها بيده مودع..
ضمت يدينها ببعض وهي تقرأ ايات قرآنية..
سمت بالله ودخلت...


دخل راجح عند الرجال وسلم بصوت عالي..
وصل لعــامر المتوسط المجلس مع اثنين من عمامه..
سلم عليه وبارك له وخذا علومه..
وعامر رحب فيه وعرف الرجال في المجلس عليه..
حلفوا عليه هل عامر بالعشاء من بكرهـ..
حاول يردهم بس حلفوا وماقبلوا بكلامه..
أنتبه لغازي الصغير جالس جنب فهد..
راح له بسرعة شاله وسلم عليه..
وغازي تعلق فيه يصرخ مبسوط..
ضحك على شكله كيف بالثوب وشماغ صغير ملفوف على راسه..
جلسه بحضنه وجلس جنب عامر..
راجح\ياحي الله غازي الغالي..كيف انت يا بطل..
غازي\أينو ماما...
وقبل لا يرد راجح عليه ردد غازي كلمة خلا عامر يحلف راجح يقوله وش معناها..
غازي\سعدونانات...
راجح\ههههههههههههههه..
عامر\يا ابن الحلال لاتخليني أحلفك تعلمني وش يقول...