قصه وقصيدة

اكلوا بلعتكم وطسو ههههه

حلو والله ههههههههههه
كغو بنت البدو شردتكم

صح لسانك بندر

اكيد انها كفو
بس شردتنا ماتوقع لانا رجعنا ندورها ههههههه

صح بدنك هيا

اقتباس:

المشاركة الأصلية كتبت بواسطة بندر السديري

كنا برحلة قنص وتمشيه معي مجموعة شباب على اربع سيارت
وكانت الاجواء ربيعيه على كيفك
وكنا نتوزع مجموعات تعرف عشان الصيد
المهم صدنا ولله الحمد وجلسنا نضبط عشانا قام واحد من الشباب الله يهديه قال معي
دربيل ليلي بنركبه على البدنق وبنجربه قلت هاته ونجرب
ركبناه ورمينا يمكن ثلاث طلقات بس ورجعنا نتعشاء عشر دقايق بس الا الشاص يوم
وقف عندنا وكابس العالي بينه وبين ظهري اقل من مترين وقفت واطالع ماشوف شي
النور قوي واروح يم الجيب الا فيه بنت ومعها رشاش ومزهبه السلاح قلت بسم الله الرحمن الرحيم قالت تسمي مجنون ان شاءالله ههههههه
انتم يوم ترمون تالي اللي فيكم بلا والا وش قصتكم هججتوا حلالنا ابتكلم بقول شي اعوذ بالله
السانها يمشي الفين وتراها مزيونه لا تعلم احد جنون ههههههه
المهم تاسفنا لها وقالت اكلوا بلعتكم وطسو ههههه
عاد طسينا هههههههه
بس يا جنون جلسنا يومين وانا مغير اروح وارجع على نفس المكان ترى مدري ليش
المهم
كتبت هالابيات

الملكي صار له يومين=يسري لديرة مواليفه
لامن ليله غدا ليلين=جته القوافي على كيفه
لبيه ياداعج العينين=لامن تهيالي بطيفه
مديت كفي هنا مابين=العنق وخدودٍ رهيفه
قلت ارحبي ياغزال الزين=اغلى طروش الحشا وضيفه
عطني من التوت والا التين=بَرّد لهب قلبي وصيفه
صد وضحك قال لي بعدين=والملكي حاله مخيفه

ههههههههههه ههههههههههه
بندر ترى القناص طماع لو اكتفيتوا بصيد النهار احسن لكم ولها ولكن رب ضارة نافعه ههههههههه
الطلقتين الطايشه جابت اسمن الصيد هههههه
لكنها ترى أطلقت عليك الرصاصة وانت ما تدري هههههععه
اذا مزيونة ي بندر يحق لها الشاص واللي مع الشاص

الهحينيه هذي أبلغ من الكلام رائعة وتوصف الحال والوضع اللي مريت فية
صح لسانك والله يحفظك ي بندر
لكن علمني وين قنصتوا ههههههههه

اقتباس:

المشاركة الأصلية كتبت بواسطة جنون الحرف

ههههههههههه ههههههههههه
بندر ترى القناص طماع لو اكتفيتوا بصيد النهار احسن لكم ولها ولكن رب ضارة نافعه ههههههههه
الطلقتين الطايشه جابت اسمن الصيد هههههه
لكنها ترى أطلقت عليك الرصاصة وانت ما تدري هههههععه
اذا مزيونة ي بندر يحق لها الشاص واللي مع الشاص

الهحينيه هذي أبلغ من الكلام رائعة وتوصف الحال والوضع اللي مريت فية
صح لسانك والله يحفظك ي بندر
لكن علمني وين قنصتوا ههههههههه

هههههههههههههههه
أي والله مزيونه هههههههه
سرى ليلنا على الهجينيه ليتك معنا
صح بدنك يالغالي
برسلك الموقع هههههههههه

عافااااكم الله جميعاً




استمتعت بما قرأت من قصص وأبيات

قصة اليوم
عن فحل من فحول الشعراء واديب وشاعر ومثقف وانيق ومبدع وظابط ذاد عن حدود الوطن
الراحل مساعد الرشيدي
يقول مساعد كنت في أمريكا متغرب وافتقد للوطن وفي حال لايعلم بها الا الله من الشوق والحنين فقد نال الشوق مني الي الوطن مبلغة
وانا على شباك المنزل رأيت طائر صغير مهاجر قد انهكه التعب ف حل برحالة على شباك منزلي وانا اتأمل معاناته وحجمة الصغير فكيف يحتمل هذا العصفور شدة البرد وقساوة الطقس
وكأن حالة اشبة بحالي فأنشد هذة الرائعه :



حزين من الشتا والاحزين من الظما ياطير

دخيل الريشتين اللي تضفك حل عن عيني

دخيل الما ..وملح الما..وحزن الما قبل ماتطير

تهيا للهبوب اللي تصافق في شراييني

دخيل الغصن والظل والهزيل وهفهفات إعصير

دخيلك لاتشح بنجمتي والليل ممسيني

ترفرف يافقير الريش ضيقه والنهار قصير

علامك كل ماليل جناحك جيت ساريني

انا ماني بخير وجيت يمي وانت مانت بخير

وانا ياطير في من الهجاد اللي مكفيني

ترى لو شفت لي ظل ومهابه في عيون الغير

ترى كل الزهاب اللي معي جرحي وسكيني

تعلمون قصة المثل الذي يقول
(من لاتقاضى حي يقمح ليا مات)
كان فيه رجل يتميز بكل صفات الرجولة فهو شيخ قبيله وفارس وكريم وذو اخلاق فاضلة وكان عمره حوالي 60 سنه.
وكان مايمر يوم مايوجد في منزلة ضيوف
طلب الزواج من إحدى بنات قبيلته عمرها حوالي 18 سنة
ولم يمانع والدها زواجة لمكانته بين قبيلته
وكانت الفتاة تتميز بجمال باهر
يتمناها كل شاب من القبيلة
ولشدة جمالها دفع لها مهرا تستاهله وجهزها باحسن جهاز
وبعدما دخل بها كان يدللها ولا يرد لها طلب
ولمحبة زوجها عند اقاربة وقبيلته اذا زارتها النساء يسلمن على رأسها ويقدرنها من تقدير زوجها
ولكنها اغترت بنفسها واعتقدت ان الناس يقدرونها لشدة جمالها
وفي أحد الايام طلبت من زوجها الطلاق فسألها عن السبب فقالت أنت رجل كبير السن
واريد زوج يماثلني في العمر فطلقها وترك لها كل ماقدم لها من مهر وجهاز
ولم يأخذ منه شئ
وبعد ما اكملت العدة تزوجت شاب في سنها من شباب القبيلة وبعد زواجها من ذلك الشاب وجدت نفسها معزولة عن الناس
ولم يزورها أحد وفقدت الدلال ومحبة الناس لها
وفقدت الحياة الكريمة عند زوجها الأول
وهنا عرفت أن الناس كانوا يقدرونها من تقدير زوجها السابق وليس لجمالها كما
كانت تعتقد
فندمت اشد الندم ثم طلبت من زوجها الثاني الطلاق
فقال لها اطلقك بشرط تعيدي لي كل ماخسرت عليك من مهر وجهاز
لانها كانت تعتقد انه مثل زوجها الاول يطلقها بدون مقابل
وهنا استنجدت بوالدها واخوتها فدفعوا لزوجها كل ماطلب وطلقها
وبعد انتهت عدتها كان عند زوجها الأول خادم اسمه عبيد يستقبل الضيوف اذا وصلوا لبيت الشيخ ويقدم لهم القهوة وكان من المقربين عند الشيخ
وقابلته وطلبت منه يتوسط لها عند الشيخ يتزوجها مرة ثانية وانها نادمة على
ماصار منها
فنقل عبيد كلامها للشيخ فقال له : في الصباح اعطيك الجواب توصله لها
وفي الصباح اعطاه بيتين من الشعر يقول فيها:


ياعبيد لا شفت اريش العين قلّه
عليه مردود البرا عشر نوبات

رميت حبله يوم بيديه تلّه
ولا ينحكى ياعبيد في فايت فات

انا الكريم اللي النشامى بظلّه
وزبن التوالي يوم لوذات الاصوات

كلن على فعله وحظّه يدلّه
واترك علومن مابها صدق واثبات

من باعنا نرخص مكانه ودلّه
ومن لا تقاضى حي يقمح اليا مات

اي والله من لاتقاضى حي يقمح ليا مات

احترمك يا وقور

هذي الحتوته قصتها كنت امر وقت الفراغ على موقع فتحه صاحبه وهو شاعر فذ تزاملت معاه في عدد من المواقع وكان فيه عدد من الشعار والمستشعرين
لم اكون أطيل المكوث بسبب عدم الفراغ وكان وجودي تقدير واحترام لصاحبه ولماكناندوج في المواقع فذا نزلت مشاركه اضع الرابط في صندوق المحادثه حتى يعرفون انني منزل موضوع كنت اطلع على السريع لمايطرح في قسم الشعر وكان فيه احد المستشعرين كل مايطرحه مكسر وغير موزون وقسم بالله لم انتقده ولم حتى ارد عليه وفي أحد قصايده شفت صاحب الموقع ومعه شاعران انتقدوه على الملاء المستشعر له شله من اللي خبري خبركم اذانزل عربوده يرفق مع النص تقاسيم على عزف على العود بريشتة الفنيه مثل ما يقول
المهم نزلت مشاركتي ونسخت الرابط بضعه في صندوق المحادثات والا المستشعر كاتب في الصندوق من فتره سابقه لدخولي الموقع يطلب من الأعضاء بعدم الرد على مشاركات السكب 12 وعدت الي القسم ورديت على مشاركاتي وكتبت البيتين الاوله واكملتها في مابعد في موقع ثالث وطلعت من الموقع الموقع صاحبه جاه ضروف وأغلقه

الأمر الثاني
نزلتها في موقع ثاني وتحسسوا منها ويحسبون انني قاصدهم حتى أن فيه شاعره ردت عليها مرتين بقول هذي هادفه المهم ماقصروا سكنوني في فندق خمس نجوم الموقع هذا لايحبون يدخل بينهم غريب عنصريه من شعاره والأعضاء كانوا في موقع سابق وأغلق وتجمعوا الان في الموقع الجديد نفس معرفاتهم السابقه


دار(ن) ترى فالبوم حر اشقر الطير
ولا فرقوا بين الصقر والحمامه

الصقر يفرق عن جميع العصافير
ولا دس راسه فالتراب كالنعامه

الوقت هذا ضاع وقت المشاهير
اللي حضوره فالمجالس علامه

اذا نطق بالشهد واحلى من الشير
وحاز السياده والشرف والزعامة

تحولات فالمجتمع يالله الخير
تبرز لنا في كل مجلس هلامه

وقت الرخا الكل صاروا مناعير
وفالشدايد يكتسون بالرخامه

سجل لهم تاريخ عبر الاساطير
يالله طلبتك بالعفو والسلامه
السكب 12

وسلامتكم جميع ومشكور اخوي جنون حرف على الفكره والشكر موصول لجميع الأعضاء الكرام والزوار ليت يكون عندي الفراغ الكافي واشاركم كل كبيره وصغيره ولكن اعذروني لعدم الفراغ
اخاكم مكره لابطل
تحياتي للجميع
اخوك
السكب 12

تسلم اخي السكب ١٢