رواية الزمن طبعه كذا

نايف:الا مت من شوووووقي لك...
وفي مكتب أبو ياسر بشركته....
ياسر:يبه أنا مدري وش المصلحه اللي تبيها من ترجيع علاقتنا مع بيت عمي..
أبوياسر:اللحين مو لازم تفهم بعدين بتفهم كل شي المهم اللحين سو اللي قلتلك عليه ..
وروح البيت عمك واعزم ناصر...
ياســـــر:يبه أسمحلي انامستحيل اسوي اللي تطلبه مني ...
أبو ياسر:وبعدين معك متى بتترك هالغرور عنك ...الغرور هذا ماينفع بعالم التجاره..
ياســر:يبه أنت ماتبغى أحد يعزم ناصر خلاص خل بندر يروحله البيت يعزمه مع أني ماشجع هالفكره....
أبوياســر:خلاص قول البندر مع أني كنت أفضل أنك أنت تروح....
ياســـر:وش الفرق رحت أنا أو راح بندر كلنا واحد ....
أبو ياسـر:بالنسبه لك واحد بس عندي يفرق...

جُنـى:خلاص أنا تعبت بنسحب ...
وهج:لاحرام عليك لاتخربين علينا كملي...
جُنـى:لاوالله تعبانه كملوا من دوني...
سالي:من زين لعبك كله سرحانه وبسببك مهزومين...
جُنـى وهي تأشرلهم من بعيد وبتدخل الصاله من الباب الخلفي:هاردلك ....
دخلت الصاله وعلى طول اتجهت للأمها بالمطبخ ...
جُنـى وهي واقفه على باب المطبخ :يمه ..
أم ناصر:هـلا نعم يمه..
جُنـى:يمـه ممكن أروح بكره معك لبيت جيرانا,,
أم ناصر:وأنتم من متى تروحون معي لبيت جيرانا,,
جُنـى:يمه بليز ضروري أروح معك ,,أنا نتفقه مع رحاب أجيها اشرحلها اشياء مو فاهمتها...
أم ناصر:أنتي تدرين أن ناصر مايرضى تروحون لبيت جيرانا وخاصه أن عندهم عيال كبار...
جُنـى بصوت حزين:يمه تكفين,,,
أم ناصر:خلاص بوافق وأمري على الله بس حطي بالك أنها مره وحده وبس...
...جُنـى كانت طوال المباراه وهي تفكر بحل للورطه اللي طاحت فيها ومالقت حل ألى أنها تدخل البيت من بابه بزياره عاديه وتروح للمكان اللي طاحت فيها وتبحث عن السلسال......
بعد ماعطتها أمها الضواء الأخضر راحت ركض للتلفون واتصل لرحاب اللي رفعته على طول فالبدايه سولفت معها عن المدرسه بعدين خبرتها بالمفاجئه..
رحاب:وااااااااااااااو مني مصدقه من جد تتكلمين ....
جُنـى: ليش مو مصدقتني عادي بكره تصدقيني اذا شفتيني جايتكم...
رحاب:الله وناسه بس ليه تخبريني من اللحين ..مانتظرتي تجين للمدرسه وتقوليلي ..
جُنـى:متحمسه مو قادره اصبر إلى بكره عشان أقولك ...


دخل فارس على رحاب وهي تقفل السماعه ...
جلس على بجنبها على نفس الكرسي بقوه ...
رحاب:هي أنت طيرتني ...
فارس:سوري ماكنت أتوقع أنك ريشه .,,من كنتي تكلمين ...
رحاب:مو شغلك..
فارس:مو شغلي هاه ,,,انا اوريك ...
طلع من جيبه ولاعه...وقعد يهددها أنه بيحرق شعرها...
رحاب:لايامجنون وش قاعد تسوي...
فارس:طيب اللحين برجع اسألك من كنتي تكلمين...
رحاب:كنت أكلم صديقتي...
فارس:أدري أنها صديقاتك أجل صديقك .,,,صديقتك هذي مالها أسم...
رحاب:الا بس مو قايلته ,,,
فارس وهو يشغل الولاعه ويقربها منها: اووووووووف ارجعت تعاند ..
رحاب:لاخلاص بقول اسمها بس ابعد هذي عني...
فارس وهو يقربها زياده :قووووووولي...
رحاب وهي تصرخ بخوف:جُنـى اسمها جُنـى...
فارس جلس لحضات يستوعب اللي انقال.. وبعد مستوعب ...
فارس :جُنـى هذي بنت جيرانا ..
رحاب اللي مستغربه كيف عرف وبنفس الوقت خايفه منه:ايه بنت جيرانا ...
بعد ماسمع كلامات التأكيد غرق فارس بأفكاره:أنا كنت حاب تمصخر على رحاب يوم سألتها عن أسم صديقتها ماكنت أبد ماتوقع أني بطلع من ورى هالتهديد بمعلومات خطيره زي كذا ...كل شي يتعلق فيها حصلت عليه أسمها وأسم عائلتها اللي أعرفه من قبل ..بس بقى رقمها... وسلسال اللي معي اللي اقدر أهددها فيه ...
وضحك ضحكه خوفت رحاب وخلتها تهرب من الصاله

بندر وهو ينزل من سيارته ويتجه للجرس الباب بيدقه ...
جاء ه صوت ناصر من وراه ...
ناصر:هــلا الطيب من بغيت ....
بندر وهو يلتفت لناصر اللي كان يصك باب سيارته :ابغى ناصر ...
ناصر :هلا والله وصلت..
واتجه يسلم عليه ...
ناصر وهو يفتح باب البيت:تفضل...
بندر كان يتأمل ملامح ناصر اللي فيه شبه طفيف من سامي ناصر اسمر بس وسيم مره
وطويل وعليه عرض يسد الباب لادخل معه...
وبعد مادخلوا المجلس ....
ناصر:للحضه بس أقولهم يسون قهوه ...
بندر:لاوالله مايحتاج أنا جايك أبغاك بموضوع وماشي..
ناصر:لاوالله مايصير تدخل بيتنا أول مره وماتقهوى...

وبعد القهوه ...
بندر:شكلك ماعرفتني...
ناصر:تبي الحق لا..
بندر:أنا بندر أبراهيم الـ........ ولد عمك..
تغير وجه ناصر بعد ماعرف إن اللي جالس قدامه واحدمن عيال ولد اللي حاول أنه يقطع علاقته فيهم ويبعد عائلته عنهم ونجح بس بالأونه الأخيره عمه يحاول يرجع العلاقه بينهم ....
بندر: معقوله سماعك اسمي يستحق كل هالتفكير...عموماً أنا جاي أعزمك نيابه عن أبوي للحضور للمزرعه كل العائله بتجتمع واتمنى أنكم تحضرون الكل بيكون سعيد بتواجدكم معنا ,,وبعد صمت دقائق :هاه وش قلت ...
ناصر:يصير خير واذا ماكنت مرتبط بحاول أجي...
بندر:مع أنه مو هذا الرد اللي أنتظره ..بس أوعدني تحاول تجي...
ناصر وهو يوقف مع بندر اللي وقف:أوعدك ياولد العم ........

نهــــــــاية الفصل الأول من الجزءالثالث
انتهى الفصل الأول من الجزء الثالث بوعد هل سيتحقق
هذا اللي بنعرفه بالفصل الثاني من الجزء الثالث....
الفصل الثاني)

*وفـــــــــي غرفة رحــــاب *
رحاب وهي توقف:عن أذنك جُنـىبروح أجيب شي نشربه...
جُنـى:أقول رحاب وش رايك نجلس بالحديقه اللحين الجو حلو...
رحاب:ووووووووع بالحديقه حر...
جُنـى:واللي يعافيك أبغى أجلس بالحديقه أحس أني مكتومه هنا...
رحاب اللي مستغربه من اصرارها بس جارتها:أوكي يالله ننزل للحديقه....
وبعد ماوصلوا للحديقه ...
رحاب:عن أذنك جُنـى بروح أجيب شي نشربه...
جُنـى اللي تبيها من الله:لامايحتاج مابينا هالرسميات ...
رحاب:ولو مايصير أول مره تدخلين بيتنا وماتشربين شي ...


جُنـى يوم أختفت رحاب عن عيونها راحت للحديقة الجوري اللي يفصلها عنها أشجار
قصيره حاولت أتمر من بينها بس ماقدرت...
جُنـى وهي تكلم نفسها:مو أنتي اللي بتخربين علي مخططي أنا اجزت كل العقابات
مو أنتي اللي بتوقفين بوجهي ... حاولت لين مرت من بينها بصعوبه لدرجة أن عباتها انشقت بس هي ماهتمت أهم شي اللي ضاع منها لازم يرجع...

وفي المطبخ ورحاب تجهز العصير والكيك دخل عليها فارس وهو متكشخ وبيطلع ...
فارس :رحاب بالمطبخ وش هالسنع اللي نزل عليك مره وحده...
رحاب اللي كانت مبسوطه بزيارة جُنـى :لاسنع ولاشي بس اليوم غير...
فارس اللي أخذ كأس عصير من اللي بصينيه:ولاشي اليوم غير...
رحاب اللي انقهرت من حركته وحطت كأس ثاني وتصب فيه عصير:لأن اليوم جُنـى زايرتني ...
فارس اللي عجبته السالفه وبدى يشك بسبب زيارتها:ليه هي متعوده تجيك ...
رحاب:لا... أول مره ماتشوفني مبسوطه...
فارس اللي جت فباله فكره خبيثه:وهي وين اللحين...
رحاب:بالحديقه ليه تسال...
فارس اللي يبغى يغير الموضوع:ووووع فيه أحد يجلس بالحديقه بهالحر...
رحاب:هي الي اصرت مو أنا ... وشالت الصينه بتطلع ...
فارس وبعد ماتأكدت شكوكه :أقول رحاب تعالي تعالي ...
رحاب وهي واقفه على الباب :اووووووووف وش عندك بعد...
فارس :روحي فوق وجيبي جوالي نسيته ...
رحاب :وليه ماترسل الشغاله تشوفني مشغوله...
فارس :تعرفيني ماحب الشغاله تدخل غرفتي...
رحاب :من متى أنشاءالله أول مره أسمع هالكلام منك...
فارس:من اليوم ويالله بسرعه جيبيه لي انتظره بالسياره بالكراج...

وراحت تركض فوق,,وفارس طلع بسرعه من الباب الأمامي ولف على البيت وراح للحديقه ...
استغرب يوم ماشاف أحد جالس على الكراسي ..
ولاكن بسرعه أبتسم بخبث وراح من ورا لأشجار وشافها واقفه وهو تلف عيونها بالمكان بعصبيه وحاطه طرحتها على كتوفها وشعرها الطويل البني وفيه خصل شقراء رافعته على شكل ذيل حصان ...قرب منها بهدوء لين صار واقف وراها ,,,
فارس:دورين علىشي ياحلوه ...
انرعبت جُنـى من الصوت وتمنت تكون توهم ورفعت عيونها وشافت ظله وراها التفت عليه بسرعه وهي تتنفس بقوه ورعب خمنت أنه واحد من أخوان رحاب...
جُنـى وحاولت تقوي نفسها مع أن الموقف كبير:نعم كلمتني ...
فارس اللي كان مبلم ويطالعها انصدم يوم شافها من قريب جُنـى كانت روعه كل شي بوجهها مرسوم رسم،، عيونها كانت كبيره وعسليه نظرات عيونها قاتله تربك اللي قدامها ...خشمها كان حلو ويتناسب مع وجهها النحيف.. .. وفمها اللي كان صغير ......
جُنـى اللي خايفه من صمته وطريقة الوقحه بنظر أليها:هي أنت وش تبي صدق أنك وقح ,,وتراجعت بتروح للجلسه قبل ماتجي رحاب..
فارس وبعد مافاق من الصدمه وقرب منها زياده:كله منك ياجميل مقبول..
جُنـى اللي انصدمت من قربه لها تكلمت وصوتها بدا يعلى:وخر عني ياخسيس قليل أدب ماتحشم أحد...
فارس اللي انقهر من سبها له :قليل لأدب اللي يدخل بيوت الناس بدون اذنهم ..
وبنبره خبيثه:ولاوش رايك ياجُنـى...
جُنـى اللي انصدمت انه يعرفها:انا مادخلت بدون أذن أحد وأهلك يدرون أني موجوده ...
فارس:لاأنا ماقصد المره ذي أقصد,,, ويأشرعلى الجوري :تبغين أكمل ولاتذكرتي...
جُنـى وهي مو مصدقه أنه شافها يوم طبت على بيتهم بليل وبأرتكاب :أنا مدري عن ايش تتكلم ..وخر عني بمر ...
فارس وهو ير فع حاجب :يمكن هذا يذكرك..واشر على السلسال اللي برقبته وكان تعليقته تحت قميصه فطلعها ..جُنـى بهالحضه دارت فيها الدنيا مو مصدقه اللي صار..
فارس وبعد مالاحظ ملامح الخوف على وجها :ولايهمك ياحلوه لاتخافين ترا أنا قلبي مايطاوعني أذيك ..وقرب منها بيلمس خدها وتراجعت برعب وتكلمت بهمس وهي ميته رعب :خسيس ...
فارس:مقبوله ...بس صدقيني بتندمين ...
وسمعوا صوت رحاب جاي من بعيد تنادي من بعيد ...
فارس تقرب منها بسرعه ومسك يدها وحط فيها كرته: أتصلي أذا بغيتي تسترجعينها ولا ترا بتندمين ...وندم اللي يجي من فارس طعمه غير..
وأختفى من قدامها وهي واقفه بمكانه مصدومه بالي صارها جاتها رحاب وهي على هالحاله ...
رحاب :وهي تهزها جُنـى بسم الله عليك ليش تناظرين في كذا من الصبح أنادي عليك ماتسمعين..
جُنـى وهي للحين تحت تأثير الصدمه :ماسمعتك ...
رحاب:حراام عليك لي ساعه أناديك..وراحو يمشون للجلسه :ماقلتيلي وش رايك بالجوري ...
جُنـى اللي كرهت الجوري بعد الموقف اللي انحطت فيه بسببه:مو حلو ايجيب
الكائبه...
رحاب:وش اللي غيرك كنتي تحبينه..
جُنـى:قلتيها كنت .... ورجعت تسبح أفكارها..
رحاب:جُنـى وش فيك اليوم مو طبيعيه ..
جُنـى:لامافيني شي أنتي توهمين ...

فارس اللي كان من الفرحه طاير بسيارته ويردد مع الجسمي:
مارأت عيني مثل هذا الغزال
ولاسمعت بوصف مثله ينطرا
يمشيه ومشيه بخفه باعتدال
مانقفر لوهو مشى فوق الثرا
شفت غراً مكتسي سحر والدلال
ماخلق مثله شبيه فالورى
من حسن يوسف خذا اوصاف الجمال
والعتب شفته والعين ماترى
رجعه للواقع جواله اللي يرن ...
شاف الرقم وزادت ابتسامته ...
فارس :هـــــــــــلا ومرحبــــــــابالحبايب...
نايف:لاهــــــلا ولامرحبـــا خبل أنت وش هالسـرعـه والله لو أنك مطارد..
فارس:وأنت وش دراك أني مسرع ..
نايف:كنت واقف عند الأشاره اللي طوفتها أنت وجهك ,,
وظربتلك بوري وانت ولاطرا على بالك توقف ..وبخبث:اقول فارس اللي تكون مركب وحده من خويتاك وخايف عليها...
فارس اللي ضحك من قلب:وش دعوى والله لو مركب وحده منهن بوقفلك ولاهمني ما يغلن عليك ..الا وحده لوتركب معي لابيعك وبيع الدنيا واللي فيها عشانها...
نايف:افاااااااااااااا من ذي اللي بتبيعينا وتبيع الدنيا عشانها ..
فارس وهو يولع السيجاره :مدري وش أقولك يانايف شي خيالي ملااااااااك ملاك..
وهي اللي جت للحد عندي...
نايف:ماشاءالله البنات صاراً يجن لعندك...
فارس وهو يضحك :لا مو بطريقه اللي فهمتها ,,بتعبير ثاني هي ورطت نفسها معي ولاقابلتك افهمك......
نايف :الصراحه حمستني ,, اشوفك الليله بالأستراحه وتفهمني كل شي ...
فارس :اوكي,,وش أخبار خويك..
نايف :مين جميل..
فارس :ايوووه جميل قله يرتبلنا سهره محترمه يوم الأربعـاء ...

أما جُنـى ماصدقت توصل للبيت دخلت غرفتها وصكت الباب ...
رمت نفسها على السرير :ياءلله رحت بصلح اللي سار وغطي على اللي سويته رجعت بمصيبه فتحت يدها وناظرت للكرت اللي متعفط ,,ورمته بشمئزاز..اللحين عرفت ليه ناصر ليه يخاف علينا من روحه للبيوت جيراننا معقوله فيع ناس بهالوقاحه ماحشم لاأهل ولاجيران ماخاف أعلم أخته >> بس وش تقولين ياجُنـى اللي مايخاف من ربه ماراح يخاف من أحد...
وهي تمسك راسها :ياربي وشهالمصيبه بس يحلم اتصل فيه وخذت للكرت وقطعته ,,
ألى هالغلطه مستحيل أسويها ...مستحيل أخون أهلي بسبة هال**** ,,,ياءلله ياما رحاب حذرتني من هالمغامرات الي اسويها بس ماسمعت كلامها ..استهال كله من تحت راسي ....
شيخه اللي ماسكه عباتها بيدها :وبعدين معك أنت قلت لك بتجي معنا للمزرعه بكره غصباًعليك ...
ورجعت تنادي:كااااتي كاااااااتي.. وصمخ جيبي المبخره بسرعه
نايف:يمه وبعدين قلتلك بكره مأقدر أجي معزوم عند واحد من الشباب يوم الخميس الحقكم...
جات الشغاله وعطت شيخه المبخره ..
شيخه وهي تبخر عباتها :انا اذا قلت كلام ماتراجع عنه ..
ولبست عباتها وطلعت ,,, جلس نايف على الكرسي بقهر,, والتفت على أبتهال الي تناظر الموقف بصمت وصرخ عليها :وش تناظرين فيه أنتي بعد....وطلع للغرفته..
وبقت أبتهال اللي كل البيت يطلعون حرتهم فيها وماحد حاسب حساب لمشـاعرهـا.......

وبنفس البيت وبوحده من الغرف المغلقه ...
كانت ندى تلعب لعبتها اللي ماتوقع أنها في يوم من لأيام بتخسر فيها ,,,,,,,
واللعبه هذي أبتدت بتحدي بينها وبين شلتها الفاسده من اللي تقدر تكلم أكثر من واحد بنفس الوقت وتستمر معهم أطول مده... وبالتأكيد ندى هي الفايزه لأنها تعلق اللي تكلمهم بأسلوبها الساحر ودلعها وغنجها بالكلام......(ياحســافه ياندى بعتي دينك وثقت أهلك عشان لعبه قذره وتحدي سخيف) ......
طلال:هاه حبيبتي وش قلتي أجي اخذك من الجامعه بكره ...
ندى بضحكه كلها دلع وغنج: ههههههههههههههههه ياحياتي أنت طموحك كبير...
طلال:حبيبتي ليه تسوين فيني كذا حرااااام عليك والله ودي أشوفك ..
ندى:طلولي أذا الحيت علي أكثر ترا هذي أخر مره تسمع فيها صوتي...
طلال:ياروح طلال أنتي لاخلاص اوعدك هذي اخر مره أطلب منك هالطلب ..بس لاتتركيني انا من دونك اضيع....
وبيت أبو ناصر كانت الأوضاع متأزمه بين سالي وأختها أم ناصر...
سالي:قلتلك مو رايحه مابي اووووووووووف الطلعه موغصب...
أم ناصر وبصوت عالي:أسمعي ياسالي أنا سكت لك كثير لدرجة أنك بديتي تأثرين على عيالي وتخلينهم يتمردون علي,,مادامنك جالسه بيتي بتنفذين كل أوامري وماتعلين صوتك علي ,,ولا الباب يوسع جمل روحي اسكني عند أبوك وشوفي بتلاقين معامله زي اللي تلقينها بيتي ...وطلعت للغرفتها..
سالي جلست على أقرب كرسي مصدومه من أختها اللي أول مره تعاملها بهالطريقه..
وهج كانت تبكي بصمت وحاسه بذنب هي السبب بالي صار بين خالتها وأمها ..
سامي وعادل اللي ماتوقعوا أمهم تكلم خالتهم قدامهم بهالطريقه انسحبوا بالصمت..
جُنـى هي الوحيده اللي تصرفت بايجابيه :خالتي ترا أمي ماتقصد اللي قالته بس هي كانت مقهوره منا لأن كلنا رفضنا نروح معها..
سالي:لا ياجُنـى أختي تقصد اللي قالته,,بعدين أختي تأمر أمر تبغاني أروح معها أروح ليه ماروح..
وهج وقفت عن البكاء وناظرت بجنى ورجعت تناظر بسالي بلاهه..
سالي :لاتناظرين فيني كذا ياوهج.. بس هين أن ماوريتكم سالي منووووووو والله لخلي كل اللي بالمزرعه كلهم يندمون على عزيمتهم لنا...
صفرت وهج بقوه :يابعدي ياسالي ماتستسلمين بسهوله وكل مشكله لها حل عندك..
جُنـى: ابدعي ياخالتي ورينا مواهبك ونوعدك حنا عصاك اللي ماتعصاك ..وضحكواا كلهم بصوت واحد ...........

...عصــــــــر الأربعــــــــــاء ....



وهج من تحت :ساااااااااااااااالي بسرعه اخرتينااااااا...
نزلت سالي بسرعه وهي تنزل درجه وتقفز درجتين وماسكه عباتها بيدها .......
قعدت وهج تناظر فيها من فوق لتحت ......
سالي :وش فيك طالعين كذا ....
وهج :سالي من صدقك بتروحين بهالبس ...
سالي وهي تناظر بلبسها :وش اللي مو عاجبك فيه..!!(سالي كانت لابسه بنطلون جينز أزرق طويل .. ولابسه مع حزام تنزل منه سلاسل تنشبك ورى ولابسه تي شيرت أسود فيه خطين بالوسط من نفس قماش البنطلون .. ولابسه بوت أسود طويل لحد الركبه ومدخله البنطلون تحت )
وهج:اسئلي نفسك البس هذا تلبسينه بالبيت مو وانتي طالعه لمزرعة ناس من زمان ماشفتيهم تقابلينهم بهالبس..بعدين عيالهم بيكونون موجودين ,,والمزرعه كلها عمال ,,,سالي والله جرأتك هذي تخوفني عليك ...
سالي ناظرتها بغرور ولبست عباتها الكتف ولفة طرحتها غطت وجها بطرفها:يالله نطلع تأخرنا عليهم ...

وفي السياره كان عادل راكب قدام جنب السواق.....
والمقعد الخلفي فيه لأم وسالي وهج ...
والمقعد اللي وراه فيه سامي وهديل وجُنـى....
والدبه متروسه بأغراضهم ......
أم ناصر:عادل أنت تدل مزرعة عمك...
عادل:لا,,بس عمي سألني عن محطه أعرفها أذا قربنا نوصلها بدق عليه واحد من عيالهم بينتظرنا بالمحطه ....

سالي اللي مزاجها معكر بعد كلام وهج:اوووووووووف راجو شغل الـfm...
أم ناصر:ومزاجك مايعدله غير لأغاني...
سالي طنشت ماردت مقهوره منها لأنها أجبرتها تجي.....
وورى هديل وسامي طول الوقت خناق ,,وجُنـى اللي فكرها مشغول بمصيبتها ماتحملت الموضوع فصرخت عليهم :بسسسسسسسسسسسسسسسسسسسسسس,,,,,,
السواق من قوة الصرخه أخذ بريك .....
فكل اللي بسياره طاحوا على قدام كلهم جمدوا من الخوف الا جُنـى اللي موحاسه بالدنياوكملت هواشها:الله يأخذكم صدعتوا فيني...
سالي وهي تبلع ريقها:جُنــــى بغى يصرلنا حادث بسببك يا****ه لاتصرخين كذا تراهم جنبك يسمعون مايحتاج كل هالصراخ...
جُنـى:ليش أنا اللي أسوق هوشي راجو ال**** هذا ...
راجواللي كمل طريقه:أنتا فيه كربان كتير فيه صرخ أنا فيه كوف..
عادل:قايلكم بسوق أنا اعرف اسوق احسن منه بس ماخليتوني...
أم ناصر:خلاص صار خير .. وبعدين لاتحلم تسوق وأنت ماطلعت رخصه ..
وعند أبو ياسر بالمزرعه اللي واصلينها من الظهر
كانت واصله عنده اتش من ياسر اللي ماجاء معهم ونايم بالبيت
يتصل عليه بس مايرفعه ...
بندر:يبه هد بالك أنا اروح انتظرهم بالمحطه ..
أبوياسر :أنت وش قاعد تقول,, عشان توصل للمحطه يبغالك ساعتين وهم بغضون ربع ساعه بيتصلون ...
وبهالدقيقه اتصل ياسر اللي توه صاحي من النوم ...
أبو ياسر بعصبيه:لو ماصحيت أفضل أنا مو قلت لك أنتظر عيال عمك بالمحطه ...
ياسر:هم اتصلوا ..
أبو ياسر وللحين ماعصب:لا ماتصلوا بس اللحين اكيد بيتصلون تبغاهم هم ينتظرونك..
ياسر:الله يطولي عمرك هد شوي ولايهمك كلها عشر دقايق وأنا بالمحطه وانا اللي انتظرهم ..بس أنت هد لاتنسى أنا فيك ضغط...
أبوياسر:مالك شغل فيني ولاتسرع لامشوا وراك تراهم مع السواق .....
سامي:عادل يالله اتصل مابقى على المحطه غير 10 دقايق ......
عادل:اوكي ...
أبو ياسر:هلا عادل ..... وشو عشر دقايق ...... ايه ولايهمك ياسر ينتظركم هناك ...... يالله مع السلامه...

وعند ياسر اللي فعلاً وصل قبلهم وجالس ينتظرهم :والله حاله عشان ذولا الي مدرين من وين اطلعوا ابوي يصرخ علي وهو عمره ماسواها ,,اووووووووووف وين راحوا ذولا بعد...
اول ماوقفت سيارتهم ,,,
عادل نزل للياسر الي كان متكي على سيارته ومتكتف بملل ..
سالي اللي للحين حاقده على وهج :أنا بنزل للدكان جُنـى تنزلين معي..
أم ناصر:لازم تنزلين قري مكانك الرجال تلقينه من زمان ينتظرنا ..
سالي:لا بنزل ومحد قاله ينتظرنا,, يالله جُنـى ...
جُنـى :اووووووف مالي خلق انزلي مع وهج ,,
سالي وهي ماودها بس مضطره:وهج تجين ,,
وهج اللي ماصدقت فتحت الباب على طول ونزلت ....
لحقتها سالي اللي عباتها مفتوحه وطايره مع الهواء

عادل بعد ماوصل لياسر وسلم عليه ....
عادل :سوري شكلنا طول عليك ,,,
ياسر :لاعادي ,,يالله نمشي ...
عادل:لحضه شكل لأهل دخلوا لدكان لحضه بروح أشوفهم ...


ركب عادل بسياره :من اللي نزل ..
أم ناصر :سالي و وهج ....
عادل:اووووووووووف ذولي لادخلو الدكان على بالهم سوق ,,بيفشلونا مع الرجال..
سامي:بنزل اشوفهم..
أم ناصر:لاتنزل ترا بيعندن ومايخلصن بسرعه ..

ياسر اللي ركب سياره وصك الباب بقوه:هذا اللي ناقصني بعد أنتظرهم اووووووف ,,
هذا جزات اللي يتعامل مع بزران ...وفتح بكت الدخان ولقاه خالص رماه بعصبيه: ناقصك أنت بعد ,,ونزل للدكان ...

وداخل الدكان ,,اللي كان فاضي مافيه ألا وهج وسالي وكم هندي ..سالي ماخلت شي مأخذته أشياء مالها داعي اصلاً.....
وهج :يالله خلاص سالي خلصينا تأخرنا ......
سالي ولاردت عليها
وهج:تكفين سالي اخلصي علي....
سالي:وهج واللي يسلمك حلي عن سماي ...
وهي تتجه لثلاجة لاسكريم:اقوووول وهج أخذتي ايسكريم ......
وهج:ايههه اخذت كل شي بس خلصيني ...
سالي:والله اللي يشوفك خايفه كذا يقول اللي واقف ينتظرك برا ناصر مو راجو ...
وهج:سالي بتطلعين ولابروح وأخليك ...
سالي:يمه ترا تروعت روحي ماحد قاضبك ..


..وطلعت وهج وهي طالعه دخل ياسر...
سالي :اقووول صديق ...وفيه شخص ثاني قال معها نفس الكلمه التفتت عليه ورجعت تكلم مع الهندي:كم حساب....
وشخص جلس يتأفف .....
الهندي:ميه كمسين ريال ...
سالي طنشت اللي يتأفف وطلعت البوك تحاسب ..
سالي وهي تفتح البوك دق جوالهـا
سالي: الوو ..هلا ايووه ..لابس مالقيت ماء حق اليوم وجالسه أنتظــــر عربيته تجي,,هههههههههههههههههههههههههههههههههههههه
,,طيب اللحين جايـــه ..
الهندي اللي مو فاهم شي جلس يضحك يوم شافها ضحكت ...
وياسر تتنرفز من سخافتها وده لويذبحها قهره برودها.....
وبداخله بعد ماشاف جوالها الي مثل جواله :حتـى هلأشكال معها مثل جوالي ..خلاص أنا من بكره بغيره ..
سالي وودها تقهره زياده لأنه سمعته وهو يتافف :صديق شيل لأكياس لسياره ....
ياسر اللي صدق انقهر:لا يانسه حدك شيلي أغراضك بنفسك .,,وانت طلعلي بكتين دخان .....
سالي طالعته بغرور وتوجهت بتطلع:صديق يالله ....
الهندي هز راسه وطلع وراها وهو شايل الكياس ,,,,
ياسر خلاص وصلت معه ,, عمره مانحط بموقف زي كذا تجي على لأخر الزمن هذي وتسبب له هالشرشحه,,طلع من الدكان وهو يسب ويلعن......
سالي تسمعه وتضحك بقوه لدرجة أنه ضحكتها وصلت لمسامعه ....وتنرفز زياده ..
والي جننه يوم شافها تركب بسيارة عيال عمه يعني الوقحه هذي بنت عمه.....
وفالسياره.....
أم ناصر:وبعدين وش هالحركات يالسالي متى بتتركين العناد عنك ...
سالي وهي تتمسكن:حرام عليك دايم تظلميني ..أنا نزلت أخذ اغراض ضروريه ..مايكفي أني جايه غصباً عني وغير مرحب في بيتك ...
وهج وجُنـى شهقوامن دهاء خالتهم وطريقة تغيرها للموضوع ......
وهج بداخلها:ايا لعينه تتمسكين حتى تتمكنين ..
أم ناصر:خلي هالكلام عنك أنتي تدرين أن البيت بيتك وانتي داخله وحنا الطالعين..
جُنـى :سالي عطين من الي اشتريتي ...
سالي وهي تمد عليها الكيسه :تفضلي مع أنك ماتستاهلين
وبسيارة ياسر اللي قدامهم اللي كان يسوق سيارته بسرعه جنونيه والسواق يحاول يجاريه بس مو قادر وفجاءه انفجرة كفر سيارته
وبسبب سرعته الخطيره ماقدر يسيطر على السياره وكاد تهوره يتسبب له بحادث مروع لولا لطف الله

بسيارة أهــــــل ناصــــر....
وبعد ماخذ السواق بريك قوي ......
عادل:يالطيف كان بيروح فيها ....بنزل أشوفه ,,,
أم ناصر:هذا ياسر ولابندر...
عادل:ايه ياسر...يالله بنزل ...
سامي :خذني معك...
سالي بلهجه ساخره تجلب الضحك:وييييييييه ولد فطوم
مايرفع يسوق...
كل الي بالسياره انفجروا بالضحك حتى أم ناصر ....
سالي:جُنـى .....
جُنـى:يس..
سالي:جوالي معك .......
جُنـى:ايوه تبينه ..
سالي:لا خليه معك كنت خايفة أكون ناسيته.....
وعند ياسر اللي جالس يشوف الكفره المبنشره ويحمد ربه إن معه ستبنه ولاكان عن جد بيكون يوم نحس.....

بدل لأستبنه بخمس دقايق بمساعدة راجو.....وكملوا طريقهم .......
وياسر من داخله يغلي كان بيروح بغمضة عين والسبه وحده قليلة أدب
رماها القدر بطريقه ,,,,,,

وقبـــل صلاة المغــرب بنصف ساعه وصلوا للمزرعه اللي كانت خيال
كلهم صفروا يوم شافوها .....
عادل:واااااااااااااااو ياعيني ,,ياليت ناصر يشتري لنا مزرعه مثلها..
أم ناصر:مزرعه كبر هذي يحتاجلها أشراف وأخوك ناصر مشغول بين وظيفته وشركه .....
وهج :لو يتقاعد من الوظيفه اريحله ...
سامي:لاااااااااا مجنونه انتي رتبته مو بسهوله حصلها يتقاعد بهالوقت مستحيل ...
عادل:خاصه أنه على وشك ترقيه جديده.....ب
أم ناصر :وأنت وش دراك .....
عادل:مره سمعته يقوووووول لسلطان .....
أم ناصر:غريبه ماقالي.!
سالي:علشان يسويها سبرايز مفاجئه ,,,
كلهم ضحكوا على خبال خالتهم ......
عادل:اخيراً مابغينا نوصل كل هذي مسافه من البوابه ألا الفله ..

وبعد مادخلو للفله كان بالصاله شيخــــه وفاطمـــــه ..
سالي أول ماشافتهم (سالي أخر مره شافتهم يوم كان عمرها 15 بحكم زيارتها الكثيره لأختها سالي من يوم كانت صغيره علاقتها معهم زفت تكرهم كره وحاقده عليهم من مو اقف قديمه ,,وهج بعد من يوم عمرها 15 ماشافتهم,, بس جُنـى ماكنت تعرفهم زين لأنها كانت صغيره ):وااااااو بنات لايفوتكم ريا وسكينه بالأستقبال ...
وهج :سالي اسكتي لايسمعونك ..
سالي :خلهم يسمعون بطقاق ..
أم ناصر كانت تسلم عليهم بعدين جت بعدها سالي.....
اللي يوم شافوها ضاعوا بجمالها ماكانوا يتوقعونها حلوووووووه كذا..
أم ناصر:هذي أختي سالي تذكرونها..
فاطمه بمجامله :ايه وهل يخفى القمر ..وسلمت عليها ,,,
أما شيخه اللي ماكان الوضع عاجبها أبداً:وهي للحين ساكنه عندكم ...
جُنـى اللي ماترضى على خالتها :ايه للحين جالسه بيت أختها ..واذا ماشالها البيت تشيلها عيونا ....
وتقدمت تسلم على عمتها الي للحين فاتحه عيونها على لآخر مو مصدقه إن أحد قدر يسكتها :من وهج ...
جُنـى:لايا عمتي جُنـى ...
شيخه :والله وكبرتي ياجُنـى ياحليلك اذكرك وانتي 12 سنه ..
وجاء دور وهج اللي كانت تشبه جدتها أم أبوها بعيونها الناعسه ..
شيخه وهي تسلم عليها بمجامله :ياحليلك يابنت أخوي طالعه على أمي ..
فاطمه اللي تحاول تكون هاديه وتنفذ أوامـر أبو ياسر مع أنها متنرفزه من تواجد سالي بدون سبب واضح :تفضلوا يابنات مع الشغاله
توصلكم للجناحكم فوق ..
وهم يطلعون الدرج ...
سالي :وين هديل ...
وهج :شكلها راحت مع سامي...
سالي:وشووو خبله أنتي كيف تروح معهم بعدين لبغت ترجع من بيجيبها ....
جُنـى :قلعتها هي اللي تبي تروح معهم ...
سالي:يبردك ياشيخه ترا هذي أختك....
وبالمجلس ماكان فيه الا بندر وياسر اللي متمدد على الكنب..
بندر:وش فيك ياســــــر شكلك مره ضايق ......
ياســر اللي مو متعود يتكلم مع أحد عن اللي ضايقه:مافيني شي بس مصدع مانمت زين ..
بندر:كل هذا عشان مانمت زين ..وبعد ماشاف نظرات ياسر :خلاص فهمت بسكت ..
دخل عليهم وليد :بندر أنت هنا وانا من الصبح ادورك ..
بندر:ياكبرها عندالله الصبح كنت بالمدرسه كيف تدورعلي ,,
وليد وهو يجلس بملل:وأنت لازم تذكرني بالمدرسه..
بندر:هههههههههههههههه ماعقدتك المدرسه ,,صراحة لواني منك اتفشل طول وعرض وروح كل صبح للمدرسه ..
ياسر:وبعدين معكم اطلعوا جبتوالي الصداع ,,,
وليد وهو يساسر بندر:وش فيه أخوك كنه اكل فلفل ,,
بندر:يقول مانام زين امش بنطلع قبل مايقوم علينا,,

وبعد مادخلوا الغرفه بدقايق جات الشغاله ونزلت شناطهم ....
جُنـى وهي تناظرها بدهشه:سالي كل هذي شنطه وش هالطحه فيها,,
سالي :لاتطالعين في كذا ,,أختك الخبله بعد أغراضها معي ...
جُنـى:لاتقولين عن أختي خبله ترا مارضى عليها بعدين ولو أغراض وهج معك هم كبيره ..
سالي :ياسلام وهج ماترضين عليها وهديل ترضين.. حتى هديل أختك.
جُنـى :من قال هديل هذي نسختك المصغره يعني أختك أنتي..
سالي اللي نتبهت للوهج انها مو معهم:وهج وش فيك ..
وهج:مدري كيف هاليومين بيمرون علينا ..وبنات عمي مدري كيف بنتعامل معهم .....
سالي:ولايهمك حبيبتي خليك ريلاكس..وعامليهم زي مايعاملونك...
جُنـى:أنا بغير لبسي بالحمام لاتطلعون وتخلوني ...
سالي :اوكي بس بسرعه بنزل أشوف هديل ..
وهج :جُنـى البسي لبس مناسب مو مثل لبس خالتك الخبله ...
جُنـى:ليش سالي وش لابسه ,,
سالي وهي تفصخ عباتها وترميها على السرير وتدور على نفسها :وش رايك...
جُنـى:وااااااااو حلوووو بس ماعتقد بيعجب أمي ..
سالي وهي ترمي نفسها على السرير :مو مهم المهم عاجبني,,
جُنـى:وأنتي وهج وش لابسه ,,,
وهج وهي تفتح عباتها من غير ماتنزلها ,,كانت لابسه بنطلون جينز اسود ولابسه فوقه قميص هندي سكري طويل لحد الركبه عليه تطريز ناعم بالأسود مفتوح على لا طراف كمه طويل وواسع وكان لبسها موضح نحفها الشديد..
جُنـى :حلووووو عندي مثله بس اللون يختلف البنطلون بني والقميص برتقالي بالبسه ....
ابتهال :بنزل أحد ينزل معي...
بسمه اللي من الصبح تبغاها تطلع :شوفي فاتن ,,أنا للحين ماغيرت لبسي ...
فاتن :لا توي ماخلصت..
ابتهال وهي تطلع : طيب أنا بنزل بس لاتأخرون فوق ’’مابغى أجلس لحالي..
فاتن اللي ماتدري عن نوايا بسمه:أجل انتظري ربع ساعه وانزل معك ..
بسمه:حراام عليك تجلس ربع ساعه تنتظرك,ابتهال حبيبتي انزلي جهزيلنا شي نأكله وحنا عشر دقايق ونازلين ...
وبعد ماطلعت أبتهال ,,
فاتن :وش فيك شكلك تبغين تصرفينها..
بسمه :دامك تدرين ليه تقوليلها اجلسي...
فاتن :فالبدايه مافهمت بس يوم شفت أصرارك فهمت حتى هي فهمة..
بسمه :مو مهم ..
فاتن اللي تستشور شعرها الطويل :وش عندك ..
بسمه وبعد مانصبغ وجهها بالون لأحمر:جاء معكم ..
فاتن وهي داريه وش تقصد بس حبت تستبهل:مين اللي جاء معنا ...
بسمه :فاتن حرام عليك قولي جاء..
فاتن :ايه جاء بس بدون نفس لأنه مجبور ...
بسمه بخيبة أمل :ليه.!
فاتن:كان يقول بيلحقنا بكره ,,بس امي غصبته يجي معنا ,,,
بسمه :فاتن والله مليت أنا احبه أو هو ولاداري عني ,,تصدقين بعض لأحيان احس أني بتهور بتصل عليه وقوله أني أحبــــه ..
فاتن :مجنونه أنتي اذا سويتيها احلمي يحبك بالعكس بيحتقرك طول عمره
طلع ناصر من الشغل كانت الساعه ست المغرب راح للبيت اخذ دش وغير ملابسه وركب سيارته الهمر وانطلق فيها للمزرعة عمه ...
اتصل على عادل يسأله عن موقعها...عادل فرح كثير أن أخوه بيجي حس أن علاقة أخوه السيئه مع عمه الطيب (على حسب رايه) بتتحسن مع أنه مو عارف وش سبب القطاعه اللي بينهم

بالنسبه للشباب اندمجوا مع بعض بسرعه واللحين قاعدين يلعبون كرة قدم عشق الشباب لأبدي وكان الجو حماس مرررره دخول وقت الصلاه هو اللي قطع عليهم لعبهم
....بعد صلاة المغــــــرب ......
تلاقوا البنات وكان سلامهم بارد جداً ..أبتهال بعوفيتها اندمجت معهم بسهوله,, بسمه صابتها شوية غيره منهم ولاكنها حاولت تتخلى عنها خصوصاً إن أبوها موصيها تعامل معهم كويس...
فاتن كان الوضع أبد مو عاجبها والغيره بتقتلها لأن بنات خالها بكل بساطه غطوا عليها .....وخالتهم ذي حكايه ثانيه المقارنه معها خساره ,,فاتن بالميك اب اللي حاطته سالي بشكلها الطبيعي اطقلهاباصبع (فهمتوا المقصود من التعبير هههههههههههههههههههههه)
بسمه :وهج انتي باي مستوى ..
وهج:المستوى الثاني والمفروض المستوى الثالث ,,بس كنت عايده ثالث ثانوي ...
بسمه:تصدقون اشكالكم مو غريبه علي شفتكم كذا مره بالجامعه بس ماعرفتكم,, وخصوصاًسالي لأن وحده من صديقتي معجبه فيها ,,وغمزت لها ...
جُنـى بمرحها المعتاد :والله وطلعتي ياخالتي مو هينه ...
فاتن بتكبر وهي تحط رجل على رجل :غريبه بسمه ماذكرك تصدقين هالأشكال .....
بسمه :صدقيني بتغيرين رايك لوعرفتي من أقصد......
فاتن :ليه من تقصدين ...
بسمـــه:ســـاره محمد الـ..........
فاتن بصدمه :مستحيل ,,,
بسمــه:يعني بكذب عليك ......
فاتن :تصدقين كنت احسدك عليها بس اللحين طاحت من عيني,,,,
جُنـى وهي تساسر سالي :مو منك من الغيره اللي بتذبحك .....
سالي بضحكتها المغروره :هههههههههههههههههههههههههههه...
ابتهال اللي عجبتها الضحكه وبعفويه :دوم انشاءالله ....
سالي اللي دخلت قلبها ابتهال :تسلمين ياعمري ...
اجتمعوا البنات مع الحريم فصار الجو مكهرب خصوصاً بين شيخه وسالــي..
شيـخه :اقول سالي وش أخبار أهلك ,,وأخوك اللي مسافر للحين مارجع..
سالـي:والله اهلي الحمدالله بخيـــــر ,,وأخوي لاوالله للحين مارجع ,,
شيخه بطنازه :ماصارت دراسه 11سنه ...
سالي وهي تحرك يدها بغرور:والله حبيبتي أخوي يدرس طب وتخرج وهو بشتغل هناك ...
شيخه :وليش مايرجع يشتغل بلده ينفعها ,,,
سالي:اذا كنتي لهدرجه مهتمه بلدك خلي ولدك يتخرج وينفع بلده .....
فاطمه ومسويه نفسها طيبه:سالي عيب أم نايف كبر أمك وهي ماقصدها شي ...
سالي عطت فاطمه نظرات أستخفاف :ولا أنا اقصد شي وكلاً يشوف الناس بعين طبعه يأم ياســر (وكانت تنطقها بطريقه تنرفز ),,
أم ناصر بنظرات تهديد:خلاص ياسالي ماله داعي هالكلام ......
قامت سالي وهي متنرفزه :عن اذنكم,, وهج تعالي...
أم ناصر:سالي اذا بتطلعين البسي عباتك ...
بس سالي طنشت كلامها وخذت طرحه وطلعت,,,
أم ناصر:ماعليه يأم نايف سالي تقول كلام ماتقصده وهي شوي لسانها طويل وهي بحسبت بنتك ,,
شيخـــــه بعصبيـه :لاوالله لسانها طويـــــل مره ,,,,ولو كانت بنتي قصيت لسانها ..
فاطمـــــه بخبث الدنيا كله :خلاص يأم نايف ماله داعي هالكــــلام ولاتنسي إن سالي اللي صارلها مو شويه طلعت على الدنيا وامهـــا وأبوها منفصلين وتربت على يد مرة أبوهــا بعد ماتخلت عنها امهـــا وتزوجت ,,وبعد ماكبرت تخلى عنها أبوهــا ولولا أختها كان عاشت بالشــــارع ....
أم ناصـــر اللي صدق أنقهرت :الله يهديك يأم ياســــر أمها وأبوها هم أمي وأبوي ومحد يتخلى عن بنته وأبوي ماتخلى عن سالي هي اللي جت تدرس عندي عشان الجامعه مو عشان شي ثاني ...
فـــا طمــه :بس اللي سمعناه مــــن الناس غيـــر ,,
أم ناصــر :يعنـــي يأم ياســـر بتكذبيني وتصدقين النـــــاس مـا كان العشـم ,,
فاطمـــه من ورا قلبهـــا:لاتزعلين يأم ناصــــر تراك غاليه بــس النـاس هذي شغلتها الحكـي ..
كان ناصر طاير بسيارته محاوله لتسكيت الاصوت اللي تتردد داخله :بتروحله ياناصر .. بتروح لعمك مسرع مانسيت وش سوا فيك .. اذا نسيت انا اذكرك هذا عمك أخو أبوك اللي طردك من مجلسه ..وسب أبوووووووك وأهانه بقبره ..ماراعى مشاعرك ولاراعى حرمة الميت.. شمت الناس فيك وأبوك الميت ...نسيت ,,,نسيت نسيت ,,,نسيت ...
وقف السياره فجاءه وجلس يصرخ :بسسسسسسسسسس مانسيت والله مانسيت شي اذكره كله وكأنه صار أمس مو قبل 6سنين ,, ..وبصوت هادي :بس هو اللي شكله نسى والله ليندم على كل اللي سببه لي ولأهلي,,وياويله انحاول يسبب لهم أي الم..

وبعد ماطلعوا برا الفله ....
وهج :سالي عجبك اللي سويتيه داخل ..
سالي تمثل البراءه:وش سويت ..
وهج:أمي ماصدقت علاقتنا ترجع مع أهل أبوي ,,وانتي بكل طريقه تحاولين تخربين هالعلاقه ....
سالي وباستهتار:وهج اللي يسمعك مو كأنك اللي كنتي رافضه الجيه بكل الطرق..
وهج :بس دامني جيت ليش ماحاول اصلح العلاقات مع أهلنا ليش نبني حواجز بيننا...
سالي بقهر:قلتيها أهلكم يعني مو أهلي ماني مجبوره احترمهم ....
وهج :اهلنا هم أهلك ...
سالي بصوت عالي :لاحبيبتي مهم أهلي ولأتشرف أنهم شيوخ وفطووم يكونون اهلي ويأنا ياهم واختاري بينا ياوهج ...
وهج وقفت مصدومه من عصبية سالي والكلام اللي قالته وشافتها تختفي بالظلام ..
وهج بخوف :الغبيه ذي وين بتروح ,,ساليييييي سالييييي تعالي وين رايحه بس
سالي طنشتها وكملت طريقها وهج دخلت بخيبة أمل ,,وقالت كلها عشر دقايق وبترجع
ياســــراللي صحى من أصوات وهج وسالــــي اللي كانوا واقفين عند شباك المجلس الي نايم فيه ..استغرب من كلامهم ومن سبهم لأهله .........
ياسر اللي نتبه للوقت وانه ماصلى:حسبي يالله عليك يابندر تاركني نايم ماصحيتني اصلي ...
وبعد ماصلى راح للمجلس الثاني اللي كان فيه أبوه وأبو الوليد وكم واحد من اصدقاء أبوه وأثناء احدايثهم ...
ابوسيف :صدق يا ياسر اللي سمعته ..
ياســـــر:وش سمعت ..
ابوسيف :أنك سجنت واحد من الموظيفين اللي عندك لأنه بينتقل شركه ثانيه ..
ياسر اللي كان يكره أبو سيف لأنه أنسان حقاني :ايه صدق واي واحد يوقف بوجهي هذا مصيره ...
أبو سيف:يعني هو صدق مختلس ولاأنت ملفقها له ..
ياسر : أنت قلتها سجنته يعني دبرتله التهمه ..
أبو سيف :بس هذا حراام قطعت رزقه وسجنته ...
ياسر :جزاه عشان يكون عبره لغيره .....أنا ياسر الـ...... محد يوقف بوجهي ..
أبوياسر :والنعم ..
أبوسيف :يعني عاجبك اللي يسويه بخلق الله ..
أبو ياسر :دامه ولدي وتربيتي كل شي يسويه صح ..
ابتسم ياسر ابتسامة النصر ...
ابو سيف باستسلام:لاحو ولاقوة ألا بالله ..
دخل ناصر عليهم المجلس تفاجى أبوياسر بحضوره كان متوقع أنه بيجي بس مو بهالسرعه توقع أنه يماطل ,,بس ناصر خيب ظنه ولخبط كل حساباته ..
حاول أبو ياسر تغطية آثار الصدمه الي رتسمت على ملامحه بالترحيب والحفاوه الكبيره بناصر بس حركته ذي كانت مكشوفه على لأقل لناصر .....
وبعد السلام وتبادل لأخبار .....
أبوياســــر :وش أخبار شغلك ياناصــــر ...
ناصر :ماعليه الشغل ماشي ..
أبو ياسر :والشركه ...
ناصر الي تفاجيء بمعرفة عمه بالشركة اللي حتــــى أهله مادروا عنها إلى من فتره قريبــه :كلوه ماشـــي زي مابـي وأكثــر ...
ياســـــر :ايه صايرلها سمعه طيبه بالسوق ...
ناصــــر:الحمدالله هذا من فضل الله وأنا كل اللي ابيه
أن ارفع أسم المرحوم أبوي بالســـوق ورجعه زي ماكان ...
ياســـــر بطريقة تنرفز:ماشاءالله عليك ياولد عمي كيف قدرت توافق بين شغلك والشركــــه ..
ناصر بنظرات مليانه غرور :طالع عليك ياولد عمي ...
سالي كانت متنرفزه وتمشي بدون احساس وانتبهت لنفسها أخيراً شافت الظلام من حولها حست بوحشه وخوف حاولت ترجع للمكان اللي جت منه بس ماقدرت من الظلام وقفت بحيره بعدين أنتبهت للصوت يقترب منها للحين صار واضح لها شكله..


ريان :ايوه طلال ..خلاص حبيبي ...بكره اشوفك ..سلم على الشباب ...
مين نايف ....ههههههههههههههههههههههههههههههه ..لا ..والله معي ..
افاااااعليك يعني أكذب أنا تبغى تكلمه ...مو عندي الحين ...لعبه ...والله صدق بس خلني أرجعلهم وعطيه يكلمك ..اوكي ..بااااي ...

سالي بداخلها :ياءالله وش هالوهقه اسئله لامستحيل أنا من وين اثق بهالشكال ..
طيب بمشي وراه وامري على الله ..
بعد عشر دقائق انتبهت للمكان الي وصلت له من مشيها وراه كان رايح للمكان بعيد عن الفله بين لأشجار ولأضاءه فيه قويه وفيه اصوات وازعاج كان الملعب اللي يلعبون فيه كوره وكان كلهم مجتمعين فيه ويلعبون أنضم لهم ريان بعدلأتصال
شافت سامي وعادل معهم بس وين هديل اكيد رجعت عند الحريم ...وأنا اللي كانت حامله همها إن اللحين طحت بورطه ...
وقفت بمكان مناسب بحيث تشوفهم ومايشوفونها ...
حاولت تتصل على عادل وسامي بس ماكانوا منتبهين لها مشغولين بالعب...

سالي خلاص ماقدرت تحمل حست بخوف عمرها ماحست فيه جلست على لأرض حست برد شديد ضمت رجولها بيدينها وحطت راسها على رجولها حست أنها بتبكي بس مو قادره الظروف كلها ضدها ضايعه وبمكان غريب بين ناس غرب تكرهم وعمرها ماحست بالأمان بوجودهم ...اكيد محد يسأل عني البنات بينشغلون عني مع بنات عمهم .. وأختي مقهوره مني وماهي طايقه شوفتي اكيد ماراح تفتقد اني ..
وتكلم نفسها:خلاص ياسالـــــي متى بتقتنعين أنك عشتـــــي حياتك كلها وحيده وبتظلين طــول عمـــــرك وحيده محد يحبك ولاحد بيسأل عنك ...كلهــــــــم أنانين ومايحبون ألى أنفسهم وهـــج تخلــت عني بسبيل أنها تكون علاقه مع بنات عمها وانــــا مو مهم ,,, حتـى لو زعلت يعني وين بروح أنا عندها وبتراضين بأي وقت ... لااااااايا سالــــــي مو أنتي اللي تستسلمين بهالسهوله
موأنتي اللي تتخلين عن شي ملكك ..أختي وعيالها هـم الشي الوحيد اللي مقدر اتخلى عنه ذولا عائلتي اللي احتوتني بعد الضايع اللي كنت عايشته ...
مستحيـــــل أفـــرررررط فيهم ..حتـــى لو هم مابغوني أنا ابغــاهــم.. اصلاً انا من لي غيرهم ,,أمـــــي ولا أبـــوي وضحكة بسخريه آه يالــــــــزمن ليه أكون ضحيتـــــك..
انتبهت للشباب خلصوا لعب وراحو يمشون باتجاه واحد بعد مده من المشي وراهم لقت نفسها قدام الفله بالمكان الي كانت تخانق فيه هي و وهج ,,,

طبعــــــــاً كــــل الي قالته سالــــــي عن وهج وتكوين علاقــه مع بنـــات عمهـــا أوهــــــام لأن الشرخ الي سببتهـــــا القطيعـه كبير ,,,,, وماهو بيوم وليله بيتصلــــح ....
وهج كانـــت مره خايفه على سالــــي لأنها تأخرت بداخلها : لها ساعه من طلعت ياربــــي وين راحت الله يستر,,والله مو قصدي أزعلها بس هي رفعت ضغطي ,,حتـى لوهي ماتحب عمتي المفروض ماتكــلم معها بهالطريقه مهما كان هي أكبر منها ..والمفروض تحترمها بس من وين بتجيب لأحتــــرام هذي سالي اللي عمرها مأحترمـــت أحد ولاحسبت لحد أحساب ,,,,اوووووووف اللحين الكلام وش بينفع بطلع أشوف وين راحت يوم وقفت بتطلع دخلت سالـــــي وعلى وجها أبتسامـــــه .... وجت وجلست بجنب وهج اللي كانت جالسه لحالها ...
,, جنـــى كانت طاقتها سوالف مع أبتهال ,,
فاتـــن اللي تغيرت ملامح وجها يوم دخلت سالي :طلعت بتكشيره وداخلـــه ولأبتسامه بتشق الوجه .....
بسمه:ههههههههههههههههههههههه ليه حاسدتها ...
فاتن :تخسـى مابقى الا هذي أحسدها ,,وعلى ايش ياحســــــره ,,بس قاهرتني شفتي كيف تكلمت مع أمي ولاحتى راعت فرق السن ,,,
بسمـــه :ماعليك منها لأشكال هذي ماينفع معها الا التطنيش ....
فاتن :اللي يسمعك اللحين مايصدق أنك اللي اولا مقطعتها بالمدح ...
بسمـــه :اولاً هذي أوامر بابا ,,,تقولها بدلع ,,,ثانياً فالبدايه كنت أسولف معها بحسن نيه ماتوقعهتا بتكون حيه من تحت تبن وبتسوي اللي سوته ..بعدين لاتنسين انا مارضى على عمتي ,,أم الحبيب ...
وطلعت فووووق ,,
فاتن :ايا اللعينه وتقولها بقواة عين ....
وطلعت وراها ...
وفالمجلـــس عنــد الرجـال ,,,
ناصـــــر ارتاح لبندر فكانـت أغلب سوالفه معه ,,
ريــان :وش فيك أبو نوف شكلك كلش مو بالدنيا ..
نايف وهو يخز بنظره :كم مـره لاتقولي أبونـوف اكـــره ماشـوف البنـــات ماكرهاتني بعيشتـــي..
ريـان:وووووووول حاقـــــد ومن ذي اللي ماكرهتك بعيشتك..
نايف بحقد:وحده من الخبلات اللي أكلـم مأذيتني تبغاني اخطبهــا غصـب كل يوم متصله ومسويتلي مناحـه ,,ويــوم ماعطيتها وجه قامـت تهددنــــــي أنهـا بتروح لفاتـن بالجامعـــه وتسويلها فضيحـه ....
ريـان:وأنت خبــــــل ليـش تقولهـا إن عندك أخت بالجـامعــه..
نايـف:والله أنا قلت لها بحسن نيه أن عندي اخت بالجامعـه وماتوقعت انها بتروح أدورها لين فاجئتني مره يوم قالتلي أنهـا شافت أختـي بالجامعه وبتقـرب منها ومن هالحركـات ...
ريان :طيب ليه ماقلت لها تبعد عن أختك خبـل أنت كيف تسمح له لأشكال يمشون مع أختك ...
نايـف :اووووووووف وش تبغانـي اقولها لاتمشين مع أختـي أخـاف تخربينها عشـان صدق أطيح بلسانها ومافتك ...
ريـان :واللحيـن هذا اللي مضايقـك...
نايـف :تخسـى ذي تضايقني بس اللي صـدق قاهـــرنـي سهـرت الليــله اللي مرتبلها مـع جميـل وأخـر شي تفوتنـي ..والبـــركـه بأبوك ...
ريـإن :ايـو والله الوالـد مـدري وش عنـده هالأيـام بيـرجع
العلاقــات مع عيلة عمي..
نايـف :حلــوه العلاقات تقولها وكأنك تقدم للأخبـــــار ..
ريــإن :وأنت هذا اللي فالـح به التريقـه ..
نايـف بعصبيـه:اوووووووووف والله لو قعدت معك أكثر بستخف بطلع أحسلــــي...
...وقـــام وطلـــع...
وليـــد:ههههههههههههههههههه قلب عليك قايلك مالـه خوي ولد الماما ..
ريـان:ووووول اليـوم صايـر كبريت ,,ماينكلــــم طالع على وبصوت واطي :ياسر..
عـادل:هههههههههههه وش فيك تقولهـا بصوات واطي..
ريـإن :بلاك ماجربته هذا عنده قرون أستشعار يحس اذا أحد تكلم عنه ...
وليد وعادل وسامي:ههههههههههههههههههههههههه.

أبتهــــال :ياحليلك ياجُنـى والله أنك رجه...
جُنـى :ههههههههههه ماشفتي شي ,,,
أبتهـال :الصراحه حركاتك بالمدرسه شي .. طول عمري أتمنـــى لو عندي صديقه مثلـك ..
جُنـى بمرح :واللحيـن صـارت عندك بس مو صديقه بنت خــــال ..
أبتهــال :وأحلـــى بنت خال ..
جُنـى :ابتهـال كيف متحمله جلست البيت ماملـتي..
ابتهــال:مليت وبــــس طقت كبدي ,,بس ولو ارحم من الدراســــه ..
جُنـى :طيب أنتي ماجربتي دراسه بالجامعه أنتي ماتعوده على المدرسه بــس الجامعه دراستها غيــر ..
أبتهـــال بملل:ادري أنها غيـــر بس ما راقتلي ...
جُنــــى :لهدرجه كارهتها ...
ابتهـــــال وهي تجر جُنـى توقفها :وأكثـــــر ,, أمشي معي للمطبخ ...
جُنـى :لحضه بأخذ عباتي ..
أبتهال :مالها داعي والمطبخ مستحيـــــل أحد من العيال يدخله ...

وفــــي المطبخ ..
أبتهال :كاتي ..كاتي ..اووووووووووف وين راحت هذي ...
جُنـى:وش تبغين فيــــها ..
أبتهـــــال :ابغــاها تسويلنا نسكافيه ..
جُنـــى :طيب أنت سووي لاتقوليلي مـاتعرفين ....
أبتهال :الا افاااا عليك أعرف أجل وش فايدة الجلسه بالبيت .. بـس نسكافيه كاتي غيــــر جناااان ,,له نكهه عجيبـــه..
جُنـى :والله أنك رجه يعنـي كـل اللي تعلمتيه من الجلسه بالبيت كيـــــف تسوين نسكـافيه ..
أبتهـــال :أقول بــــروح أدور الخبلـه ذي وأنتي انتظرينـي هنا...
جـنى مانتظـرت أبتهـال كانـت حاسه بضيقـه ودها تجلس لحالها طلعت مع الباب الخلفي مشت شوي بعدين لقت مسبــح وعنده طاولات وكانت لأنـوار مطفاه بس فيه نور خفيف جاي من الفـله وقفت عند المسبـح وسـرحت بأفكـارها ومصيبتهـا اللي مالقت لها حـل ...

نايـف يـوم طلع من المجلـس .....

نايـف يـوم طلع من المجلـس .....
شاف أحد واقف عند المسبـح جُنـى كانت نفس جسـم أبتهـال فتوقعها أبتهال ...
نايف :والله جيتي بوقتك بتتريق عليها شوي أبتهال طيبـه ومتشيل بخـاطرهـا ..
قرب منهــا وهي كانت غرقانه بأفكارها وفجاءه لقت نفسهـــــا بالمسبـــح ,,,
جُنـــــى ماتعـــرف تسبح بعكس أبتهـــــال اللي كانت ماهره بالسباحه ...
نايـف :ههههههههههههههههههههههههههههههههههههههههههههه هه
يوووووووووه على طول طحتي يالـريشه ,,ومد لها يده :تعالي سووووري بس حبيت
اضحك عليك شوي ...
أنتبه لها أنها تغرق فستــغرب وحسبهـــا بتلعب عليه ...
نايف :يالله أبتهـال أطلعي ولا مستانسه بالماء.....
جنـى اللي كانت مصدومه من الموقف وهي تغرق صرخت:طلعن ..نن..ننن..ني
..اه ..اه .اه ..
نايف انهبــل يوم درا أن اللي بالمسبح مو أخته وراح يركض للأنوار يشغلها عشان يتأكد ..
جُنـى :حـ..ق..ير ..طلعنـي ..وبدت تفقد وعيها وتنزل تحت الماء ...
نايف رجـع بسرعـه وتأكد أنها مو أخته بس كيف أطلعها هذي مو أختـي ....
يووووووه يانايف مو وقت هالكلام البنت بتموت وأنت جالس تسولف ..
ورمـــــى نفسه بالمسبح وسحب جُنـى اللي كانت فاقده الوعي ...
طلعها برا المسبح .كان خايف من اللي صايــر بس خوفه تحول لصدمــه يوم شاف المــــلاك اللي طايح بدون حـــركه,, نايــــف جلس يتأملها وهو مصدوم ياءالله من ذي مستحيل تكون بسمه ..أكيد هذي وحده من بنـات خالي أبو ناصــر ..
وفجاءه فتحت جُنـى عيونها ..بهالحضه صدق نايف انصدم من عيـــــون جُنـى العسليـــه اللي صـــــدق تسحـــــر ...
جُنـى :قامت وهي مرعوبه من الشخص اللي كان جالس عند راسها شافت ملابسها
مبلله تذكـرت الموقف وصرخـت بوجهه : ****ررررررررررررررر متخلففففففففففف ..
نايف تفاجيء من هجومها بس ماسكتلها :اللي يسمعك يقول اني صدق متعمد ارميك حسبتك أختي ...
جُنـى:غبيييي ماتعرف تبرر حتـى لو كنت أختك ترميني بهالطريقه الهمجيه ..
نايف بقهررررر:اقوووول أنقلعي عطيتك وجه ازود من الازم ..
جُنـى :حيووووووووان ...وجت بتروح عنه ,,
بس هو جرها من يدها وبعيون يتطاير منها الشرار :عيدي اللي قلتيه ..
جُنـى بقوتها المعتاده: قلت حيووووووو......
سكتها بكف ..
أبـتهــــال اللي واقفـه على باب المطبخ:ناااااايف وش سويت ....
نايف :مالك دخـــــل وحده مو متربيه وربيتهـــا ..
جُنــى وهي تشاهق :متـ..رب..يه غصباً عن..ك..ياتـ...ربية الشوارع .
نايف :لا أنت شكـــلك ماتربيتي يابيلك كف ثاني ..
جُنــــى :حق..يررر أكره..كك.ك الله يأخ..ذك ...
جتها أبتهال اللي مصدومــــه من الموقف ومسكتـها ودخلتها داخل...

بالغـــــرفـه فوق جُنـى عيت توقف عن البكي مع محاولات أبتهال بس البنت مو راضيه تسكــت..
أبتهـــــال :جُنــــى حبيبتي خلاص انسـي مو حلوه لو شافوك الحريم وانتي تبكين وش بتقوليلهم ...وأنتي تدرين أن وصلهم الموضوع بيكبـــــر ..جُنـى أرجــوك..
جُنــى:والله لخليه يندم ,,واتجهت لتلفون ,,
أبتهال:بمن بتتصلين ,,
جُنـى :باتصل بالناصــــــر بخليه يربي الحقيــــر أنا اللي ماعمـــر أحد مد يد عليه علي يجي **** مثل هـذا يعطيني كف ...
أبتهــال :جُنـــــى حرام عليك السالفه بهالطريقــه بتكبـــر
حنـا جـاين هنـا انصفـــي النفوس ,,ومـوقف زي كــــذا بيعقد لأمــــور أكثـر..
جُنـى:ابتهـال لاتحـاولين ..
أبتهــال :والله نايف طيب ومو قصده بس هو منرفز من قبل تلقينه ..
جُنـى :وانا شكو يعني يحط حرته فيني ..
أبتهـال:خلاص جنـى انسي ويالله اغسلي وجهك ومشي ننزل تحت تلقينهم حطو العشـاء..
جُنـى:مالي نفس بالنـــام أنزلي انتي ..
أبتهال وهي تقوم وتجرها معها للحمــــأم:لامستحيل أخليـك لحالك أخاف تهـورين وتخبريـن نصور ..
جُنـى وهي تضحك :ياليته يسمعك اللحيـن كان صدق أنتي الي بتنكفخين مو أخوك الحقيـر ..
أبتهـــال :جب لاتقولين أخوي **** ..
جُنـى بعصبيه :****رررر و****رررر و****رررر......
ابتهـــال :هههههههههههههههههههههههههههه خلاص على كيفك قولي الي تبيـن ...
رجــع نايف للمجلـس بس بشكل آخـر غيــــر الي طلع فيـه ,,,
وهويكلـم نفســه :ياءلله أنا وش سويـت ليش صايـر مو قادر اضبط اعصابــي ....كلـه منـها هي اللي نرفزتني ولا أنـا نايف الـ........ تجي بنت وتقولي مثل هالكـلام ,,بس البنت هذي بنت خالك يالنايف ..والله صـــدق وهقه لو علمت أهلهـا بتسبب بمشكلـه كبيــره ,,ياحليلك يالنايف صارت هي اللي بتسبب بمشكله ماهو كل شي من تحت راسك ...
وليد:ياهووووووه يابو الشباب وين وصلت ..
نايف اللي كان صدق متنرفز :نعم ,,خير,, استاذ وليد..
وليـد:لابس شفتك سرحان حبيت أذكـرك أنك الا اللحيـن بالمجلـس أخاف تنسـى نفسك ..
نايف وهو يرص على اسنانه بعصبيه :أقول نايف ممكن أسألك سؤال..
وليد وهو يسوي حركات غرور :تفضل أسئل خذ راحتك ..
نايف بعصبيه:أحد مسلطك علي كل ماشفتني بمـكان قعدت تطلع مو اهبك الفكاهيه علي ..
وليد بجديه :اووووووف لهدرجه شايل بقلبك علي ياولد الخاله ..
بس نايف طنشه ورجع يغرق بأفكاره من جديد ..
نهـــــــاية الفصـل الثانـــــــي
..من الجــــــــزء الثالـث ..

(الفصل لأول)
كانـت مندمجــــه مع الفلم اللي تابعه يوم سمعت صوت فتح الباب وشافته بحالته المزريه ذيك كان مو قادر يتوازن بمشيته ويترنح يمين وشمــال ويدندن بأغانــي,, جلست مصدومـه بمكـانها من حالـة أخوهـا الغريبـه ,, تقربت من أخوها وهو بيصعد الدرج..
رحـاب بخوف :فارس وش فيك ,,تعبان ..
فارس وهو يتعتع بالكلام ويمطه بطريقة السكارى :رحووووووبه من وييين جايه بهالوقت ..
رحـاب وهي مرعوبه : أنا ماجيت أنت اللي جاي من برا ..
فارس بنفس الطريقه:طيب وأنتي جايه تحاسبيني أنااا حرررر اجي بالوقت اللي يعجبني ,,ويتمسك بالسلم ويجلس على الدرج :واللحين أطلعي من غرفتي برقد..ويمدلهـا الورده اللي معـه :وهذي عطيهــا لصديقتك الحلوه..
رحاب :فارس وش الريحه الخايسه اللي معـــك ,, وبدت تبكي :فارس أنت سكرااان..
فارس :ولييييييه من هالغبيه أقولك طلعي بنااااااااام ..
رحاب وهي تحاول تقومه من على الدرج :فارس قوم لايشوفك أبوي
وتصير مصيبه ...
فارس وهو يوخر يدهااللي مسكته بتقومه بعصبيه :اوووووووف محد يرتاح بهالبيـت ..
رحـــاب وهي تبكي وتترجاه :فارررررررس أرجوووك قوووووم ..
فارس :ايش البيت ايش فيه ..
رحاب :من تكلم عن البيت اللحين ...
فارس وهو يفتح عيونه :جُنـــــى وش جابك بيتنا عيب تجين لناس بهالوقت ..
رحـــاب :فاااارس لا لا,, أنت وش قاعد تقوووول..؟؟
وقومته بالغصب ووصلته لغرفتـــــه,,ورجعــت لغرفتهـا منهـاره ماتوقعـت يوم بتشوف أحد من أخوانهـا بهالحالـه ..
رحــاب وهي تبكي:ليش يافارس حرااااام عليك تبغى تجلط أبوي هذا جزاته أنه مدلعك وماعمــــره قصر عليك كذا ترد له الجميل ,,أمي يافارس اللي حبتك أكثر من كلنا طول عمرك ولدها المدلل لو درت أنك مدمن وش بتسوي ,,حراااام عليك يافارس ليش تسوي فينا كذا ..ودخلت في نوبة بكاء شديده ...
هديـــل بصوت مليان نوم :جُنـى بنـــام ..
جُنـى:نامي أحد قاضبك ..
هديـــل : اوووووووف أزعجتيني بس تتقلبين ,,نامي على لأرض
جُنـى وهي تبكي:خلاص نامي مو متحركه ...
هديل :جنـى أنتي تبكين ..
جُنـى:..........
هديل :خلاص تحركي بكيفك بس لاتبكين ...
جنى حضنـت هديل وقعدت تبكي ,,وهديل مصدومـه من حركة أختهـا..
هديل وشوي وتبكي:جُنـى وش فيك ..
جُنـى وهي تبتعد عن أختهـا وتمسح دموعها:مافيني شي بس بشوف تحبيني أو لا ,, واكتشفت أنك تحبيني ...
هديـل:دبا من قال أني أحبك ,, خوفتيني...
جُنـى:خلاص حبيبتي هديل نامي ,,وانقلبت على الجهه الثانيـه ..
جُنـى بداخلها:ياربي أناوش سويت بحياتي عشان تجازيني كذا ,,استغفـر الله العظيــــم ,,حسبي الله عليك يالنايف تضربنــــي
وأنا ماعمر أحد مد ايده علي ,,الله يأخذك يال**** ,,ياربي تجمعت علي المصايب مره وحده أن من وين الاقيها من نايف ال****ررر ولامن فارس اللي مايخاف ربــه ,,أخاف اذا ماتصلت عليه ينفذ تهديده ويخبــــر ناصر يويلـي ناصـر أقل شي يسويه فيني يذبحني ...ونامت وهي تفكــــر بالمصايب اللي تجمعت عليهـا..

وهج :سااااااااالي أدخلـي وقفلـي باب البلكونـه...
سالي:مافيني نوم ...
وهج :طيب أنـا فيني نوم ومو قادره انام من البرد صكي باب البلكونه ..
سالـي :وهج بليز نامـي وفكيني ...
وهج وهي تقوم من السرير وتقوف بجنبهـا:اووووووف يعنـي اذا ماكان فيك نوووم ,,لازم تخربين علي ..
سالي بتريقه:مو أنتي توأمي الروحي يعني لازم تحسين فيني وتشاركيني معاناتي ..
وهج وهي توقف قبال سالي وتكي على الدربزين :وش معاناته بعد..
سالي :وهج والله حاسه بيصيـر لي مصيبه ...
وهج :سالي بسم الله عليك لاتفاولين على نفسـك ..
سالي :صدقيني وهج انا جيت على الدنيا وجبت معي المصايب
لأهلي ولنفسي ..
وهج وهي تصرخ :سالي وش هالكلام استغفري ..شكل قلة النوم أثرت على عقلك ..
سالي:ساكته ..
وهج :خلاص شيلي هلأفكار من راسك ويالله ادخلي نامي وخليني أنام ...
دخلت سالي وهي ساكته ...(والله أعلـــــم وش كانت تفكر فيـه )
كان واقف بنفس المكـــان اللي كانت واقفـه فيـه,,يعنـي اللي سويتـه غلط ماقلت شي بس هي برضوا غلطت بحقي ,,لا هي كان كلامهـا كان عادي ياماقلته لنــاس بس ماتوقعـت بيوم أحد يقولــه لي..لأن كل المحيطين بي ماحد من هم يتجــرأ يقولي هالكلام لأخواتي ولا البنات اللي أكلمهــــم,,ولا حتـى أصدقائي الكل يحتـرمني ومايفكر يقلل من قدري أو بالاحـرى يحترمون جيبي ,,
الكـــلام هذا مايغيـــــر الواقع أن اللي سويتـه غلط ...
نايف بصوت مسمــوع : اوووووووووف بس ليه صورتهــا مو راضيــه تفارقني كل ماغمضت عيوني شفتها..
من هي اللي صورتها مو راضيه تفارقك يا عاشق الغبــرا.؟
نايف وهو يحط ايده على قلبـه :حسبي الله على بليسك ريانوه ..
,,طيحت قلبي,,أنت سكني من وين تطلع ..
ريان :هههههههههههههههههه ,,والله وطلعت جبان اسكت ليسمعك أحد رجال بشنباتك وتخاف ...
نايف :اقول أنت شكلك اللي يشوفه ينهبــل أنت وكشتك ذي تقل كشت ماجد عبدالله بثمانينات...
ريان:لاتهــرب من لأجابه من هي اللي تهذي فيهــا...
نايف بارتباك :هاه ,,وحـ.. ,,قصدي السيــاره الجديده اللي بشتريهــا..
ريان بتشكيك :اااااه السياره اللي بتشتريها ,,طيب عن أذنك أنا بروح أنام وانت كمل احلامك بالسياره الجديده ...

وفي يوم الخميس الصبــاح كان الرجال جالسيــن بــــرا الفله وكان الجو ولا أروع لاكان قلوب حاقده لازم تعكـــر صفــــاء الجــو,,
عنــد الرجــال (ابو ياسـر وناصر وياســـر ونايف )وكانت شيخـه جالسه معهـم ..
أبـو ياسـر :ماشاءالله الجو حلو والشتاء على دخــول ..
شيخـه:أيـه ماشاءالله الجوطيب ولمتنا زينه تذكرني بجمعتنا على حياة الوالـد ..
ابوياسر: ايه الله يذكـر ذيك لأيام بالخيـر ..
شيخـه وبحقد دفين :كنا كلنـا عايله وحده الله يسامح محــــمد (ابوناصـر) زعـــــل أبوي وفرقنـا يوم بدا الغريبـه على بنت عمـه ..
ناصر بلهجه استفزازيه :ياعمتي ماله داعي التنبيش بالماضي وخلينا حبايب احسن تـرا ماضينا كلنـا أبـد مايسـر ...
أبو ياســــر اللي صدق تنرفـز من تدخلات أخته اللي تجي بغير وقتها :أم نايف حنا جايـن نصفي النفوس.. وعشان يغير الموضوع :ولا وش رايك نايف بكلام امك ..
نايف اللي ابد مو معهم ومن امس مواصل مانام ولامو من عادته يصحى بدري:مالي كلام بعد كلامك ياخي

أبو ياسـر وهو يهـز راسه بأسـف :الا متـــــى بتظـل مالك كلمه ولا راي تـــراك صرت رجـال بتصك الثلاثين ,, قلي من بيوظفك ومن بيزوجك وأنت حتــى شهاده مامعك ..
نايف بتريقه :ليش حاطين من شرط الزواج شهــاده جامعيـــه أخـاف يكون من شروطهم الخبـره ...
ناصر وياسـر :هههههههههههههههههههههههههههههه.
أبو ياســـر:صدق أنك واحد ماتحشم أنقلع من قدام وجهـي ,,
نايف :عن أذنكم بروح أنام ,,لاتعصب خالي ترا امزح ..
بعد ماراح نايـف .......
ابو ياسر: ونعــــم التربيه يالشيخـه ...
شيخــــــه اللي صدق تفشلت :وش فيك قلبت على الولد تراه يمزح
ياســــر:بس ياعمتـي نايف أخذ كل شي مزح وتريقـه وصايـريقط الكلام ومايحشم ..
شيخـــه :الظاهر أن ماعاد لي حشمـه لا عند الصغيـر ولا الكبير .وقـامت ,,
ياســر:وش فيهـا عمتـي صاير على الدقـه تزعـل ..
أبو ياسـر :ماعليك من عمتك تزعـل من نفسهـا وترضى ,,امشـوا للأسطبـــل بنشوف الخيـل الجديد اللي اشتريته

وفي الصالـه اللي كانت جالسـه فيهـا فاطمــــه وأم ناصـر وسالي و وهج ,,وشيخـه اللي كانت شياطين الدنيا تناقز قدامها وخصوصاً بعد الكلام اللي قاله أخوهـــا قدام ناصــــر ...

نجاح :السلام عليكـم ..
فاطمـه :هلا و الله عليكـم السلام..
وبعد سلمت نجاح على الموجودين ..
نجـــاح :وش أخباركم ,,
فــاطمــه :وش فيكـم تأخرتواماجيتوا أمـس.؟
نجـاح:عبدالله كان مشغول أمس,,وماقدرنا نجي..
شيخــه :ايه الحمدالله أنه جابكم بعد ..
نجاح :وش دعوى ياعمتي ماله داعي هالكلام ..
شيـخه :صدق أنك خبله زوجك هذا يبغى يبعدك عن اهلك ,,لو كانت العزيمه عند أهله تلقينه أول الحاضرين ..
سالي بطريقه استفزازيه :اكيد مو أهله ,,ولا تبغينها تسوي مثلك وتفرق بين زوجها وأهله وأخر شي يصيـر مصيرها مثلك ..
أم ناصر وهي تصرخ :سالي بسسسسس..
سالي:اووووووووف وش فيك ماقلت شي غلط ...وقامت وطلعت ..
نجاح عشان تغير الموضوع :يمه وين أبوي بسلم عليه ...
فاطمـه:بعدين سلمي عليه اللحين عند الرجال ...
أم ناصر :وينها سعاد ماهي جايه ..
فاطمـه :الا أن شاءالله بتجـي,,أمس ماقدرت تجي عشان اتؤام عندهم تطعيم وتعبانين ..
بينمــا شيخه الجمتهـا كلمات سالي عن الـكلام,,وتوعدت لها بنفسهـا الخبيثـه أنهاماراح تترك لها هلأهانــــه وياويلهـا منها حفرت قبرهـا بأيدهـا..
وبعد ماطلــعت برا الفله اطلقت لضحكتها العنـان كانت تضحك بطريقه هستريـه لدرجة أنهـا جلست على لأرض من كثر الضحك مو قادره توقف ..
جـاتها هديل اللي كانت تلعب برا مع وائل و وسن ووقفت بجنبها
هديــل :خالتووو وش صار ليش تضحكين !!
سالي اللي جالسه على ركبتها وماسكه بيد بطنهـا وباليد الثانيه متركيه علىلأرض:ههههههههههههههههههههههههههههههه
هديل بليزههههههههههههه لا تكلميني تزيديني ضحـك ..ههههههههههههههههههههههههههههههههههههههههههههه ههه ههههههههههههههههههههههههههههههههههههههههههههه ههه.
وتركت بيديها الثنتين على لأرض ومددت رجليها على لأرض بتعب.....
وهـج اللي حاطه يدها على خصرها واقفه وراها:لا ياشيخـه وين جالسه أنتي عدل جلستك وحطي الطـرحه هذي على شعرك وزري عباتك ..
سالي:هههههههههههههههههههههههههههههههههههههههه ههههه ه بليز لاتقولين ياشيخـه تذكريني بالي صار داخـل هههههههههههههههههههههههههههههههههههههههههه... ...
هديل براءه :وهج سالي ليه تضحك لتكـون أستخفت ..
سالي وقفت فجاءه عن الضحك :يا****ه هديلوووووووه أنقلعي عن وجهي,,هذا كلام تقولين لوحده أكبر منك ...
وهج وهي تصفق :براااافوووو شاطره فاهمـه الدرس ,,ليتك تعلمين نفسك قبل ماتحشين راس هديل بهالنصايح ..
سالـي اللي حطت يدينها تحت راسها وتمددت على العشب:وهج واللي يسلمك لاتخربين علي وناستي ...
وهج وهي ترفسها بخفه برجلها:قوومي الله يأخذ بليسك على بالك أنتي بالبيت ,, تصدقين ولا لبنانيه جالسه على البحر وش رايك تفسخين ملابسك بعد ..
سالي اللي قامت وتنفض عباتها عن لأعشاب اللي اعلقت فيهـا:والله البنانيات مايجن شي عندي ,,بس بعدك اسوي مثلهن ..
وهج :شفتي نجـاح بنت عمي ...
سالي :ايه ش فيهـا ..
وهج :شكلها حبوبه غير عن أختها ..
سالي :ياعمري أنتي كل الناس عندك طيبين ,,ذولا تربوا على الشـر مستحيل أحد يطلع منهم صالح ...
وهج :حرام تحكمين عليهم وأنتي ماشفتي منهم شي...
سالي :طيب خليك منهم اللحين وين نروح ..
وهج باستغراب:ندخل عندهم وين بنروح بعد...
سالي هي توقف بوجها وتحط يدها على خصرها:لاحبيبتي مستحيل ادخل عند شويخ بعد اللي صار أنا ماقدر على لسانها اللي مثل الحيه ...
وهج :اووووووف تسبب بالمشاكل وترميها على الناس ,,اللحين الادميه وش قالت لك مو أنتي اللي تشمتي فيها وطلعتي ...
سالي:ايه مو عشانها ماتكلمت ماراح تفوت فرصه وتردلي اللي قلته ..
وفي لأسطبــل...
ناصــــر:ماشاءالله عندكم مجموعــه حلوه ..
أبو ياســر:البركـه بياســـر هو اللي استورد هالمجموعه من باكستان ..
ياســـــر بحماس:وان شاءالله بدخل فيهـا مسابقات الموسم وماراح يفلت من اسطبلنا كأس الموستورد ..
ناصــر:على الخيل اللي عندك اضمن لك الفوز إن شاءالله ..
ياسـر بغرور:هذا من ذوقك ياولد عمـــي..
أبو ياســــر وهو ياشر على كابينه فيهـا حصان شديد السواد :هذا مو عز الخيل اللي فاز بكأس الملك العـــام ...
ياســــر :الا هو ,,شرايك فيه ..
أبو ياســــر وهو يقرب منه ويمسح على راسه :ماشاءالله ,,ماشاءالله.. كيف قدرت تشتريه ..
ياســــــر بغرور : تربيتك ياطويل العمــــر..
ناصـــر :وبيقدر اسطبلك على المنافسـه خصوصاً إن فيها اسطبلات معـروفه ولها باع طويل فهالمجال..
ياســـر:مو عشانه معروفين ماراح يحسبون لأسطبلنا حساب وبيكون مفاجئة الموســم..
أبو ياســــر:ياســــر قول للعمال يجهزون 3خيـول تكون مروضـه عشان البنـات أكيد يبغون يركبون ..
ياســر:يبه الله يطولنا بعمـرك والبنات وش هوله يركبن اذا طاحت وحده منهن وتكسرت رجعوا الحريم الوم علينا..
أبو ياســــر:خلهم يستانسون بعدين أنا واعد بسمــه ,,وماراح اخلف بوعدي..وهو يطلع من لأسطبل :لاتنسـى خيل مروضه ..
وبقوا ناصــر وياســـر لحالهــــم لأول مــره من زمــــن بعيــد ...
ياســــر:تجــــرب...
ناصــــر:من زمان ماركبت خيل ..
ياســــر : حتـى ولو ماينخــاف عليك ..
ناصـــر:ماعندي مانـع ,,بس ماظن تبغانا نركب خيل بثيابنا..
ضحك ناصر وهو يتصور أشكالهم وضحك ياســر اللي تصور نفس المنظـر :ههههههههههههههههههههههههههههههههههه.
ياســـر: بنطلـع وكأنا بمسلسل بدوي,, ولا يهمك اللحين بجيب من سياره بدلتين للفروسيـــه اتوقـعك لك نفس مقاسي ...وطلع ..
وبعد ماخذوا امكانهم في ميدان السبــــاق ,,وصوب قاســم (احد عمال الاسطبـل ) طلقة لبدايـــه..
انطلق ياســـر بحصانـه يسـابق الريـــاح كــان ناصــــر مايقـل عنه فروسيـــه ولاكن انقطاعه عن ركــوب الخيــل كن لـه اثـره ..
وعند نقطة النهايه وقف ياســـر وهويحـاول يسيطــر على حصـانه اللي هاج فجاءه ,,ولحق بـه ناصــر بعد ثواني ...
وبعد مانزلوا ..
ناصــــر:وش صــار ..
ياســر وهو يرفع له حاجب :تصدق حتـى أنا مادري وش صـار ,,مو من عادتــه شقـران يكون هـادي كذا بس بالأخيـر طلع على حقيقتـــه ..
ناصـــر :يعنــي أنت مستغــرب أنه هادي وأنا مستغرب أنه هـايج ..سبحان الله ..ولله في خلقـه شؤون..
يـاسـر:بلاك متعـــرف شقــران ذا مو أي أحد يركبه جلست ست شهور اروضــه ...
ناصــر:وكيف تشارك فيه بسباقات ..
ياســـر:انا من يوم اشتريته ماشركتـه بسباقات لأن مشاركتـه بهالوضع تسبب خطـر للي بيركبه ولمتسابقين غيـره ..
ناصـــــر وهو يعطي العامل رسن الخيل:بس شكلك ماشتريه بمبلغ مو هين ..
ياســـــر:شريته بملايين ,,وكنت ناوي اشركـه بسباقات وحصد من وراه الجوائز وسمعــه ,,بس اللحين غيرت رايي ومابغـى أحد يركبــه غيـــري ...
هــــــز ناصر راسه بتفهــــم وهم يطلعون من لأسطبل متجهين للفله
سالــي اللي متمدده على الكنبــه وتلعب بالجوال وتصور نفسهــا:وهــج,,وهج ,,وهججججججج..والتفتت عليها بخوف أنها تكون طلعـت لكنه شافتها على نفس وضعهـا جالسه على الكرسي اللي جنب الباب ..
سالـي وهي ترمي عليها مخده :وهج وصمخ لي ساعه اناديك ليه ماتردين ..
وهج وهي تقلد سالي بطريقة كلامهـا:اووووف طفشتين اوذتين اشغلتين وبعدين معك ...
سالي وهي تضحك بسخــريـه :ههههههههههه ..ضحكتين ,,ماتعرفين تقلدين ..
وهج :سالي والله خايفـه امشي نطلع هذا شكله مجلس لرجال ..
سالي وهي ترجع تنام بنفس الوضعيه:لاحبيبتي لاتخافين مو مجلس الرجال ,,ماتشوفينه معفوس كنه شقة عزوبيــه ..
وهج :طيب أنتي له مو راضيه نرجع للفلـه...
سالـي:لاااااه عشان تمسكني أمك وهات يتهزيء...
وهج :ماتبين تتهزئيـن اعتذري من عمتي شيخــه ويادار مادخلك شـــــر...
سالي اللي قفزت كنها ملدوغــه :تهبى ماعاااااد الا هي اعتــذر لشيوووووووووخ..كانت هالكلمــه على دخلـــت ياســـر..
اللي فتـــح الباب بقوه ,,وهج اللي كانت بالكرسي اللي جنب الباب دايركت تغطت بطرحتها اللي على كتوفهـــا ...
سالي تجمـــدت على نفس الحركه وهي فاتحه عيونها على لأخيــــرمن الصدمـه ,,,
ياســــر كانت صدمتـه أكبـــر لأن اللي شافه ماينــوصف عيونه ابت أنهــــا تناظـر بشي غيـر وجه سالي اللي كان اجمـــــل مارأته عينه ...سالي مانتظرت أكثر وغطت وجههـــا بطرحتها وبكــذا اسدلت الستـــــار عن اجمــــل وجـــه ابدع بتصويـره الخالق .....
سالي بدات بالهجـــوم :ماشاءالله عليك ياولد لأصــول كذا تدخل على الناس ...
ياســــــر:واذا كانوا الناس ذولا مايعرفــون لأصول ويتكلمون عن أهل البيـت وهم بيتهــم وش تسمينــه يابنـت لأصــــول ...
سالي بطريقتهـا اللي تنرفز :ماشاءالله هذي اللي ربتك عليه فطوم تســمع على كلام غيـــرك ...
ياســر بهالحضـه شياطين الدنيا كلها تناقز قدامــه نسـى كل مابادئه وتجـــرد من رجولته اللي تمنعـه يمد ايده على حـرمـه ..
ياســر :انا اوريك اللحين وش أسـوي لو كنت ماني متــربي ...
وجرهـــا مع عباتهـــا ورماها على الكنــب واخذ عقــاله اللي كان مرمي على طاوله ..وهج ماستحملـــت الموقف وجلست تبكي بطريقــه هستريـه ...
وهج وهي تبكي:ارجـوك لا اتركهاااا حراااام عليك يامجـــرم ..
ياســـــر وهو يلوح بالعقال بوجه وهج :جبببببببببببببببببب ولاكلــمه ..
سالي وهي تقوم من الكنب وترتب عباتها وبطريقة ساخـــره :لو كنت رجال وريني شطارتك وحاول تمــد ايدك علي اذا ماخليت كل اللي بالمزرعه يتلمــون علينا ,,عشـــان يشوف أبوك ولده اللي ينشد فيه الظهــــــر وش قاعــد يســوي,, ويعرفــونك على حقيقتــك ,,ولد فطـــوم وش بتطلــــــع يعنـي ماخس من امك الا أنت ...
ياســـــر اللي زادت عصبيتــه وقرب منها بتهور وهو يرفع العقال بتهديد :جبببببببببببببب ,,وصـرخـي بملي فمك,,وكلامك ولاحـــرك فيني شعــــــره..
سالـــي بوقاحتهـــا اللي صارت طبــــع :على بالك بقول بيضر بني لابقول انك كنت ....... وقطع كلامهــــا وهج اللي حطت ايدها على فمهــــا عشـان تمنعهـامن تكملت كلامهـا اللي صدق لو قالته ياســـر ماراح يرحمــها..
وهج وهي تشاهق :بسسسسس انتي اللي تستثيرينه حراااام عليك سالي الله يخليك اسكتـــــي ...ودخلت في نوبـة بكاء شديده من عظـــــم الموقف اللي انحطـــت فيـــه ...
ياســــر اللي وصل فيــه الغضب حده :اللحين بطلــــع بس عشـان هذي >>ويأشــــر على وهج ..خايف تمــوت علي,,بس واللي رفع سبــع إن لخليك تندميــن على كل كلمــــة سب نطقتيهــا بحق أمي وحقي ..
وطلــــع ياســـرمن المجلــس بعــــد مارمـى على سالي نظرت احتقار ...
ياســـر كان ماتوقـع انه يسمـع من سالي أي سب أو استنكــار بس ابد ماتوقع أنه بيسمـع ضحكتها اللي استفزتـه وكان بيرجع بس انه مسك أعصابه ..وعشان يهـرب من صدا ضحكتهـا اللي يتردد بأذنــه هرب من المزرعه كلهــــا ...
سالــي وهي تمد ايدهـاللوهج الجالسه على لأرض :وش فيك حلت لك جلست لأرض قومــــي نطلع خلاص البعبع راح ...
وهج دزت يدها اللي مادتها لها وطلعت بدون أي كلمه ..
سالي وهي ترمي عقـال ياسـر اللي بالأرض برجلها :ياحليلــه ولد فطـــــوم بيطقني هههههههههههههههههههههههههه
هههههههههههههههههههههههههههههههههههههههه

دخلت وهج الفلـــه وهي تحاول تماسك وتوقف عن البكاء ,, مرت على الصاله اللي كانت جالسين فيـها الحريم بعد مانضمـت لهم سعــــاد ,,وجُنـى وأبتهــــال ..وهج كانت بتصعد الدرج ماتبغى أحد يشوفهــا ...بس امهـا نادتهــا..
أم ناصــر:وهج يمــــه تعالي سلمي على عمتك سعـاد ..
سعـاد وهي تسلـم على وهج :ماشاءالله عليهم بناتك يأم ناصــر الله يحفظهم لك ...
وهج كانت تبغى تطلع فوق ترتاح من الموقف اللي مرت فيه بس ماقدرت ,,جات وجلست جنب جُنــى...
جُنـى:وش فيك ,,شكلك كنتي تصيحين ..؟
وهج:مافيني شي ولاتسوين عمرك فاهمه وتعرفين كل شي ...
جُنـى:بسم الله علي ماقلت كلمه الا اكلتيني ..وين الأنسه سالي...
وهج :..........
جُنـى:ايه خلاص فهمت متخانقين وانتوا زي البزران ماتجلسون مع بعض الا تهاوشون ...
وهج :حلي عني ياشيخه وفري نصايحك لنفسك ..
دخلت سالي اللي ماكان للموقف أي تأثيـــــر عليها سلمـــت على سعــاد وجلست مع الحــــريم ...
أم ناصـر:وين كنتوا من طلعتوا الصبح مارجعتـــوا ..
سالي وهي تحط رجل على رجل :كنا نتمشى بالمــزرعــه ..وتلف على فاطمــه وهي تميل راسه وتسترخي بالكرسي:تصدقين يأم ياســــر "تنطقها بطريقه مستفزه " المــزرعه وايــد حلوه واضح أنه متعوب عليهـــــا ..
فاطمـــه بتكبـر:أكيد بتطلــــع حلوه أي شي يحـط ياســـر ايده في يطلـع حلــو..
سالي بسخـريه:مو ايد هذي العصــا سحــــريه ..
نزلــوا فاتن وبسمــه وبعــد الســلام ...

بسمــه اللي جلست جنب أمهــا بدلع :يمه قلتي لأبوي نبي نركب خيل ...
فاطمـــه :ايوه حبيبتي قلت له ...
شيخــه :وش تبون تركبون بس عشان تكسرون ,,ليكون وافق أبـراهيم ..
فاطمــه :أكيد بيوافق وهو يقدر يرفض لدلوعته بسمـه طلب ..
شيخــه :بس موكل الطلبات تنفذ ...
فاطمــه:اللي نقدر عليه ماراح نقصــر فيه على عيالنا ...

وبالمجلــــس عند الرجال ..
أبو ياســـــر كان معصب على عياله لأنهم ماصحوا إلى بعد صلاة الظهــر :لو كملتوا نوم لين العصــر أفضل ,,انتوا جاين تمشون وتو سعون صدوركــم ولاتنامون ...
بندر: اسفين يبـه بس البارحه سهرنا لوقت متأخـر..
ريان :وبعدين حنــا متعودين نصحى بهالوقت ...
أبو ياســـر:لا وتقولها بقواة وجه أنا ماجبلي الضغط الا برودك هذا ..
عبدالله :هد اعصابك ياعمـي الله يطولنا بعمـــرك ,,ترا العصبيه مو زينـه لك ...
ريان يتكلم بصوت واطي لوليد اللي بجنبـه :ولييييييه عصب الشايب اللحين وش بيفكنا منه بيعطينا محاضره طويله عريضه ...
وليد وهو يناظره بأستحقار ويكلمه بنفس درجة الصوت :فيه أحد يتكلم عن أبوه كذا ,,أنت ما مخرب اخلاقك الا نايفووووه الزفت ...
ريان:هي أنت وش خرب أخلاق هذي بعد ليه شايفين عندك ورع ,,وعلى طاري نايف الدب نايم ولا أحد فكر يصحيه وحنا نتلقى التهزيء هنــا ..
ابـو ياســــر:بنـدر اتصـل على أخوك شوفـه وين ,,وقولهم يزهبــون الغـداء...

كان منطلق بسيارته بأقصـــــــى سرعه وصوت ضحكتهــــا يتردد براسه ,شغــــل الراديو ورفع الصوت عشان يغطي على الصوت اللي براســـــه ...
واللي قهــــر أكثر وخلى رجله تدس على البنزين بقوه فكــــره اللي خانه وراح يفكــــر بجمالها اللي ماشافــه على بشـــــر ,,
وهو يكلم نفسه :عمــــري مافكـرت بالجمال عمري مافكـرت بنت وانا كد شفت أشكال والوان ليه هذي بذات اعجبتني ,, لا وش يـ ياسـر اعجبتني هذي بعد ,,وش صار لي وش سوت فيني
وبصوت مسمـــــوع :حلوه ماقلت شي حلوووه موت بعد ,, بس
جنت على نفسهــا يوم اختارت عداوتي على بالها بهالسهــوله
الموضــوع تسب وترفع صوتهــا على ياســـر وينتهي الموضــوع لاياحلـــوه ..دامـــك أختــــرتي هالطــريق أنا ماعنــدي مانـــع
أنا ماخليتها تعض اصــا بعهــا ندم ماكون ياسـرالـ.......
ادار سيـــــارته وعاد الــى المــــزرعــــه بنشـــوة التحــدي ...

بعــــد صلاة العصـــر كانوا البنــات بالســاحه حقت ترويض الخيل اللي حطولهــم العمــال الخيل فيهــا ,,سالي ماكانت تبغى تجي لاكن بعد تلميحات بسمه وفاتن انهــا تخاف تركب خيل جات,, لأن سالــي من صغــرها تحب الخيل وكانت تدرب على ركوب بمزرعة أبوهــا اللي فيهــا أجود أنواع الخيل حتى صارت مهاره ومتمرسه ..
فـاتن وهي راكب على الحصان:بسـمه تعالي اركبي معاي اخاف لحالي...
بسمه وهي تركب خيل ثاني :اسفــه أنا أحب اخذ راحتــي وماحب الخوافين مثلك يركبون معي ..
فاتن :ابتهال اركبـي معي ..
ابتهال :انا بركب مع جُنـى ماتعرف ...
بسمــه :يالله فتووووون قوي قلبك ,,واستعجلي عشان البنات الباقين يركبون لأن الشباب بعد المغــرب بيركــبون ...
سالي كانت جالسه على السياج ووهج واقفــه عندهــا ...
سالي :خلاص انســي اللي صار وخلي اليوم يمــر على خير ..
وهج:انسـى واللي صار ينســى,, سالــي انتي صرتي خطــر على نفسك تصرفاتك المجنونه مدري وين بتوصلك ...
سالي وهي تحرك رجولها اللي ماتصل الأرض بالهواء:وهج قفلي الموضوع هذا مو المكان المناسب اللي نفتح فيه موضوع زي كذا ...
وهج :طيب أنزلي لاطيحين ...
سالي :لاتخافين متمسكه زين ,,تعالي اجلسي جنبي ...
وهج :لا ياشيخــه تكسري لحالك ,,انا مو بايعه عمـري..
سالي وهي تصنع الزعل :افااااا وتهون عليك خالتك حبيبتك ...
وهج :تدرين أنك ماتهونين علي فمالها داعي هالتمثليه ...
اقتربت منهم بسمــه وهي تمشي وماسكه لجـام الخيــل...
بسمــه: يالله بنات دوركم...
وهج :لا أنا اخاف مو راكبــه ...
سالي :طول عمــرك خويفــه,,,وتوجه للكلام لبسمــه :مابغى هذا مافيه غيــره ..
بسمــه وهي منغاضه منها:غيــر ثلاثه ذي مافيه الا اذا كانت عندك الشجاعه انك تدخلين لأسطبل وتختارين غيره ,,وناظرتها بتحدي ...
ردت سالي لها نظرة التحدي وتوجهت لبوابة الساحه الي تفتح على لأسطبــل ولحقتها وهج ....
ركبت بسمه على فرسها وجلست تنتظــر سالي وش بتسوي ..تقربت منها فاتن :وش فيهــم راحو للأسطبـل ..
بسمــه :المجنونه سالي مو عاجبها الفرس هذا وراحت للأسطبل بتأخذ غيــره ..
فاتن :مجنونه كيف تدخل للأسطبل صدق جنيه ماتخاف ....
بسمــه :أخاف تأخذ خيل مو مروض ويويلي من ياســر وهو من البدايه ماكان راضي نركب اصلاً لولا تدخل أبوي...
فاتن اللي ابتسمت على ذكــر ياســر :ماعليك منهاهي اللي مسويه فيهــا بطله ..
طلعت سالي من لأسطبــل وهي تقود حصــان أشقــر في غاية الروعه,, و وراها وهج اللي حاولت تثنيها عن تصرفها بس ماقدرت ...
..لكــن اللي صدم الجميـع إن الحصان هذا كان شقـــــران حصــان ياســـر المفضل ولي مو أي أحد يركبــه ...
بسمــه :لا بليــز سالي الا هذا ياســر مايسمــح لأحد يركبه غيره بعدين هذا خطير ...
ابتـــهال :والله خطيــر بيطيحك اذا ركبتيــه...
ناظرتهم سالي بنظرة تحدي وقفزت على ظهر شقران بكل رشاقه ..
صاحبتها صرخات البنات الخائفــه ...
وبلمح البصــر انطلقت فيه لآخــر الميدان ...
كانوا جُنــى ووهج يصرخون عليهـــا برعب أنها ترجع بس لا مجيب ..
كانت سالي تحس انها طايره تحس بشعور بنشــوه ولا نتصــار لأن ركوبهــا حصــان ياســر المفضل بيحرق قلبه ..كان شقــران يركض بســرعه وكأنه ماعلى ظهره أحد ... ووصلت لنهايه بسلام ورجعت تدور على الســاحه بمهــاره عاليــه ...
ولكــن هدوء شقــران ماطول فجاءه هاج وأرتفع فوق عشان يرمي سالي اللي على ظهــــره ..
البنــــات يوم شافوا الموقف صارخوا بصوت عالي (وصلني هنــا بالرياض هههههههههههههههههههه) وكلهم نزلوا من على خيلهم وقفزوا خلف السياج ...

الشبــــاب (با ستثناء ناصــر ونايف ) كانوا جالسين بمكــان قريب من الأسطبــل تحسباً لمثــل هالمواقف...

تسلم الأيادي
ويعطيك ألف عافية ع الطرح القيم
والأكثر من رائع
بانتظار جديدك بشوق
أرق التحايا لروحك
وودي ووردي ♥

متميز
يسعدك ربي

تسلم ايدك ع الطرح