رواية طويلة لا تشتكي من همومك للناس/3

وممتد لين يصل المخيخ واذا سووت العمليه لازم تحط باعتباارهاا انهاا ممكن تصااب بشلل او فقداان لاحد الحواس
قلت لها : وامس كذبتي عليناا ؟!
هزيت رااسي : ايه كذبت ... وقفت مااعااد فيني اتحمل القعده هني ... اناا رايحه بيتي بعشي الاولاد وابو رياان وبرجه لك
هزت راسهاا : ماله دااعي اناا بخير لا تخاافين علي ... وشادن معااي انتي خلك مع زوجك وعيالك ..وبدت الغصه تظهر من جديد ..اشكري ابوريان مااقصر معاااناا اليوم الله العالم من غيره يمكن ماالقيت احد يشيعهن ورجعت تبكي ..رجعت لهاا وضميتهاا من جديد ..اااخ ياافرح مدري متى بتبرد ناار جووفناا ....



× حـــصة ×
طول الوقت وانا فغرفتي كل ماحسيت احد بيدخل علي سويت نفسي ناايمه وتعبااانه ...طليت بجرح يدي يااغبااائي كنت بذبح عمري بيدي ..اووف الله يقلعك يااسعد ...روح ربي يحرق قلبك يااشيخ زي ماانت حاارق لي قليبي ..اووف الحيوان شلون كان يطالعني بشماااته لا والوقح يقولي " والله عقااب مااتركك من قلييل ..من حقه يرميك وياخذ بداالك بنت المرااسل " فراش " " جرحني بكلماااته ...ليه لاازم يذكرني ...اناا ماصدقت تناسيت الموضوع يجي وينثر الملح على جرحي ...دخلت ايدي تحت مخدتي ..وسحبت صورةاجزائها مجموعه لبعض بواسطه اللصق " شليشن /شطرطون " .. هالصوره انأخذت له يوم تخرجه اذكر زين شلوون سرقت الصوره من الالبووم من غير لاحد ينتبه علي ... وبنفس الوقت تذكر زيين شلون قطعتهاا
يومتهاا كان العيد ..عيد الفطر ...فرحة ونااسه ..كان عمري وقتها 17 سنه وكان باقيلي سنه وحده واتخرج من الثاانويه ..ونملك انا وعقااب ...جوني خطااب كثيير وابوي كان يردهم بحجة اني مسمية لود عمي من ولدت ...وياريتني ماتسميت له ...لبست وتجهزت ..طبعا لبست ثوب " جلابية " لان هاذي العادة عندنا امي سبقتني على بيت عمي من بدري انا اتاخرت شووي لاني كنت عند الكوفيرا رحت اقص شعري واسشوره
خليت السواق يحطني قدام بيت عمي .. دخلت البيت طبعا الين ماتوصل الفله الرئيسية قداامك طريق طويل عريييض ..عباارة عن حديقة كلها زهور واشجاار ... غير طبعاا المسبح الي مرشوش عليه بتلات الجوري الطاايفي ... عمي جاايبهاا خصوصا من الطاايف لان عنده عزيمة بالليل ...قلت خليني اروح من الخلف ... توقعت ان عمتي والبناات مع امي بيكونن بالحديقه الخلفيه ... الحديقة الخلفية تجنن معموول فيهاا جلستااات تجنن من الخشب تشفونها كاانهاا اشجار تقطعت ومابقي غير ساقها مثبت بالارض .. وهالجلساات تحت مظلة من اشجاار المتدااخله اغصاانهااا ...كنت دايما احب اجلس بذااك المكاان ..كنت اقول دوم بنفسي هذي المكاان رح يكوون ارض الاحلام بالنسبة لي ... رح يكون مملكتي انا وعقاااب .. كنت اتخيل ان بكل زاوية من زواية الحديقة السرية زي مااسميها ..رح اسمع كلماات الحب والغزل ..مادريت انه رح يكون المكاان الي رح اسمع فيه كلمات تمنيت اني انصميت ولا سمعتهاا ..مشيت لين ماوصلت الحديقة مالقيت احد فيه ..قلت يالله خليني ادخل من

بااب المطبخ ... لكن البااب كان مغلق والشغاله ماهي موجوده تفتحلي ..تاففت لدرجة ماتتخيلونها مره مافيني حيل ع الحووسه ...رجعت اب يالف للبااب الامااامي ...الا سمعت صووت من وراي يناديني اول ماسمعت الصوت قلبي بدال مايطق 70 دقة بالدقيقة صاار 70 مليوون ..ياربي حلم ولا علم ؟!!
التفت لمصدر الصوت شفت عقااب وهو يطلع من بين الجلساات ..يظهر اني ماانتبهت له مع الشمس
عقااب : السلام عليكم ..شلونك ؟!
ابتسمت : وعليكم السلام .. انا الحمدالله ..كيف حالك انت ؟!!
جاوبني : الحمدالله ..وسكت
اممم ليه سااكت ..: كل عام وانت بخير
جاوبني : وانتي بصحة وسلاامة ان شا ءالله ...ورجع سكت
سألته : تامر على شي ؟!! بروح عندي امي وعمتي ؟!!
حسيته تلعثم : هاا ... لا ولا شي
ودرت بدور للبااب الاماامي ...رجع ناداني : حصه
التفت : سم ياولد العم
عقاب : حصة ابيك تسمعيني وتفهمين الكلام الي بقوله
انقبض قلبي من كلامه !! خير شبيقوول ؟!! : خير في شي ؟!!
عقاب : اعرف الكلام أي بقولة ممكن يزعلك لكن ..امم انا مااقدر اكذب ولا امثل اكثر .. حصة انتي بنت عمي وتعرفين انهم محيرنك لي .. شوفي يااابنت عمي .. انا اعتبرك مثل مها وحصة ..ومالي أي رغبة فيك ..وابيك تحليني من أي ارتباط ربطونا فيه الشياااب
تعرفون كلماااته كانت خنجر تنزل فيني طعوون ..مااصدق الكلام الي اسمعه اكيد يكذب ..او مقلب سخيف
كمل من غير اي اهتماام للأنثى الجريحه : يااريت تكلمين ابوي وعمي يفسخون الخطبه ..انا مااقد

اوجه ابوي تعرفينه وتعرفيين عصبييته ...ابوي يحبك ومايرفض لك طلب .. غير كذا اناا بقلبي بنيه وابي اخطبها ومستحيل ابوي يوافق اذامافسختي الخطبة ...ولا تنسي انتي صغيره لسى والعمر قدااامك .. تعرفون بالبدااية مارديت عليه عطيته ظهري ومشيت خطوتين لكن مااقدرت اكمل لازم اطفي النار الي بقلبي ..لاازم ارد كرامتي الي بعثره ..وقفت وناديت من غير لا التفت : عقااااب ..يكون يكون بعلمك من يبيعني برخيص ابيعه انا بترااب ..وانحنيت للارض واخذت حفنة اتراابثم التفت عليه .. شاايف هالتراااب انت مااتسواااه عندي ونثرته على وجهه ... يمكن تتسألون من وين جبت هالقوة ..بقولكم جبتها من كبرياائي المجروح من الانثى المذبوحه بداااخلي .. مشيت وتركته وسط ذهوله مشيت وانا راافعة رااسي .. تمنيت اروح بيتنا احبس نفسي بغرفتي ...لكن لاا والف لا ...مستحيل ابين ضعفي ..مستحيل يشوف دمعتي .. مشيت باتجاة البااب الاماامي
انا داخله الا و خالد بوجهي
خالد : هلااااااا بنت العم
ابتسمت : هلا خويلد
خالد : خويلد بعينك ...قولي خاالد سيدك وتاج راسك خاااااالد
عملت له كش ومالت بيدي : ماااااااااااالت مابقى الا انت
خالد : هييييين ان مارايوتك شغلك ادخلي بس وبتشوفين من بيفووز اليوووم
قلت له : ههههههههه كل مره تقول هالكلام وتخسر
قالي : هالسنه لااا ...امشي قداامي
دخلت سلمت ع الكل وجلست ...في لعبة دايما نلعة لعبت الابيات الشعرية ... عادة الي يبقى بالاخير اناا وخالد او انا وعقااب ... على قولة نوال عندنا ذاكرة حديدية .. احنا نلعبها عشان نتسلى غير كذا عمي ذياب من الناس الي يحبون الشعر كثيير ... واحلى شي الهدية .. تطلب الي تبية .. وطبعا سمعاا وطااعة
عمي نادااناا : هاا مافي مبارزة هالسنة ؟!!
صقر: يبا تكف خلناا مرتااحين ..اللحين بتجينا نوال وترجنا
نوال الي جات اول وحده من صالة الحريم : اسمع اسمي ؟!
خالد : وش يفكك منهاا ؟!

نوال : اسكت يالخسرااان
خالد : عاد الي يسمعك يقول قطعتي الفووز
نوال : انا اتنااازل عن الفوز لحصة ..بنت عمي واولاابهم
خالد : فصيحة الاخت
نوال : ملقووف الاخ
صرخ عمي فيها : نوووووووووال
سكتت مسكينه تخااف من عمي مووت ... جلسنا الحريم بجهة والشبااب بجهة ... انا بوجهي كان جالس عقاااب اللي تعذر انه مصدع ومايبي يلعب.. طبعا الحبيب كان وده لو مايجلس معنابس هو يعرف زيين انه لو طلع يااويلة وياسواد ليلة من عمي .. وانا جلست قباله .. .. هالمره محد كان يبي يلعب ..صقر وسعد خير شر مايلعبون ...وفهد المسكين لانه سنة امتياز فكان يداوم بالمستشفى ..مسكين حتى اجازات ماافي ..نوال بعد التهزيئة المعتبره سكتت
عمي : اجل المناظرة قصيدة بقصيدة
صقر: حرام يبى صعبتهااا
ابوي : خلهم ...نبي نشووف من منهم الحفيظ .. وبنسهيلها عليكم لا تلتزمون بقافية نبي نشوف ذوقكم بالشعر
خالد تحمس : حلوووو . .. ابدي ياابنت العم
بديت وعيني بعيين عقاااب كاني اقوله هالابيات لك : اامم

ماكل عكف الشوارب طيب مفتوله
كل شارب له مقص اليا قصر طاله

والناس للناس شياله ومحموله
ولا كل حمل يبي يقواه شياله

بعض الحواجب على الطولات مفلوله
وبعض الحواجب على العثرات نزاله

والحر إذا ما أرتفع مايقبل نزوله
والبوم لو يرتفع بالقاع منزاله

نفس من الوقت والايام معلوله
ونفس عليله من الرجال وافعاله

من يرتجي من سحاب الصيف هملوله
يموت ضامي قبل يذوق هماله

والرجل لا صار شيخ وابن حموله
يضفي على الربع والمحتاج بجلاله

والمهبد اللي يرد القوم في قوله

مسرد حكي في مجالس ناس حثاله

حمامة الوجه من يمناه مقتوله
ما للحيا فيه دم يشربه فاله


ليته عطى صغر عقله من كبر زوله

او ليت زوله نفع من لاذ بظلاله

خبل يدربي سلوم البدو بنعوله
يطيح قدره تحت رجليه ماشاله

أبواب كل المراجل عنه مقفوله
والنعم كايد عليه ولا يتهيا له

مثله إذا ما استحى من هالبشر حوله
على الأقل يستحي من ميلة عقاله


لكن نصيحه لوجه الله قولوا له
لو يلبس ثياب اخته يمكن أشواله

وسوووووووووالم ...الكل صح لسااانك
خالد كشر: واتلله يابنت العم ماااندي رد عليهاااا
ابووي : ورااجنااا من اوول ...يااشيخ كان جلست ساااكت
قاله : من يشهد للعرووس
الكل ضحك ..ههههههه
عمي : ها حصة امري وتدللي وش تبيين ؟!!
طالعت بعقاااب وخذيت نفس : توعدني يااعمي تعطيني طلبي؟!
عمي ضرب صدره : اناا ولد محمد ... اطلبي وتنعطي
قلت له : ابيكم تفسخون خطبتناا انا وعقاااب
الكل صابه ذهوول ..سعد : نعم انخبلتي انتي ؟!!
عمي وصقركانو يطالعون عقاب بنظرات حاارقة
ابووي : حصة شهالكلاااااااام ياابنتي ؟!!

طالعت عمي : عمي انت قلت اطلبي وتنعطي
سعد قام يبي يضربني ..الا وقف بيني وبنيه خاالد لانه الاقرب : اتجننت انت ؟!
سعد : وخر يااخووويلد
عمي صرخ : سعد اعتقد حناا رجال قداامك مو نسوووان ... حصة ليه ماتبينه ؟!!
قلت لعمي : ماينجر قلب على قلب
سعد : انتي وقحه و
ابوي : سسسسسسسسسسعد
التفت ابوي لعمي : حلناا يااخوي
عمي : محلوول
يومتهاا دخلت بيتناا واول ماطلعت حجرتي دخلت وقفلتها .. ماهتميت لاصوات سعد وامي وهم يهاوشوني
اول شي سوويته اني مسكت صورته وقطعتهاا .. وسحبت مشرطي وبديت اشرط ايدي ...تخيلوو شرطت ايدي وبكيت ...الين جفت دمووعي ..رجعت ثااني مره الملم اجزااء الصووره واضمهاا لصدري
تنهدت واناا ارجع للوااقع ... رفعت سمااعتي ..لاني ابي اتطمن على افنااان خاايفة عليها مره كثيير من زمااان مااتصلت ولا ردت علي تقولي النذل وش قرر


× مهــــــــــــــــا ×
طول اليوم كنت كنت جالسة لحالي مره طفشااااانه ...نوال الدوبااا مااارضت تجي عندي تقول عندها امتحان
اوووف وصقر كل وقته برى البيت ..حتى وهي اجاازة برضو برى البيت
الصقر وهو داخل : السلام عليكم
ضحكت بداخلي " توني احش فيه : هلاا والله .. وعليكم السلام ورحمة الله وبركااته
الصقر: شفيك جالسة هناا لحالك ؟!
قلت له : بالله وين ارووح ؟! اختك وعندها اختبااراات وانت اربع وعشرين ساعة برى
الصقر: ههه طيب اقعد بالبيت شسوي ؟!!
قلت له : يااخي لاا تجلس ..تعال خذني وحن علي ومشيني مثل خلق الله
ضحك : هههههه ...طيب وين تبي ترووحي
قلت له : يااخي انت وكرمك وديني وين مااتبي ..
قالي : تعرفين ماني رااعي تمااشي قولي ودني المكان الفلاني بوديك

تأففت : اوووووف منك ...اقول ليه ماتتزوج وتجيب حرمتك تسليني
طالعني : لااا والله انا اتنكب وانتي تتسلي
قلت له : اللحين الزواج نكبه ؟!! بنشوف ياصقر بكرة تتزوج ولا بتطلع من حجرتك
حذفني بالخدادية : مالت تادبي
ضحكت وانا اتجنب الخداادية : حلااتك اخوي وانت مستحي
سكت شووي وهو يطالعني : امم ...مهاا ام جايك عريس.. وابتسم
انصدمت : نعم ؟!!
قالي : شفيك مفجوعه ؟!! جايك عريس..شراايك ؟!
وقفت : وانا ماابي اتزوج
مسكني وجلسني : اسمعي ومن غير شغل البزارين ..ابيك تستخيرين وبعدها تردين علي ..شاهين رجال طيب وعلى دين
سألته : شاهين خويك ؟!
هزراسه : ايه شااهين خويي ..وعشان تكونيين عارفه شاهنين سبق وتزوج وماستمر بزواجه وعنده حلا عمرها تقريبا 4 سنوات
قلت له : صقرانا جربت حظي مره واكتفيت
قالي : استخيري زي ماقلت لك وبعدين ردي ..هو مو مستعجل بالرد
قلت له : يصير خير



× فــــــــــــــــرح ×
بعد ماروحت منيره بيتها اخذت شاادن بحظني ودخلنا غرفة عمتي ...تخيلو المكان معي ..فرااغ ..سكوون .. وحشة ..مافي بالبيت غيري انا وهالطفلة ..قعدت على سرير عمتي وسندت ظهري وشادن ارتمت بحظني ..البنيه تعبااانه من كثر اللعب .. كل ماسألتني عن امها عن جدتهاا .. اقول لها رااحو مشووار ..مدري لين متى رح تصدقني وتتم سااكته ..فتحت الظرف .طاحت منه صوور .ووثاائق حكومية ...بالاضافة لرسالة عمتي ..خذيت الرسالة وبدين اقرأ الي فيهااا

مخك زين معااي وتفهمين كل الي رح اكتبه ..تقريبا قبل ست سنيين بعد موت ابوك وامك بسنتين يعني ..لو تذكرين انتي بوقتها كنتي عايشة عند جدتك ام امك ...وراكان كان عايش عندي حسب اتفاق ابوي مع جدتك الله يرحمهم .. رجع يوم جدك البيت وكان مهموم مره ...لانه انتظر كلناا استغربنا لي انطرد من شغله خصوصا بعد سنيين خدمه فوق الثلااثين سنه
سألته : يباا ليه يطردونك انت شسويت لهم ؟!!
ابوي : اقولك ياسرااب ماادري
زينه كانت بعمرك يعني 18 سنه بس: يبى هذاا مو عدل والله حراام
ابوي : طيب سوي حاولت اقاابل المدير لكن مااقدرت
قلت له : طيب ومسئولين حقوق الموظفين له ماايعطونك سبب
ابوي : سببهم الوحيد اني كبرت وماني قاادر ع العمل
زينه : لا والله يعني بعد مااا يستفيدون منك كل هالسنيين يجون باخر عمرك يرمونك كذاا
ابوي : اااه الله كريم ياابناااتي
زينه معصبة : بالله هم ماايدرون انك مسؤل عن كوم لحم ماايرااعووون والا الاجازة الي اخذتهاا مره كلفتهم
سكتها : زينه خلااص ابوي تعباان
ابوي تقريباا بقي شهرين بالبيت من غير شغل والفلوس الي معااه خلصت ... بعد شهرين مادرينا الا بباب بتنا يندق فتحنا وكااان واحد مبين عليه انه ولد عز ..انا مااعرفته يوم شفته من الشبااك لكن زينه عرفته قالت انه ولد صاحب الشركة الي ابوي كان يشتغل فيها وكان يجي يزور ابوي ...الرجال ماطول عند ابووي ..وبعد مارااح نادانا ابوي عنده ..
ابوي : تدرون من الي كان عندي ؟!
قلت لابو ي: ولد صاحب الشركة مو ؟!
ابوي : ايه نعم هذا عقاب ولد الوسطاااني
سألته زينه : يبا ليه جاا ؟!!
ابوي : جاا يخطبك ؟
زينه تجمدت مكاانهااا ....اما انا : نعم ؟ّ!! يخطبهاا ؟!!
ابوي : ايه يااسرااب جاي يخطبهاا

سألته امي : من وين يعرفهااا ؟!!
ابوي :اسأليها
امي : زوينه ووجعه من ووين يعرفك هاا ؟!
زينه : والله يمه اني مااشفته الا بالصدفة وقسم بالله
التفت عليها : متى ؟!!
ابوي : احكي لهم
زينه : اهو قالك موو ؟!!
ابوي : ايه قالي
زينه : يومتها رحتي انتي وسراب لام منيره ..انا عملت قهوة ابوي مثل كل مره وعلى بالي ان رجع من صلاة العصر يوم حسيت بحركة بالصالة خذيت الصينيه والقهوة شفت ابوي جاالس وهو يقرأ بالجريدة جيت وجلست جنبة وسولفت على رااسة يمكن عشر دقاايق وهو ابد مارد علي انقهرت من ابووي سحبت الجريدة من ايده عشان يطالعني لكن مااكان ابوي
ابوي : ايه مو انا كان ولد راعي الشركة
امي: فضيحتنااا
ابوي : ماعلي من ذاا الكلاام كله هو خطب وانا اعطيته
زينه فرحت وجريت على غرفتهاا ...اما اناا استغربت شلون ابوي يوافق لا ومن غير لا يجيب الولد اهله ..ابوي يومتها اعترف لي انا وامي ان سبب طرده من الشغل هو ان ابن التاجر فاتح اهله انه يبي زينه وغير كذاا هو كان خااطب الولد صارت مشااكل بينه وبين ابوه وابوه كداافع انتقاام طرد ابوي من الشغل ..وحرمه من مستحقااته ...ابوي كانه كان يبي يرد كرامته المجرووحه ...وزوج زينه من عقاااب ......عقااب عن طريق اخوه الكبير اللي كان حقااني مشى لابوي راتب تقااعده وهو الي سااعدني بالصرفياات فتره كبيره ... المهم عقااب كان يشتغل مهندس بوحده من الشركات البسيطه ..ويوم كاان بموقع بنا طاحت عليه سقااله وماات بوقتهاا مات بعد سنة ونص من زواجه .. تركها وهي حاامل ..ماكنا نعرف ابدا انهاا حاامل .. ويوم رحناا ابوي راح لابوه وقاله عن حمل حرمته ...تخيلي طرد ابوي واهاانه وقاله بالحرف ..روح شف بنتك من وووين جااايبته ..ابوي ماحتمل الاهاانه يطرد وهو شيبة قدام النااس وتنهان كرااامته ويتشكك بعرض بنااته شي مااقدرت نفسه تحمله ...تعرض لنوبة قلبية ومااات ...زينه بعد عقااب صاارت نفسيتها بالارض .. طول فترة حملها

كاانت تعبااانه مره لا قدرت تتحرك ولا يحزنوون كله نايمه ع الفرااش ... ولادتها كانت متعسره ولدت وجابت لناا شااادن ..ايه شاادن بنتها مو بنتي ..زينه تعرضت لنزيف بعد الولااده اذكر انها وصتني على بنتهاا
زينه : بنتي ياااسرااب امااانه عندك ...عامليها كانها بنتك لا تحسسينها يووم انها مو بنتك ربيهاا انتي وسعوود .. لاتعطينهاا لهم ...ربيها ياااسرااب ربيهااا
وبعدها بيومين مااتت ..ماتت وتركت لي شادن وتعاهدت انا وسعود اننا نربيهاا ..لكن سبحان الله ماانكتب لنا نصيب نتم مع بعض ..يمكن تستغربين انا ليه خصيتك بذي الراسااله ..انا خصيتك فيهاا لان راكان يعرف هالموضوع ...ماقلت لك لانك كنتي صغيره وفوق كذا انتي حسااسة مره ...قلت خليني اريحها ...واللحين يااافرح ابغااك تربينهاا ماارح اقوول خليها بنتك لاا .. خليهاا اختك الصغيره .. اناا واثقه فيك وواثقه بمحبتك لهااا .. فرح خلك عاقلة ورااكزه طيبتك لا تظهرينهاا للنااس لا يستغلوونك .. صدقيني الناس ان حست بطيبتك استخدمتها نقطة ضعف ...ورح يدوسونك تحت النعال ..
رااكان
انت سندي ... انت كنت الرجااال الي اعتمدت عليه ... عمري ماحسيت وانت معااي اني انسااانه ضعيييفه او مكسوورة الجناح ...انت شفت فيك ابوك الله يرحمه ..بحنانه بعطفة برجوولته .. خلك ياوليدي مثل ماانت رجاال الكل يفخر فيه الكل يتمنى ان يكون عنده مثله
بالاخير ابيكم انتو الاثنين تكونوون يد وحده على قلب وااحد لان الحيااة مو سهله ...ورح تشووفون فيها بلاوي واياام حلووه ...ولا تنسووناا من دعااااكم
مسحت دمووعي اللي جرت على خدي ضميت الرسالة لصدري وشميتهاا ... كاني اضم عمتي ...شفت شادن ناايمه حطيتها زين ع السرير ..وعاهدت نفسي ان البنيه هااذي رح تكوون بالنسبة لي بنتي ... ومستحيل بيوم من الايااام اني اتخلى عنهاا .. رح اكون امها وابووهاا ...تطمنتي يااعمه بنتك معي بااااامااان