عبر عن حالتك النفسيه ببيت شعر...متجدد

من غاب صوتك ... عن مدى السمع كنـّـي
ارسم على لوحة غلاك ..... اندهاشــي

لو شفت صدري كيف من رحت عنــّـي
في ذمتي ما كن ّ ... وسطه و لا شي

كيف انتوادع و انت فيني ... و منــّـي
يااغلا من الزلــّـه على قلب ... واشي

لابد ّ اعاف النوم لا نمت.... لنـّـي
انثر طواري غيبتك في .... فراشي

واصحى و في بالي ..سؤال امتحنــّـي
وشلون .. اقاسي نظرتــك و انت مـــاشي

يا ضيقة الفرقا على البال ... حنـــّـي
واليا لمحتي دمع عيني .... تلاشي

عايش و اجاري هالزمن و ادري انــّـي
اخفي معالم ريبتي ..... و ارتعاشــي

يا ليت قلبك يوم غاب... و طعنـــّـي
يذبح غلاك و يقبره وسط ... جــاشي

لا تقول لي : مبدعه وشعرك على الجرح
اصلن يا لولا الجرح .. ما صرت شاعره ،

‏ما خذل وجه الثقـه ، غير الشكوك
ولا حقر وجه ( الوصال ) إلا الجفـا

من سبب فقد الثقه طاحو ملــوك
ومن سبب قطع الوصل مـات الوفا

‏جرح الخطا يمكن تداويه الاعذار
وجرح المشاعر ماهو اي عذر طبه

تدري وش اللي يجعل المعزه تنهار
انك تبي فرقاه وانته تعزه !

‏وش خذينا من ملذات الحياه
غير قلبن من عظم ذنبه .. حجر

وان بغيت تشوف تأثير الصلاه
شوفها في وجه من صلى الفجر

‏مهما يضيق الوقت للضيقه علاج
بكره على باب الفرج .. بنتواجه

والله ليروح العمر ماقلت محتاج
اموت ماخذ من يد الناس حاجه !

‏والله اني مقدر اشوف لي جريح
اقبل وضيق المشاعر خلها

عطني اجروحك عطيه واستريح
خلني اشيل المواجع كلها !