عبر عن حالتك النفسيه ببيت شعر...متجدد

شد حبل المعاتب لا تجيب الدموع
كوب مملي بـ حبي انتبه تنثره

لا يغرك هدوئي وابتسامات القنوع
خلف ضحكي سوالف كلها مبعثره"

شاعره قوافي واجمع عليها فصاحه
عذب الكلام ارويه من نبع صافي

احب اهل الذوق وقول ب صراحه
اليا زعلت الموت في سم القوافي

‏وش فايدة ! كثر البشر دون إحساس ؟
حولي ضجيج قلوب والجو ساكن !

وين الطريق اللي يودي على الناس ؟
أنا أشعر بغربة بلآد وأماكن !”"

‏صرت ابتسم عشان ماتزعل الناس
وبفهّمك وشلون وانته تصّور

اوزّع البسمات من دُون إحساس
نفس ابتساماتي إذا جيت اصوّر

‏ياعين لو ضاق المدى وأدمس الليل
لا يوجعك هم السهـــر .. والمساري

لو كان في قلــــب العنا تركض الخيل
والله لا أخذ من شقى الوقت ثاري"

‏قلبي على باب عفوك ياكريم ارتما
ما ارتحت حتى دموع العين حدّرتها

يارب لو تبلغ ذنوبي عنان السماء !
لا من تفكرت في عفوك تصاغرتها.

!!








يا عذاب الحال حل به .. انحلال
كنها تلحى اللحم عنها السلال

انحنى حتى غدى مثل الخلال
حال عنه الحيل واصبح ناحلي

حل بالحال انحلال ٍ وانتحل
مثل عود ٍ يبس من طول المحل

عقب ما ماتت عروقه واضمحل
ذاوي ٍ بامحل محل ٍ ممحلي










...

في رجى المعبود ياناس بسوق القدم
واطلبه عفوه ولطفه وحسن الخاتمه

جل شانه من يصلي لوجهه ماندم
يقبل التوبه ونفسي لذكره عازمه

وين انت يا ملهم قصيدي اناديك!!!
الصدر ضايق وخاطري منك ما طاب
اخر قصيدة حب موضوعها فيك
مضمونها ياصاحبي لوم وعتاب
يوم غبت عني كل يوم احاتيك
انت الوحيد اللي عن البال ماغاب

‏الله يجعلنا من أصحـاب اليمين
يوم حشر الخلق لاصار الذهول

رددوا اميــن قولــوا أجمعيــن
ياعسانا نفرح بـ شوف الرسول ️