سجل حضورك ببيت شعر..!

للأخت قدر ثابت عند الأجواد
‏وهي عزوة الشيخان يوم الطرادي

‏وجودهم في البيت بالنور وقاد
‏وهم خيرة العده وخير العتادي

‏على رفقة الطيب يسير الزمن قدام ،
اماري بطيبه وارفع الراس واردد

ولة كفو تتعب عليها الرجاجيل
‏اللي على روس النوايف نظرها

‏ياكثر صدقان الصحن والمعاميل
‏وياقلهم لامن تقادح شررها .

‏يالله في صباحك لنا تكتب الخيـر
واعـوذ بك شـر النفـوس وجهلهـا

ياكافل رزق البشر مشبع الطيـر
اغفـر لنفـس قصـرت في عملها

على طريق الصعب و الاستحاله
‏قدرت أدلّ و كنت متعمّد أتوه
‏هزايمي ، درس و صمودي رساله
‏عايش، و لا لحّقت دنياي مشروه
‏قلبي قنوع بوحدته و انعزاله
‏ماهو مدوّر للعرب كان ما جوه
‏اللي يشوف انه يكفي لحاله
‏ما يلتفت للناس لا أقفوا وخلّوه

ياوحشة الدنيا اذا صرت مشتاق
‏كنّ البشر ماهي على الكون حيه

على البال لك سجة ولك سيره وتذكار
‏أضيعك بالواقع .. وألاقيك في بـالي

تدري وش سوت بي اخر رساله
خلتني أذرف غالي الدمع و ( أنوح )

وأبكي على حب سحرني ( وصاله )
حتى سكن بين ( الشرايين ) و ( الروح )

عقب ماكنت في عيّوني كل الامان
‏ليه صرت الدروب الموحشه كلها !

قالوا علامك كل ماحل طاريه.. تنسى البشر حولك وتذكر خياله..
قلت إنشدو قلب ليا غاب يرجيه..قلب بعد فرقاه واعزتاله..