سجل حضورك ببيت شعر..!

ياليت به باب(ن) يدخلني على الماضي
............. واروح له كل ماحسيت ب الضيقه

سود الليالي هيّنه لا تحاتين
‏اذا على سود الليالي ؟ عوافي

‏اجل لا عشتي عيشتي وش تقولين ؟
‏لا القلب متطمن ، ولا الرمش غافي

‏والله يا مرّت على عمري اسنيْن
‏كانت تمشيني على الجمر حافي !

‏قضيتها في : ضيق صدر و سهر عين
‏ماني مقضيها على فراش دافي .

ترى الغياب احيان من باب الانصاف
نستخدمه مثل العلاج الضروري

نمشي دروب العمر ونقول ما زال
‏في العمر دربٍ ما حجب نُوره الياس .

لحظة لقاك ارقى بها لبة الغيم
واخلق مكاني فوق سطح الثريا

محتار مابين المكابر والحنين
‏مدري اداوي الشوق والا ادفنه .

ياكبر قدرك يارفيقي عن الناس
مايشبهك في طبعك إلا المرايا
هي تعكس الأشياء بدقة ومقياس
وإنت تعكس بطيبك بيض النوايا

أجمل ثياب السما ، ثوب الغروب
‏كل يوم اتأمله .. و أصوّره
‏ظ°
‏شمسه تصبّ السطوع بكل صوب
‏حتى لا راحت .. تروح منوّره

من يدور رضا الله ثم رضا والدينه
يصغر الكون في عينه و يكبر مقامه

تجرح وتجمع نوايا البعد وتبيّت
‏لك وقت والحرب تخفيها وتعلنها
‏وجروحك اليوم مثل الطق فـ الميت
‏ما ردته لـ الحياة ولا سَلم منها