اذاعة وراديو تراتيل شاعر

وااااو يا حلو الرحله معاج جوهرتي
بس ترى انا مو خوافه ... يعني شوي انتوا بس لا تخلوني بروحي
وانا اوريكم السنع كله .... ترى بعد اعرف أسوق ..الي عايف نفسه يركب معي
ههههههههههه ربي يسعدكم كلكم

أخجلُ من الله
حين ينافسني في التسبيح طير، أو بهيمة ،أو شجرة أو صخرةٍ صماء ويغلبني...��

- وأخجلُ أكثر , حين يمر يومي بنعم لا تعد ولا تحصى،
وأتذكر أني نسيت أن أحمد الله عليها..��
إذا مضت عليك لحظات لم تذكر الله فيها،.
فبادر إلى إيقاظ قلبك، ولو بتهليلة أو تسبيحة أو استغفار، ..
وتعود على هذا تجد خيرا كثيرا،.. فالغفلة داء، وذكر الله دواء وشفاء..

باذن الله

[COLOR="black"]راح اذوقكم احلى مطبق زبيدي
مطبق سمك زبيدي اكله كويتيه

تفضلوا الغدا (احلى مطبق زبيدي)


هذه طريقة المطبق الزبيدي الكويتي الأصلي ..

الطريقه

نوع السمك : زبيدي

العدد : 3

نبدأ بسم الله ..

1- نغسل السمك من كل الشوائب .

2- نعصر عليه ليمون و نرش عليه ملح

3 - حشوة السمج :

( 2 بصل كبير ، 2 ثوم ، كزبرة ، بقدونس ، شبنت ، بهارات السمك ( مشكله ) ) طبعا نقصصهم صغار صغار وندق الثوم ونحط نص الكميه حشوة داخل السمج ومن برى ونصها نخشه لبعدين الحشو فوق العيش ..

تفضلوا الغدا (احلى مطبق زبيدي)
- الآن بنسوي الحشو للعيش ندق شوية ثوم + بصلة وحده + شبنت وكزبره كميه قليله قد الكف

5- نخيط السمك من الجانب الذي حشيناه حتى ان قليناه ما تطلع الحشوة حتى يثبت الحشوه داخل وبعدين نحط زيت على النار تقريبا نص المقلى ونطبق المقلى ونعلي على النار حتى يسخن الزيت عقب نقلي السمك حتى يتحمش الطرف الاول ونقلبه على الطرف الثاني بعد مايخلص نكرر العمليه على عدد السمك اللي عندنا حتى نطفي النار ونحفظ السمك بمكان دافي ..

تفضلوا الغدا (احلى مطبق زبيدي)
- الحين نقلي الحشو ( للعيش ) نحط البصل على المقلى بدون زيت ونقلبه على النار وبعدها نضيف شويه ماء حتى يتحمش يصير لونه بني بعده نضيف الثوم + نص قطعه زبده + لومي اسود مطحون + بهارات مشكله + رشه هيل + ملح على قد اليد + كزبره + شبنت اللي جهزناهم بخطوة رقم 4 + نضيف الحشوو السمك اللي خاشين نصه في البدايه مع حشو العيش ونخلطهم كلهم مع بعض بالمقلى حتى يصير لونه حلووو مثل الصوره ونقفل على النار ونطبقه ..

تفضلوا الغدا (احلى مطبق زبيدي)

7- الحين نسوي الداقوس نحط قدر الداقوس على النار نحط فيه نص زبده على النار و نقص 5 طماط قطع صغيره جدآ ونحطه + ندق 4 فصوص ثوم+ فلفل بارد + لي طبخ نحط 4 فصوص ثوم مقصوصه نصين للنكهه + كمون (بهارات ) + كزبرة ( بهارات ) + بهارات مشكله + نضيف ماء بالقدر + نضيف ملح على قد اليد +نضيف معجون ملعقتين تقريبا .

تفضلوا الغدا (احلى مطبق زبيدي)

8 - نحط 5 اكواب عيش ونغسله وبعدين ننقعه نص ساعه وبعدين نحط قدر متوسط فيه ماء متروس وليمونه وحده نقصها نصين +نص زبده + وقفشة ملح يطبخ شوي بعدين نضيف عليه شويه زيت

9- نحط قدر ثاني كبير اول شي نحط فيه نص بصله مقطع صغار + فلفل بارد أي لون سواء اصفر اخضر احمر انا انوجد عندي الاحمر+ ملح + ثوم + زيت + حشوة اخر ما تبقى من حشوة السمك بعدين نحط السمك فوقه القدر سمح لي احط سمكتين فوق الحشوو بعده نحط العيش (الأرز) بعد نصفي الماء منه وهو نيّ وبعدين نحط الماء اللي بالقدر الثاني اللي فيه الليمون والزبده نحط منه كميه فوق العيش (الأرز) حتى يغطيه ويكون الماء مرتفع بأصبع تقريبا عن العيش (الأرز) ونطبقه ونخليه يطبخ بدرجه حراره مرتفعه .. بعد ماينشف شوي العيش (الأرز) نحط فوقه الزبده




تفضلوا الغدا (احلى مطبق زبيدي)

وكل ما حسينا انه نشف زدنا عليه ماء العيش (الأرز) اللي بالقدر الثاني .. وبعده نحط اخر سمكه عندنا بعد مايجف العيش وينجح .. ونجهز صحن نضع به الأرز وبعده السمك ونحط الحشووو اللي مجهزينه للعيش (الأرز)

الريم الغاليه ،،،

ياياهلا يا ام الاجرام والمدربه الخاصه للاجرام ومصنع الاجرام

مسويه طيوبه يعنى مو على هالحركات

الدور واصلك لا تباعدين خليك قريبه


ياهلا ببنت الجنوب الحبابه ومية هلا

الله يسعد ايامك ويسعدلى هالحضور الراقى تسلمين يابنت .

خياط الغالى ،،

المايستروا هذى الساعه المباركه

وتواجدك دعم لنا وماقصرت ياكحيلان

وبعد قص الشريط لك عندنا حق الضيافه وضيافتنا لازم تسوق الباص وتودينا رحله

وجهز حالك دورك قريب والاسد خليه على الصياد لاتحاتيه

بس نبى رحله خرافيه اهم شئ فى كم واحد نبى نحذفهم من فوق جبل ونرجع

تسلم المايسترو خياط لاهنت الغالى وعسى الله لا يخلينا منك ومن طلتك .

رحيق ريحانة تراتيل ،،

يازينك ويازين عدستك ياهلا يابنت الساعه المباركه
اللى نشوف تفاعلك هنا بالاذاعه ،،،

عدستك صورة لنا كلام غالى وهو كلام الامام الشافعى رحمه الله ،،

رحيق اعرف انه المشاركه الاولى ولن تكون الاخيره

لاتحرمينا من طلتك ،،

تسلمين يابنت وماقصرتى .

حلوة المبسم وحلوة الذوق ،،

ياهلا كبر الكون هلاوغلا فيك يابنت

كلامك وسام على صدرى واعتز فيه وتسلمين وان دل يدل على ذائقه رائعه من قلب رائع

تسلمين وماقصرتى ولاتحرمينا طلتك الحلوه

ولك من مسماك نصيب كبير ،،،

وعلى فكره تجهزى نبى سواقه حلوه للباص ونبى رحله ما ننساها

لاهنتى ولاخلا وعدم .

اقتباس:

المشاركة الأصلية كتبت بواسطة كبرياء انثى

صباحكم اليوم من جدة عروس البحر الاحمر هههههههه جبت لكم فطور حياكم

كبرياء هذا الفطور ماشاء الله وتبارك الرحمن يفطر قبيله كامله

يازين فطورك بنت جده ،،

قلنا جده غير وبصراحه حتى فطور جده غير وناسها غير

الله يكثر خيرك وينعم عليك
ولا يحرمنا من طلتك ،،،


بس هم فيك شوية اجرام يمشى بدمك شويه مو كثير لا يش ماعزمتينا على الفطور بس تشوقينا

لا مو قبول منك كبرياء ،،،

تسلمين يابنت وماقصرتى ولاتنسين قانون الصياد الزعلان نقص براطمه وترى ابو احمد هالمره جايب دباسه يدبس البراطم وانتى بكيفك عاد فكرى عدل لا تروح براطمك وماعاد تتكلمين .

الصياد ،،

ياسفاح الدجاج الخطير ،،

ابدعت كلام رائع من شخص رائع

الله لا يحرمك الاجر يا ابو احمد ويبارك فيك

فعلاً كلام يبى من يتمعن فيه ويغوص بأعماقه ويتعلم منه

الله يطولنا بعمرك على طاعة الله

تسلم الغالى وماقصرت .

جوهرة الاحساء ،،،

تسلمين على المشاركه اللى فيها روح العنصريه

وتعنصرك الشديد للمرأه

الحين هذى رحله ولا عقاب جماعى للشباب

الحين كلنا مربوطين فوق الباص حشى مو رحله هذا على بال مانوصل نكون خلصنا

احس هالرحله فيها روح الاجرام مش الوناسه

يكون خير ،،

كل افه الله يسلط عليها افه

ان شاء الله يجى ضيف من الشباب يربطك فوق الباص ذهاباً وعوده لين تنشفين وتختفين ،،


جوهرتنا الراقيه الحبوبه صاحبة الدم السكر تسلمين من قلب الغريب

وماقصرتى يابنت والله لا يخلينا من روحك الحلوه وقلبك الابيض

شاكرلك جوهرة الاحساء من قلبى .