عبر عن حالتك النفسيه ببيت شعر...متجدد

الله على جـو الغــلا والمحـبـه
لاصار صافي بين غالي وغالي
تعــال يـاقلب الهـواوي وطـبـه
لك منزل في داخل الروح عالي

ما أحسب انّي على الفرقا اتألم
‏لين ما كسّر مجاديـفي ، امـامه
‏والله انّـي كـنـت نـاوي اتـكـلّـم
‏وانتظـرته ليـن ما خلّـص كـلامه
‏ويوم خلّص ، ثم وادعني ، وسلّم
‏ما قدرت اقول له:
‏( درب السلامه )

خل الغياب يطول وخل المسافات تزيد
‏انـا أقــوى على الهجر دامـك قـويته .

يا اطهر من الما في زمان الملذّات
واحن من دمعي على ايامي السود .

فرق بين اللي يتصيد الزلاّت
‏وبين اللي يقول :

‏عاذرك و مقدر ظروفك و كثر اشغالك
‏ومرخي لك خافقٍ ما جاك منـه زلــه

‏هو اللي يستاهل أقوله :

‏انا فدا اللي ما انتظر منـي اعذار
‏وما لامـنـي وانـا استحق الملامه

الله يذكر ماضي الوقت بالخير
ايام عشناها في معنا السعاده
نفرح لمن يفرح ويفرحلنا الغير
واللي يمر بضيق ناقف حياده

انا في رجا اللي مابعد خاب من يرجيه
‏يحل الفرج في ساعة الضيق والشدّه