ليت الخيارات في الدنيا خياراتي

الخيارات , الدنيا , خياراتي

ليت الخيارات في الدنيا خياراتي

المبدع الشاعر / بيّن الوسمي
بكل إتقان شعري وإحساس أدبي
انثر لكم هذة المعزوفة
اللتي اروت ذائقتي الشعرية
.
.
.
.



مزعّل الليل ومخاوي صباحاتي
تمرني وجيه ما أحفظ أساميها

ليت الخيارات في الدنيا خياراتي
وليت الهقاوي تفرّح ظن هاقيها

مسكر أذني ومقلل علاقاتي
تتساقط الناس من عيني وأخليها

يزعجني الجد وتضحّكني سخافاتي
أضحّك النفس ومن داخل : أواسيها

مروّعني الوقت : لو ياخذ طموحاتي
وتروّعني الناس في:صدمة مباديها

تجرحني الناس وتكشفني ابتساماتي
خايف على الناس ل اجرحها واحاتيها

من بعدك : الحين خربانه طقوساتي
أشياء ما كنت أسويها .. وأسويها

من بعدك : مافيه مُلفت في انتباهاتي
تمرني أشياء ماتمشي .. وأمشيها

ومن بعدك : الليل هو آخر محطاتي
أحايل العين عن شيء ٍ يصحيّها

ومن بعدك : أحيان تخزني خيالاتي
تمرني طيوف ضحاتك واناديها

السجدة : اللي تطول في صلاواتي
لك منها كل دعوة كنت أنا أدعيها

غبتي .. ولكن : أشوفك في كتاباتي
انتي قصيدة : تتعبني طواريها

المصدر: منتديات تراتيل شاعر - من قسم: ديوآن آلقصيد ▪●

---

gdj hgodhvhj td hg]kdh odhvhjd hg]kdh