الاتجاه المعاكس

المعاكس , الاتجاه

الاتجاه المعاكس

يالله انك لا تعاقبني بذنبي يا الاهي
يا وسيع المغفره لا صارت ذنوبي كثيره

ويالله انك تقبل التوبه بعد ماكنت فاهي
وان تهونها علي يارب لا صارت كبيره

بعدها ياحظ جيتك طالبك وأحط جاهي
واطلبك بوجيه القبايل والعشيره

طالبك لو مره حط أتجاهك بأتجاهي
ولا تخليها مثل وجه التعاكس في الجزيره

فز رحب بي وقلطني على قهوه وشاهي
وهات ميعان القدوع وخلها منك سفيره

وانت ياللي جيتني من سلطك.آمر وناهي
ومن غلاتك طعت شورك لو علي صارت كسيره

أذكر انك قلت مره قول كاهي .. قلت كاهي
قلتها من غير مدري واثرها لعبة خطيره

واثرك اللي نسمعه راعي السواهي والدواهي
لا وقف حظي بترويظه ولا قفا لغيره

بعض الاحيان اتناسى قلت خلني عنه ساهي
ياعسى في الامر خيره ..يا عسى في الامر خيره

وكل ما جيت اتناسى واحسب اني عنك لاهي
ماوعيت الا خيالي صورك في كل ديره

وكل ماجيت اتمعن فيك واعيد انتباهي
شفت ليل الخندريس بمقدمة شمس منيره

واقتربتك يا رسوم الخشف يابو طرف ساهي
ياعيون مبرقع شلع ولا حدد مطيره

ياجميل من جمالك في جمالك جيت راهي
يامجمل شعر خلك لا نوى يظلم ضميره

زاهي باللبس مدري صار منك اللبس زاهي
يا ليان الخيزران ويا شذى الورد وعبيره

لا تقصر بي وانا قلبي معك ما عنك تاهي
هايم بك دون ما افكر ولا حدد مصيره

واذكر اللي حب شخصك مثل حبك للملاهي
يوم عادك من صغر سنك تمشي دون غيره

واكتملت وجيتني بأحلى الدلع واحلى التباهي
يا عساني صرت بعيونك محطتك الاخيره

ويا عسى ربي يسامحني لا مني صرت لاهي
وأن يهونها علي لا صارت الدعوى كبيره


لـ هادي ال مخلص

المصدر: منتديات تراتيل شاعر - من قسم: ديوآن آلقصيد ▪●

---

hghj[hi hgluh;s

قصيدة جميلة وابيات رائعة
ذائقة شعرية مميزه
سلمت الانامل على الانتقاء
بنتظار جديدك بشغف
مودتي

صح لسان شاعرها
لكم منى الشكــــر اجزله ... ومن التحيه أخلصــها
علي جهودكم

كل الشكر على طرحك الرآئع
وفي انتظار ابداعك القادم بكل شوق
لك وافر التقدير