خربتها

خربتها

خربتها

خرّبتها والحين جيتك و لو كان
منْك الخطا كلّه بدا وانت داري

ياخي تراني صدق بالحيل ولهان
ساحب على اللي جاب للثقْل طاري

تصدمني بْهجرك ولا حسّ بـ حْزان
اصبر و واسي ضيق بالي واداري

درب الهوى ما فيه كاسب و خسران
دام الحبايب بين بايع و شاري

يجلط خفوقي كلّ حاسد و خوّان
اللي يحاول يبعدِك عن مساري

يا ناعس العينين يا زهْر الاوجان
اشكر جمالك و بْجمالك أماري

بين النعومه و الحسِن مظهرك بان
قمريةٍ متبختره فالقماري

مثل الخمِر ريقك وانا منْه سكران
لذة شفاتك للسعادة تباري

ضفني لـ قلبك جيت للوصْل شفقان
في ليلة الأثنين من شوق ساري

ابغاك تاخذني غلا بين الاحضان
نطفي من الاشواق نارك و ناري

من ضمّتك بآقول ( ودّي من ازمان )
يا ليتي في ديرتك وانت جاري



ثنيان الثنيان

المصدر: منتديات تراتيل شاعر - من قسم: ديوآن آلقصيد ▪●

---

ovfjih