قصيدة اسير

اسير , قصيدة

قصيدة اسير

حبيت اشاركم اليوم بقصيده لأسير من الغزو العراقي البائد واهيا مشهوره تقريبن ولاكن حبيت انقلها لكم كانو جالسين العصر وشاف له حمامه وتهيض خاطره وقال
واهيا للشاعر

فالح سالم بن مسفر العازمي
=====
لا واهنيك يا حمامه تطيرين
وسط الفضا واللي تبينه تجينه

وانا بسجنِ من حساب الاسيرين
من حط وسطه جعل ربي يعينه

امانتك روحي لدار العزيزين
ودي سلامي كل حيِ تجينه

قولي ترنا في رجا الله وحيين
واللي كِتب للعبد شافه بعينه

هذا القدر واحنا القدر فيه راضين
ودون القدر ماحدِ تفكه يدينه

نطلب من اللي له عباده مصلين
عالم خفايا ما تخفي سنينه

انه يعجل بالفرج قبل يومين
ويفرج لشعبِ بيّح الله كنينه

ما ينفعك يالعين لو كان تبكين
كثر البكا ما يرجع اللي تبينه

لا واهني من شاف غاليه بالعين
عقب البطا شاف ( الصغيّر) بعينه

عاش وتهنّى وسط ربعِ عزيزين
من عقب ما اخذه العراقي رهينه

صدام كان الغدر في ملته زين
لابد ما نقلب عليه السفينه

بقيادة اولاد الصباح الحكيمين
ريف الضعيف اللي تحده سنينه

المصدر: منتديات تراتيل شاعر - من قسم: ديوآن آلقصيد ▪●

---

rwd]m hsdv