المساجله الشعريه

‏تطري علي واشتاق لك واتخيلك
‏وانسى منامي وألتهي في خيالك.

ك

تغيب ؟ ويغيب الليالي قمرها
‏عجزت احايل دمعتي بـ الأساليب

‏إلى متى ؟ والنفس تشكي كدرها
‏واشتاق واناديك وتصد وتغيب

ب

‏بعض العرب لا قابلك يشرح البال
‏وبعض العرب شوفه يسد الشهيه

ه

هو عاد باقي على الدنيا مثل وجهك ؟
يلقى به .. اللي مايلقى في وجه ثاني
من يفقد النور . . شافك نور واتّجهك ،
انت آخر اللي بقى من النور الانساني
لشاعرها
ي

‏يا طيّب السيره بـ قلبي مـقرّك
‏لا يشغلك جور السنين وكدرها

‏ابشر لك بوقفه عظيمه تسرّك
‏اتوقّف ب وجه الليال و خطرها

ا

المكتفي فيك . . لو كثرو جماهيره
يشوف فيك الشعور اللي محد قدّه

ھ

هذا تعبيري وحرفي وما اشترى
وهذا خطي والكتابه في العمود

د

دامت الأفراح والخاطر الزين
ويعيد عيدك كل عام وتهنين


ن

نهيت النفس عن بوحي ومن صمتي بنيت اسوار
تموت الآه في جوفي ولا تهتز اسواري

ي

‏ياما هقينا فـالاوادم وياما
راحت هقاوينا لا هاذي ولا ذي.

ياصاحبي حنّا ما حنّا يتاما
بس الليالي تطوي عزومنا طي.

ليت الليال القادمة والقداما
ترفق على الوافين وتهدّي شوي.

ي