عبر عن حالتك النفسيه ببيت شعر...متجدد

ارفع يدينك للسما وقول يارب
تستر عيوبي والذنوب تغفرها
في ساعة فيها تنزل وتقرب
فيها النفوس المؤمنة تنتظرها
يارب ننهل من عطائك ونشرب
تسقي القلوب الضامية وتغمرها
وتجعل لنا من لاهب النارمهرب
نستوطن الجنة وناكل ثمرها
ماخاب من يرجيك ياكاشف الكرب
تقبل دعانا يامقدر قدرها

بوحي

‏يوم رحتي .. مابقى عندي سوالف
كنّي وادعت الحياه .. وجيت موتي !
_
كان اسمك خنجر بصوتي وخايف
لو انادي : تقطعين حْبال .. صوتي !

عويّد الحجيلان ..!

الحشرجة في الحب ماتعني الموت
تعني كلام في الهوى ضاع نصه
هرج تعلق بين الأنفاس له صوت
بوح تعثر بالحـــيا فــيه غـصه
صوت ينادي بالحشا وسط تابوت
تمكنت منه المشاعر ترصه
وده يبوح بداخله شي مكبوت
بس الخجل لخبط مفاهيم نصه
شاعرويكتب في هوى قطعة التوت
يمكن قصيد الشوق يلقى منصه

بوحي

‏*

مالله خلق عبده على شان ينساه
أرتاح دام لكل ذو حق .. حقه !

حط الامل إلى تضايقت بالله
ويعطيك ربي فوق ماتستحقه

فهد بن سهل ..

لاملت الخطوة من الدرب ترتاح
لاصار درب البعد كله كلافة
كم واحد يتبع سراب اذا لاح
يركض ولوبينه وبينه مسافة
ماياصله وان مل في ماقفه طاح
مصير حاله للتعب والكسافة
وانا عن المشوار وقفت ياصاح
من خوف يلحقني ملام وحسافة

بوحي

قالوا علامك كل ماحل طاريه..
تنسى البشر حولك وتذكر خياله.

قلت إنشدو قلب ليا غاب يرجيه..
قلب بعد فرقاه واعزتاله..

قالو علام القلب متولعن فيه..
دور لعل القلب يلقى بداله..

قلت الغلا ماهو على كيف راعيه ..
لو الغلابالكيف قلنا حلاله.

يسأل عليك اللي من الناس يغليك
يسأل ويرسل ما يبي.. غير ردك

سلام والخافق من الشوق يطريك
مشتاق لك ليت.. (الرسالة تشدك)

-


يامالك الـملك يارحمن سبحانك
لي خمس دعوات ياربي تحققها .
جودك وسترك عافيتك وغفرانك
والخامسه روحي من النار تعتقه

الي سهر متلحف بارد الجو
في ليلة فيها وحيد لحاله
على صليب القاع جالس بلاضو
يشكي خليل بالهوى ماصفى له
هواجسه يلعبها الليت واللو
مثل الضعيف الي غدا راس ماله
بوحي

لك في عروقي صوره من تمامك
راسمك في متحف غلاي وفنوني
ما اقول غير الله يحفظ مقامك
في خافقي يا بعد حيي وكوني