عبر عن حالتك النفسيه ببيت شعر...متجدد

ياللي وزنت البيت وزانت معانيك
بانت خوافي القلب وماكان مكنون

وش فايدة عمـرن بليا طـواريك
من دونك يالغلا حياتي بلا لون

ماطاحت دموعي على الخد رغبه
غصب على جدين صبري تهاوت
من فوق صخرات التجلد تصبه
على بياح السد فيني تخاوت
الصد والنكران والهجرسبه
وجروحناالي كثارفيها تفاوت
ان جت من بعييدين ياقلب كبه
لامر فيها وقت فيني تشاوت
لكن من لاقراب وش لون طبه
طعنة ذياب الموت فيهاتعاوت
بوحي

يامـا ترددت مدري كيف.. بشرح لك
أجيك وارجع .. أبيك تقول وش جابـك

رغم ( ابتعادي ) عن مراسيء تلاقيك
تبقى على ضفـــة فؤادي سفينه
.
أحيان اشوفك في خيالي وانــاجيك
وأحيان فصل الشوق يمطر حنينه

مشغول بالِي ولا أدري وش مضايقنِي
حزينه وَ الحزن مدري وش هي أسبابه

أحس كِن الدمُوع بَصمت تخنقنِي
و أحس كِني صغيره وَ ضايعه في غابه

ياليل ياجامع على الود قلبين
عطنا على ماقلت صدق الوعايد
لم الغلا واجمع شتات المحبين
واجمع قلوب اهل الغرام البعايد
مايجتمع بالييل يالليل بردين
برد الشتا والبعد ياليل كايد

بوحي

تعال احتاج اسولف لك عـن الايـام واشكـي لـك
وافض غيم الحزن وانثر حنيـن الشـوق بقبالـك

تعال وحـط فـي قلبـي همـوم الفرقـا واشيلـك
لان القلب ماهو قلب اذا فـي نبضـه مـا شالـك

ترا الحنين احيان يجبر على البوح
ويصير صوت البوح اقوى من الصمت
بعض الغلا في داخل الروح مفضوح
يبين في عينك ولو ماتكلمت
بوحي

يانجمة الليل يابعدك وياقربك
ابعد من البعد واقرب لي من انفاسي
اسامرك ضي واحلامي على دربك
واناظرك فوق والقى فالسما ياسي
مدري على النور اكتب سالفة حبك
والا سما البعد ماتستوعب احساسي

بوحي

عندي سؤال لك ودي اسأله
ليه في بحر عينك تغرق كل البحور
ولا بديت معك الكلام ما اكمله
احسبها صح ترى مافيها كســـور
اسهل من الاسهل حل المسأله
عايش وسط ظلمه ولقيتك النور
انسان فقد نفسه وشافك هله
الا يا بعد كل غايبيني والحضور
باب يجي منه الزعل تكفى اقفله
لاتروح بك الافكار بعيد وتدور
صدقني كل مافيني شوق و وله