روايةأما غرام يشرح الصدر طاريه ولا صدووود وعمرنا ماعشقنا/2

هديل\وش بتسوي بكل هذا التمر..يعني هم ياكلونه هنا؟؟يعرفونه؟؟
غازي\ايه يعرفونه ويعرفون دبس التمر..
هديل\مزرعت أبوي ماكان فيها نخل بها الكثرة بس مزرعت خالي كانت تقريبا مثل هذي..
كان علاوي أخوي هو اللي يطلع النخل ويقطع التمر وحنا نتفرج عليه..
محمد كان يحاول يتعلم بس ماكان فيه فايدة دووم يتفركش ويطيح..وحنا نضحك عليه..

كان تتكلم بشكل عفوي غافلة تماما عن الشخص اللي بجنبها من يكون..أو وش يكوون..
ما أنتبهت لعيوونه اللي كوتها بنظرات جحيمية..
لحتى حست بالهواء ينكتم بصدرها..من شدة ضغظ يده على فمها..
ربما كانت هذي الطريقة هي الاسهل عند غازي انه يكتم حديث هديل ويسيطر عليها..

غازي بحدة\وش قلنا أمس؟؟
هديل تحرك راسها برعب يمين وشمال ويدينها على يده تحاول تبعده عنها..
ثبت راسها على كتفه وشد على كف يده الضاغط على فمها..
غازي\ماتعرفين واحد اسمه علاوي ولا محمد ولا أبوي ولا خالي صح ؟؟
هديل تشد على يده تبي تبعده عنها لانها مو قادرة تتنفس وصارت تتخبط بين يديه من الرعب..
غازي\فاااهمة؟؟ماتعرفين غيري أنا وبس..مالك غيري انسييييهم..
بعد يده عنها وهي بعدت عنه بشكل سريع وهي تتنفس بقووة نزلت اللثام وصارت تسعل بشكل متواصل..
حست بدموعها تتجمع بعيونها بس هي حلفت بعد اللي صار امس ماتبكي قدامه..
كانت تبي تثور عليه وتهاوشه بس شافت من الأفضل لها تسكت وماترد عليه..
لأنه كان معصب وممكن يرجع ويضربها ويمكن يذبحها..
عدلت حجابها اللي ارتخى من شده عليها وجات بتثبت لثمتها بس سمعت صوته الامر من وراها..
غازي بحدة\نزليه..
هديل وقفت ولفت لثامها على وجها..والتفتت عليه بعيون رافضة تنزل الدمع..شافته يقرب منها..
هديل تراجعت\لاتستقوي علي بفرد عضلاتك..وأنت تدري اني ما أقدر عليك..
غازي وقف بمكانه قريب منها وعيونه بعيونها..
غازي\شيلي لثامك ما أبي اشووفه..
هديل بغصة\ماراح اشيله.
غازي مد يده ونزل لثامها وهي نزلت عيونها في الأرض وبعدت عنه خطوتين..
هديل وعيونها با الأرض\بتندم..أوعدك لأخليك تندم على كل شيء..
غازي متوجه ل السيارة\لازم أرجع عندي شغل..
هديل بهدوء\بأرجع على أرجولي..
غازي يناظرها\جهزي نفسك من بكره أول درس على الفروسية..
هديل\ما ابي أتعلم فروسية ولا ابي اقرب من الخيل ولا ابي أظل معك..
غازي\أمراً لا فضلاً..

ما أنتظر ردها ولا اهتم لاعتراضها ركب السيارة ورجع على نفس الطريق..
تنهدت ومشت على نفس الطريق اللي مشت عليه السيارة..ماتبي تظل معه..
قررت ترجع القصر على أرجولها ماتبي صحبته ولا تسمع أنفاسه..
محتاجة أرتااح منه ومن أوامره ال****ة اللي تشبهه سفييييييييييييييييييييه متخلف..
لا ويبي يعلمني على الخيل غصب هو غصب كل شيء عنده اجباري..
كانت تدري ان القصر بعيد عنها بكثييير فقررت تمشي على مهلها..
وخصوصا أن الجو مرررة روعة صح بارد بس حلووو والغيووم حاجبة الشمس مثل كل يووم..
ما أذكر مرة شفت السماء صافية من الغيم..الله على الأجواء الخيالية..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛


كانت جالسة على الشرفة الخارجية للقصر والغضب مسيطر عليها..بعد مقابلتها لماكس والفتاة المحجبة
في الصباح كانت ناوية تترك المزرعة لكن ماريا لم تسمح لها بهذا الشيء..
وهذي هي ألحين جالسة تنتظره يرجع وتتفاهم معه على معاملات الطلاق اللي لازم يبدون فيها..
كانت تعنف نفسها لأنها جات هنا..لو تركت المحامي يأتي الى هنا أو يتصل ويتفاهم مع ماكس
على امور الطلاق لما أضطرت أبداً لانتظاره بهذا الشكل..

شافته وهو جاي من عند اسطبلات الخيول..ذكرت نفسها انه من الأفضل لها تظل هادية..
وماتسمح له يثير اعصابها وغضبها بتهكمة وسخريته منها..
جلس على الكرسي المقابل لها..

ماكس\حسناً أيتها المصممة المشهورة هل تناسبك المزرعة؟؟
صوفي\عشت طفولتي ومراهقتي بهذا المكان فكف عن السخرية التي لا تشبه أحدا سواك.
ماكس\لاتقولي بانك تفضلين الريف على المدينة..
صوفي بكذب\با التاكيد أفضل المدينة فهناك قضيت أجمل أيامي بعيدا عنك وعن مزرعتك التافهة..
ماكس\قضيتها مع أصدقائك الأثرياء أمثال جوني..
صوفي بابتسامة\نعم مع أصدقائي الأوفياااء وهذا شيء أنت لاتعرف معناه..
ماكس\بكل تأكيد انا لا أعرف معناه الست أكثر رجال الأرض خيانة وغدراً..
صوفي\ألا تشعر بالخجل من وصف نفسك بهذا الوصف؟؟
ماكس\حسناً انتي لم تخجلي عندما وصفتني بالخائن والفاظ أخرى لاتستحضرني الان..
صوفي\لم اكن مخطئة بأي منها..والان ماكس هل الفتاة المحجبة مغامرة جديدة في حياتك..؟؟
ماكس بابتسامة\فلنقل بأنها تجربة فريدة جداً لن تكرر أبداً وأنا سعيد جدا بوجودها..
صوفي\هل تعشقها حقا؟؟هل خنتني معها؟؟
ماكس\اياكي أن تتهميها بأفكارك المجرثمة..بالنسبة لي هي صديقة مقربة جداً..
وغالية على قلبي فلاتتجرئي على الاساءة اليها..
صوفي\تدافع عنها بقووة لم تدافع بها عن نفسك.
ماكس\ما اللذي أعادك الى هنا صوفي؟؟
صوفي\لم أعد لأجلك..بل عدت لأجل نفسي.
ماكس\هذا ليس باالأمر الجديد علي..فلطالما فضلت نفسك على الجميع..
صوفي بغضب\اياك أن تتهمني بمساوئك..لقد كنت زوجة محبة مخلصة متفانية بكل شيء..بينما انت كنت
خائناً مهملاً تضعني دوماًعلى الرف وتذهب وعندما تعوود تكون واثقا بوجودي امامك..
ماكس\لم أحرمك من شيء أبداً..
صوفي بمرارة\أولم تفعل؟؟حرمتني من أغلى أمنية على قلبي..
ماكس\لم أكن جاهزاً لأصبح أباً..كان لدي الكثير من المشاكل اللتي تجهلينها..
صوفي بقهر\أجل أعرف مشاكلك جيداً..فلو أنت أصبحت أباً لطفل لاتريده من امراءة لاتريدها..
فهذا سيقيدك اليهما دائماً فتصبح مجبراً على ترك عشيقاتك..
ماكس\لازلتي كما انتي تحيكين القصص وتصدقينها..
صوفي\كان لديك الفرصة ماكس لاثبات برائتك المزعومة..ولكنك كنت مشغولاًجداً أليس كذلك..
فلم تمنح حياتنا القليل من وقتك الثمين..
ماكس\يالي من رجل أعمال سيء جداً..
صوفي توقف\لن تأخذني على محمل الجد أبداً..لاتزلت تعتقد بأني لا أستحق أدنى اهتمام..
حسناً ماكس أريد الطلاق فكلم المحامي يبداء باجرات الطلاق قريبا..فأنت لاتستحق التردد أبداً
تركته متوجه لداخل القصر ونظراته تتبعها..
ماكس\أيتها الغبية المدللة لن أدعك بسلام..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛

أم علي\وين تبي يا أمي ..تبي تسافر وتخليني تبي تترك هلك يا هادي؟؟
هادي يقبل يدها\يومه تكفين عن الزعل والضيق..محتاج أسافر يومه..دراستي توقفت بعد
اللي صار وهروبي من المملكة فاتتني المدة المسموح فيها..
أم علي\وانا يومه وش يصبرني على فراقك..وش يصبرني على فراق هديل؟؟يوم اني فاقدتك
كنت اشوفك فيها..ويوم اني فقدتها اشوفها فيك..
هادي\يومه لاتزيدينها علي تكفين..
أم علي تبكي\أنت واياها ناوين تحرقون قلبي ماتجتمعون بحضني اثنينكم..هي ماتت ولا يلحقها عتب..
وكم تمنيت لو اضمكم لصدري مثل يومكم صغار..بس ربي ماقدر ياهادي..
هادي يمسح دموع أمه\الله يرحمها ويوسع عليها ترحمي عليها يومه لاتحرقينها بدموعك..
أم علي\لاتخليني يومه لاتخليني..
أبوعلي\خلي الولد يروح يكمل دراسته ولا تبينه يظل من دون شهادة وشغل.
أم علي\يروح أنت موافق له يرووح ؟؟
أبوعلي\ايه لازم يروح ويدرس الى متى تبينه يظل هنا لادراسه ولا شغل..
أم علي\ليييه وأنا لحقت أفرح فيه هذا خذاه المووت مني ورده..مااات سنة ورجع من الموت..
ما ابيه يروح عني ويبعد..
هادي يضم أمه\يومه صلي على النبي وش فيك مكبرة الموضوع؟؟
علي\يومه الله يصلحك وش ذا الحكي..المهم انه بخير وبين فترة وفترة يجي يزورنا..
هادي\ايه يومه بارجع لكم ودراستي ماهي مطولة ..
أم علي بقهر\ماهو بتبعد عني..ماهو بتغيب با الاشهر والسنين..ووصلك لي بيكون تلفون وكلمتين
وين أصبر يا أمك وين أصبر؟؟ يوم انفجعت فيك صبرتني اختك بعد ربي..
ويوم اني فقدت اختك افقدك وافقدها فيك..وش مقسيكم علي ياعيالي وش مقسيكم؟؟؟
أبوعلي\يامره اذكري ربك وصلي على نبيه الولد بيكمل دراسته ويرجع..وكنك تبين تروحين معه
روحي وغادة معك..لاتقهرينه فوق القهر قهر..
غادة\يومه فديت روحك أنتي المصلية الصايمة احتسبي أجرك عند رب العالمين..
تبين هادي يبطل عن دراسته ويجلس معنا هنا..ثم وبعدين وش يصير يكبر وتمشي الدنيا وهو جالس..
لادراسة ولا شهادة ولا وظيفة..ترضينها عليه ترضينها يومه؟؟
أم علي\لا والله ما ارضاها له..مير اني ملييت الصبر وكرهت انتظاره كرهت انتظارك ياهادي..
هادي يقبل يدينها\متى مابغيتيني تلقيني قدامك..بس لاتخلين الزعل يتحكم فيك أنتي راعيت سكر يومه
والزعل ماهو زين عليك..

أم علي\الله يرجعك بالسلامة يومه..والله ماني قادرة على فراقك مير الله يصبرني..
غادة\يومه المهم انه يكون بخير وسلامة ولا البعد مقدوور عليه..ان ماجانا نطب عليه..

أبوعلي\غادة يوبه بعدك تبين تروحين معي ؟؟
غادة تمسح دموعها\ايه يوبه بأروح معك انتظرني شوي..
أم حسين\ويين بتأخذها ياحسين؟؟
أبوعلي\قالت تبي المكتبة عندها كم غرض ناقص عليها وهي محتاجه تروح..
أم حسين\غدووة تعالي جيبي عباتي بأرووح معك.
أبوعلي\يومه الله يسلمك وين تروحين تعب عليك..
أم حسين\لامابه تعب أبي أطلع وأشم هواء
هادي\أنا اطلعك ياعسوولة أنتي ياعسل .
أم حسين\مالك شغل فيني يالضب بأرووح مع ولدي..
غادة\يومه يمكن نتاخر المكتبة مو قريبة من هنا..
أم حسين\تبين تروحين بالحالك بأرووح معك..
أبوعلي\براحتك يومه تعالي معنا..

طلعوا من البيت وأبوعلي ضايق من تصرفات أمه اللي ماهي مطمنته أبد..
من بعد غياب هديل وأمه ماتخلي غادة تطلع بالحالها معه أبد دائما تطلع معهم وتتحجج بألف حجة..
هذي ثالث مرة تسويها..وهذا مضيق خلقه..
ماعاد تأمني على بناتي..وكأنها حاسة باللي سويته في هديل..
لاحول ولاقوة الا بالله..والله يومه لو يرجع الزمن لأكون ذابح هادي وسلمان بيديني..
ومخلي بنتي بحضني..

*,


سلمت الآكف ومَاجلبت
إبداع دآئم وتميز مُستمر
لا عدمنَاك /

طررح يفوق آلجمآل ,
كعآدتك إبدآع في صفحآتك يعطيك آلعآفيـه
بِ إنتظآر المزيد من هذآ الفيض

كل الشكر لهذا الإبداع والتميز
لك مني كل التقدير
وبآنتظار روائع جديدك بكل شوق

طرح رائع
سلمت يمينك ولاننحرم من مواضيعك
الراقيه
يعطيك العافيه