رواية ورود الامل برائحه الالم روايه كامله/3

الكومدينه وطلعت صورة تركي تأملت ملامحه بحب ونزلت دمعه على خدها:لو تعرف ياتركي شكثر أحبك؟؟مافكرت تتركني لحظه وحده بس باست الصوره وضمتها لصدرها نزلت بنفسها إلى ان صار جسمها متمدد بالكامل بعدها غمضت عيونها ونامت والدمعه على خدها نرجع للرياض عاصمتنا الحبيبه وبالتحديد نرجع لأزواجنا الجدد لكن مو أي أزواج ... أزواج بدت حياتهم بهواش وصراخ وعصبيه على أعظم شي في الزواج{الحب} الوليد فتح باب الشقه راجع من صلاة الفجر دخل الغرفه وشاف غيداء على وضعها من أمس تركها وطلع ملابسه ودخل الحمام ياخذ له شاور ... غيداء قامت من النوم وناظرت المكان وهي عاقده حواجبها بعدها تذكرت أمس وحست بضيقه غير طبيعيه ناظرت الغرفه الفخمه بأثاثها الأنيق وألوانها المتناسقه وجرارها وتحفها الغاليه وتنهدت وش فايدة الفلوس مادام الحب مو موجود قامت من السرير ناظرت شكلها في المرايه(الله يستر عسى ماشافني الوليد وأنا كذا والله ليرتاع)ناظرت رجليها مافيه صندل معناته شافها سمعت صوت المويه في الحمام أكيد يتروش جلست قدام التسريحه فكت طرحتها ولاحظت ان فيه بنس مفككه ابتسمت أكيد حاول يفكها وماعرف مسحت مكياجها بالمنديل المخصص بعدها بدت تزيل المناكير الوردي الفاتح على لون المسكه ... في هاللحظه طلع الوليد من الحمام لابس شورت كروهات بني وتدرجاته وروبه فاتحه وماربطه وعضلات صدره الواسع باينه ... غيداء توترت وماقدرت تقاوم والتفت وياليتها ماالتفت انصدمت من شكله لدرجة فمها ماقدرت تسكره حمر وجهها بعدها التفت على طول ... الوليد ابتسم على خجلها ومد ايده بيفصخ الروب ... غيداء وقفت ودخلت الحمام بسرعه ... الوليد ضحك عليها:هههههههههههه فصخ الروب ورفع الفوطه الصغيره ينشف شعره ناظر شكله في المرايه شعره طال إلى نص رقبته خربشه بايده بقووه وناظر شكله في المرايه وضحك على كشته:هههههههههه مشطه وجلس يطلب الفطور ... غيداء طلعت من الحمام وعليها روب حمام طويل لأخر ساقها ولافه على شعرها الفوطه ناظرته هي ترتبك من شوفته خلقه وهو يحرجها بهاللبس الوليد سكر السماعه وابتسم بعذوبه:صباح الخير غيداء دق قلبها بقوه وانمغص بطنها من ابتسامته لكنها طنشته:......... الوليد عصب لكن عذرها اللي سواه مو قليل:بدلي على مايجي الفطور غيداء مطنشته وقاعده تدهن جسمها بلوشن مرطب:........... الوليد: متى ودك تكون طيارتنا لدبي؟؟ غيداء:............ الوليد قام ووقف وراها مباشره وناظر صورتها المنعكسه على المرايه:شمعنى أخترتي دبي؟؟ غيداء ارتبكت من قربه وصارت أطرافها تنفض:.......... الوليد لاحظ ربكتها مسك أكتافها:غيداء شفيك؟؟لهدرجه تكرهيني غيداء بعدت ايديه بهدوء ووقفت وقالت بارتباك:رجاءا لاعاد تطلع بهاللبس مره ثانيه الوليد مسك شورته بايد ورفع كتف واحد:أنا متعود ألبس كذا إذا كنت في غرفة نومي غيداء(مايحس هالإنسان أنا استحي):........ الوليد قرب منها وحط ايده على كتفها وابتسم:ماقلت لي شمعنى دبي اللي اخترتيها؟؟ غيداء:.......... الوليد مسك دقنها ورفع راسها:تحبينها؟؟ غيداء لمعت عينها وناظرته:ليش تسوي فيني كذا؟؟ الوليد ارتبك من دموعها بعد عنها وخلل شعره بايديه بتوتر هو مايحب يشوف دموع الحريم نقطة ضعفه دموع المرأه:............ غيداء نزلت دموعها:ليه تزوجتني اذا كنتي ماتبيني؟؟ الوليد:غيداء اسكتي غيداء طنشته وقربت منه:أنا شسويت لك؟؟ الوليد سد اذنيه:خلاص غيداء بعدت ايديه:ليه ماتبي تسمع؟؟ليه تهرب من الحقيقه؟؟ الوليد لف عليها وناظر في عيونها مباشره ووجهه صار قريب من وجهها لدرجة انها صارت تحس بأنفاسه برقبتها وقال:غيداء افهمي أنا طلقتها بالسبع تفهمين وش معنى بالسبع؟؟يعني محال أرجع لها خلاص انسيها غيداء دقات قلبها صارت طبول وتنفسها زاد بطريقه ملحوظه قالت بتلعثم من الارتباك:ط....ط ط طيب ليه....ليه ماعلمتني انها....انها ماتوفت؟؟ الوليد بعد عنها وابتسم:يمكن لأني بديت أميل لك<<كذاااااااااب غيداء ابتسمت وقالت بدون وعي:جد!! الوليد:إيه ... غيداء أنا ماراح أكذب عليك وأقولك إني نسيتها لا مانسيتها لأنها كانت زوجتي فتره بس أبغاك تساعديني أنساها ... غيداء أنا تزوجتك لأني كنت معجب بأخلاقك وأدبك_مسك ايديها_توعديني تساعديني؟؟ غيداء بطيبة قلبها المعتاده ابتسمت:أوعدك الوليد حضنها بقوه يرحمها يحس انه ظالمها ... غيداء تعودت على أحضانه المفاجئه ماعاد صارت تستغرب ... الوليد بعد عنها ناظرها وابتسم:ماقلتي ليه اخترتي دبي بالذات؟؟ غيداء:هههههههههه الوليد يحاول يأقلم نفسه لف ايده اليمين على أكتافها وقربها لصدره المكشوف ومشى معها للكنب:لاجد ليش؟؟ غيداء حمر وجهها وقالت بصوت وااااطي:امممم ماأحب أسافر مدن أجنبيه .. أنا

ماقد طلعت برا السعوديه الوليد رفع حاجب باستغراب:أوما!! غيداء ابتسمت(يهبل بكل حالاته) وقفت:أنت شكلك فاضي وأنا أبغى ألبس وأجفف شعري مشت للتسريحه وفكت الفوطه ... الوليد يراقبها مبتسم ... غيداء اربكتها نظراته قالت عشان تشتت نظراته:بس لاتظن انا ماطلعنا من السعوديه فقر لااا بس يمكن لأنا عايله متحفظه شوي ومانهتم بهذا الأشياء الوليد اكتفى بابتسامه وهو أصلا مو معها ولايدري أصلا شتقول يفكر في مستقبله المجهول معها:....... غيداء ناظرته يعني اطلع بألبس ... الوليد فهم عليها وقف وقال:يلا انتظرك برا عشان نفطر سوا وطلع غيداء قالت بسرعه:ماراح تغير!! الوليد صرخ من الصاله:مرتاح كذا غيداء بدت تبدل ملابسها وهي مبتسمه وترسم أمال وأحلام لحياتها مع الوليد نتركهم يفطرون ونرجع لغرب المملكه في جده رجع تركي من الجامعه ودخل شقته ومافي باله غير السرير سلم أبحاثه وخلصها ألحين بينام أول مادخل طاحت عينه على صينية الفطور(ياالله لازم أرجع لها أغراضها ... بالطقاق بأنام أول بعدين يحلها حلال)... وفعلا طنش الصينيه وراح لغرفته ورمى بنفسه على السرير ونام بملابسه من التعب الوليد وغيداء بدلوا وكشخوا صلوا الظهر ومشوا للقصر مع سايق الوليد الخاص .. وصلوا للقصر ودخلوا داخل .. عبير أول ماشافتهم ارتبكت وقالت للعنود اللي على الجوال:آآآ....أوكي أحاكيك بعدين أنا مشغوله ألحين العنود بصوت مبحوح من البكي وتعبان من الهم:أوكي عبير:مع السلامه_سكرت والتفت لهم وقالت باستهبال وهي تدق على الطاوله_ومبارك(ن)عرس الاثنين ليلة ربيع وقمرا غيداء ساكته تناظر القصر بانبهار وصدمه هي كانت تعرف عن غناء السجيدي والفلوس اللي يلعبون فيها بس ماكانت متوقعته لهدرجه .. الوليد حس من ارتباكها انها تكلم العنود بدت دقات قلبه تتزايد وصور العنود بكل حالاتها تمر بمخيلته عبير تكمل:ومبارك(ن) عرس الاثنين ليلة ربيع وقمرا غيداء ضحكت والوليد قال بنص ابتسامه:بدري ترا الزواج أمس عبير سلمت عليهم وهي تقول:يجوز كل شي يجوز من الفرحه جلسوا وبدوا يسولفون وعبير بس تحرج غيداء الوليد يحاكي عبير:وين أمي؟؟ عبير عضت على اصبعها:يي قالت لي ناديني اذا جو ونسيت أقولها الوليد:والله من القرق الزايد من قعدتي وانتي تحكين عبير وقفت:قل ماشا الله ياخوي .. خلاص باروح أناديها الوليد وقف:اجلسي وأنا بأروح أناديها وطلع عبير:أوف مابغى يذلف_قامت وجلست حنب غيداء وقالت بحماس_بشري!! غيداء عقدت حواجبها:وشو!! عبير:هذا وانتي متزوجه مافهتي مشكله غيداء فكرت شوي بعدها صرخت وضربتها:ياوصخه عبير:ههههههه بدري غيداء حمر وجهها:وجع عبير ابتسمت بخبث:هاه بشري!! غيداء وجهها حمممر:وجع شتبيني أبشرك فيه؟؟ عبير:قولي كل شي بالتفصيل غيداء غطت وجهها:عبير اسكتي عبير بعدت ايديها:طيب صار شي؟؟ غيداء:عبير ووجع استحي شوي عبير قربت أكثر:خلي عنك دلع البنات واحكي_بحماس_شصار؟؟ غيداء قالت تسكتها:ماصار شي عبير:العبي غيرها يلا بس انطقي غيداء:والله أقسم بالله ماصار شي عبير:والله ان أخوي ثقل غيره من أول مايدخل الغرفه يلا ***....... غيداء حطت ايدها على فم عبير:وجع عبير بعدت ايدها:عادي ياخي كلنا بنتزوج وبنسوي هالشي غيداء:لا أنا استحي عبير توها بتنطق بس قطع عليها دخول الوليد وأمها وهم يضحكون همست:خساره غيداء ضحكت وسلمت على أم الوليد وباست راسها جلسوا يسولفون وغيداء ملتزمه الصمت من الخجل وعبير بس تحرجها أذن العصر راح الوليد وصلى ورجع وهو يصرخ:غيداء غيداء كانت مع عبير في غرفتها من سمعت الوليد يصرخ نقزت ونزلت مع الدرج:سم الوليد قال بدون تعابير:سم الله عدوك يلا عشان نروح لأهلك والا ماتبين!! غيداء:إلا أكيد .. يلا بس_سكتت_ الوليد:بس ايش!! غيداء بتردد:أختك رؤى ماودعناها ولاسلمنا عليها الوليد:بكيفها انا جينا بس هي اللي مانزلت انا سوينا اللي علينا غيداء:بس كذا مايصير هذي أختك الوليد ناظرها بنظره بمعنى مالك دخل:......... غيداء بلعت ريقها:براحتك وراحت وهي تداري دمعتها الوليد ندم انه ناظرها هالنظره بس مايطيقها تنهد ومشى يودع أمه غيداء راحت تلبس عبايتها وهي متضايقه يعاملها عادي ماكأنها عروس عبير جتها وشهقت:بتروحون!! غيداء بصوت واضح انها ماسكه بكيها:إيه عبير حست فيها لكن ماحبت تضايقها .. لبست غيداء عبايتها وجا الوليد:يلا عبير مع السلامه عبير حضنته وهي ماسكه بكيها:تروح وترجع بالسلامه الوليد ضمها لصدره:باشتقالك عبير:وأنا أكثر والله غيداء حست بشوية غيره لكنها على طول ضحكت على نفسها .. عبير سلمت على غيداء وودعتها ومشت معهم توصلهم للباب وهم يمشون التفت الوليد على غيداء اللي منزله

راسها وتمشي وهي سرحانه وقال:ما سلمتي على أمي!! غيداء وهي على نفس حالها:الا سلمت علي قبل الصلاة عشان بتطلع ترتاح في غرفتها_سكتت شوي بعدها قالت_الحمدلله لاتخاف أهلي مربيني على الاحترام وشددت عليها الوليد سكت وفهم الدقه:....... عبير حست انه فيه فجوه كبيره بينهم وقفت عند الباب وغمزت للوليد بدون ماتنتبه لها غيداء الوليد قال يحاكي غيداء:اسبقيني للسياره غيداء سبقته للسياره:......... الوليد تنرفز من حركتها انها ماترد عليه بس غيداء ماعطته مجال يحكي طلعت بسرعه عبير التفت على الوليد:ليش كذا؟؟ الوليد سحب بلوزته من منطقة الصدر:ماأطيقها ياعبير ماأطيقها عبير:لا لا لا كبيره انك ماتطيقها الوليد ركى ذراعه اليسار على الجره الطويله اللي بجنبه وحط ايده على جبينه بتوتر وايده اليمين على خصره:مادري ياعبير مادري ماأحس بشي تجاهها كل ماأشوفها تجي صورة العنود في بالي بس أول ماأغلط عليها أندم في نفس اللحظه أحس إني ظالمها معي وأرحمها بس شوفتها تنرفزني_مسح وجهه بايده اليسار بتوتر_أنا تعبان ياعبير تعبان عبير خنقتها العبره:ماعليه ياولود حاول تأقلم نفسك الوليد:وأنا بأحاول عبير:إذا ماحبيتها في هالأسبوعين طلقها عشان ماتظلمها زياده الوليد:مستحيل أطلقها كذا بأحطمها_قرب منها وأشر بايده_عبير أنا اقرا الحب في عيونها لدرجة اني شكيت انها تحبني قبل الزواج .. وأنا مجرب بعد الحبيب مستحيل أرضاه على غيري .. طلاق مستحيل أطلق بأحاول أحبها .. غيداء خلوقه ومؤدبه وحنونه وحلوه وتنحب وأنا صارحتها ووعدتني تساعدني عبير حطت ايدها على راسها وقالت بطريقه مضحكه:ياويلي ويلاه كب العشا الوليد انفجر ضحك لأنه أساسا متضايق وبيضحك على أتفه شي:هههههههههههههههههههههههههههه عبير:يلا يلا رح تأخرت عليها نسيناها الوليد ابتسم:تكلمي عن نفسك أنامانسيتها عبير:أووه في تقدم الوليد:ادعي لي عبير:الله يوفقكم ويجمع بينها على خير الوليد:آميييييييييين توصين شي من دبي عبير:إيه ياليت تجيب معك شوي من موية البحر الوليد:أوه عاد عبير والبحر عبير:يالبى البحر أعشقه الوليد:ههههه يلا مع السلامه_باس جبينها_ عبير:انتبه لنفسك وحط غيداء في عيونك مابي أوصيك عليها الوليد:آفا عليك توصيني على حلالي مع السلامه حضنها على خفيف وطلع غيداء ابتسمت من كلام الوليد بعدت عن الباب وهي مبتسمه وكلمة الوليد ترن في راسها{طلاق مستحيل أطلق بأحاول أحبها .. غيداء خلوقه ومؤدبه وحنونه وحلوه وتنحب .. تكلمي عن نفسك أنامانسيتها .. آفا عليك توصيني على حلالي}تنهدت ورفعت راسها وغمضت عيونها(آآآآآآآه ياالوليد ماصبرني عليك إلا حبي لك .. قربك أهم شي عندي) الوليد جا من وراها:بوووووووو غيداء صرخت وحطت ايدها على قلبها والتفت عليه:بسم الله الرحمن الرحيم الوليد ضحك على شكلها:ههههههههههه غيداء ابتسمت لضحكته الرنانه:خوقتني الوليد:آفا ماتوقعتها منك ياخوافه غيداء دقات قلبها تزيد وترتبك من مجرد شوفته قالت:لا بس كنت مسرحه الوليد حط ايده فيها ايدها وانصدم من برودتها مقارنة بايده الدافيه مشى معها للسياره:من كنتي مسرحه فيه؟؟أكيد فيني غيداء:ههههههههه ياواثق الوليد رفع حاجب بغرور:يحق لي غيداء:أنا أشهد مسك ايدها وركبها وركب بجنبها بعد مافتح السايق الباب وتوجهوا لبيت غيداء الجوهره وبندر كانوا واقفين عند شباك الغرفه ينتظرونها الجوهره:وحشتني ال...... قطع كلامه السياره المرسيدس السودا اللي دخلت الحاره فتحت فمها وقالت بانبهار:الله يقلعه شهالسياره!! بندر:هذي مرسيدس مايركبها أي أحد الجوهره:والله مالقاها إلا غيداء وقفت السياره بجنب سيارة خالد وقال بندر:عقبال سيارتي يارب الجوهره:تحلم نزل الوليد ببطلونه السكني الجنز الأسود الباهت وقميصه الأسود الضيق ومفتوحه أزاريره الأوليه وموقف شعره البني المحروق سبايكي ولابس نظارته جورج ارماني الجوهره لصقت بالشباك:الله يل**** بندر شهق:عيب الوليد مد ايده وساعد غيداء تنزل بعدها مشوا للباب الجوهره جلست على الكنب وحطت ايدها على قلبها:ياويلي يخقق بندر:يلا بس خلينا نروح نشوف غدو ركضوا يتسابقون للدرج ولما نزلوا شافوا غيداء في حضن ندى ويبكون .. بندر ضحك على أشكالهم والجوهره صرخت وركضت لغيداء:غدووو غيداء بعدت عن ندى وابتسمت من بين دموعها:جوجو الجوهره ارتمت بحضنها وبكت .. غيداء حضنتها:وحشتوني والله بعد السلام والأحضان والسوالف اللي راحت وجت قالت الجوهره:الحمدلله والشكر أحد يروح لشهر عسل بدبي ويترك أوربا وطقتها غيداء:لامستحيل أطلع من الوطن العربي الجوهره تقلدها:الوطن العربي_كشت بايدها_مالت خليه ينفعك غيداء:هههههههههه بعدها دخل خالد وسلم عليها وودعها وطلعت مع الوليد وتوجهوا لطيارة أبو الوليد الخاصه عشان يطيرون لدبي على رغبة غيداء العنود متمدده على السرير ناظرت الشاشه توأم روحي تم الفصل نزلت الجوال وحطته على بطنها جت في بالها صورة الوليد وهو يأكل غيداء الكيك بصمت كان واضح انه متضايق تعرفه من عيونه حتى لوبين العكس .. عضت شفتها وغمضت عيونها نزلت دمعتها وشقت خدها بسرعه واختفت بشعرها نزلت وراها دموع كثيره بشكل سريع نفسها تحكي نفسها تفضفض ماتعودت تكتم تذكرت قبل سبع شهور ((فتحت عيونها ببطئ شديد وناظرت المكان اللي جالسه فيه بنظره ضبابيه كان أبيض في أبيض عقدت حواجبها(أنا وين؟؟ومين؟؟) طاحت عينها على الشخص اللي جالس على الكنب براحه ومغمض عيونه(مين هذا؟؟)ناظرت وجهه الأبيض وبعض التجاعيد اللي حول عينه ووجهه الخالي من أي شعره الا شعر حواجبه ولابس ثوب أسود وشماغ أحمر وعقال أسود<<بالله ... رمشت يمكن تختفي النظره الضبابيه

.. فتح الشخص عيونه وناظرها بعدها ابتسم ووقف وقرب منها:الحمد الله على السلامه العنود بصوت مبحووووح:أنا وين؟؟ قرب منها وحط ايده على جبينها وقال بحنان:ارتاحي ألحين وبعدين أفهمك كللللل شيييي العنود حمحمت تخفي البحه اللي في صوتها:أبغى مويه :حااااااضر ثواني ويصير عندك فطور مو مويه بس وطلع .. ثواني ورجع مبتسم ووراه ممرضه تدف عربية الفطور قربت العربيه منها وشالت الغطا الكبير اللي فوقها وبانت أصناف الفطور المعروفه جبن_عسل_زيتون.....الخ ناظرت الأصناف بعدها ناظرته:أبغى مويه بس وين المويه؟؟ :حبيبي ماينفع تشربين قبل الأكل الشرب بعد الأكل تأملته لثواني وقالت بحذر:أنت مين؟؟ ابتسم نص ابتسامه:ماراح أقولك الا لما تاكلي_قطع خبزه وغطها في العسل وقربها من فمها_العسل مفيد يلا خذت الخبزه وقالت باستسلام:أنا أأكل نفسي جلس على الكنب:براحتك رفع شنطه سودا وفتحها وطلع منها ملفات وأوراق ولبس نظاره وبدا يشتغل بتركيييييز ناظرته لثواني بعدها بدت تاكل خلصت الأكل والتفت عليه:الحمد لله .. يلا أنا مين؟؟ وين؟؟ ومين أنت؟؟ وليش ماأذكر شي؟؟ فصخ نظارته وصب لها مويه في كاس وقدمه لها وكل هذا بهدوووء:تفضلي ناظرته وأخذت الكاس وشربته كله بشراهه بعدها ناظرته:خلاااص تكلم جلس على الكنب بنفس الهدوء:أنا فايز الحراكي_أشر عليها باصبعه_وأنتي لمى_ابتسم بروقان_فايز الحراكي العنود فتحت عيونها بصدمه:اييييش؟؟يعني أنا بنتك!! فايز هز راسه بايجاب:yes العنود سكتت من الصدمه:...... فايز يكمل:صارك حادث وفقدتي الذاكره العنود همست:حادث .. فقدت الذاكره فايز:وانتي ألحين في أمريكا مكان سكنك العنود تحس انها في حلم وبتصحى مومصدقه اللي يصير:.... فايز قرب منها ومسك ايدها:لمي انـــ..... العنود سحبت ايدها بخشونه وصرخت ودموعها بدت تنزل:أنت كذاب .. تكذب علي .. أنت مو بابا .. قلي أنا مين؟؟_صرخت بصوت أعلى_تكلم فايز تغيرت نبرة صوت الهاديه:لمى اهدي خـــ.... العنود تصرخ بهستيريا:مين أنا؟؟ياكذاب يا# # # # يا# # # # أنت تكذب أنت مو بابا .. بابا وينه؟؟ دخلوا الأطباء والممرضات وحاولوا يعطونها منوم لكن العنود كانت تسحب ايدها وتحرك جسمها بأكمله فايز طلب من الأطباء يتركوها ونفذوا اللي قاله بطاعه .. العنود غطت وجهها تبكي بصوت عالي فايز قرب منها ومسح على شعرها وقال بحنان:لمى اهدي أنا أبوك العنود ناظرته:مادري ليش أحس انك تكذب!! فايز بلع ريقه:انتي فاقده ذاكره وتعبانه ارتاحي العنود تمددت على السرير ونااااامت)) غمضت عيونها وقالت بضعف:وينك يابابا اشتقت لك_مسحت دموعها_الله يرحمك قامت وغسلت وجهها وبدلت قميص النوم ولبست بيجاما ونزلت لأمها وهي مقرره تنسى الوليد وأيامه والأيام القديمه وتحط العنود القديمه ورا ظهرها وتصير العنود القويه اللي توقف في وجهه الدنيا اللي قست عليها كثيييييير.. في دبي نزلت طيارة السجيدي الخاصه ونزل منها الوليد ماسك ايد غيداء اللي كانت في قمة السعاده أما الوليد كان طول الرحله نايم لأنه مانام في الليل الا ساعتين بس .. ركبوا سيارتهم مع السايق الخاص وتوجهوا للفندق نص ساعه ووصلوا للفندق ونزلوا كانوا حاجزين في سويت ملكي في برج العرب دخلوا السويت وغيداء كانت طوال الوقت فاتحه فمها من فخامة المكان أما الوليد كان شايل هم هالأسبوعين اللي بقضيها مع غيداء وعاقد حواجبه .. أول مادخلوا للسويت غيداء فضخت اللثمه وبدت تتجول وهي منبهره .. أما الوليد جلس ورفع السماعه يطلب له عشا مبكر صرخ عشان تسمعه غيداء:نفسك في شي؟؟ غيداء وهي تمشي له:لا ... بس اممم بنجلس هنا!! الوليد ناظرها:ايه عشان ترتاحين ماتعبتي؟؟ غيداء بارتباك لاحظه الوليد:اممم أنا أحس لو نطلع أحسن أنا شبعانه نوم والطيارة ماشا الله مريحه وماتعبت الوليد سكر السماعه:براحتك ... طيب شرايك نطلع نتعشى في المارينا؟؟ غيداء ماتعرف المارينا:براحتك الوليد:أوكي بأخذ لي شاور وأبدل وأجي غيداء:أوكي أنا بأكلم ندى الى ان تطلع الوليد تأملها فتره بعدها باسها على خدها بسرعه وراح:...... غيداء تنحت شوي من الصدمه بعدها ابتسمت واتصلت على ندى:آلو ندى:هلا غدو غيداء:هلابك أبشرك وصلنا لدبي وألحين بالفندق ندى:ماشا الله الحمد لله على السلامه غيداء:الله يسلمك ندى:والوليد وينه؟؟ غيداء ابتسمت:يتروش بعدها بنطلع نتمشى ونتعشى ندى:هوه مسرع ارتاحوا أول غيداء بحماس:لا أنا أبغى استغل كل لحظه أبغى أتمتع ولاتنسين ان اسبوعين ونرجع ندى:اسبوعين!! غيداء:ايه عشان زواج رؤى أخته ندى:آها غيداء:وانتوا شعندكم؟؟ ندى:الجوهره طالعه مع صحباتها وخالد طالع مع بندر وأنا جالسه مع مجود_ناظرت عبدالمجيد وكشت بايدها_مالت من جلست وهي مقلقني زوجوني غيداء انفجرت ضحك:ههههههههههههه ندى:أقول غيداء صار شي بينك وبين الوليد؟؟ غيداء حمر وجهها وردت بعد فترة صمت بصوت وااااطي:لا ندى ضحكت على حياها:هههههه ليه هو ماطلب؟؟ غيداء بتموت من الخجل قالت بحزم:ندى ندى:شفيك اعتبريني مثل أمك .. طلب أو لمح؟؟ غيداء تذكرت أول ليله وتضايقت:لا ندى بصدمه:ليه؟؟ غيداء تلعثمت:امم...آآآآ ... مادري ندى:أكيد انتي مالبستي وكشختي غيداء بكذب:لا استحيت ندى:لا ياغدو لازم انتي لازم تساعديه غيداء:ان شا الـ..... وقفت عن الكلام أول ماطلع الوليد وهو لابس شورت بس هالمره قصييير مره شبر واحد بس حمر وجهها وارتبكت وبدت تدور بعيونها في المكان أهم شي ماتناظره:...... ندى:ألو .. ألو غدو معي!! غيداء بصوت وااااطي:ايه معك ندى فهمت:جا الوليد؟؟ غيداء بهمس:ايه ندى:أوكي أحاكيك بعدين ولاتنسين اللي وصيتك عليه .. مع السلامه غيداء:مع السلامه وسكرت وهي تتحاشى تناظر الوليد الوليد:بأبدل ونطلع جهزي نفسك غيداء(طالع عشان تقول كذا .. ياخي كان بدلت وطلعت):........ الوليد راح وغيداء تنهدت وهي تفكر في وصية ندى وحكيها يتردد براسها .. تذكرت شكل العنود وهي ترقص وتتمايل بفستانها الموف القصير الرايق والكل يناظرها بانبهار واعجاب حست بنفسها تغلي من القهر والغيره( لازم اسوي اللي قالته ندى لازم اخليه مايناظر غيري لازم انسيه العنود_تنهدت_تكذبين على نفسك ياغيداء مستحيل أوصل لنص جمالها وجذابيتها_عقدت حواجبها ومدت بوزها بعدم رضا_ليش السلبيه ياغيداء؟؟يمكن انتي أحلى في عينه الناس أذواق .. بس هو يحبها ومايحبني ومهما سويت حبه لها معميه بـ......) قطع عليها أفكارها الوليد وهو يطلع ويسكر الباب وراه .. ناظرته وتذكرت مخططاتها انصبغ وجهها باللون الأحمر وحست بمغص في بطنها الوليد ناظرها وأشر بايده:يلا غيداء وقفت ولفت لثمتها ومشت معه بدون صوت .. الوليد استغرب حالتها لكنه خمن انه من البوسه .. ركبوا السياره وقال الوليد:للمارينا اللي قدام بحيرة المرسى السايق:حاضر نتركهم إلى أن يوصلوا ونرجع للرياض الإستراحه مهند كان جالس طفشان عواد يرسل مسجات لرؤى ومو جوه والوليد مسافر وباقي الشباب يلعبون بلوت والباقي مشغول بأشغاله وماجا تأفف بصوت عالي:أووووووووف عواد رفع راسه وقال:أوووه مهند أنت هنا!! مهند ناظره وقال بسخريه:لاياشيخ بدري لي نص ساعه جاي عواد:ههههههههه تصدق ماحسيت فيك مهند:بعذرك نايم في العسل عواد:والله مالقاها الا الوليد هو اللي نايم في العسل صدق مهند ناظره:وجع اذكر الله عواد تنهد وقال بجديه:والله مسكين الوليد متعذب ماظن انه نايم بالعسل مهند عقد حواجبه:وش قصدك؟؟ عواد دخل جواله في جيبه:أنت ماشفت شكله في الزواج تقول في عزا مو في زواج مهند نزل راسه:صادق_رفع راسه_بس تصدق الوليد مزودها شوي خلاص مو يقول طلقها عواد:بس هو يحبها وهي اللي طلبت الطلاق بدون مبرر_قال باستهبال_ياخي شدراك عن الحب؟؟ مهند تغير لون وجهه مرت في باله صورة عبير وهي تسبح وملابسها لاصقه فيها حس بدقات قلبه تزيد وتنفسه يزيد وصدره بدا يرتفع وينزل بشكل ملحوظ وتوتر:......... عواد لاحظ توتره قرب منه وقال بجديه:هنود شفيك؟؟ مهند تلعثم من التوتر:هاه.....ما ما مافيني شـ..شي.....مافيني شي عواد ناظره بشك:أكيد!! مهند:ايه ايه أكيد مافيني شي أنت....أنت اللي شفيك؟؟ عواد:والله مادري عنك_بشك_لايكون تحب!! مهند خلل شعره بايده:هاه....أحب شهالخرابيط!! عواد ابتسم بخبث:هنود تكلم تحب!! مهند قام يدور بعيونه يتحاشى يحط عينه في عين عواد طق بلسانه وقال بطفش:دوت وشهالخرابيط اللي تقولها؟؟شكلك خرفت وقمت ترمي خيط وخيط عواد مسك دقن مهند وناظر في عيونه مباشره:عيني في عينك مهند ناظر عيون عواد وعلى طول حركها:........ عواد ابتسم:هاااااا كشفتك يلا تكلم تحب؟؟ مهند حس انه يحتاج يفضفض زفر وقال باستسلام:ايه عواد بحماس:مييين؟؟ مهند ناظر فوق وابتسم بحلم وقال برومانسيه:عبير عواد عقد حواجبه:عبير!!_نزل راسه وسكت شوي يفكر بعدها رفع راسه وشهق_أخت الوليد؟؟ مهند على وضعيته:إيه عواد انفجر

ضحك:ههههههههههههههههههههههههههه مهند ناظره بعصبيه:خير في شي يضحك؟؟ عواد بضحكه أشر عليه باصبعه:ههههه أنت هههههههه أنت تحب ههههههههههههه وأخت ولود هههههههه بعد مهند تنرفز:ليش ماعندي قلب؟؟_نزل راسه وقال بانكسار_والا مامليت عينك؟؟ عواد وقف عن الضحك وتذكر عقدة مهند ندم قد شعر راسه وحك راسه بحرج:آآآ...لاتفهمني غلط مهند ماسك نفسه لايبكي:....... عواد قام وقعد قدامه وحط ركبه قدام ركبة مهند اللي منزلها ورافع الثانيه:مهند تكفى لاتفهمني غلط_رفع راسه وانصدم من الدموع المجمعه في عينه_هنود من جدك!! مهند ابتسم بحزن:أنت ماغلطت أنت قلت رايك وبس عواد ماتوقع شخصيته مهزوزه لهدرجه:هنود أنا مو قصدي كذا أنا أقصد أنا أقصد_طق بلسانه_دوت وشلون أشرحها؟؟أنــ.... مهند قاطعه وهو يأشر بايده:لا مشكور أنا فاهمك زين معذور ووقف بيطلع عواد لحقه ومسك ايده:مهند تكفى لاتزعل أنا ماكنت أقصد كذا أنت فهمتني غلط أنا آسف مهند التفت وناظره:لا ياعواد أنت معذور لاتعتذر .. أنا فعلا مو مثلكم أنا مو كامل_نزلت دمعته_بس ماأقول الا الله يسامحه أبوي اللي كان السبب وطلع بسرعه عواد ركض وراه:مهند..مهند انتظر خلينا نتفاهم لكن مهند طنشه وكان أسرع ركب سيارته وحرك بسرعه عواد شات التراب برجله وقال بقهر:غبي دبي وبالتحديد في جلسات المارينا الخارجيه كان الوليد جالس مع غيداء يسولف ويحاول يأقلم نفسه مع غيداء اللي تسولف بحماس ومبسوطه غيداء:خالد مارضى وأنا أصلا كنت أبي اشتغل في مستشفى عشان أساعد الناس الوليد ابتسم باعجاب:ماشا الله ..كان فيه شلة بنات جالسين بجنبهم ولابسين جينزات وتيشيرتات طقم وواضح انهم خليجات من المكياج الكامل وملامحهم كانوا جالسين ويناظرون الوليد ويبتسمون ويحاولون يلفتون انتباهه بس الوليد موجوهم يسولف مع غيداء فجأه ضحك وكانت ضحكته عاليه وسمعوها وحده منهم اماراتيه طقت خدها:يينن(يجنن) قالت واحده سعوديه:هذا الوليد السجيدي ولد المليادير عبدالله السجيدي شفت خبر زواجه اليوم في الجريده الاماراتيه:واضح عليه العز السعوديه:شهر عسله في دبي غريبه .. زواجه كل السعوديه تتكلم عنه الاماراتيه وقفت:منو تيي معاي(من تجي معي) السعوديه:انهبلتي شوفي زوجته معه الاماراتيه طنشتها ومشت لهم وقالت بدلع:هاي الوليد ناظرها:وعليكم السلام البنت طاح وجهها لكنها ابتسمت:السلام الوليد:وعليكم السلام البنت(يجنن صوته)قالت بمياعه:معليش تعرف آ..... غيداء انقهرت من مياعتها قاطعتها:لا مانعرف شي قوم الوليد أنا جوعانه الوليد قدر شعورها وقف قال يقهر البنت:أوكي حبيبتي يلا غيداء ناظرت باحتقار البنت وابتسمت بانتصار ومشت معه البنت عضت شفتها بقهر ورجعت لشلتها الوليد وغيداء راحوا للمطعم داخل وأختاروا طاوله نفرين طلبوا عشاهم وساد صمت وكل واحد ينتظر الثاني يتكلم الوليد طفش من السكوت وقف وقال:أنا بأروح لدورة المياه وماراح أطول غيداء ابتسمت:........ الوليد بادلها الابتسامه وطلع لدورات المياه رفع جواله اتصل على عواد عواد كان واقف يناظر أنوار سيارة مهند الخلفيه وهو يلوم نفسه ليه ضحك رن جواله تنهد وطلع جواله وناظر الشاشه ولود يتصل بك ابتسم ورد وهو يمشي لداخل قال بمرح وصراخ:هلا ومسهلا هلا بالمعرس هلا باللي سرق قلوبنا وطار بها الوليد ابتسم:هلابك كيف حالك؟؟ عواد عرف من نبرة صوته انه متضايق لكن ماحب يزيدها عليه:الحال يسرك أنت كيفك؟؟وكيف دبي؟؟ الوليد تنهد:الحمدلله ماعليها كيف مهند؟؟ عواد بحزن:والل...._تذكر أن عبير أخته وسكت_ الوليد خاف:مهند شفيه؟؟ عواد:هاه_بمرح_يارجال مافيه شي هذا هو قدامي يناقز مثل الغزال<<افقششش الوليد بشك:أكيد!! عواد:ايه يارجال يعني وش بيجيه؟؟ الوليد:عطني أكلمه عواد:الظاهر اني عطيته عين راح للحمام الوليد:عوييد العب غيرها تكلم شفيه عواد بصرامه مصطنعه:أولا أنا رجال طول بعرض بشنبي ومتزوج وبكره بيجون عيال وتقول عويد مااسمح لك الوليد باستهزاء:ثانيا عواد:ثانيا تراك اشغلتني الشباب ينادوني مسوين مباراة والشوط الثاني بيبدا ألحين يلا سلام وسكر الوليد ناظر الشاشه حرم رؤى تم الفصل ابتسم بحزن(يازين حياة العزوبيه وناسه وفله .. أنا وش لي بالزواج؟؟ ليتي جالس عزوبي للحين كان ألحين قاعد ألعب كوره أبرك لي .. بس الله يسامحك ياالعنود فتحتي عيوني عالزواج ثم تركتيني وحيد .. انتي اللي كسرتي قاعدتي ثم تركتيني)مشى لغيداء وجلس وابتسم لها:تأخرت غيداء:والله شوي الوليد:ايه دق علي عواد<<كذب عشان ماتقول قايم يبي الفكه مني غيداء:زوج رؤى!! الوليد:ايه غيداء هزت راسها:امم جا العشا بعدها تعشوا بصمت وركبوا السياره بيرجعون .. في سياره غيداء كان قلبها يدق بقوووه من اللي بيصير الليله أما الوليد كان يقرا مجله سياسيه يحب يقرا عن السياسه بس ما يحب يكون داخلها .. وصلوا لبرج العرب ونزلوا .. دقايق وكانوا في سويتهم الملكي الوليد فصخ بلوزته ورماها على الكنب ورمى بنفسه على الكنب وشغل التلفزيون وبدا يقلب .. غيداء التفتت عليه وشهقت لما شافته جالس بالبلطون خصر واطي بدون بلوزه:.......... الوليد التفت لها وقال بخوف:شفيه؟؟ غيداء أشرت عليه باصبعها وقالت بارتباك:أنت ......ممم متى فصخت بببب بلوزتك؟؟ الوليد ضحك ورجع يناظر التلفزيون:............. غيداء انقهرت منه لأنه مايقدر شعورها وخجلها دخلت للغرفه وفصخت عبايتها ولبست قميص نوم موفاصخ مره كان جوبنيز وقصير لحد نص ساقها بس كانت فتحة صدره كبيره شوي ولونه سكري حطت لها روج ترابي وبلاشر ومسكرا وفكت شعرها المستشور ورتبته ورشت عطر جذاب الى ان خلصت نص العلبه ولبست صندل كعب صغيير وطلعت وعلى وجهها ابتسامه عريضه .. الوليد أول ماشاف شكلها الجذاب حس بدقات قلبه تسرع وتوتر مايبي يصير بينهم شي بس شكلها جذاب رجع بعيونه للبلازما وهو يقاوم يلتفت لها .. غيداء حست باحباط من صده لكنها مشت وجلست جنبه تناظر التلفزيون .. كان كل واحد يتحاشى يناظر الثاني غيداء خجلانه من صدره العاري والوليد مايبي يناظرها بعدها يندم ظلوا على هالحال ساعه .. غيداء نست نفسها وانسجمت

مع الفيلم والوليد بين كل لحظه يناظرها بطرف عينه وهو متوتر نفسه يلمسها أو يبوسها أو يضمها بس مايبي يندم .. غيداء بعفويه حطت رجل على رجل وبان فخذها الأبيض بدون قصد الوليد خلاااااص حس انه ضعف وارتبك من غير شعور وقف وطلع غيداء تحطمت ليش يصد عنها غطت وجهها وبدت تبكي بصوت عالي:ليش ياالوليد؟؟ليش تسوي فيني كذا؟؟أنا شسويت لك؟؟حرام عليك والله حرام حرام وبدت تنحب الوليد كان عند باب السويت وسمعها سند ظهره على الباب وغمض عيونه وعض على شفايفه وهو يسمع نحيبها(سامحيني ياغيداء .. سامحيني)نزل بجسمه وجلس على الأرض وضم رجليه لصدره واستقر على هالوضع مايبي يدخل عند غيداء مايطيقها ويعرف نفسه مايقدر يقاوم جذابيتها غلبه النوم ونام وظل على هالوضع ساعتين .. مر رجال وشافه قرب منه وهز كتفه:لوسمحت .. لوسمحت الوليد فتح عينه ورفع راسه وناظره بضعف:........... الرجال:ليش قاعد هني؟؟ الوليد زفر ووقف وقال بصوت حزيين:معليش الظاهر غلبني النوم ودخل السويت الرجل رفع أكتافه وكمل طريقه الوليد دخل وهو يحس بألم فضيييع في ظهره شاف غيداء نايمه على الكنب ودموعها ناشفه على خدها رحمها وتذكر ليلة أمس هو السبب في حزنها وعذابها شالها ومددها على السرير وغطاها وراح للجهه الثانيه من السرير ونااااام نرجع للسعوديه مهند وصل لبيته بعد مالفلف الرياض وهو متضايق يحس انه تحطم دخل البيت وهو مهموم وشايل الدنيا فوق راسه شاف أمه تدور في الصاله وهي منزله راسها والجوال بايدها وتخبط به بين ايدينها بقلق وخوف .. رفعت راسها وناظرته بعدها ركضت له ومسكت ايده وقالت بخوف ولهفه: [بعد الترجمه] أين كنت؟؟لما لم ترد على اتصالاتي؟؟اقلقتني عليك_بدت تتلمسه وتناظره_أنت بخير؟؟ مهند ناظرها ببروود:.......... أم مهند دمعت عيونها:مابك؟؟_مسكت أكتافه وهزته_رد علي مهند تأملها لفتره بعدها حضنها:........ أم مهند خافت ضمته وقالت بخوف:مهند تكلم مابك؟؟ مهند:ماما تحبين بابا؟؟ أم مهند انصدمت من السؤال:....... مهند عاد السؤال:تحبين بابا؟؟ أم مهند بعدت عنه بهدوء وجلست على الكنب وتذكرت أتعس أيام حياتها وقالت بهدوء واضحه فيه العبره:أبيك زوجي فوجب علي أن أحبه مهند جلس بجنبه:أنا أيضا أحبه لكن لما فعل بي هذا؟؟_أشر على نفسه وقال باندفاع_أنا ابنه لما فعل بي هذا؟؟ أم مهند نزلت دمعتها:أبيك لم يقصر معي بشي لكنه منعني من حقوقي كزوجه .. لم يحسنني يوما بأنوثتي .. كأن يعاملني كالرجل .. أمضيت معه سنين لم يفكر يوما أن يلمسني أو يتغزل بي .. كنت أرى صديقاتي يتراسلون مع أزواجهم كلمات الحب والغزل

وكنت شابه مراهقه في بداية عمري تحلم بزوج رومانسي كما اقرا في الروايات والقصص لكن أبيك لم يعرني أي اهتمام طلبت منه كثيرا أن يذهب الى طبيب نفسي كان يذهب ثم يتكاسل ويتركه ويعود على ماكان عليه كنت أخجل ان أطلب منه أنه # # # # وحتى لو تجرأت وطلبت يعتبر جرح لأنوثتي كان يتوب ثم يرجع على ماكان عليه_أشرت باصبعها النحيف_مره واحده فقط # # # حين طلب منه أخيه فأنجبتك حينها لم أعد اهتم فلقد ملئت حياتي فوقعت الطامه حين شاهدته في غرفتي معك بكيت كثيرا زوجي يرفضني ويذهب لابنه الصغير وبكره ابن العامين فوقعت في مشكله أكبر حين أصابتك رهاب اجتماعي من الجنس الذكوري فأصبحت تخالط الجنس الأنوثي فاكتسبت صفات الاناث وأصبحت وكأنك منهم لكن الأمر لم يتوقف الى هنا فحسب أصبح المجتمع ينادوك بألفاظ تخدش رجولتك فأصبحت تعتزل الناس وتكرهم طلبت من أبيك كثيرا أن يعالجك لكنه لم يعير الأمر أي اهتمام أصبحت لا أخرج ولااذهب لأحد بسبب مرضك الذي كان يزداد سوءا يوم بعد يوم بعدها توفي أبيك حينها لم أبكي ولم تدمع عيني عليه_التفت عليه وناظرت_حتى أنت لم تعر الأمر اهتمام وفي يوم خرجت أنا وأنت لنذهب للتسوق حين شاهدتنا جارتنا فقالت مستهزئه أخيرا خرجت البنت من قوقعتها وكانت تعنيك كنت كبير وفهمتها حينها هربت راكضا غير مبالي بندئاتي بعدها غبت فتره عشتها في خوف وقلق ذهبت لأعمامك لكنهم قالوا ماذا تريدين بها؟؟مؤكد انها انتحرت كانوا يتكلمون بصيغة المؤنث لم يحترموك حتى في غيابك_ابتسمت من بين دموعها_بعدها عدت لي رجلا بأفضل حال_ناظرت في عيونه مباشره وحركت راسها_أبيك لم يقصر علي بشئ لكنه جرح أعز ماأملك جرح أنوثتي بعدها غطت وجهها وبدت تنحب مهند رحمها وحقد على أبوه هو أكثر واحد يعرف وش معنى أنوثه ورجوله .. حضن أمه:أرجوك ماما يكفي أم مهند قالت بصوت مكتوم وهي على صدره:لما ذكرتني؟؟لما!! مهند:أسف .. ولكن يجب أن تعرفي اني أكثر واحد تأذى من بابا .. ماما أنت لاتعرفي كم أتعذب حين أتذكر تلك الليله المشؤومه أحزن كثيرا وألوم بابا .. أصبحت لاأثق بنفسي حتى بعد علاجي نومي لاأرتاح فيه بسبب الكوابيس_بعدها ومسح دموعها_أنا أسف أم مهند ابتسمت:لاعليك مهند بادلها الابتسامه:....... أم مهند:لم تقول لي أين كنت؟؟ مهند:كنت متضايق قليلا فأحببت أن اختلي بنفسي أم مهند ماحبت تضغط عليه:حسنا أذهب الى النوم فقد تأخر الوقت مهند باس راسها:تصبحين على خير أم مهند:وأنت من أهله مهند راح لغرفته ينام لما دخل غرفته فتح جواله المقفل وراح غسل وجهه وبدل ولبس بيجامته وتمدد على السرير .. رن جوال بصوت عواد(رد لأكفخك بسرعه الفاتوره) ضحك ورد:هلا عواد بقهر:تدري انك سخيف مهند:ههههههههههه عواد:تضحك على رداتك مهند يبي يقهره:هههههههههه عواد تطمن انه رضى:لابعد هالضحكه تطمنت يلا سلام وسكر مهند ضحك ونزل الجوال هو مازال شايل في قلبه ويحس انه تحطم بس قال مايسوى أزعله عشان سبب تافه .. فتح دولابه وطلع تي شيرته الغاليه على قلبه التي شيرت اللي كان لابسه لما حضنته عبير طفى الأنوار وتمدد على السرير وتغطى شمها بقوووه ومازالت فيها ريحة عطرها في التي شيرت تذكر لما ظمته كان أسعد لحظات حياته كان نفسه الزمن يتوقف على هاللحظه أهم شي تكون عبير في حضنه وعلى صدره ضم البلوزه لصدره وبدا كالعاده يفكر ويتخيل الى أن نام عند عواد أول ماسكر السماعه تمدد على السرير وشبك ايده ورا راسه وهو يفكر في مهند وحبه لعبير(طيب ليش مايخطبها؟؟حالته الماديه كويسه وماينقصه شي كافي انها أخت رؤى فديتها)ابتسم ورفع جواله صعبه يتصل عليها ألحين في هالوقت أرسل لها رساله ونام وهو يفكر في مهند صباح جديد وسعيد باذن الله على أبطالنا الرياض عاصمتنا الحبيبه وبالتحديد قصر السجيدي وبالتحديد أكثر جناح عبير وبالتحديد أكثر غرفة نومها وبالتحديد<<خلاص خلاص لاتدفون قامت من النوم وتروشت و.......الخ بعدها نزلت تفطر وحصلت أبوها جالس يفطر كالعاده قالت بمرحها المعتاد:أوووه روميو جالس بدون جوليت أكيد مزعلها

أبوالوليد:هههههههه ماعاش من يزعلها عبير باست راسه:صباااااااااحو أبوالوليد:اليوم مبسوطه وراضيه عبير جلست:سبحان كأني حاسه فيك ان ماما ساحبه عليك أبوالوليد ناظرها بشك:متأكده!! عبير:ههههههه مشكلتي مكشوفه .. طبعا لا أبوالوليد:ليش شعندك؟؟ عبير وهي تلعب بالشوكه في الصحن:والله شف أنا ماأحب أتكلم عن مشاويري الخاصه مع أحد بس عشانك والدي بأقول_شبكت اصابعها ببعض_أنا بصراحه قررت أدخل نادي كورة سله_هزت راسها وقالت تقلد الهنود_معلوم سله؟؟ أبوالوليد انفجر ضحك على حركتها:ههههههههههههههههههههه عبير ابتسمت:عجبتك؟؟ أبوالوليد:مررره عبير:أجل ماني عايدتها_طلعت لسانها ومدت له ايده_خخخخخخ أبوالوليد ضرب على ايدها وقال بحزم مطنع:بنت أنا أبوك مو واحد من الشباب عبير مدت بوزها وعقدت حواجبها وهي تحك مكان ضربته:آي تعور_خفضت صوتها_شرهتك على اللي يعرف شباب الوليد كاتم ضحكته:بنت عبير ضحكت ووقفت وراحت تركض:ههههههههه هالمره ماتقدر تمد ايدك هههههههه أبوالوليد:مردوده عبير مدت لسانها وأشرت باصابعها:بااااايو ولاتخاف جوليت تكشخ لك وبتنزل لاتبكي وراحت وهي تدندن أبوالوليد رفع حواجبه:هالبنت عجيبه ماتستحي ماكأني أبوها_ابتسم_الله يرزقها بمن يعرف قيمتها ورجع يكمل فطوره عبير لبست عبايتها ولفت لثمتها وشالت على كتفها شنطتها الرياضيه الطويله وركبت سيارتها:صباح الخير طاهر السايق السعودي ابتسم:صباح النور عبير:على النادي لوسمحت السايق:حاضر وحرك عبير طلعت المبرد تبرد أظافرها فجأه رن جوالها ناظر الشاشه توأم روحي يتصل بك ابتسمت وردت:هلا ومسهلا العنود ابتسمت نص ابتسامه:هلا بك عبير بالمصري:مالك ياختي صوتك مش عاقبنيش؟؟(عاجبني) العنود:والله مانمت عبير:آفا ليه؟؟سلامات!! العنود تنهدت:خليها على ربك بس .. انتي وينك؟؟ عبير:أنا باروح للنادي العنود:نادي!! عبير:صح أنا ماقلت لك أنا سجلتي في نادي كورة سله يمكن أطول العنود:هههههههههه ليه شفيه طولك؟؟حلو والله!! عبير:والله نفسي أطول زياده وأحس ان جسمي ترهل شوي من قلة الحركه العنود:أوكي وش اسم النادي؟؟ عبير:الله اكبر من كثرهم الأنديه نادي ****** العنود:هههه أوكي جايه عبير:انتظرك سلام وسكرت العنود حطت الجوال وراحت تبدل عشان تروح للنادي يمكن تتحسن نفسيتها نروح لدبي الوليد صحى من النوم وتروش وبدل ونزل يفطر باللوبي أحسن له غيداء حست فيه لما سكر الباب قامت وبدت تتذكر أحداث أمس وكيف كان الوليد عسل صحيح ماكان كأنه زوجها بس فيه تقدم ذكرت الليل واللي صار من بعدها بكت الى ان نامت ناظرت المكان على السرير حمر وجهها أكيد شالني قامت تروشت ولبست بيجاما وبدت تسوي لها فطور ماتدري ليه متفائله في اليوم خلصت من تجهيز الفطور جلست في الصالون وشغلت التلفزيون وبدت تفطر تحت الوليد كان يفطر وجاه أسامه:السلام عليكم طال عمرك الوليد رفع راسه وابتسم ووقف وسلم عليه:هلا أسامه كيف الحال؟؟ أسامه ابتسم:الحمدلله الوليد أشر بايده:تفضل أسامه:زاد فضلك بس حبت أسلم عليك الوليد:لا والله تجلس(أنا ما صدقت تجي تبغى تروح) أسامه جلس:مادامك حلفت الوليد:شتشرب؟؟ أسامه:على راحتك ماتفرق معي الوليد طلب اثنين قهوه ساده والتفت عليه عليه:حياالله أسامه أسامه:الله يحيك الوليد:كيفك وكيف العمل؟؟ أسامه:الحمدلله ماشين الوليد:مافيه مشروع زواج قريب؟؟ أسامه:ههههههههه تزوجت وتبي الناس يتزوجون الوليد:هههه والله اريح تستقر(كثر منها تستقر) أسامه:والله تبغى الصراحه أنا فكرت بس للحين الوليد ابتسم بخبث:في بالك وحده أسامه يحب الوليد اللي يعامله مثل أخوه ماكأنه موظف عنده:والله نفسي أخذ من العايله عشان أكون عارف تربيتها وأخلاقها الوليد:صحيح بس أنت ماتضمن التوفيق يعني لوصار بينك وبينها مشاكل ماراح تكونون الوحيدين في حل مشاكلكم بتكون كل الأسره معكم وهذا مو حلو .. نفسك الواحد يحل مشاكله هو وزوجته لوحدهم هذا غير لو ماصار فيه نصيب والخلافات اللي بتنشب بين الأقارب .. غير انك بتصير تعاملها كأخت أو كبنت أبوها أو أمها يقربون لك ويعزون عليك وراح تتغاضى عن أشياء كثيره بسبب القرابه .. فأنا أفضل عدم الزواج من الأقارب أسامه:والله كلامك مقنع الوليد:ادري ماجبت جديد

أسامه:ههههههه واثق كأنك عواد الوليد:هههههه والله اشتقت له الدب أسامه:والله ماشا الله قعدت معه مره في ملكتك الأولى تشقق بطني من الضحك ماخلى أحد في حاله الوليد:حبيب ورجال كفو أسامه:ايه والله أناأشهد_وقف_يلا مانبغى نعطلك أنت معرس و مو جونا الوليد وقف:ههههه لا بدري يارجا ماجلسنا معك أسامه:مره ثانيه ان شا الله الوليد:أنت في دبي على طول؟؟ أسامه:لا هالشهر وراجع ان شا الله الوليد:أوكي ألحين تعرف السكن حقي مالك عذر أسامه وهو يدور في جيوب جاكيته الرسمي:لا اذا على كذا لازم تعرف عنواني أنا بعد_مد له كرته_هذا عنواني في دبي والرياض وأرقامي الوليد مد له كرته:أوكي وهذا كرتي أسامه دخل الكرت في جيبه وابتسم:أوكي أجل بينا اتصال يلا سلام الوليد:وعليكم السلام راح أسامه وتنهد الوليد دفع الحساب وطلع للسويت فتح الباب ودخل انصدم لما شافها جالسه في الصالون قدام البلازما توقعها نايمه وماصحت .. غيداء ناظرته ببرود ورجعت تناظر التلفزيون .. الوليد انصدم من نظرة البرود العاده ترتبك وتصيبها نفضه راح لها وجلس بجنبها:صباح الخير غيداء ببرود وعيونها عالبلازما:صباح النور الوليد:أفطرتي؟؟ غيداء على نفس الوضعيه:الحمدلله الوليد:أفا من دوني غيداء:توقعت بتفطر لوحدك كالعاده وشددت عليها الوليد فهم دقتها تنهد وقال:غيداء الى متى على هالوضع؟؟ غيداء ناظرته وهي مقرره تطنشها مثل مايطنشها:أي وضع!! الوليد مسح على وجهه:غيداء لاتستهبلين وضعنا معجبك!! غيداء تنرفزت منه يحط اللوم عليها وهو المسؤول وخاصه أن غيداء من النوع اللي يتنرفز بسررعه وعلى أتفه شي وتعصب<<وهذا طبع مو جين ابد صح ياساره!! .. نرجع للروايه غيداء بعصبيه:أنت اللي معجبك وضعي عروس في أول ليليتين من زوجها تنام وهي تبكي بسبب صد زوجها ترضاها على أختك؟؟ترضاها على عبير والا رؤى هاه!! الوليد لف جسمه بأكمله لها وقال باندفاع:أنا وضحت لك وفهمتك وطلبت منك تساعديني وانتي وافقتي غيداء ارتبكت من قربه بس مابان عليها وقفت وقالت بعصبيه:بس ماصارت ياوليد والله ماصارت هذي مو حياة تنغاني أساعدك وانت ترفضني ياخي عاملني على الأقل مثل أختك الوليد ماسمع ولاكلمه من بعد ماقالت (وليد) كذا العنود كانت تناديه حس بالعبره تخنقه وسرح في العنود شتسوي ألحين؟؟فرحانه والا زعلانه!!جوعانه والا شبعانه!!نايمه والا صاحيه!!:......... غيداء تنرفزت من سكوتها صرخت:رد الوليد تأملها فتره بعدها قال بهدوووء:أنا ماأحب اللي يناديني وليد أنا اسمي اسمي الوليد غيداء تنرفزت قال من بين اسنانها:احر ماعندي ابرد ماعندك الوليد أشر بايده:اجلسي طيب ليه واقفه؟؟ غيداء ناظرت فوق:ياربي بيجنني الوليد عرف نفطة ضعفها تتنرفز بسرعه مد ايده ومسك ايدها وجلسها وقربها لصدره وقال بصوت راااااايق:أنا ماأحب أشوفك وانتي معصبه أعصب مثلك غيداء حست دقات قلبها طبول وبطنها يمغص وانشل لسانها وجسمها عن الحركه:........ الوليد سند ظهره واسندها على صدره وقرب وجهها من وجهه وناظر في عيونها مباشره وابتسم:غدو أنتي زوجتي حبيبتي كيف تبغيني أعاملك مثل أختي؟؟أنا ماابي شي منك بس حاولي تستحمليني غيداء زاد تنفسها وانتفضت أطرافها بسبب قربه:........... الوليد:غيداء انتي تحبيني؟؟ غيداء ناظرته بعيون دامعه وهمست:أحبك!!معقوله ماحسيت!!أنا ماأحبك أنا أمووت فيك_هزت راسها بأسف_بس وش فايدة حبي مادام من طرف واحد!! الوليد ارتبك من نظرتها وهمسها وماكان متوقعها بتعترف له بمثل هالاعتراف:طيب ان كنتي تحبيني جد تحمليني واوفي بوعدك تساعديني غيداء نزلت دموعها وهمست:صعب .. صعب كيف تبغاني أتحمل صدك؟؟ الوليد كسرت خاطره يرحمها ويحسها مظلومه حط راسها على كتفه:آسف غيداء غمضت عينها ونزلت دموعها وبللت قميصه تحبه وهذي مشكلتها:....... الوليد مسح على شعرها:لازم تحطين في بالك انك زوجتي وحبيتي وبسسس_رفع راسها وحط ايديه على وجهها_أوكي!! غيداء ابتسمت:أوكي الوليد:يلا بدلي عشان نطلع لمكان عندي لك مفاجأه غيداء وقفت:ثواني الوليد وقف معها:أوكي وأنا بأروح أجهز المفاجأه وطلع وغيداء راحت تجهز نفسها نرجع للسعوديه نادي الأمير سلمان :والله أسوي والله أسوي والله أسوي العنود ناظرتها من خلف نظارتها القوتشي:عبور أنا مابي عبير:وش عذرك هالمره أول قلتي تعبانه بعدها قلتي زواج الوليد وبيجي زواج رؤى ألحين أحسن وقت تدرين ألحين لك_أشرت بايدها_اسبوعين طالعه من المستشفى تفهمين شمعنى اسبوعين خلاص مصختيها العنود خنقتها العبره من طاري الوليد بلعت ريقها وقالت باستسلام:براحتك عبير عرفت انها تضايقت من طاري الوليد بس قالت أحسن لازم تتعود قالت باستهبال:كللللللللللللللللللللللوش مابغيتي الكل التفت عليها وابتسمت باحراج وقالت من بين أسنانها بصوت واطي:وافشلتااااااه العنود:ههههههههههه عبير قالت بصوت واطي تكلم نفسها:يبغالي أروح للسوق وأتقضى أغراض_بدت تعد باصابعها_أبغى أول شي الدي جي بأنزله آآآ_حطت ايدها تحت دقنها تفكر_وين أحسن مكان أسوي فيه الحفله العنود:هههههههههه حطيه في الحديقه الخلفيه جهة المسبح وشغلي أنوار المسبح والأنوار اللي عند النخل الأمريكي الصغير بس بيطلع خياااااال عبير ناظرتها وايدها على دقنها:والدي جي؟؟ العنود:نزليه أو سلكي له من غرفتك عبير:لا مايمدي الحفله بكره العنود بصدمه:بكره!! عبير:ايه أجل متى؟؟ العنود:مايمديك عبير:الا من ألحين بأجهز بأدخل موسوعة جينس في أسرع حفله العنود:البنات مشغولين عبير:يفضون وهم مايناظرون الطريق_طلعت الجوال واتصلت على السواق_يلا طاهر انتظرك عند البوابه السايق:حاضر عبير سكرت ومشت للبوابه:أوصلك العنود مشت معها وطلعت جوالها:لا باتصل بالسواق عبير سحبت الجوال وسكرته:أها بس امشي العنود:هههههه شرايك أروح معك أجل؟؟ عبير تمشي وتلبس عبايتها:فكرت فيها والله بس قلت ماينفع لأن الحفله عشانك لبسوا عباياتهم وطلعوا يتمخطرون والعيون كلها عليهم مع ان عباياتهم ماكانت مطرزه كانت اسود في اسود ووسيعه شوي وعيونهم مافيها أي زينه بس رزتهم وسيارتهم البورش اللؤلوئي تلفت ركبوا السياره وحركوا العنود:لازم أمر السوق عشان أشتري لي ملابس جديده ملابسي كلها قديمه عبير:نرميك في السوق العنود متعوده عليها:اوكي نزلني للمملكه وصلوا للمملكه وتزلت العنود بعد مااتصلت على السواق يجي ويجيب الشغاله لأنها ناويه تشيل السوق كله مستشفى ال...........

عيادة الطب النفسي طلع مهند من العياده متضايق الدكتور يطلب منه المستحيل(يقول خلك واثق من نفسك هو ماحس ولاجرب اللي جربته كان عرف شمعنى عذاااااااب)شغل سيارته وتوجه للمسجد لأن مابقى شي على اذان العصر بعد الصلاة طلع من المسجد وهو يستغفر ويسبح ركب سيارته وطلع جواله واتصل على الوليد مشتااااااااق له حييييييل ثواني ووصلها صوت الوليد الخشن اللي كانوا في اليخت:هلا ومسهلا حيا الله هنود مهند ابتسم ابتسامه عريضه ونفسه يدخل السماعه ويحضنه قال:هلا بك كيف الحال؟؟ الوليد ناظر غيداء المبتسمه وابتسم:بأحسن حال أنت كيفك؟؟ مهند:والله مشتاقين الوليد:هههههههه خلكم تعرفون قيمتي مهند:وش دعوه ولود!!عارفينها من زمااان الوليد:أنا بأرجع بعد اسبوعين مهند بصدمه:أفا ليه!! الوليد:عشان عويد وزواجه الله يقلقه راااافض يأجله مهند:أها الوليد:كيف السعوديه؟؟ مهند:والله مظلمه من دونك الوليد حس بشوق مهند له:والله حتى أنا مشتاق لكم وللسعوديه مهند:يلا أجل ماطول عليك ترجع بالسلامه ان شا الله الوليد:مع السلامه مهند:مع السلامه سكر السماعه وحرك للشركه وهو يفكر وباله مشغول عند الوليد سكر السماعه وهو متضايق نفسه الزمن يرجع لورا عشان مايتزوج غيداء غيداء قالت مبتسمه:ماشا الله هذا مهند الوليد ناظرها وابتسم مجامله:ايه هذا ولدي غيداء ضحكت:ههههههه لاتكبر نفسك الوليد:والله أحسه ولدي أحس انه مهم وان كل شي يسويه في وجهي يمكن عشانه أول ماجاني كان مثل الطفل وأنا اللي كونته وعلمته وتقدرين تقولين 80% ربيته غيداء تبغى تجذبه بأي طريقه:كيف؟؟ الوليد سولف عادي مثل مايسولف مع صاحبه:مهند كان عنده رهاب اجتماعي بسبب حادث أيام الطفوله ورمى بنفسه قدام سيارتي وبعدها ضيفته في بيتي ووديته لدكتور نفسي غيداء:اممم الوليد ابتسم وناظر البحر من ورا نظارته الشمسيه من جورج ارماني:شرايك في المفاجأه؟؟ غيداء ناظرت البحر وضيقت عيونها وعقدت حواجبها لأنها ماكانت لابسه نظاره:خيال مرره حتى الجو حلو والبحر يجنن الوليد:تعرفين تسبحين؟؟ غيداء تذكرت أيام طفولتها وبلعت ريقها:لا ولاأبي أعرف الوليد فصخ نظارته وعقد حواجبه:ليه؟؟ غيداء وقفت وراحت لطرف اليخت وعطته ظهرها عشان مايشوف دموعها:.......... الوليد استغرب منها وقف وراها وقال:غيداء شفيك؟؟ غيداء(ليه ياالوليد؟؟ليه ذكرتني)حاولت تكون ثابته:مافيني شي بس يمكن دوار بحر الوليد لفها له وقال:يألمك شي؟؟حاسه بألم؟؟ غيداء ناظرت عيونه تدور اللهفه والحب والحنان بس للأسف ماشافت الا الخوف:....... الوليد ارتبك من نظرتها يحسها تعاتبته بهالنظره قال يصرف:غيداء فيك شي؟؟ غيداء نزلت عيونها وزفرت:لاتخاف مافيني شي ومشت الوليد طنشها ومشى معها:...... جلست غيداء وجلس الوليد جنبها وساد هدوووء وصمت وكل واحد سرحان بأفكاره يفكر في العنود .. وغيداء تذكرت أيام طفولتها وتعاستها العشا رجعت العنود للبيت وبايدها أكياسها ووراها الشغاله شايله الأكياس دخلت غرفتها ورمت الأكياس على السرير قفلت الباب ومشت لدولابها بترتبه من أول وجديد فتحت دولابها وطلعت كل ملابسها وأغراضها طاحت عينها على صندوق أسود مخمل ابتسمت بحزن وفتحته طلعت الكروت اللي فيه كروت زواجها من الوليد لما كان جايبها عشان تختار اللي يعجبها تذكرت ((العنود واقفه بمجلس الرجاجيل بفستانها الذهبي الحريري القصير لحد ركبتها وساااااده ومخصر على جسمها وفتحة الصدر مربعه وعلى صدرها من اليمين ورده كبيره مثل البروش خضرا وأكمامها جوبنيز منتفخه شوي وممسوكه أطرافها على صندل أخضر واكسسوار أخضر وتاركه شعرها الطويل لأخر خصرها على طبيعته الكيرلي ورابطته بشريطه خضرا من قدام مع مكياج نااااااعم ركضت للباب أول مارن الجرس وفتحته دخل الوليد وأكياسه في ايده مبتسم:سلاااااام العنود انمغص بطنها وزاد تنفسها وقالت بصوت وااااطي:وعليكم السلام الوليد ناظرها من فوق لتحت باعجاب قرب منها وباسها على خدها وقال:وش هالحلا؟؟ العنود حمر وجهها شالت الأكياس من ايدها بسرعه ودخلت تركض:......... الوليد ضحك عليها ودخل وراها:ههههههههه العنود حطت الأكياس وأشرت بايدها:تفضل الوليد جلس:زاد فضلك جلست العنود بجنبه بس بينهم مسافه:......... الوليد التفت عليها وابتسم:كيفك؟؟ العنود رفعت راسها وناظرته وابتسمت بارتباك وهي تردد في نفسها(عادي عادي عادي):الحمدلله أنت كيفك؟؟ الوليد برومانسيه:أنا من يوم ماشفتك وأنا بخير العنود:تسلم_قامت وقدمت له العصير_تفضل أنا ماجبت قهوه لأني عارفتك حتى لوشارب في البيت بتشرب هنا الوليد خذ كاس العصير:هههههه مدمن قهوه العنود جلست مكانها:كثرتها تضر الوليد:ماعلينا_قرب منها وابتسم_كل هالزين لي!! العنود بجرأه استغربتها:اذا ماتزينت لزوجي لمين اتزين؟؟ الوليد حط الكاس وسوى نفسه بيغمى عليه:ارحميني يابنت فهد العنود:ههههه الوليد:فديت هالضحكه وصاحبتها العنود:تسلم الوليد شرب من العصير:أوووه سكره زايد_ناظرها_كم مره قلت لك لاتحطين اصبعك في أي شي يزيد حلاه العنود ضحكت من الخجل:ههههه الوليد مد لها الصندوق:تفضلي ياقلبي واختاري اللي يعجبك فتح صحن ورق العنب وبدا ياكل العنود خذت الصندوق وفكرت فتره بعدها أشرت بواحد:كلهم حلوات بس أنا ماأحب الزبرقه الكثيره هذا أحلى الوليد خذ الكرت:مررره حلو بس شرايك في هذا أفخم شوي العنود:أنا أصلا كنت محتاره بين هذا وهذا بس يلا اختار اللي يعجبك الوليد:لا لازم تختارين بس أنا أقول هذا شكله غريب شوي العنود:اممم صح خلاص هذا الوليد مد لها قطعة ورق عنب بايده:افتحي فمك العنود حمر وجهها بعد فتره فتحت فمها وأكلته وهي بتموت مكانها من