مليون بيت شعر••√

اللله لو تدري عن الشوق يا فلان
‏ تحلف ان الصبر اقوى صفاتي.

من ابداعات عابرة سبيل رحمها الله:


من يوم ما لوّحت لي كف يمناك
لليوم دمعي بالخفا ما حبسته
ومن يوم ماذوقتني حر فرقاك
والياس زرعه في حياتي غرسته
شريت لي ثوبٍ علشان لقياك
والثوب راحت موضته ما لبسته
وشريت عطرٍ ما زهاني بلياك
أربع سنين بعلبته ما لمسته

ما لك على باب الهوى اليوم مرسال
‏حنيت وضلوع الغرام مغلوبه

‏وجهك مثل شمس الضحى وانت تختال
‏و دمعك مثل دم الشفق في غروبه

‏ما قلت لك قلبك صخر جلدك رمال
‏اسرفت في وصلك ولا عنك توبه

‏وان شفت دمعه اغرقت عين رجال
‏تأكد انك كنت اكبر ذنوبه ..

سُولف كثر ماودك تسولف
والله إنك المرحبا في كل ساعه

من لا يحس بقيمتك وأنت موجود
ماهو بناشد عنك لو صرت غايب

امسح نعاس الصبح عن وجنة الشمس
وأغسل بـ نور الكـون عينك و تــصحى

شرفة مدارك بوح / ما تقبل اللـــمس
والا انت صوره بـ السما صعب تُـمحى

بعض الشجر لو يبطي الغيم ما أسقاه
‏يموت راس الغصن ... والجذع نابت

‏مثل الكفوو ... صلف الزمن لو تحداه
‏تشوف حاله شين ... والطيب ثابت !

فيني عتاب الأمس ومصافح اليوم
ويحدني عن طاري الشوق طاري






جنون

واذا هاضت قرايحنا خذينا منها المعقول
‏تشرق بي عن العالم وانا اعاند واغربها

‏يا جمال الصمت في عــز الكلام
‏ويا جمال الكلمة اللي في الصميم
‏ٰ
‏إن لـزمـت الصـمـت ما تلقـى ملام
‏وإن حكيت المختصر وضعك سليم