ماقلتلك ؟!

ماقلتلك

ماقلتلك ؟!

ماقلتلك ؟!

وحدك غديت النور .. والباقي ظلام
وان السهر لابانت خيوط الفجر .. يبدا ينام
يتركني بروحي اطير من حنيني / لك حمام
وأحمله شوق وسلام ..

وماقلتلك !!
انت الوحيد اللي اشوفه ذنب
مهما ارتكبته / مااحس انه حراام !

/

وماقلتلك

ان الحنين رماح .. وان الغياب أحباب !
وإن الشعر مفتاح .. وإن القلوب .. أبواب !

وإن الهنى ماله على قلبي دروووب !
وان الحزن فيني بنى / بلدان وهمومي [شعوب ]

وإن الشعر مالي غنى عنه .. وعنه ماأتوب ..
وإن الحنين اللي بنا .. أطهر مساحات الذنوب ..

وإن الشعر ../ مثل الحزن قسمة ونصيب !
وإن المنافي ..مع مرور الوقت تصبح ديرة أولاد الغريب !

وإن الصبر .. مهما يواصلنا يجي يوم [ ويغيب ] !

يمكن لأنه مثلنا !
والا الصبر مل الصبر ..
مدري ولكن قلتلك ..
ماقلتلك !

أشيائي الحلوه قليل !
وإنك أحد أشيائي الحلوه القليل !
معاك احس إني سهر ليله طوويل
ألقابه لحزني .. خليل !
وأحس في صبري حطب .. وأيام غيباتك فتيل !
ماادري متى يجتاحني هذا الملل ؟!
وأحرق من سنين الصبر !

وماقلتلك !!

لو جيتني مره مطر
تلقاني بدو تنتظر
يستبشرون ان جت مقاديمك تغني عن حضورك يمهم !

من طهرهم ..

البرق في تعريفهم يعني الحياة ..
والغيم صوته أغنيات
من غبت عنهم عايشين بهمهم
تفرقوا .. وصاروا شتات
وانت الوحيد اللي تجي وتلمهم !

وماقلتلك !

أشياء (3) باقيه ماقلتلك ..
إنك مثل حزني .. قدر
وإنك مثل ليلي سهر
وإنك عمر ..
والعمر مره بالعمر !
والعمر مره بالعمر !!

المصدر: منتديات تراتيل شاعر - من قسم: ديوآن آلقصيد ▪●

---

lhrgjg; ?!

انتقاء مميز
يعطيك العافية على جمال طرحك
لك الجوري ..

تسلم يمناتس
الإبداع ليس بغريب عليك
دمت لنا ودام لنا قلمك الراقي

عافااك الله على الطرح الرااااائع والجميل











اعتدنا منك المميز والإبداع دائماً ونتطلع لجديدك

نقل مميز وجهد مبدع وعطاء مستمر
سلمت يمينك على ما بذلت كل الشكر لك

سلمت الايادي على الانتقاء الموفق


ذائقة رائعة و مميزة



تحياتي

كل الشكــر لك ولروعــة طرحـك وآختيارك
دآم تميــــزك ...

وإن الصبر .. مهما يواصلنا يجي يوم [ ويغيب ] !


،،
،


شكرا لك

كلمات رائعه
صح لسان الشاعر وسلمت يمين الناقل
اشكرك على حسن ماقدمت لنا في المنتدى
والله يعطيك العافيه على اختيارك
كنت هنا
غزلان

قصيدة رائعة وجميلة
سلمت الانامل على الاختيار
بنتظار ذائقتك الشعرية الراقية
ودي ووردي