04-15-2014, 01:53 AM
|
|
|
|
|
|
سِؤال(ن) . .
وش اخبارك سِؤال(ن) ينتظر من يوم ذاك اليوم
شفاهي تلمسه وتصبّر عيوني ولا ردّيت
يقولون العرب من فارق احبابه جزاه النوم
وانا اقول العرب ماجربّوا لامن علّي ابطيت
فديت الضحكه اللّي كنّها في شفّة المفطوم
فديت الشفّه اللّي من ينع عنّابها غنيّت
على مارحت كل عهودنا في سرّها المختوم
لك اللّه ماتغيّر صاحبك مير الوله له بيت
لك الله ماتحرّى الا انت واطلال وسما ونجوم
غريب ولا بقى ذكرى تحب الا لها مرّيت
اجيك بكل ماجاب الوفا والقلب لك معصوم
واشوفك من بعيد ولا غفت عيني عنك فزّيت
سلام الله على نجل العيون وسهمها المسموم
سلام الله على ذرب الهروج ودهشة التوقيت
سلام الله على زين الطبوع وطبعها المعدوم
سلام الله على كل الحلا اللي منه مابقّيت
سلام الله على العقد الفريد ودرٍّه المنظوم
سلام الله على من علّم انفاسي على التنهيت
سلام الله على عطر النفل والورد واليشموم
سلام الله على لاما دعيتك وانت لي لبّيت
سلام الله على رمز العفاف الطاهر المحشوم
سلام الله على اللي ماتحرّا العذر لاما اخطيت
*
sAchg(k) >
|
تعليمات المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
كود HTML معطلة
|
|
|
الساعة الآن 04:28 AM
|
عضويتي 
العرض الشجري