هذه
قصيدة ارسلها لي احد الاصدقاء ولا اعلم من الذي قال هذه القصيدة اقرؤوها
فقد اسرتني لعذب كلماتها وسلاسة معانيها فمن يعرف قائلها يقول اسمه
كما اتمنى ان ارى افضل بيت في القصيدة عند كل عضو
(الالف)
ألفت المثايل وبديت
ذكر الله اللي محصي الحي والميت
المعتلي علام ماكان كنيت
في ضامري وأدعاني اليوم عمسان
((الباء))
بثني للنبي والصحابة
حقِِ عليــينا ذكرهم ينثنا به
ولا مقصدي من مابدعته طرابه
يعلم بي اللي عالمِِ كل مـــــاكان
((التاء))
ترى مايبدع القاف مرتاح
ولا يضحك المفجوع حلو التمزاح
ولو يبدعه كنه طعامِِ بلا املاح
ماله طعم يأثر على الحال نقصان
((الثاء))
ثمان اسنين والقلب مفجوع
لا طايعِِ غيري ولا نيب مطيوع
أسهر إلا ان الفجر بان بطلوع
متكدرِ جفني عن النوم سهران
(الجيم)
جار الوقت والوقت مذموم
ولا صفالي بالهنا منه لو يوم
جار الزمان وبدل القوم في قوم
ولا يذكر إلا اللي من المال مليان
(الحاء)
حرار القــوم ضاعت مع الناس
الوقت عاداهم وداس الذي داس
وطاوع كثير المال لو هو من الانجاس
وعصا بعض ياناس ذربين الايمان
((الخاء))
خوي الطِيب ماظن تلقاه
اللي ليا حدك عنا الوقت تنصاه
اقفا زمان الطيب وين انت وياه
فقير ماعندك رصيدِِ وعمران
((الداء))
دوابي من عنا الوقت دالوب
كن الغضا في ماسط القلب مشبوب
عفت الطعام وعفت انا كل مشروب
من ذا الزمان اللي جازاني بنكران
((الذا))
ذهب هالوقت ماهوب صافي
ناسِِ يغرونك بزين اللصافي
إليا بحثته بان ماكان خافي
حديد ماله مع هل الجود ميزان
((الراء))
رفيع النفس بالدِين محمود
لو هو فقير يدرك الجود ويجود
ولو تطلبه شيئ ولا هوب موجود
في منزله يوقف مواقيف ديقان
((الزاء))
زرعت الطيب والله شاهد
ووالله ماقصرت في حق واحد
انا احسب الزرع يثمر لحاصد
واثريه صبخا من زرع فيه خسران
((السين))
سل عن صاحبك قبل الاسفار
قبل تغرب من مرابعك لديار
كانه عنيد ودايم الدوم عسار
خله ترى مايبصر النور عميان
((الشين))
شاب الراس والسن توه
من ذا الزمان اللي فلابه مروه
يالله راع الطيب يالله قوه
على زمانِِ شيب اليوم شبان
((الصاد))
صابر والصبر درب الافراج
وارجي الذي منه المخاليق ترتاج
انه يفرج لي مع الضيق مخراج
واجازي الطيب على الطيب بإحسان
((الضاد))
ضحك الوقت لا تنخدع به
لو هو حلا نومك وزادك وشربه
الله من تاجر زمانك غدر به
خلاه عقب المال مايملك غران
((الطاء))
طبيب النفس غاية مناها
ولا تسمع اللي عن طريقة نهاها
كم نفس ماتت ماوصلت مبتغاها
انشد وتلقا اللي نظمناه وكدان
((الظا))
ظهر خافي ضميري وسجلت
قافي وانا مبطي عن القاف ماقلت
ولا نيب خايف بالتماثيل ماعلت
والحق يظهر له شهود وبرهان
((العين))
عن من يتنقل الهرج دوم حذراك
تراك ماتكسب ورى شيلة املاك
كم من هروجِِ قطه الهرج بشراك
واسبابها من قولة فلان وفلان
((الغين))
غني النفس ياطيب فاله
يقال له نعمين يالاجاء مجاله
وإلا ردي النفس راعي نذاله
لانافع نفسه ولا هوب ربحان
((الفاء))
فعول الطيب ترفع جلالك
ليا صرت طيب كل شخص يعنالك
ولمت في وسط المجالس عيالك
لوهم صغارِِ مايشفون حقران
((القاف))
فّلت حيلتي واجتهادي
في ذا الزمان اللي به الٍطيب غادي
عندك خبر ماكل علمِِ وكادي
بالناس صدقان وبالناس كذبان
((الكاف))
كم من طاح بالحبس مظلوم
وهو سليم الجوف لا شك مهموم
ماقدر المولى على النفس مقسوم
ولا لك على ماقدر الله عصيان
((اللآم))
لاتبدي على الناس خافيك
ماكل من يضحك بوجهك يدانيك
كم من صديقِِ تحسب انه مصافيك
وهو خسيس بالمواجيب خوان
((الميم))
مالك عن نصيبك مفراّْ
ان كنت في جوِِّ وبحراََ وبرّا
ماقدر المولى عليك استقراّ
اللي خلق من طينة القاع انسان
((النون))
نوح الطير لا تحسب انه
غنا طرب ياالقرم من زود فنه
يمكن معاسير الليالي وطنه
ماكل طير يزعج الصوت طربان
(
(الهاء))
هني الي تمسك بدينه
قبل العمر بالغي تمضي سنينه
نفسه لصومه ولصلاته فطينه
هذاك له في جنة الخلد مسكان
((الواو))
ودي مير متهو بكيفي
ان العرب تمشي بقلبِِ نظيفي
غنيهم يلطف بحال الضعيفي
حتى اتساوي الناس في كل الاوطان
((الياء))
ياعل الله يقبل دعائي
حيثه عليم بسيئاتي وحسناتي
الخاتمة صلوا كثير الصلاتي
على نبي خامِِ كل الاديان
12-11-2015, 10:41 PM
عضويتي 
قصيدة روعة
العرض الشجري
