هي بنا نرجع ألى الوراء قليلا ( العوده للمدارس )

موضوعك كتيير حلوو عزيزتي
ياستي فيقتي حنيني لشلة الدراسة وطفولتنا سواا
رغم ان اول سنتين ابتدائي كانو مثل الكابوس بالنسبة الي
كنت مشااغبة وشاايفة حالي كتير لدرجة التمرد والعناد
وابتليت بمدرس عجوز كرهان الحياة هههههه وكل ما يفوت للحصة
وربي يشهد بيطلب منا نكتب التاريخ عالسبورة
وفورا بيحط راسو عالمكتب وبيروح في ساابع نومة بيشخر
تكررت القصة انا ما تقبلت الوضع طلبت من رفقاتي نروح نخبر اهلنا
خافوو ورفضو ... وفي اللحظة اللي هو حط راسو وناام قمنا تسللنا
انا وصبية وولد نحنا الثلاثة لعند مدرس اللغة الفرنسية
وخبرناه يجي يشوف هالمنظر بعينو ... المهم انو القصة تطورت
بحيث المدرس اللي استنجدنا فيه قام قالو والله عيب عليك
راح تضيع للاولاد مستقبلهم اتقي ربك
ومن يومهاا سووود عيشتي طبعا بعد ماعرف اني خبرت عنوو
هههههههه وجكاارة فيه صررت كثرر شغب خاصة بالفترة اللي ينام فيهااا
وهو مااقصرر معي كان كل هموو يكسر عيني او يخليني اهرب من المدرسة
بس مرت السنة علي بصعووبة وفي الاخير عطاناا علامات زيروووووووووووو للجميع
يعني الكل راااسب ههههههههه بس بجد كانت اول مرة بحياتي اعرف معنى الاحساس بالكره
والمقت تجاه شخص معين ولما انطرد من مجال التعليم فرحت من قلبي
بس ضليت لسنوات الابتداائي كلها فاقدة الثقة بشيء اسمو مدرس او تعليم بشكل عام
وهاد أثر على علاماتي كنت بجيب درجة تانية او ثالتة عالاغلب .
بس الشغب والشقاوة والتمرد ضلو حتى وانا طالبة ....
والحلو بهالمرحلة انو تصيري تحسي حالك كبرتي مسؤوولة عن نفسك
وعن اختياراتك ......
وطبعا بنرجع نقوول كمان انو المقالب والقصص بهالمرحلة ما بتخلص
ياااااااااااااااريت ترجع هدييك الاياام ياااريت ..


غاليتي موضووعك شيق
وبيسعدني كون من المشاركين