أنت ما مثلك بتصويب العيون

لتلك , أنت , العيون , بتصويب

أنت ما مثلك بتصويب العيون

يا حبيبي حاسدي لا تسمعه
أحذر الحساد فينا يفرحون
دع غرير الحب والجاهل دعه
لا تكلم عند ناسٍ يجهلون
في وجودك كانت الدنيا سعه
وفي غيابك موحشه مثل السجون
كل سيلٍ يجتمع في منقعه
لو تغيب شهور يرجعن الظعون
يوم شفتك عقب غيبه مفجعه
كنت أشوفك وأعتبر شوفي ضنون
أرتبشت وعشت أنا في معمعه
ودي أثبت لكن أعصابي تخون
كن دق القلب .. دق المطبعه
في يدين اللي عليها يطبعون
طير عقلي طار يمك وأتبعه
يا وديع العقل في عقلي تمون
ينحشر بالعين دمعي وأمنعه
لو بكيت اعداي فيني يشمتون
ينتهي عزمي بدربك وأدفعه
وأتصور تالي القصه يهون
لو تفرق هاجس الحب أجمعه
أنت عندك تلتقي كل الشجون
لو يشوفك (......) في صومعه
صاح لك مذهول يالزين الفتون
سيد العشاق عندك مصرعه
راح قلبه قطعتين من الطعون
من نظرته في عيونك توجعه
أنت ما مثلك بتصويب العيون
واهني بالناس من تمشي معه
رابحٍ وأهل الجواهر يربحون
إعترافي باليمين موقعه
أشهد إن العشق للعاشق جنون
لو أحب من الغنادري أربعه
لا .. وربي مثل حبك ما يكون
ملطووش

المصدر: منتديات تراتيل شاعر - من قسم: ديوآن آلقصيد ▪●

---

Hkj lh leg; fjw,df hgud,k gjg; Hkj hgud,k fjw,df