شرهة محِب

لحضة , شرهة

شرهة محِب

من عادتي.. مااعطي على بعض السّوالف بال
ولا اتحسّس من هروج الخلق، لا قِيلت

لاشك (بعض علوم خلق الله) تثير جدال
وتحِيل ما بين الهجوس الشّرد لا حِيلت

والسّالفه طالت واثاري الحال كيف الحال
يا شِين حاجه من يدين الناس لا نِيلت

جلست اصِيح الصّوت واشِيل الحزن موّال
قصِيدةٍ يا ليتها (في عِكل) ما شِيلت

لكني ادرك للغلا (يا دِيرتي) منزال
مشاعري بالقلب (مهما كان) ما زِيلت

لو ان بعض الناس مثل الرّيح اصِير جبال
ولا اتأثّر .! لو طعون الصّدر بي غِيلت

أنا اتعلّم من تجارب وقتي اللي طال
إلا القويّه (ضربتين الرّاس) ما خِيلت

لعلّها درسٍ.. يوعّيني.. على الغربال
واعِيد اكِيل اللي على المِيزان ماكِيلت

معاد هِي باسرار دام الحظ عنها مال
ولاهِيب دمعة عين كان بحِينها سِيلت

لكنها (شرهة محِب) وسقتها لرجال
واللي يقدّرها؛ عليه (السّالفه) مِيلت

المصدر: منتديات تراتيل شاعر - من قسم: ديوآن آلقصيد ▪●

---

avim lpAf gpqm avim