مساحة رأي ..(1)

مساحة , رمي

مساحة رأي ..(1)

هــو و. هــي .. و المنازل الورقية ..





..

في عجلة من امرها ارتدت عبائتها وتناولت حقيبة يدها تضع بها ماتستطيع من
زينتها التي لم يمهلها وقتها من وضع القليل ..
فـ منذُ استيقظت وهي
تعد الفطور و تجهز اطفالها للمدرسه ..

وتبخر ثوب وشماغ محمد ..




- ياااه يامحمد
مدري شفيه قاعد لي على الوحده ماني عارفه كيف
ارضيه ..
طلباته صايره تعجيزيه ولو شو ماسويت مايبين بعينه ..
الله يعين ويزينها ..




جمعت اغراضها بسرعه ..
و خرجت بعد ان القت نظره سريعة على الغرف وباقي مرفقات شقتها الصغيره ..
وتأكدت من نظافتها و ترتيبها ..

وخرجة لتجد محمد يستقبلها ..
بعبوس في السيارة .

مُبادراً :

- بدري ليش مستعجله كان جلستي شوي ..
طبعاً مو على كفالتك انا ماوري شيء

هــي :
- محشوم يامحمد
الله يهديك بس والله يادوب شيكت على كل شيء ولبست وجيت بعدين ترى بدري ماتاخرنا للحين باقي 40 دقيقه على الدوام
انت بس لو تبطل هالنفسية مو احسن ..

هــو :
- انا لو مرتاح وربي رازقني بإنسانه تقدرني و تقدر تضحياتي لها ..
كان ارتاحت نفسيتي لكن مشكلتي محد مقدرني

هــي :
- يامحمد والله مقدره وشاكره لك مراعاتك ظروف عملي وصبرك عليها ..
بس انا كمان ماقصرت اساعدك بالي اقدر عليه وياما وقفت معك

لكن فكرة اني اخذ قرض ثاني والله صعبه ..
انا اعد الايام عشان اخلص قرض السيارة الاول احس اني اشتغل ببلاش وكل شهر البنك قاص نصف الراتب ..

اللحين تبيني اخذ قرض ثاني عشان تساعد اخوك بزواجه معليش اسمح لي والله لو اقدر ما قول لا بس تعبت..

هــو :
- انا اللي تعبت و الشرهه علي اللي خليتك تشتغلين من البدايه ..
ماتسوى علي هالسياره من يوم شريتها وانتي تمنينها على
واليوم لو اقدر اخذ قرض واساعد اخوي ما طلبتك ..

(لكن توني من ست شهور اخذ قرض لسفرتنا ..)

مايعطوني اللحين
وانتي لان الموضوع يخص اهلي تبين تطلعين صغير قدامهم

لكن
تدرين حطيها في بالك انا بصبر على وظيفتك ذي لين تسددين البنك و بعدها خلاص انسي موضوع الوظيفه ..
اجلسي بالبيت قابلي عيالك و بيتك ..
انا ماني مجبور اصبر اكثر ..

هــي :
- لا تكفى يامحمد لا توصلها للدرجه ذي لك شهر لا ليلنا ليل ولا نهارنا نهار عشان هذا الموضوع
وانت تدري ان راتبي كله للبيت والعيال غير اقساط السياره

هــو :
- خلاص ارتاحي انا اقوم بالبيت ومصاريفه انتي لا تشيلين هم
ياتاخذين قرض جديد وتكونين الانسانه اللي تستاهل مني التقدير
يا تجلسين بالبيت وبلاش وظايف ..

أنتهى ...



..
المتاجرة بالمشاعر ..
لغة المادة ..
تبادل المصالح ..


وغيرها الكثير ادت الى نسيج مجتمعي .. " هش "
ومنازل ورقية مبنية على اساس خذ وهات ..


لكم التعليق احبتي ..

المصدر: منتديات تراتيل شاعر - من قسم: ملتقى آلفكر

---

lshpm vHd >>(1)