وانكسر غصن الاغاني فوق فرع الياسمينه

الاغاني , الياسمينه , عَن , فرع , فوق , وانكسر

وانكسر غصن الاغاني فوق فرع الياسمينه

ارتفع كف الموادع يطوي الشوق بيمينه
يدفن الفرحه بحسره بين احضان الهموم
وانزوت دمعات عيني بين اهدابي سجينه
وانخنق صوت الاماني بين عتمات الغيوم
كنت ابصرخ لاتفارق لا تخليني حزينه
وانحرق صوتي بقلبي وقلبي ابطبعه كتوم
وانكسر غصن الاغاني فوق فرع الياسمينه
وانتثر عطر التلاقي بين ارياح السموم
واشهقت فيني شجوني وصحت يامر الغبينه
ليه وقتي صار ضدي وعكس تياري اعوم
كانت احلامي قصيده تبدع الشوق وتزينه
وكانت احروفي قلايد تعتلي صدر النجوم
لا يغرك زود صمتي روحي ابصمتي طعينه
والجمود الي احتواني مثل ظلي لي يدوم
كنت اخاف اليوم هذا واحسب احسابه وشينه
لحظة الفرقا تعادل في حياتي الف يووم
كنت اكابر ثم اكابر وانكر الهم وسنينه
واعترف لك في وداعك مابقى فيني عزوم
ياشقى عيني بعيني كل اشواقي رهينه
ويا عذابي كل مابي يشتكي جور الظلوم
زال طيفك عن عيوني يتبعه قلب وحنينه
والجسد باقي وصامد والحزن فوقه يحوم


لـ شاعرتها / دموع الورد

المصدر: منتديات تراتيل شاعر - من قسم: ديوآن آلقصيد ▪●

---

,hk;sv ywk hghyhkd t,r tvu hgdhsldki hgdhsldki uQk tvu t,r