(المثلوثه)

المثلوثه

(المثلوثه)

السلام عليكم ورحمة الله وبركاته

المثلوثه ..هي عبارة عن باديه مكونه من ثلاث طبقات
طبقة جريش وطبقه قرصان وطبقة أرز
راح نشرح كل طبقه كيف راح نسويها

مقادير الجريش..
كأسين حب جريش ونص لتر لبن مطلعينه من الليل برة عشان ترتفع الحموضه فيه
ماجي وملعقة صغيرة كمون وبصل مفروم ناعم
مقادير القرصان..
بطاطس مكعبات وجزر مكعبات كوسا ..خضار مشكله
طماطم مكعبات وبصل مفروم
ليمون اسود وماجي وصلصه وفلفل اسود وقرصان

دجاجه مقطعه نصين

الطريقه:-
أول شئ نعمل الجريش

نجيب القدر ونحط شويه زيت وبعدين البصل ونحمسه على نار خفيفه لأنه مانبغى البصل يتغير لونه بس يلين ونضيف الماجي والكمون
بعدين نضيف اللبن ونظل نحرك عشان ما يفصل اللبن معانا ونظل نحرك حتى يصل لمرحلة الغليان نضيف الجريش المغسول ونظل نحرك حتى يثقل المزيج..
يعني تصيرين تشوفين حبات الجريش تبان من فوق هنا خففي النار مره هادئه
وأتركيه يطبخ لمده ثلاث الى اربع ساعات وبعد مرور الوقت فكي الغطاء وأظربي الجريش بمضرب خشب وخليه على جنب.
ثانيا القرصان

الحين نعمل المرق حق القرصان
احمسي البصل مع الماجي والبهارات الي عندك تستخدمينها للمرق
وبعدين أضيفي الدجاج والماء وأتركيه يغلي الى ان تستوي الدجاجه بعدين أرفعي الدجاجه وحطيه على جنب
الحين المرق الي صار عندنا نقسمه نصين كل واحد بقدر
قدر راح نضيف له الخضرة الي عندنا المقطعه والصلصه والطماط ونخليه يطبخ الى ان تستوي الخضرة
والقدر الثاني نضيف له الارز ونسوي الارز

نراعي طبعا كميه الماء لأننا راح نظيف زياده ماء ونضيف شوية ملح بعد ما يستوي المرق
نجيب القرصان ونحطه بقدر كبير عشان نقدر نقلبه ونحط له المرق فوقه بدون الخضرة ونخليه فترة عشان يتشرب المرق الي فيه..
الحين نسوي حشو بصل عادي ومكسرات محموسه نأخذ نص من الحشو ونضيفه للقرصان
نحمر الدجاجه بالفرن بعد مانمسحها بخليط مكون من زيت وشويه كركم وفلفل اسود وملح وصلصه

الحين جينا لطريقة التقديم..
أول شئ نحط طبقة الجريش

ثاني شئ نحط القرصان الي رشيناه بالمرق وشويه من حشوا البصل ونحط الخضرة الي كانت بالقدر

الحين نحط الارز

وبعدين فوقها لدجاج ونحط الحشو البصل والمكسرات ونزينه
ادري الخطوات كثيرة بس ترى يستاهل التعب..
.

.

بالعافيه عليكم

المصدر: منتديات تراتيل شاعر - من قسم: مطبخڪَ ▪●

---

(hgleg,ei) hgleg,ei