أنت شعري والقصايد وأنت عزفي والفنون

شعري , عزفي , وأنت , والفنون , والقصايد

أنت شعري والقصايد وأنت عزفي والفنون

( النص )



جيت تسأل ياحبيبي بذمتك منهو تكون ...؟!!!
وقمت أضحك من سؤالك مبتسم يومك لفيت


قلت أسمع ياوليفي خابرك شخصٍ تمون
أنت فرحي .. وأنت حزني .. وانت دمعي لابكيت..


وأنت في جمله قصيره رمش عيني والعيون
وأنت في كل الدقايق فكري لامني سهيت


وإنت شعري والقصايد ... وأنت عزفي والفنون...
وانت حظي وأمنياتي يومي أتمنى وجيت


وأنت لي نظرة و بسمه .... بإنطواءات الجفون ..
وإنت لي خدٍ تطوى بإبتساماته حييت...


وأنت جوّي لا أستوى الي بالسحايب والمزون
وأنت قطرة فوق صدري منها مره ما رتويت


خذني الطفل المدلّع وسط حضنك يالحنون
وأخذك دربٍ طويل ماأتعبه مهما مشيت


من غرامك ياغرامي أصل لحد الجنون
وأنت تسأل ببراءه مادريت إلا دريت


تدري إني في غيابك أفقد أعصابي وأكون
من غيابك ياأميري قد تكلمت وشكيت....


دمعتي سالت عشانك كني باأوساط السجون
ناحلٍ جسمي بحبك فوق هذا ما أكتفيت


لو يهون الكل عندي إنت شخصك ما يهون
لانك أغلا ماملكته في حياتي واحتويت


ياسبب دائي /ودوايه /ياعلاجي /والطعون
ياسبب سبة طعوني بعلاجاتك شفيت


البشر عندي ظلامٍ وأنت عندي نور الكون
والبعض عندي صباحٍ وأنت ليلٍ به سريت


إنت عندي نبع صافي وغيرك نبوعه بدون
وأنت عندي حكي شيخٍ مانطق كلمة ياليت


كل هذا ياحبيبي وجاي تسأل من تكون....؟!!
أنت فرحي.. وانت حزني ..وأنت دمعي لابكيت..




لكل من عطر متصفحي بانفاسه

المصدر: منتديات تراتيل شاعر - من قسم: ديوآن آلقصيد ▪●

---

Hkj auvd ,hgrwhd] ,Hkj u.td ,hgtk,k u.td ,Hkj ,hgtk,k