08-06-2022, 09:59 AM
|
|
|
|
|
|
الخوي
لاجتك زلة من رفيق توده
رفيقك اللي ماتعدد مزاياه
رفيقك اللي تقصده وقت شده
وتنحل لامن شفت طلة محياه
بينك وبينه خوة مستجده
متجول في قلبك أدناه وأقصاه
حبل الوصل بينك وبينه يمده
يمك يسوقه قلب وتشيله خطاه
نفسه يطمنها ولو فيه حده
لجل الرفيق يكب شي تمناه
مايتركك في سهلة مجرهده
طيب وهذا طيب ساس ومجناه
صقر ينومس بالقنص من يهده
وافي شبور وطيبات نواياه
احذر خطاه لغير نفسك تعده
وأحذر يجي غيره ويجلس بمركاه
ادمح له الزلة وحذرا تضده
ودور على عذر يعذره وتلقاه
لاتشيل نفسك والجبل لاتهده
وأحذر تكون اللي نقل داه برداه
باب الجفا لافك عجل بسده
وابليس لا أبلس بالقطاعه تحداه
أوصل رفيقك عاتبه في موده
وبين له اللي حس بك من خطاياه
وأحذر مجالس راكبين الأشده
أشدة الغيبة رجال المحاباه
أهل النكد وأهل الوجيه المصده
قوم على نقل السوالف مضراه
رجالهم دايم معشي ببده
عزاه ياللي غير الدرب عزاه
ماينفعه طيب مسويه جده
لاصار خايب مايسوي سواياه
والقاف الأول يارفيقي نرده
رفيقك الطيب من الصعب تجفاه
لاجتك زله من رفيق توده
أحذر تنكر له وبالشر تجزاه
وصلاة ربي عد منهو يوده
على النبي اللي على الدين نقفاه
hgo,d
|
|
4 أعضاء قالوا شكراً لـ صاحبة السمو على المشاركة المفيدة:
|
|
تعليمات المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
كود HTML معطلة
|
|
|
المواضيع المتشابهه
|
| الموضوع |
كاتب الموضوع |
المنتدى |
مشاركات |
آخر مشاركة |
|
صور الخوخ
|
رحيل المشاعر |
ضوء الصور Pictures ▪● |
17 |
12-05-2020 04:09 PM |
|
الخوخ~
|
فاتن |
آلطِبُ وَ الصحْه ▪● |
25 |
11-10-2015 02:35 PM |
الساعة الآن 10:27 PM
|
عضويتي 
اكسو 
العرض الشجري