قصة الطاووس المغرور

المغرور , الطاووس

قصة الطاووس المغرور

الطاووس كان على طول متكبر مع كل الحيوانات حتى مع الطواطيس إخوته وهما كانو حلوين زيه بس كانوا متواضعين.
وكان الطاووس يشوف البطة السودة ويفضل يضحك عليها عشان هي معندهاش ريش ملون زيه فكانت تزعل وكان دايما يشوف أن كل الحيوانات وحشه وهو الاحلى على الإطلاق.
وفيوم كان ماشي بين الحدائق شاف بطة تعبانة وكان قاعد يضحك عليها عشان هي تعبانة وكمان شكلها وحش
وريشها بيقع بس البطة سابته و مهتمتش بكلامه.
لكن الغريب أن الطاووس يمرض بنفس المرض ويفضل فالبيت عيان وريشه كله يقع وكان حزين ومقهور على ريشه الجميل.
ولما الحيوانات عرفت راحو زاروه وجابوله ذرة وقمح وكانوا بيتعاملوا معاه كويس.
وكمان كانوا مهتمين أنهم يظهروا متسامحين معاه جدًا بسبب مرضه عشان ميحسش بحرج من سقوط ريشه الملون.
ولكن حس الطاووس بالخجل من أفعاله البشعة مع الطيور وفي المقابل أنهم كانوا مؤدبين معاه جدًا وكانو بيهتموا بيه.
ولكن مع الأسف كان المرض صعب ومكنش فيه أى علاج يقدر ياخده عشان يشفيه.
فضل الطاووس مريض شهور لحد ما اخيرًا لقى العلاج وخف وريشه بدأ يطلع من تانى واتعلم الطاووس أن الغرور صفة بشعة.
ومن هنا بدأوا يخرجو مع الطاووس وهو كان يشاركهم الأكل ويساعدهم كمان لأنه اتعلم الدرس وفهمه كويس.

المصدر: منتديات تراتيل شاعر - من قسم: قصص - روآيات - حكايات ▪●

---

rwm hg'h,,s hglyv,v