انا ادري اني فقدتك قبل تفقدني

ادري , تفقدني , فقدتك

انا ادري اني فقدتك قبل تفقدني

يا مرحبا و مسهلا مليون وش حالك
وانا ادري اني فقدتك قبل تفقدني

حرمتني من غلاك وفية ظلالك
وانا لك افرش عيوني يوم تقصدني

مدام روحي تـحبك وش بعد ذلك
الله على قلبك الـجامح يساعدني

قلبي يـحبك مـحبه ما وصفها لك
غلاك فايق وصوف الحكي واجهدني

شبعت من صدك الـمعتاد واهـمالك
والقلب بــ يديك كنه يقول جوّدني

وقفت بيـن الغياب وبيـن ترحالك
مرّن احسك معي وامرار تجحدني

كذبك إلى قلت ما مريت فـي بالك
يا شيـن حالك على ذكراي ينشدني

تدري وش اللي ذبحني ضحك عذالك
وتدري وش اللي لعب بي مفارقن يدني

قهويتني حبك وصبّيت فنجالك
وشحّيت بـ الوصل وانا اقولك زدني

لا حس لاصوت غبت وغاب مرسالك
ادوّر القرب منك وانت تبعدني

وجهك شبيه الحيا لامطل على جالك
ونظرة عيونك من الدنيا اتجردني

اغليك وابغيك لكن ماهوب بشلالك
تخلف وعود الهوى دامك مواعدني

عطشت الوصل حتى جيت لك هالك
اسقي المعاليق من حبك وعاهدني

قل والله اني ماعاد اغيب واصفا لك
واقول والله ماعاد اقفي وتفقدني

المصدر: منتديات تراتيل شاعر - من قسم: ديوآن آلقصيد ▪●

---

hkh h]vd hkd tr]j; rfg jtr]kd jtr]kd